通達食店

营业中

休息中

去開油麻地,餓餓地,就嚮近港鐵出口既通達堂食,食佢既咖喱魚旦 (以前講到好似名物咁)其實佢個味除左甜甜地,無咩特別,而且上枱時咖喱魚蛋已經凍冰冰縮左水,我仲叫左個伏中之伏既生菜魚肉翅...個碗野好似好多料,但好水,好淺色,應該豉油都好少,無咩味......拌勻左之後見到有木耳絲,生菜同魚肉,佢啲魚肉切到正正方方,咬落去完全無魚味,個口感怪怪地,好明顯麵粉俱多,我個碗既魚肉差唔多全部都無食,完全唔好味!

收工做完facial, 一個人是但食就走黎hea 食啦，咁耐無食過，照舊一碗二溝加燒賣魚蛋，魚蛋香辣，燒賣一般。枱面有齊調味料，自己任溝，粒粒魚肉依舊少少彈牙，仲好多下添，碗仔翅不變都算足料，食飽去對面新開既天仁整極奶茶完滿哂。

已經是第二次都是這個情況,叫了燒賣腸粉,回到公司打開都只見到腸粉,是否外面個收錢阿姐定整腸粉既阿姐有問題?希望此店的老闆注意返,我應該唔會再食,因為錢就誻收,點知又係漏左,一次都算,已經隔了好耐才食多次,都係咁

清明節當日，前度男友約了我出來聚一聚！拍拖期間，我們在晚上經過好幾次油麻地碧街的 <通達食店> 都是座無虛席！甚至店外大排長龍！有見及此！我們通常都會走人！所以至今一直未幫襯過！意想不到！跟他分手後首次來到這裡！與他再續「味」了緣！這裡地方淺窄！ 桌上已齊備餐具及調味料。供應：小食 $10~$29、湯麵 $26~$45、三文治 $13~$27、飲品 $8~$19，大思眾化價位！魚肉翅兩溝 $24魚肉很粉腍，毫無咬感！碗仔翅撈麵 $30份量充足， 意想不到配料如此豐富，包括：木耳絲、肉絲、火腿絲、筍絲…等，略嫌粉絲偏少！整體質感濃稠！調味濃而不重口味，很合胃口！令人回味！香滑腸粉 $14/ 4條雪白的腸粉油潤軟滑！拌勻花生醬及甜醬，倍添風味！勁辣魚蛋 $10/ 6粒見店子門口有個魚蛋檔，有兩款口味的魚蛋，分別是蠔油及勁辣！食落爽口彈牙！相信甜醬中和了辣度，就算勁辣我怕辣都接受得到！燒賣 $10/ 5粒檸檬黃色的外層，包住柔軟略帶彈性的魚肉粉糰，不過不失！熱豆漿 $8入口頗甜兼很熱燙！

朋友每次在附近出席商會活動,完結後一大班人例必相約到這間小店食咖哩魚蛋.我自己也是多年來支持者,經常見到很多食客在門外等候,購買魚蛋燒賣各樣小食,小弟每次都會食辣油渣麵.要是說他們味道很好吃,我覺得不是,但是多年來都令我有特別的感覺.所以有時候人總是想吃熟悉的味道,而不是什麼名貴食品.有辣油渣麵,很多菜莆,冬菇,豬油渣.魚蛋很彈,彈力十分不真實,魚肉燒賣有一點腥好像很普通的街頭小食,但是就是我們香港特色.

回頭指數 🌕🌕🌖🌑🌑想找類似茶餐廳那種便宜親民又好吃的在油麻地地鐵站後面有兩家車仔麵，其實是一家店外面放著大大的咖喱魚蛋鍋決心一試店裡姐姐態度正常老闆（應該是），比較友善招牌是生菜、魚肉、翅可兩溝亦可三溝，三溝26HKD價格合理，選擇也比想像中多兩人一人叫了一碗，他要麵我要湯only再加一個小吃腸粉還算滑，魚蛋口感尚可，貌似八角味有點重雖說並非特別出色，沒有特別香滑或彈口但兩項都非常對得起價錢油渣魚肉麵，還可以上面的辣榨菜為它拉高了不少分魚肉超！級！多！有點像介於魚滑和魚腐中間的感覺有一點點軟身，不是很爽口生菜算新鮮，但是份量太少兩人埋單91元，算是OK因為座位算多不用等，位置方便加上味道正常，價錢合理平日Hea 食都可以納入選擇之一

