農米莊 (豉油街)

营业中

休息中

米線吃得多，但你們會把湯喝光光嗎？最近旺角開左間米線店，標榜一碗連湯都可以飲曬的米線。 如此霸氣，當然要慕名一試，看看有多厲害！ 店內以雞湯米線馳名，如藥膳雞湯、椰除雞湯、黑蒜雞湯、麻辣、喇沙等等湯底，還有可以自選配料的米線。 喇沙帆立貝米線（$78） 配菜：冬菇、雲耳、支竹、豆卜、時菜 喇沙味道濃香美味，椰香味香，帶少許辣味，非常惹味。 米線質感嫩滑，富豐富口感，吃上來質感非常好！ 黑蒜雞湯米線（$58） 跟農米雞件 配菜：冬菇、雲耳、支竹、豆卜、時菜 當然不少得點一碗招牌黑蒜雞湯米線，黑色的金蒜湯底內的米線都變得黑黑的，米線質感嫩滑吸收曬黑蒜湯味道，非常惹味！ 黑蒜雞湯味道非常濃郁，黑蒜味道非常香，但又不會太甜，可嚐到雞湯的鮮味。 看！真的連湯都可以飲曬！ 另外還點了兩款小食： 黑金雞翼 五隻 （$36） 黑金雞翼有3隻或5隻選擇，雞翼外層鋪上了一層濃厚的黑蒜蓉，其賣相不揚，但味道可真是一試難忘。 除了肉質嫩滑外，雞肉沾上香甜的黑蒜味道更加好！ 香菇松露螺片（$38） 香菇和螺片都炆得腍腍的，而且非常入味。

出黎旺角睇中醫，睇之前梗係要醫肚先，午餐簡簡單單就揀左間雞湯米線，試一試佢個雞湯先裝修比起一般米線鋪乾淨企理，唔會坐得好逼除左米線，仲有湯飯同客飯，唔鐘意雞湯湯底亦可以選擇喇沙或者蕃茄，午市所有麵食大約平$10喔意大利芝士餅紅豆冰 (特飲加$8)、熱檸蜜 (熱飲加$2)午市配特飲只需要加$8都幾抵，普通叫杯凍檸茶都要加$4啦，鐘意試新野o既老公當然唔會放過呢個機會，我試飲左一啖，又真係幾重tiramisu味，但又唔會過甜柚子豬軟骨 ($34)豬軟骨o既軟骨炆到好淋，最怕有d餐廳炆得唔夠時間唔可以連骨食，柚子汁好濃食晒味黑金雞翼5隻 ($36)黑金雞翼其實即係黑蒜雞翼，黑蒜近年愈黎愈流行，唔好睇佢黑麻麻賣相唔討好，比生大蒜的抗氧化、抗酸化功效高了數十倍，對增強免疫力好有幫助，食落甜甜地，大大減少左生大蒜的辛辣味和蒜臭味雞翼除左用上黑蒜，亦食得出用左蜜糖去煮，甜甜地咁話咁快就食晒5隻椰子雞湯米線 ($43)本小姐係一名湯怪，乜湯都鐘意飲，大前提係無味精就得啦，先試一口椰子雞湯，的確係無添加味精，椰子味唔算好突出，勝在有面頭o既椰絲搭夠味道，雞件份量足，煮得好滑，米線都無過淋黑蒜雞湯米線 (

放左工同朋友去旺角行街, 但緊係醫左肚先啦, 之前見過雜誌有介紹過呢間米線, 於是就入去食下啦哈哈.....黎得食緊係要食呢到既招牌菜啦, 仲要出面唔係好多地方有得食架.首先真係要講下呢個先, 哈哈, 你試過係米線舖食西餐嗎?! 哈哈, 我而家就可以試到啦, 好似而家先黎個前菜先咁, 好鬼正, 呢個係西班牙火腿拼芝士魚子$35, 將西班牙火腿卷成一朵花再將芝士魚子醬放上面, 一啖放落口, 感覺好清新, 再食埋個蕃茄沙律之後再黎個小食, 黑金雞翼$36, WAO....熱辣辣好好食, 仲好JUYCE, 好嫩滑哈哈....到主菜啦, 我叫左椰子雞湯米線$43, 一上枱已經好香椰子香味, 仲有D椰子絲係面, D雞仲好嫩滑, D湯亦好清甜, 而配菜有雲耳, 豆卜, 腐竹, 菜同冬菇, 真材實料.而朋友就叫左呢個喇沙帆立貝米線$68, D帆立貝大大料, 仲煎得好香, D雞都係一樣好嫩滑, 配菜都係一樣有雲耳, 豆卜, 腐竹, 菜同冬菇, 真材實料, 而個湯都好香雞味, 相信大廚將雞湯加了喇沙湯, 另到口感更豐富起黎.

