去荔枝角睇中醫突然之間好想食車仔麵，但係附近唔多見有諗住走人去深水埗食文記，但係問過朋友之後話附近都有間唔錯嘅選擇，好彩朋友講清楚係邊，如果唔係真係唔知點搵呢間鋪，真係行過左都唔知，過咗食飯時間入到去冇咩人唔使等位，見到落單紙有喇沙湯底，車仔麵店好少有就叫呢個
唔使五分鐘就嚟咗，先飲一啖湯好濃郁蝦同椰汁香味，仲有其他香料味道飲落香濃順喉，點左佢哋嘅豬油渣，一睇外型就知道好脆，食落口比起一D專做油渣麵嘅鋪頭更加香口美味，滷水豬腸一食就知滷嘅時間足夠，夠入味同夠淋，豬扒就正常唔會太乾夠入味不過有些小硬，麵底叫左摻摻，係米粉同油麵溝埋食落兩個層次，仲有D掛湯 奶茶就普普通通，有茶味但係有小小澀味

放生活動完結後跟朋友黎到呢間新派素食店，原來已經係開咗好多間分店小弟真係孤陋寡聞，睇餐單佢有一些漢堡香腸同新豬肉係傳統素食店小見首先第一個前菜羽衣甘藍無花果沙律，成個沙律都好新鮮羽衣甘藍爽口無花果清甜 焗葡汁植物雞配黃薑飯，雞就似一般嘅素肉咁葡汁同平時食開都好接近，黃薑飯有咬口同埋好夠味 未來熱狗腸雜菌炒意粉，熱狗腸同真香腸肉一樣，意粉好夠茄味彈牙 未來漢堡，就咁睇落去外型同一般嘅漢堡包冇咩太大分別，食落去同食牛肉漢堡包嘅味道一樣肉有汁菜新鮮，因為小弟戒牛好多年，食落太似食牛肉差D以為自己破戒 粟米肉粒配紅糙米飯，粟米肉粒都係做得同真肉非常之相似，但係因為本身呢個係一個比較普通嘅菜式，所以食落沒有太大驚喜 椰菜新豬肉煎餃，外皮香脆肉有汁 呢間餐廳整體黎講味道中上，可以用到素食做到咁貼近葷類食物，可以令普羅大眾更加嘗試素食

上次食完覺得好好味，今次就帶另外一班朋友過嚟食黃金炸茄子，同上次一樣保持水準外層香脆鹹蛋味濃，茄子肉質鬆軟全部朋友食完都覺得好正上湯粉絲浸大蜆，今次加左粉絲吸收左湯同大蜆鮮味，蜆肉新鮮大隻食落爽口豉油皇鮑魚配炒腸粉，腸粉炒得乾身軟滑唔油膩芽菜爽口調味適中，鮑魚界上坑紋完全吸收豉油香濃味道加上鮑魚本身鮮味簡直絕配炸蠔，蠔大大隻外層脆脆蠔肉多有汁，因為桶蠔，鮮味唔太重但係價錢相宜份量大好抵食蟹肉芙蓉豆腐，呢個比較普通口感滑，但味道比較鹹椒鹽鮮魷，鮮魷大大隻炸得香脆食落爽口，調味適中冇搶到魷魚鮮味炸乳鴿，乳鴿唔算大隻但係外脆內嫩，食落肉汁飽滿送甜品桂花糕/椰汁紅豆糕/腐竹白果糖水，兩個糕點正常味道，腐竹白果糖水有驚喜軟綿入口順滑
一班朋友食完都係比好評，材料新鮮上菜速度恰到好處，員工服務慇勤經常碗碟，絕對係一個可以長期飯局好地方

邀請朋友嚟呢間有些名氣大排檔食飯，因為比較偏係一些內街，所以落左車都要行小段路先黎到店鋪，呢道環境比一般大排檔乾淨，似舊式酒樓環境都比較嘈吵，不過最緊要係食物味道首先黎一個黃金炸魚皮，鹹蛋香味濃郁，炸魚皮脆卜卜入口香脆食唔停口鬼馬油炸鬼，油炸鬼釀入厚厚墨魚膠，外脆內彈配上酸甜汁惹味可口胡椒豬肚花甲湯，湯比較清淡胡椒味不濃，豬肚同花甲都相當料芥末芝麻蝦球，雖然係雪藏蝦但係炸得香脆配上酸甜芥末醬汁，味道獨特坊間小有避風塘墨魚咀，墨魚咀爽脆，配上鹹香避風塘調味，送酒一流 豉油皇鵝腸，係用新鮮鵝腸加上靚豉油，豉油豆味香濃配上新鮮爽脆鵝腸，味道口感都無得輸呀砵酒焗蠔一黎到香噴噴，蠔大大隻調味濃郁 燒鵝，雖然比起某些燒鵝名店差一點點，但係都屬於中上水準，香料味充足外皮燒得香脆刀工精湛，唯一缺點係唔夠熱同埋鵝肉偏硬風沙炸豬手，外皮炸到脆卜卜肉質唔會太乾嚡，但係調味過重肉部份太過咸瑤柱扒豆苗，豆苗抄得乾身唔會過老，配上滿滿瑤柱蠔油汁，簡直係絕配甜品金玉滿堂，好似湯圓炸到外層香脆，內有甜甜的芋泥，作為呢一餐圓滿結束

好耐都冇黎TAP飲野，難得今日朋友得閒就過黎吹下水飲下酒，環境氣氛都好舒適令人放鬆 先點了兩杯啤酒一杯味道較淡有西柚果香，另一杯酒精濃度較高有果實香但係偏苦，小食同三文冶都出色 鹹蛋黃炸薯條，鹹蛋味香濃薯條香脆送啤酒一流 燒肉古巴佬，燒腩仔肉香豬皮脆配合埋芥未外軟內脆 椒鹽浦boy，啤酒蝦炸得香脆捲心菜新鮮略嫌蛋黃醬不足，法包太硬加埋蝦成個太大食落有些困難 腐乳雞翼，雞翼炸到熱辣辣有些類似黑椒調味，外脆內滑配合埋腐乳醬另有一番風味，另給一個小盒放雞翼骨十心細心.

