通達食店

营业中

休息中

每次出旺角買毛冷都會走去「通達」篤番串魚蛋食下，次次見舖頭都好多人，我又唔太中意同人逼，所以好多時都放棄唔食，今日可能六點零重早，見裡面得兩三個人，所以入去坐低食個快餐！

油麻地旺角的食肆，每隔幾個舖頭就有了，你想食什麼也可以，小弟一向喜歡通達，每次在港鐵站走上來還是要放低廿蚊！地理位置好，真係每次都人山人海的。通達門口已經有位靚姐為你效勞，一如以往我還是食我喜歡的勁辣咖哩魚旦！價錢相當吸引，$9，十蚊有找！一串有六粒。先試第一粒，放入口先食到魚旦肉，新鮮彈牙，又有嚼勁，咬多兩口啲辣味開始湧出來，好..第一粒完成！起初覺得唔太辣？錯了！小弟食到第四粒已經要搵7仔了！它那種辣真係好辣，有點像麻辣，但是那種上了癮，吃了還是想再吃的

做完Gym餓到暈，原本諗住到旺角中心食台式炸雞排，但諗諗下又驚趕唔切上堂，因為係即叫即炸，所以最後喺油麻地地鐵站出口隔離果間通達小食店食少少嘢醫肚。通達我都食咗好多年，食店任何時間都坐滿人，今次我叫咗4條腸粉，1串咖哩魚蛋，原本其實只係想食腸粉，但堂食最低消費$15，腸粉$14，所以先加1串魚蛋。腸粉咁多年都係保持水準，好滑，甜醬麻醬豉油芝麻撈埋一齊食無得輸！咖哩魚蛋雖然魚味無乜，得咖哩味，而且都幾辣，不過魚肉都算結實，合格啦~10分鐘食完就衝去上堂lu~

中學既時候經常會食通達，無論係早餐，午餐，下午茶都係一個好選擇。我最中鐘意既野食係通達既辣魚蛋，佢同平時食既魚蛋口感好唔一樣，大大粒又彈彈牙，仲要煮得好入味個辣汁係全港最好味！

I am not usually a street-food foodie but so on a cold night. Curry fish balls in a bamboo stick ($9/ 6), the representative of HK street food, perfectly satisfied my appetite for something small and warm. The balls were mainly made from cheap fish meat paste then deep-fried til golden. Dipped in a two respective pots of sauces, spicy and sour, the vendors skillfully had them skewered in sticks. I asked for two spicy and four sour balls in a stick. The spicy ones were too spicy for me but my fri

每次行過花園街或碧街嘅通達，都會不其然停下腳步整番串辣魚蛋😈我唔知呢檔算唔算全港最好味，但起碼好食過好多又淋又粉嘅伏檔魚旦$10一串有六粒，係有少少貴😅但其實好多檔都差唔多價錢（魚旦彈度剛好，再配上佢嘅一流辣醬汁😋係滿足又過癮）✨不過我喜歡食果皮魚蛋多啲，但唔係道道食到

因我有一次好趕時間要去上堂，但係有啲肚餓，見地鐵站一出就有間食店。我入咗去，食咗腸粉同燒賣，覺得勁好味，從此以後，我次次上堂就去嗰到食我亦試過食佢嘅咖哩魚蛋，超好味

今日嚟到旺角掃街, 第一站係久違了的通達, 記得以前讀書就成日都經過, 朝早亦會幫襯食早餐, 不過而家開多咗間舖喺隔離變大咗, 所以今日去到都咁啱有位, 而家多咗好多麵食, 但最遺憾係冇咗煎釀三寶, 好想再食一份腸份+一串燒賣 - 腸粉好滑, 燒賣好煙韌, 好好味咖哩蘿蔔豬皮魚蛋 - 冇諗過咁大碗, 其他舖多數用碟放, 多咖哩汁但過於稀, 魚蛋彈牙, 豬皮都好軟熟同有啲爽口, 蘿蔔超甜冇渣金牌碗仔翅  - 冇諗過咁大碗, 係用麵碗, 但味道偏咸, 料都好足有冬菇粉絲木耳

我諗通達嘅魚蛋應該都係香港最出名嘅魚蛋之一。次次行過都要食，佢啲魚蛋嘅調味辣度啱啱好，又彈牙，再配埋個甜醬簡直就係一流。除咗魚蛋之外最近亦都鍾意食佢個腸粉，魚蛋加腸粉當一個早餐分量啱啱好。

通達食店食有兩間分店兩間都有魚旦賣但係我試兩間之後發現係竟然係有唔同既!油麻地個間係好食過旺角花園街個間既所以我每次都係幫襯油麻地個間多數我都係會叫辣味魚旦,雖然我唔食得辣,但係我有絕招食辣既話加埋甜醬就唔辣啦呵呵呵.佢個魚旦好彈牙,好好味,口感好好,已經幫襯左佢好多年了

油麻地小食最出名之一的「通達」，辣魚蛋是今晚的首選，他們的魚蛋帶另外一種味道，唔知係唔係魚味呢？呢度平時好多人買早餐，好擠擁，今晚有幸在呢度時間慢慢坐，影多幾張相。呢碟腸粉又白又滑，都幾精彩。

而家食車仔麵，再不是平的選擇通達在油麻地地鉄站口，絕對方便之選咖喱魚旦彃牙，果然不愧招牌菜，其它餸一般般。冬菇不夠滑，巴西牛腩都算腍凍豆漿，透心涼用点心纸点车仔面非常方便

嗱 通達我諗好多人都識㗎啦 喺旺角行到攰 想篤魚蛋 我必定喺簡通達我必選辣魚蛋 魚蛋呢 就無林昌記咁彈牙同重魚味 但佢個咖哩汁喺我心目中有返咁上下份量因為佢個咖哩汁香而辣 唔會一味只得個辣字 辣到你想狂飲水 再加埋必落嘅甜醬 實在喺滿足❤️都市傳說喺油麻地好食啲 咁我都覺得喺既

我食呢間食左好多年，由20蚊一碗食到30幾蚊一碗，不過質素都無差左魚肉夠多、彈牙，唔會有d魚骨粒！生菜、木耳夠爽！魚旦呢就無以前咁煙韌，不過都唔會太粉！呢間既油渣麵都好多餡料，咁多年仍然咁足料！經開花園街都會買黎食！

嚟親油麻地呢頭...一定會去通達食返碗油渣麵...我比較鍾意食無炸過嘅油渣...所以呢間好啱我食...仲要配料多到暈...就算加埋魚肉都係30蚊一碗咋...再加埋辣辣嘅菜脯簡直一流...同埋佢呢到嘅燒賣特別好食...被稱為水晶燒賣...蒸到淋一淋...食落口唔會有魚腥味...值得一試...但價錢就9蚊6粒...我覺得貴咗少少咁囉...總體嚟講呢間油渣麵真係好好食