有坐吾比人坐，9點幾都話繁忙要單邊坐，重要越坐越小人，都吾比坐，服務態度真系正！！!!!!!!!!!!!!!!!!!!!!!!!!!!!!!!

今日下午我們去咗旺角豉油街嘅「農米莊」食下午茶！我們叫咗椰子鷄湯米線同懷舊藥膳鷄湯米線都好大碗，鷄肉嘅肉質相當鬆軟嫩滑，有好鮮鷄味，鷄肉同米線吸收晒椰子湯底嘅清甜芳香味，而懷舊藥膳湯底係用多款藥材煲成，湯底嘅味道好甘甜香濃，感覺好滋潤補身，我們差唔多將所有湯都飲晒，而米線嘅麵質就好爽滑彈牙！

一碗可以連湯都飲埋既雞湯米線? 就系哩句，我慕名而來，兩人叫了一個黑蒜鷄湯米線，一個四寶鷄湯米線。先上黑蒜鷄米，搶先試味啦。其實一碗米線好唔好食，80%都系湯底。一淡試落去都唔知系咩，沒有黑蒜味啊，苦甜咸各有各，又沒有香味既。算點呢?好，仲有我期待四寶鷄湯米，特意叫個簡單的，沒有藥材，沒有麻辣，就希望嚐到鷄湯既原有鮮味，唔好整色整水。端上來，黃黃的濃湯，不要以爲是雞油啊。一淡鷄湯喝下😔，吓，粟米湯?? 好咸既罐頭粟米湯味道。咸成甘，點飲埋個湯啊。甘都卑佢唸到。望望隔离椰子雞湯米，就系我碗粟米湯上加了椰絲😂😂😂。 完全中伏。成碗鷄米根本唔係個回事，都唔知食緊咩，失望死我。我地埋單走人，真系見到有人成碗連湯都飲埋😰。

經朋友介紹咗一間起旺角好特別嘅健康米線餐廳，聽講連湯都飲得嘅...今日特登就走去試下，我叫咗個藥膳雞湯米線食，呢碗米有別其他平時食嘅米線，未食以經聞到陣陣嘅藥材香味，食完之後果然連湯都飲晒...下次會再嚟食😋

去食譚仔嘅時候行過幾次標榜嘅係可以連湯都飲埋嘅米線一直都想試下不過次次都難敵譚仔嘅誘惑今次十點出到旺角飢腸轆轆好多餐廳都已經閂咗行過嚟見到農米家凌晨兩三點先閂即刻入去坐底嗌嘢$30左右有一餸嘅清雞湯米線加餸要$6/$8/$12至於幾款夾好配料嘅set就$4x至$5x不等懷舊雞湯米線呢款係用藥材湯底。喺街邊米線鋪竟然食到大長今先會煮嘅藥膳，仲要價錢唔係太貴，實在值得一試。湯底有蟲草花、杞子、紅棗等等（仲有莞茜喺度大煞風景），餸就有雞件。雞件幾出色，雖然未及農村走地雞，不過肉質水平都有返咁上下，仲要冇肥肉又唔多骨，啖啖都食得落肚。三兩下手勢食完成兜米線，湯亦都完美光盤冇難度。難得喺街食嘢唔會覺得食咗堆垃圾落肚，仲feeling養生，宵夜必試！