港女其實邊鍾意喺街邊篤魚蛋，通達就啱心水D，有得坐，又多野食揀，唔係淨係得魚蛋。辣魚蛋加腸粉是常識吧！辣又夠辣，滑又夠滑，港色小食真係我致愛！再加埋碗沙嗲汁炸魚皮撈麵，真係冇得頂！加埋佢個 prime location (一出港鐵就係)，真係贏晒！

久不久都黎食辣魚蛋, 佢啲魚蛋對我黎都幾辣, 但辣得黎好正。今次叫左炒麵+辣魚蛋。放埋一齊, 咁樣撈黎食魚蛋就無咁辣, 正。炒麵都好食, 都算炒得夠乾身, 調味適中唔會過咸,出面有啲炒麵會好咸。食左27蚊, 好似每次黎都加左價。下午茶黎食下都幾好

小弟向來是通達的常客，最愛他的咖哩魚蛋及油渣面，不過我多到太子那一間，油麻地這店甚少光臨。咖哩魚蛋 : 咖哩味濃及辣，魚蛋彈牙，傳統味道，依舊出色。招牌油渣麵 : 油渣不多及過淋，沒了咬口，一般而已。整體而言，油麻地店的咖哩魚蛋比較出色，而太子店的油渣麵就略勝一籌。

呢間由細食到大，每次經過都聞到好香嘅咖喱味！今日行過又忍五住啦！！！食左必食嘅咖喱魚蛋，招牌油渣麵，碗仔翅雨溝！好正，個咖哩汁甜甜辣辣，必食！$10@6粒有辣及不辣菜譜選擇，愛辣必加！足料碗仔翅，但略嫌魚肉太多粉！總結多年老字號，不會忘記的味道

通達朋友介紹過好多次，終於可以試到啦。我係平日下午茶時段去，所以人流唔多，坐得好鬆動，鋪面都幾大，好多位。掙扎咗好耐，好多野都好想食，好多野都好吸引。最後叫咗碗油渣魚肉湯麵，有分辣同唔辣，我就揀咗辣嘅。碗麵，真材實料，落足料呀。有火腿絲，冬菇片，辣菜莆，豬油渣。好鐘意個辣菜莆，少少辣又好爽口。豬油渣唔係油咋過，所以食落去唔會覺得滿口油咁。魚間啲魚肉整到正方體咁，好得意，仲要好彈牙添。湯底清清帶辣。麵有啲似鳥冬，又有啲似上海麵。碗麵對我女仔黎講算大碗，食完已經好飽啦。好味。仲有好多野想食，下次再黎試過。

魚肉油渣麵（$32）👅開頭以為油渣麵即係狗仔粉🤔🤔原來都有啲分別既😎狗仔粉啲麵幼啲短身啲黏口啲😃油渣麵啲麵望落似烏冬咁長同埋粗得黎扁扁地🍲食落粉感重啲😂😂好似講緊粉底液咁🙎🏻個湯原本以為會油淋淋，但點知又唔會喎😳清得黎又有豬油渣既香而且唔咸👍🏻👍🏻呢碗麵仲好足料😍啲肥豬肉肥瘦岩岩好！食落係香口而唔係油膩😋啲魚肉雖然魚味唔出🤔但幾like個形狀切到一粒粒咁🤓🤓口感好過平時啲條狀好多😆辣菜甫都係必須的😎😎碗麵辣辣地會更惹味，再加埋冬菇同火腿絲😙😙食完都飽肚🤤男仔可能就要食多串燒賣魚蛋啦😂😂

逛累了，想吃得簡單一點。途徑此食店，看到配搭多樣的粥麵套餐，點了柴魚花生粥配腸粉。柴魚花生粥濃稠度適中，可吃到香口的小粒餸料，份量合理而味足。是經濟實惠的套餐，吃下令人感舒適，值得推介。

每星期都要到油麻地睇醫生，但今日肚仔餓餓地，近近地食小小野醫住個肚先喇........一直聽人講呢間既魚蛋同腸粉都唔錯，咁岩又係左近，所以決定就試下啦🙆🏻🙆🏻今次食左魚蛋同腸粉，但冇預期中咁好食，其實都係普通，但腸粉方面幾滑唔錯😋如果比多小小醬我就最好喇。下次再黎的話可能可以試下其他野食....................店內人流都幾多架，但野食都係熱辣辣的，而且價錢不貴，可以一試。

每次出旺角買毛冷都會走去「通達」篤番串魚蛋食下，次次見舖頭都好多人，我又唔太中意同人逼，所以好多時都放棄唔食，今日可能六點零重早，見裡面得兩三個人，所以入去坐低食個快餐！