通達食店

营业中

休息中

初中時代經常都來拜訪通達食店,當時只有花園街店,油麻地店都只要經營了好幾年,今次棄吃花園街店,到了油麻地店吃最愛的魚肉Order了一個魚肉湯撘燒買一串,魚肉粒比以前的size細很多,以前一大大粒cube狀的魚肉,現在反面看似魚肉碎不過好味依然,魚肉非常彈牙,配以胡椒湯底非常惹味!!不過我仍覺得花園街店的比較好吃

年廿八行街shopping...行行下肚餓就黎左通達食野la....之前係花園街個間通達食野留下一個好差的印象....因為好污糟,今次比多次機會佢去油麻地店再試下....油麻地店比旺角店更方便...係正地鐵站口....而且鋪頭比較光猛又無咁多人...唔洗坐到好迫,今次叫左餃子,出名的油渣麵,同燒賣1. 炸餃子,絕對係我食過最難食的餃子!!! 皮硬,炸得乾,最錯最錯係佢個韮菜,不單止無味而且d韮菜係老晒,已經係墨綠色!! 雖然好大隻但真係難食...!!仲要$10 得五隻....!!2. 油渣麵油渣麵唔錯,好多配料,油炸又無油益味,而且又夠多菜圃同火腿,味精又唔係好重,好味.!!3. 燒賣好難食到好味的燒賣,所以依間d 燒賣都係麻麻,太硬而且無味...!! 依間小食店o既小食都叫貴....$19碗油炸麵我又覺得唔太值,食碗雲吞麵好過.....而且個餃子都係扣晒印象分....!!所以都係只此一次....

某日,與老公仔到旺角買相機袋因我家沒飯開,老公仔陪我到通逹吃過下午茶才回家通逹小吃,我和老公仔都談論了不下數次,每次都緣慳一面今次終於決定一試究竟來到時是六時許,很多人在門口點食物我和老公仔就決定入鋪內吃過夠點了腸粉,$8四條,頗經濟腸粉硬度適中,加上甜醬花生醬,很不錯呀!老公仔亦一口氣點了煎釀六寶,計有炸魚蛋,炸魚餅,矮瓜,紅腸,腸仔和豆腐磚不建議點炸魚餅和腸仔,有點揾笨魚餅完全吃不到有"魚"的感覺,像吃炸麵粉般腸仔亦只是普通的一條腸,在家都可以吃到不過其他幾樣著實不錯尤其是豆腐磚和矮瓜,很有水準每件售$2,算很經濟的小吃罷直得一提是豆漿,很鮮甜呀吃了這麼多熱氣小食,喝一杯凍豆漿,確是絕配

陪伴太座作例行檢查。攪了兩個多小時，剩下的時間不多，失了預算，午飯只能匆匆在這裡攪定。一向不太習慣以腸粉燒賣作主食的我，自然覺得是苦差事，但對愛吃"口立濕"的太太來說，卻是甘之如飴的....一坐低，太座馬上先來一份煎釀四寶。這種以熱氣行先而且通常佈滿油溢味的小吃，一直不是小弟所好，故此只試了一口炸荳腐，其餘的茄子、雲吞及魚蛋，就留給太座品嘗吧。豆腐入口皮還仍脆，而且油溢味不是很重。醮多一點豉油及甜醬去吃，味道比想像的好....來這類小吃店，不叫碟腸粉試試，怎算來過 ? 看見那腸粉油光滿面的，麻醬及豉油又多至水浸的，便知是不會太難吃了。腸粉本身不是很滑，但勝在夠熱，而且多醬又的確可以加多點分數....不大吃前述兩前，唯有order碗油渣魚肉麵來充飢。魚肉舖滿一整碗，份量嚇人，可惜吃得一口是"粉"，正式是"魚無魚味"，大而無當也；油渣是全然沒有炸透的，邊位全無脆香之感，完全是將一條肥羔放入口，可怕；湯底鹹得要命，喝多兩口，真的恐怕身體會出現問題呢。其他配料有火腿片、冬菜粒、辣菜甫及冬菇，陣容雖甚鼎盛，但一吃入口，特別是那些冬菇，竟是差不多好像沒有浸軟的，硬崩崩令人感到難受，登時便要吐出來了

