迷你毛

营业中

休息中

深水埗📍Minimal迷你毛新店是隱藏在區內的一家簡約小眾風咖啡店。純白外牆份外顯眼，喜歡店內細節的設計，親和力十足。意大利芝士蛋糕☕️咖啡酒香、起司細膩、外觀輕盈口感層次豐富，各部分相互融合又能嘗出分明的層次。不一樣的味覺體驗，並非虛有其表。店內甜品除味道外更為顏值擔當，法式多士、芝士蛋糕芭菲、薄脆拿破崙已列入名單，期待下次品嘗。另外亦點單牛肝菌孖辮粉及火龍果乳酪，孖辮粉煙韌味道適宜，乳酪略嫌冰粒太大，如將冰粒打碎口感更佳。

星期日休閒嘅一日，同老婆去深水埗行街拍拖兼覓食！上網揾到一間裝修幾仙氣，同食物幾特别嘅 Minimal，於是走去試一試！叫左牛油果巴馬火腿多士同埋 Tiramisu個多士配搭好新鮮！牛油果+火腿，個概念好似蜜瓜+火腿個多士底好特别，成個夾埋一d都唔heavy!個Tiramisu好似一個浮起嘅波，同埋好似好多空氣打左入去，仙氣十足！個cream唔會死甜，D甜味主要由餅底傳來。不過我比較嗜甜，就岩我老婆多d!

一直都好想食呢間coffee shop，咁啱今日朋友過嚟深水埗搵我食lunch ,決定試一試，餐廳環境都好舒服，地方夠哂大，座位唔會話好迫，侍應生都好親切。～💡炒蛋牛油果窩夫炒蛋好滑，窩夫食落去都好脆口，旁邊用咗啲沙律菜做配搭，食落去好清新。～💡牛肝菌孖瓣粉 份量都好足夠，冬菇都比較多，瓣粉外面都比較少食到。～💡培茶鮮奶好濃嘅培茶，飲落去好滑！～💡美式咖啡好香嘅咖啡味！～整體來講不錯！下次可以試埋個甜品，意大利蛋糕😂～

同朋友一齊嚟到呢間新開嘅cafe試吓店內環境好靚，空間感十足，打卡一流📸松露水波蛋什菌多士 $88佢哋嘅全麥多士外脆內軟超好食😍加上忌廉松露醬同蛋汁🍳完全無得輸😭❤️仲有好多菇菌🍄成個組合都係my fav🥰呢個價錢真係好高質！仲要配埋新鮮即炸香甜嘅番薯條🍟沙律菜隻汁都係好清新🥗推薦！水牛芝士番茄沙律 $72呢個上面紫色嗰個係紅菜頭醬😳配住水牛芝士、蕃茄同上面嘅脆西米，效果出奇地夾🤩莞茜苗香辣大蝦扁意粉 $102呢款點左小辣🌶估唔到莞茜同意粉都match到😝真係好驚喜！佢哋嘅大蝦好爽口彈牙🍤扁意粉軟硬適中🍝好容易清晒一碟🤤薄脆拿破崙 $65呢度嘅甜品必食🥳店主整甜品拎過獎xd將平時好厚實嘅拿破崙變成薄脆版✨口感豐富而且唔會太甜！隔離嘅雲呢拿雪糕軟滑濃香🍦平凡之中嘅不平凡😋✅超推薦大家嚟食😍😍

追不上的coffee shop, 特別係深水埗呢一區，但有幾多間係真心有質素～ 最近聽聞呢間soft opening 食物幾好評價 就去試下～～ 果然！！沒有令我失望！試左 牛板腱芫茜配蕃茄沙沙 牛既質感好好配有紫薯襯底～唔會太漏牛肝菌孖辨粉，未試過咩係孖辨粉所以就叫黎試下，口感煙煙韌韌～唔係普通意粉軟身個種～個人認為菌味/芝士味可以再濃d 反而比較喜歡食大蝦香辣意粉～酸酸辣辣超開胃😋😋甜品，大推Tiramisu & 薄脆拿破倫 ，呢個甜品非常高質素～ 其他cafe真係搵唔到！薄脆拿破倫 配雪糕🍦 今次有 vanilla & earl grey 口味！！ 最有驚喜係 配埋爆炸糖！！第一次咁食 好surprise 又唔會太甜 好清新～ 如果menu有淨雪糕外賣就好啦😝😝

周末中午去無訂位, 可能因為試業期間, 早既時候唔駛等, 重有得揀位, 晏少少就開始滿座 。 店內裝潢靚仔, 如店名所言走簡約風。 少量植物加白襯粉紅主調, 加上柔和照明幾舒服。 食物方面試左2個main一個薄脆拿破崙, 豬肉沙律配紫薯蓉可以, 特別少少。 煙三文配既窩夫友人略嫌唔夠脆身。 甜品好食, 值得一提係用既碟都襯左色,  充分照顧打卡之需。 最後杯蝶豆花柚子梳打同個洋甘菊茶包都有細節都特別都靘仔既。服務態度唔錯, 整體體驗良好。