小妹極愛吃米線，而且覺得這間舖的米線是好吃的。正因如此，所以我替這間「農米莊」感到覺得相當可惜。因為一連串的服務失誤實在太可怕！是日與朋友一試這間聲稱可以「連湯都飲埋」的米線，藥膳健康的路線非常符合作為養生女子的我。(好感++++)豈料，坐下後，一位朋友發現椅子是濕的，想叫女店員抹。女店員卻一臉不屑硬說是朋友自己弄濕的，然後迫他把乾傘放出門口。(好感-)然後女店員再黑著臉落單。你講到第四碗，佢才開始覆第一碗，反應猶如優獸大都會中的樹懶。(好感-)然後不斷有其他檯叫的菜送錯到我們檯上，「我地沒叫皮蛋喎」、「沒叫凍檸茶喎」……不絕於耳。(好感-)然後加單時，一個女店員唔識落單要男店員幫手，男店員自信地嗌「收到」之後，一分鐘後問我地叫左咩？(好感-)好了，到這時所有人都覺得這店是有問題的了。幸好我叫的懷舊雞湯米線($55)味道不錯，配料有雲耳、冬菇、杞子、紅棗、川弓、蟲草花和生菜。雞湯味道濃郁，口味頗重，藥膳味濃，雞件新鮮嫩滑，蟲草花亦甚有嚼口。感覺足料!配搭滋味，美中不足的是米線斷裂甚多，而且略軟，煮的時間稍多了。同時亦向朋友的米線各試了一口。椰子雞湯米線相當淡味，但有芬芳椰香味，湯亦有椰

夜晚黎個陣，我知係晚飯時間係會多人但係想叫野食個陣 ，舉哂手又冇人理講真，黎黎去去都係得2個伙計走黎走去顧得住收錢又點顧得住落order??都算，稔住等冇咁忙先點菜點知等極都咁忙到可以落order啦又執錯野 又記漏野....不得只，waiteress又要黑住臉落單做咩姐宜家，黎食餐飯姐，都要受氣架咩好似得罪左佢咁，見到都冇哂胃口講番啲野食啦，沙嗲個啲略嫌少少鹹價錢又略貴，我稔最平嘅都係個隻自選米線加幾蚊有得轉湯底，本身仲送1款餸，哩個反而唔錯，算係唯一最抵食題外話 餐廳環境乾淨，但不時有股異味，卡位略嫌有點窄，稍微高大少少都覺得不方便但係咁嘅服務態度，我覺得冇必要黎受罪宜家我係客人仲要受人氣，食龍肉都冇味啦

睇電視介紹旺角一間有營米缐鋪，據說可以連湯都飲晒，今日就特登走去試一試...我揀咗一個以健康為主嘅黑蒜米線食，呢碗黑蒜雞湯米線有別其他黑蒜湯底，聽店員講...係用新鮮黑蒜製作而成並非黑蒜油，個湯底比到我嘅感覺，真係好似營養十足咁....到最後就真係俾佢講中連湯都飲晒.....😋下次要試埋其他湯底先得

見到個門面幾靚，諗住來試下佢個午餐。已經係三點幾過曬繁忙時間，簡簡單單叫兩個午餐，點知啲食物來左三次都錯，最後都係等吳到一碗對既食物。來錯左野食仲好似老奉咁。服務差。。不會再來。比錢食餐飯仲要受氣

起網上見到呢間健康米線餐廳，鐘意健康嘅我緊係唔會錯過啦！😊不過起我字典中...健康同美味永遠唔可以連埋一起，不過呢間餐廳就真係可以做得到，先講個湯底，主打有棷子雞湯米線同近期好流行健康黑蒜雞湯米缐仲有個藥膳雞湯米線，有別其他米線餐廳味道，我就叫咗個藥膳雞湯米線，個湯底果然好足料好香藥材味，果然真材實料....😋原來健康同好味真係可以放埋一齊👍🏼希望呢間餐廳可以保持水準啦！

Dinning and food container hygiene problem, and food is >~<, never come again...............

食評多是介绍午餐及晚餐，其實早餐也不錯。我點選了素鮑火腿麵、腸仔蛋配凍奶茶，共30元，在旺角算抵。凍奶茶不差。素鮑火腿麵，麵質不錯，不太淋，食落有質感，湯底好正，好似是用心淆製而成，不是一般味精湯。麵包有少少微暖，外層微脆，可能是toast 過一陣，腸仔似是雞肉腸，雞蛋煎得好正要特別一提是其辣椒粉，因吉野家也有類似的辣椒粉 ，但是不辣的。可是這裡的辣椒粉是非常辣的，大家要小心一點。