通達食店

营业中

休息中

這間在油麻地地鐵A出口的車仔麵舖，午市經過總見很多顧客，今次第一次品嚐$25油渣麵加$5涷豆漿。碗面舖滿很多又辣又脆口菜圃，有五件油渣都被麵湯浸諗，但味道不錯，還有切薄的菇片，白雪雪的相信是上海粗炒麵。$5涷豆漿價錢相宜，而且有豆味！

係旺角街頭，每間小食店都係堆滿人買野，場面十分混亂，死迫爛迫先入到店入面，唔好講話排隊啦，有位即刻要坐，慢啲都會比人霸。店內阿姐態度十分惡，呢啲都應該係小食店嘅文化黎。比錢買野食，根住就可以埋位食，係食緊嘅期間，起碼有十幾人企你隔離等位，食慢啲都會比人黑面架。韮菜豬紅大腸，豬紅好入味，軟硬適中唔錯吃。韮菜好老多泎。至於大腸，仲有好多肥膏係入面，而且有怪味，好懷疑自己食緊乜。碗仔翅，十分咸！肉絲又硬又鞋，完全唔掂。咖哩魚蛋同魷魚，兩樣都係湁熟，無左啲咖哩汁就無味，都ok唔難食嘅，不過貴啲啲囉。

位於油麻地地鐵站出口的通達食店的燒賣一向是我至愛，個人認為是本港魚肉燒賣之最。這裡的魚肉燒賣不會蒸過焾，整粒燒賣很有彈性，加上美味的甜豉油來食，真是非常美味。雖然經常光顧這家食店，但是除了燒賣之後外，我從未曾吃過其他的食物。今天趁午膳時間，來到這家食店試試其他的食物。午膳時間的通達食店食客非常多，坐得非常擠迫，我好不容易才找到一個靠牆的角落坐下。除了依舊要了一串燒賣外，還點了招牌秘製豬扒麵。$25豬扒麵的份量不多，配有一塊豬扒，使用上海麵作麵底。豬扒都煎頗香，味道不錯。湯底混有少量麻油，香味令人食指大動。

見人咁推d咖喱魚蛋，就決定同個frd去試食。叫咗兩份咖喱魚蛋一份燒賣，一份腸粉同埋一碗碗仔翅，仲飲咗杯豆漿同檸樂。講講魚蛋先，齋睇個樣好似好辣好濃味，但系食落一d都五辣而且d汁有d奇怪，出乎意料地難食。燒賣就好多粉，無咩魚味。個碗仔翅d料好足，粉絲木耳等等樣樣齊，但系味道偏鹹帶苦，很一般。值得一讚既系個腸粉，好滑而且d醬汁好多，岩曬我d重口味既人仲有得自己加醬添，平時系第二間小食店叫多醬d服務員已經都眼啤啤，更何況自己無限加醬？加醬哩一點真系抵讚！

通達魚旦經過都食1串 因為佢硬既但唔系因為多粉個隻硬 食到魚既味辣度十分強勁 幾爽口 既小食油渣面 都幾好食 多送 油渣唔會太肥ar 不過d菜甫就甜，辣，鹹~重口味！

多年來，小妹數次路過，見小店不斷擴充店面，人頭湧湧，客似雲來，惜未有機會入去幫襯。今日，同N碰巧經過，覺到有點餓，見有位，就決定入去食少少嘢先。食物選擇種類繁多，有粉麵類、自選車仔麵、小食、三文治及飲品，價錢平民化，啱晒油尖旺區年青一族的蒲友。小店堂食最低消費每位僅$12，頗為合理。夏日炎炎，有冷氣嘆有得坐又有得食， $12超抵﹗當日所見，更有不少自由行同胞幫襯。收銀大叔，估計是老闆，滿臉笑容，殷勤招待客人，還落手落腳收拾枱面。以傳統快餐店來說，環境尚算乾淨企理。魚蛋看似簡單，但要做到魚肉味濃，爽口彈牙，卻着實不易。香港街邊或小食店魚蛋多用廉價雜魚製造，吃落頗腥，只靠獨門辣醬混入咖喱粉的醬汁吊味；大部分粉麵檔都會向食物工場攞貨，魚蛋多以門鱔及鯪魚製造，以機器打魚蛋成本較平，但口感則略為欠奉；最頂級的粉麵店，會前鋪後工場，即場打魚蛋，手打潮式魚蛋為當中佼佼者。N想試小店馳名魚旦，但怕辣，故叫了蠔油魚旦。一咬，魚蛋口感實淨，未算十分爽口彈牙但沒有粉粉的感覺。因沒有濃香咖哩汁辟味，故帶有腥味，齒逢間滲透出淡淡的鯪魚肉味。蠔油醬汁味道較淡，小妹味蕾甚至嚐不出蠔油的鮮香，感覺好似是豉油而已﹗燒賣