朋友派貼為左方便住唔同地區嘅朋友，揀咗地點就腳有裝修有七八十年代香港風味嘅妹記大排檔，同一般大排檔一樣都係比較嘈吵餸菜選擇多，叫左六樣餸菜平均質素中上 煎蠔餅都係香港人較喜歡嘅半煎炸蠔餅外表酥脆蠔仔飽滿 黑椒薯仔牛柳粒，大排檔都係用雪藏牛柳粒，但係食落無雪味肉質彈牙薯仔爽口黑椒味不會太濃 沙拉骨，沙拉醬包住全部排骨酸酸甜甜，排骨肉質有咬口又夠入味 南乳雜菜煲，大大煲十分足料抵食上菜時熱辣辣，不過本人唔鐘意食菜 避風塘茄子，茄子炸得香脆又香又辣避風塘風味一流 炸豬手，外皮炸到脆卜卜肉質有汁唔會太咸，配啤酒一流 仲有飲啤酒必備嘅戰鬥碗同朋友一起劈酒

今日同朋友去一年一度威士忌酒展，飲酒之前想食肉打打底，我就揀咗呢間餐廳 店舖有一種工業風裝修，餐具同水都是自助型式，但係侍應會對菜式先作講解。 供應慢煮食品數量款式不多，另外有一些手工啤供應整體價錢不高 法式油封鴨髀，肉質乾身味道較淡食落痴牙 牛油卡真蝦仁串，蝦肉調味不錯但肉質口感不太新鮮 燒蘆筍苗，不過不失 芝士忌廉菠菜苗，芝士味香濃有拉絲效果菠菜鮮嫩 美式豬鞍架，質鮮嫩有肉味，正正正 芝士溫泉蛋大啡姑，內有溫泉蛋太濕，調味太淡，姑肉水份太高影響口感

作為一個粉麵迷就算搬出九龍，都一定會坐車回到大埔食學利，雖然裝修只是一間普通的粉麵餐廳，但是水準多年來食物都保持穩定水準，湯底清而不寡秘製爽脆豬手片（涼食）豬手爽口調味醬汁有沙姜香味，用來作前菜或買回家送酒一流牛腩撈粗麵，牛腩忟得夠淋柱侯味濃，粗麵爽口彈牙黃金炸墨魚丸河，炸墨丸外脆內彈墨魚味香配上蜜糖有另一番滋味，河粉幼滑配上清甜湯底係我一最愛水餃河係我第二最愛，水餃大大隻，鮮蝦配上爽口木耳絲，內有陣陣香味香茅炸雞翼，外皮香脆香茅味足

朋友生日極力推介這間開於旺角鬧市中的海鮮酒家，內部環境乾淨舒適光猛，待應服務態度殷勤，上菜速度次序安排仔細，經常主動斟茶碗碟，服務已經咁好，再試埋食物先， 黃金炸茄子，外層香脆鹹蛋黃味香濃內層鬆軟，第一次食咁樣口感的茄子值得一試 蟹肉蒸豆腐，豆腐香滑蟹肉鮮甜配合上湯，整體突出鮮味 豉油王海蝦配炒腸粉，海蝦肉質新鮮配合豉油鮮味滲入整隻蝦中香濃美味，炒腸粉香口乾身調味適中 醬汁蠔配炒牛柳粒 炸蠔外包着酸甜醬汁外脆內鮮，牛柳粒香濃鬆軟上湯煮大蜆 湯底香濃帶有適量胡椒味配合少量蔬菜浸煮大蜆極之鮮味炸乳鴿 乳鴿肉質鮮嫩入味外皮香脆蛋白杏仁茶 杏仁味香濃配上蛋白質感柔滑 朋友生日送上壽包結尾

朋友從英國回來，話好耐都冇食過好味嘅燒鵝，我就諗起元朗這間燒鵝名店天鴻，元朗西鐵站搭輕鐵一個站到大棠路下車步行7分左右就到，去到嘅時候是五點晚市燒鵝剛剛出爐香噴噴，店鋪不大裝修普通有點殘舊整體都算乾淨
兩個人山長水遠嚟到元朗一次過食多啲先夠皮，點了燒鵝下裝一條叉燒同瀨粉 燒鵝外皮非常香脆有種吃薯片的脆口感覺，肉質有彈性鵝味香鵝油滑，鵝骨充滿香料味道 叉燒都有驚喜燶邊肥瘦適中，外皮糖膠燒到脆口肉質鬆軟 瀨粉軟硬適中湯底夠味 燒鵝名店果然名不虛傳，可惜元朗離屋企太遠，如果唔係可以經常幫襯