又來到了新CAFE迷你毛MINIMAL，這家真的很適合帶小朋友來空間感很夠 ，而且裝修超簡約又舒服好不錯🌟除此之外美食和珈琲都是好正點真的好好吃～🧒🏽試了卡邦尼扁意粉超好吃，掛汁之餘濃濃的味道，可是一點都不會太膩🤤而👦🏻點了AVOCADO PARMA HAM CREAMCHEESE多士，超多份量又新鮮，蕃薯條超好吃😋而珈琲都很高質，我們點了HOT/ICE LATTE，偏重烘焙的味道～整體來說，我們好喜歡，一定會再來(想吃WAFFLE因為哈哈)～

發現深水埗開左間高質cafe，性價比高，裝修簡約，環境舒適寬敞，值得一試！試左藜麥煙三文魚沙律，份量多又好味；莞茜苗香辣大蝦扁意粉，少少辣好開胃；炸雞煎蛋窩夫，炸雞夠香脆，幾特別唔錯。最鐘意佢既甜品！好精緻既薄脆拿破崙，榛子醬加上果仁再配earl grey雪糕，口感豐富，又唔會太甜。朋友叫左個tiramisu, 都覺得好好味，食完唔會覺得漏，賣相又靚。簡約而帶點少女味既裝修，滿滿的打卡位，而且食物質素高。下次可以encore ！試埋其他野😋😋

呢間咖啡店，年三十開爐試業，我就初五去幫襯。見到白色嘅簡潔店舖，大大塊落地玻璃窗，店內座位比我想像中多位，但估不到係下午2點左右，入面係坐滿9成(可坐嘅位)，好有人氣喎！坐下看餐牌，以為同其他咖啡店一樣都係得一至兩頁紙，好驚訝佢有6頁紙咁多🙀，有多款多士、窩夫、沙律、乳酪 (忘記影呢張)、意粉、肉扒、甜品、咖啡和其他飲品！真係好多嘢食，攪到我嘅選擇困難症又發作啦😹炸雞煎蛋窩夫 (HK$85)．呢個賣相有點面善，似唔似中環嗰間嘅鴨腿窩夫呢？．不過，我覺得呢個容易食啲，因為炸雞係外脆內軟，啖啖肉，唔需要先拆肉㗎👍🏻．窩夫大件，幾脆口．靚靚太陽蛋，一篤就流晒啲蛋黃出嚟😻．將糖漿、蛋黃、炸雞、窩夫，全部一口食，鹹、甜、脆、嫩，多感口福呀～．加些少糖漿在那一片薄脆煙肉，呢個配搭係perfect池．伴有菠菜黑醋沙律，可以減少肥膩感焦糖拿鐵 (跟嘢食HK$28，單點HK$38)．有可愛嘅天鵝拉花．焦糖甜味適中，甜而不太甜．呢度用玻璃杯，而不是咖啡杯，好特別喎．與其中之一個老闆聊天時，佢話用玻璃杯上咖啡係澳洲風格，哦，學到野了😸，不過我比較喜歡看有耳嘅咖啡杯飲拿鐵多啲🤭意大利芝士蛋糕 (HK$72)．

⿻⿻ 𝘔𝘪𝘯𝘪𝘮𝘢𝘭𓏲𓏱𓏭𓏭今次去嘅係深水埗新開嘅cafe 個名叫minimal 中文叫迷你毛 夠簡單直接(●︎´艸`)鋪面好大 分咗兩邊 門口仲有個打卡位 一邊有粉紅色墻 另一邊係比較簡單嘅木系風格試咗黑麥蝦多士 係將釀咗蝦肉嘅sourdough攞去炸 好特別都味道唔錯 不過因為包都幾多油 食多咗有啲漏 佢仲包埋番薯條 清新好味嘅柚子醬同開胃嘅沙律 夠晒飽～沙律試咗mozzarella番茄沙律 上面個塊係脆米 撈埋沙律一齊食即刻增加口感 仲有好食嘅beetroot puree同大量番茄 可以解一解漏 Baileys Latte越飲越濃甜酒味 慢慢飲都唔錯𓋮成間鋪好闊落好好坐 店員都好nice 嚟慢慢歎個午餐都幾悠閒～ 𓏲𓏱𓏭𓏭黑麥蝦多士 $85水牛芝士番茄沙律 $72Baileys Latte $42Americano $35

尋日揸車路過深水埗搵食，見到呢間新野，即管試試，估唔到有驚喜。平民價錢，酒店級賣相&水準。我叫咗個意粉&甜品，味道&賣相竟然泊得住喺XX酒店既4位數餐牌餐間環境清爽間約，見到好多女女打卡位，不過我就實際d，食野求好味新開張，老闆好nice過黎問意見，原來班底全部係星級酒店.... 唔怪之得...👍🏻(P.s 今日好好彩，喺正餐廳門口附近就有位泊車，食得放心😌，下次帶埋老婆再黎，XX節 / XX日又可以多個好地方選擇👏🏻）