Had a dessert tasting that day, so decided to dine here before going.I used to eat here a lot because the fried snacks and fish shaomai are good.When i got there, I realised they do not serve fried snacks, so I only ordered Fish Shaomai.After ordering they said I couldnt just order shaomai because there is a minimum spending of $12 per person.Since there were no fried snacks, I ordered two portions.Hopefully at their other branch they still do fried snacks as I regret not taking photos of the fr

這夜路過油麻地港鐵入口看到通達，反正剛好有點餓，便不作他想一於入內吃碗車仔麵做晚餐吧。通達以這類型的港式小食店來說雖然都是簡單裝修，但地方光猛兼打理得衛生清潔，檯面和地下都乾乾淨淨，讓人吃得放心。坐下後在車仔麵order紙上自選想吃的。由於很久沒有吃過車仔麵這類食物，便有點貪心地選了4款配料，蘿蔔，豬皮，腐皮角和咖喱魚蛋，麵選了粗麵，而醬汁就選了我喜歡的咖喱汁，共＄30。選好後把order紙交給講話大聲但其實都有禮貌的阿姐，很快便有得吃了。配料的份量都算落得鬆手，蘿蔔有3-4大塊，豬皮有多塊，腐皮角有3-4塊，魚蛋有5粒，加上粗麵底，真是滿滿的一碗。各款配料中，我較喜歡是既甜又多汁的蘿蔔和彈牙帶點微甜的腐皮角。豬皮不過不失，爽口但份量有點太多吃膩了。至於咖喱魚蛋就質感稍實和不夠入味，是未煮夠時間嗎？粗麵麵質爽，味道不錯。咖喱汁水準依舊，香辣惹味，拌著麵吃一流。簡簡單單又吃得滿意的一餐。

將近八時半, 仍未想到吃什麼, 走著來到地鐵站口的小食館, 橫豎也不算太餓. 簡單的吃下地道小食當作晚飯也許是個不錯的選擇.女友點了三餸(大腸, 雞翅, 小棠菜)車仔麵, 我沒能吃得一碗麵, 只點了三溝加菜圃, 外加魚蛋及腸粉(其實算起來分量是比女友還是多)我的三溝先來, 看著可以隨意添加的麻油及胡椒粉, 心情格外興奮, 將麻油和胡椒粉瓶在碗上繞了一圈後, 便正式開動. 一碗加了麻油的食物, 味道是不可能差到那裡, 但想讚賞那加在裡面的辣菜圃, 原來加了辣菜圃的三溝是可以讓味道提升了不少. 如果那碗三溝值75分, 那辣菜圃應該佔上40分. 我看到女友試過那分給她的菜圃三溝翅後, 也忍不住要把它們往車仔麵加上去便知道那小小丁粒的威力有多大了. 當然, 主菜水準也是不錯的了. 不然單靠那小小的配料也是回天乏術.諸位下次如果經過這食店時, 不妨在點食物(如油渣麵, 車仔麵, 碗仔翅)時, 加上菜圃, 也許會有驚喜的.*三溝即生菜魚肉加碗仔翅

咖哩魚蛋，好正既咖哩魚蛋！一口氣叫四串食，每串只係 HKD7 蚊 ﹗深啡色既咖哩，既香且辣又帶甜，仲混有辣油係裡面添 ﹗香氣撲鼻，幾條街都聞得到。食落味道刺激，魚蛋口感實淨，魚肉味濃，好好味 ﹗跟細細個時食既一模一樣，依家第二間搵唔到架喇 ﹗白牛柏葉巴西牛腩幼麵咖哩汁，白柏葉都好爽口鮮味，灼一灼唔會老，正噃 ﹗巴西牛腩有別於一般車仔麵檔所用既牛腩，啖啖肉，形狀端正，炆得入味而口感彈牙又無渣，好味喎 ﹗淺黃色既咖哩汁，濃郁香甜，跟我廿幾年前童年時既味道好似 ﹗好好味 ﹗幼麵烚同剛好，不過火又嚥嚥靭靭，依個車仔麵真係好好食 ﹗好食過西貢間名店啦 ﹗原來咖哩魚蛋既咖哩跟車仔麵既咖哩唔同架，我係想撈咖哩魚蛋既咖哩架 ﹗碗仔翅，顏色真係好靚，通透帶光澤，味道香甜有肉味，夠晒濃郁，幾好味。但要趁熱食，凍左會偏咸，如果當汁撈麵會更好。