My favourite joint for quick noodles, and fried treasures, the noodles here are always good.This time tried the fake sharks fin soup, the soup colour was dark caramel containing glass noodles, sliced mushrooms and meat.My friend got this bowl of pork in soup, basically fat pork belly, which stunk like hell!Don't know what is the specialty for this dish!!

秋風起天氣開始轉涼，我都會鍾意食糯米飯。不知道原來想食碗簡單的糯米飯原來都好難啊！！點解呢？其實普遍都比較少食肆去做，當然要做得好可能會更少。好懷念兒時隔水蒸熟的糯米飯，飯面加入微甜醬油、虾米碎、脆花生、蔥粒。就是這樣的簡單已經好好食，當時只賣$1.5、$2都已經食到飽飽喇哈！哈！當然是好多年前啦今是又想食，於是就去了通達，糯米飯+皮蛋瘦肉粥$25糯米飯真是幾失望，原因是最簡單的糯米都蒸得不好，太硬了就算其他配料幾好都沒有用。至於瘦肉粥就當然非常普通，絕對不要有要求，粥底稀不夠綿，味偏淡。

本身打算落左堂去添好運食點心, 又熱又焗行到去, 佢竟然休息一天, 人又餓, 又熱, 諗都唔諗番轉頭食通達。陳某次次經過都話呢間好好食, 估唔到會係咁無心插柳情況下食到, 叫左腸粉,碗仔翅, 辣魚蛋, 燒賣, 生菜魚肉, 豆漿腸粉好滑好好味, 豉油居功不少, 碗仔翅足料, 粉絲肉絲成碗都係, 味道夠濃, 碗野唔會太杰/稀, 好食, 魚蛋真係10個正, 我唔食得辣都係咁食,仲叫左2碟黎食, 其實唔係真係好辣, 但D汁真係好惹味好香口, 燒賣點左腸粉果D汁食又係好食, 魚肉係一粒粒CUBE咁, 足料到食唔哂, 生菜都好多, O岩哂我呢D鍾意食菜既人,豆漿普通啦, 唔好過甜我已經覺得OK, 雖然間鋪唔太靚, 但坐落覺得幾舒服, 冷氣又夠, 最緊要係D野好食, 絕對值得食多幾次。

以前喺附近番中學，有時都會黎呢度食晏。以前呢度只有栥飯、碗仔翅、魚肉等，而家就加了車仔麵。都係叫番以前最常食嘅碗仔翅撈麵走辣 ($19)。雖然近一點到達，但人唔算多，好快就送上食物。份量都算ok。麵為上海粗麵，無甚彈力，較軟身，不過質地算幾滑。麵條唔算太多，而且好多都好短。個碗仔翅已進化，不是兒時的味道，不過就一直保留咗佢原有嘅味道，真係十年如一日。料有火腿、冬菇、肉絲同少到差點見唔到的粉絲。整體味道偏咸，加上d配料 (火腿 & 冬菜)又好咸。幸好食後無口渴。仲要加咗成大pat炸蒜，而d炸蒜仲要黐埋一齊，口感同味道都不太好。

從酒店出來後，已經晚上7點多了，在油麻地不曉得去哪兒食飯，走到地鐵站發現此家店，就和朋友來試試味道。點了在台灣就期待已久的「鮮蝦雲吞麵」還有「咖哩魚蛋」，魚蛋先送來了，辣的不錯、QQ的。麵的雲吞好大一顆，料也不錯吃，只不過湯頭太鹹了，和朋友們都受不了。店裡的筷子是像台灣在吃泡麵的衛生筷，讓我驚訝了。但還是很期待再嘗試其他的食物。