咖哩魚蛋呀 ﹗一出油麻地地鐵鐵站，即時聞到遺忘左多年辣魚蛋咖喱汁既香味 ﹗絕對無錯 ﹗係十幾廿年前濃郁香辣既咖哩味道 ﹗諗都唔洗諗，坐低同朋友仔每人兩串慢慢嘆，雖然我地趕住同其他朋友會合去晚餐，哈哈。魚蛋口感一流，彈牙又有魚味，並無偷工減料。最緊要個咖哩汁，就係細細個最地道古法既味道，超香濃味美、啡黃色又杰達達既汁。依家係市面上近年冒起既小食店完全做唔到依個質量 ﹗推介必食魚蛋檔，日日拮晚晚拮都唔會厭。搵日我一定要黎食佢地既咖喱車仔麵，正呀 ﹗

在毫無先兆下舌頭左右兩旁各生了一粒特大飛滋 痛不欲生!!! 飛滋如同大敵, 假如生埋左邊, 我都有右邊進食. 現在兩邊都生, 食乜都冇味, 乜都唔想食~~話咁快達至本年度最窈窕身段.....唯一想進食, 是一些熱辣辣的湯類, 可以刺激一下傷口, 麻痺麻痺.位於油麻地A2出口的通達食店, 已經有多年歷史. 以前到家樂商場之前必定買串魚蛋過過癮. 今次第一次內進, 地方狹窄. 同友人選了面壁思過位, 寧願對住幅牆, 增加自由度. 魚肉碗仔翅好多年冇食兩溝, $17一d都唔貴~魚肉都切成正方粒, 跟以往吃開條狀不一樣. 魚肉味沒有, 另有彈牙口感.翅是糊狀, 我喜歡水多的碗仔翅. 而且偏黑, 沒有光澤, 好似落了超多黑醋老抽調色..木耳粉絲多, 也有切條冬菇, 有香菇味.配有肉絲與蛋花, 令碗仔翅生色不少~ 但肉絲痴牙.以價錢來看, 收貨.

同朋友傾計時講開話好耐都無食過街邊腸粉，因為試o親都好難食所以都放棄咗！但呢個老友同我講話呢到啲腸粉OK無得輸叫我一定要食下，今日有時間一於要去試下。地鐵一出就見到呢間食店初頭望來望去都見唔到有腸粉賣，後來發現角位到寫住十蚊四條好就嚟十蚊試下咩料。腸粉送上樣子似樣，來一口腸粉軟滑質感非常好，食街邊腸粉除咗粉質本身啲醬汁非重要佢啲麻醬夠香夠滑，甜醬唔會太甜與腸粉，豉油，麻醬組合一齊成為咗美味嘅街邊腸粉。終於發現一間好味嘅腸粉多謝MY FRIEND.

一年一度的師生球賽又再舉行。今年小弟再度穿起久違了的球衣球鞋重新披甲上陣，與好久沒見的畢業學生一起合作上陣殺敵，另一方面又可趁機聚舊聯誼一番，確是大樂也....開波前要先祭一下五臟廟，不然邊踢邊捱餓就真並不好玩了。時間緊迫，匆匆就跑到"通達"內食碗粉及腸粉就可以....下單要了加大的油渣魚肉麵。份量的確甚大的，麵條是普通的粗身上海麵，有少許咬頭而且頗有掛湯能力；魚肉樣子四四方方的一睇就知溝了很多粉進去，魚味完全欠奉，咬入口亦只是至在填肚而已；油渣當然也沒期望是炸得香噴噴脆卜卜的貨色，不過入口不過份肥膩而還帶少許彈牙的，已是比預料中好嘞.....特別要一提是舖在麵上有大量的冬菜碎及辣菜甫粒，令香辣及惹味指數確提昇了不少....腸粉雖不算很滑溜但勝在超多醬的有如洪水泛濫一般，這樣當然難吃極亦有個譜了....以為不太夠飽，怎知一掃光之後卻有點撐撐的感覺。這便是眼闊肚窄的典型例子...望望手錶，發現已夠晒鐘，馬上收拾行裝奪門而出....由進門至埋單，前後也花不了十分鐘....

這日在油麻地，想起附近這間小食店的咖喱魚蛋好好食，便走過來。不過來到後又被他的車仔麵吸引了，於是又變心改成了吃碗車仔麵。車仔麵配料選了咖喱魚蛋，豬皮，腐皮角和白蘿蔔4款，加粗麵和咖喱汁，就是我的選擇了。交單後很快就有得食。蘿蔔入口就化，又沒有苦澀味，好吃。豬皮爽，不錯。不過我最喜歡的是咖喱魚蛋和腐皮角，彈牙質感，撈了咖喱汁後很好吃。店員服務醒目有禮，地方亦打理得清潔企理。下次會再來吃過。