今天跟男友到通達試試它的車仔面一入到鋪面聞到一陣陣消毒水味=.= 鋪面空間尚算足夠食物價錢如下面$14 有油面,米線,米粉,河粉,,,,好像還有的,,忘了食送有 3 個價錢 ,,$4 , $5 和 $6逐樣食送計.. 湯有咖哩 , 沙爹和牛腩選擇我點了咖哩魚蛋 $4, 牛柏葉 $ 5 和豬紅 $4 要河粉咖哩汁男友點了羅白 $4, 豬皮 $4 要油面沙爹汁魚蛋普普通通沒什麼特別,, 咖哩汁不算太辣,,豬紅的閹制味個人蠻喜歡的牛柏葉大小適中..配咖哩汁蠻開胃河粉口感不錯.. 配咖哩汁十分適合..整體來說是另外男友那碗.. 羅白太硬.. 他說有點苦的感覺我想是未熟吧.. 我也覺得太硬了..加上那鋪頭提供的筷子實在十分垃圾=.=根本不能插進羅白裡面去=.= 豬皮我覺得很重豬皮水味..個人不喜歡價錢方面我覺得以車仔面來說有點貴但以地點來說還算尚可

幾年前響呢區工作, 經常都會唻呢度食野, 或者買外賣返公司食, 而家偶然經過呢一區, 都一定會返唻一下.今日只係叫左個碗仔翅同埋辣魚蛋.辣魚蛋還可以, 只係唔係太夠辣, 但係魚蛋仍然係獨有ge彈牙, 有咬口可惜係個碗仔翅, 竟然有種淡戊戊ge感覺.... 唉, 有D失望tim!

十一點幾去幫友人拎部電話去check，要等一個鐘尼一個鐘，行街又未開晒鋪 = 無野睇無野行，都係去搵食好過因我未食早餐，但又唔想食麵包，又唔想食麵，行行下行到通達，就入去食碗翅！兩溝（魚肉翅）- 未食睇落好似幾足料，唔太杰，都係有木耳絲，肉絲&粒粒魚肉，無冬菇絲，肉絲好粗，有D un，我尼碗粒粒魚肉有好多，但無魚肉味，係咪我攪得多尼，我食到底變左水都幾大碗的（$16）本想再食其他野，但約左友人食lunch，所以無食食完都口乾！

次次要到旺角就0係地鐵站出口見到呢間通達，今晚九點幾終於都試到了﹗叫了一個金牌碗仔翅兩溝，再加多條餈飯﹗工友就叫左個車仔淨餸來食﹗餈飯是微暖的，入面都係有肉鬆、炸菜、油條等材料，飯底夠實夠粘，煙韌好食﹗再試佢話呢度最出名的碗仔翅兩溝，魚肉是一粒粒的比較特別，不過我就鍾意平日吃到的一條條個口感會更佳，而家不太食得出魚肉的味道，因俾0的翅味搶哂﹗翅底質感很不錯，不像有時街邊吃到的杰撻撻，入口味道濃郁有肉香，細看材料確有不少肉絲，有幾啖食食下仲有一兩粒細細的肉骨粒，應該是淆湯底的湯渣呢﹗工友一個人食到大大碗淨餸，仲要一條不剩，我估味道都相當不錯，下次等我都試下先﹗未到九點半就話要收鋪趕人走，真係唔憂做，咁靚既鋪位咁早收工係咪浪費左少少呢？

同友人一人一串辣魚蛋辣魚蛋 - 辣中帶甜六蚊一串魚蛋，鐘意既佢既辣汁姐個汁為魚蛋添多一份色彩！

今次一人去了油麻地, 做完工作後去附近吃了碗車仔麵.揀了豬紅, 鮮冬菇和牛栢葉米線, 湯底要牛腩汁.鮮冬菇和牛栢葉都淡茂茂, 牛腩汁湯底亦然.反而豬紅十分入味, 米線也煙煙韌韌.加了$4要了杯凍豆漿, 清涼不過甜.