農米莊 (豉油街)

营业中

休息中

朋友睇到動新聞介紹呢間米線店，主打藥膳雞湯米線，湯底用雞肉煲足6小時，唔落味精夠健康⋯⋯⋯⋯⋯但理想同現實總係有啲差距，今晚同朋友初次光顧，除咗等得耐之外，我地更被通知所有雞件已沽清，要迫我地揀其他$12 配料（冇雞都照收人$55）。 主角雞竟然冇得食，咁惟有揀其他，例如：魚餅、蝦餅、墨丸等普通車仔麵餸。 我揀咗溏心蛋。麵到啦，我同朋友都嚇咗一跳⋯⋯⋯⋯⋯「咁hea嘅？」先講個湯，上菜時唔夠熱，味道比想像中淡，我揀咗藥膳湯底，有陣當歸味，但都係好淡。至於啲配料，溏心蛋係凍同爛嘅⋯芫荽係生嘅，水都冇飛過個種，米線份量係譚仔嘅一半，非常少。以個價錢嚟講，性價比係極低，服務態度麻麻，店員不太願意解釋餐牌，好多嘢冇又唔主動講，人地問到先話冇。十粒星我畀盡得1粒，就係個湯真係冇味精。冇下次，唔想再做水魚，同等價錢，係附近有更好嘅選擇。雜誌介紹都唔代表一定好。

入旺角搵老友食午餐，佢話呢頭有間藥膳米線幾好味，仲要平靚正，於是就帶我去試下～一去到，　鋪仔細細，　都幾多人等位。等左１０分鐘就入左去，個ＭＥＮＵ簡單，　款式都不少，　但我地好快就揀左想食的野本身想叫米線的，　但係見到午餐叫湯飯會平１０蚊，　感覺上抵Ｄ咁椰子雞同黑蒜雞是我地最愛，真係好，　唔洗諗一大倫先點菜同佢傾左陣計，　等１０分鐘左右就上菜了，　個黑蒜湯底好吸引呀～我都試左佢一啖，　好香濃，　但唔覺得好咸～我果碗椰子雞湯飯都到左了，　同我想像有些分別，　因我一向食的椰子雞是用椰青水黎煮的，　呢度好得意，係用好多椰絲同椰汁。不過都幾好味幾清香嘅～～～結果我地真係食碗食哂，　連湯都飲埋。不得不讚的是，　佢個雞肉好有雞味，　食落似新鮮雞。（但咁嘅價錢，　又邊有可能有新鮮雞你食丫，大概是大廚處理得好吧～～）

被食店的slogan「一碗連湯都可以飲晒既米線」吸引，忍唔住試了在旺角的農米莊。平時常吃到的米線店多以麻辣／酸辣湯底易聞名，但農米莊則大賣不含味精的香濃雞湯，分別有椰子雞湯、黑蒜雞湯、藥膳雞湯、花膠雞湯，也有其他普通湯底。lunch set非常抵食，四十多元已經包飲品，今次選了椰子雞湯米線，材料非常豐富！除了有鮮香椰汁，也有雲耳、腐竹、豆卜，雞件好似新鮮黃油雞，好有雞味！而米線質地煙韌彈牙，湯底更有淡淡椰香味，好鮮甜！真的像slogan所料忍唔住飲左大半碗湯底，好好味！難得係旺角搵到好味米線小店，以後也要多多品嚐呢～

好失望既一間米線專門店係open rice 見人食評寫得甘好 決定試試看我叫左個懷舊藥膳雞湯米線，食完之後好口渴，加左$6菜心，點知得兩細條，仲要得幾舊縮水雞，完全吾抵食！！

原來旺角都有咁正既米線！餐廳唔太大，但坐得舒適，下午茶時候都好多人！奶茶茶味偏淡，而且唔夠滑，一般。雞湯湯底好鮮甜，藥材味濃郁到帶少少苦味，雞件又嫩又滑，味道都算幾鮮，仲有菇菌既香味，米線質感好滑，但欠左煙韌既感覺，但份量都夠多，唔會食唔飽。柚子豬軟骨夠淋夠鬆化，帶少少軟骨增添左咬口，仲有柚子醬帶嚟酸酸甜甜既感覺，幾特別，又唔會太膩。呢度既雞湯米線大碗又足料，感覺仲好健康，以後食米線就唔洗淨系去譚仔啦！

本店主打: 椰子雞湯米線我真的喝光淡淡椰香的湯底, 惟雞湯味不夠重, 如湯底更濃就好了 雞件不夠滑有點粗糙><免費配雲耳&腐竹! 腐竹實在是米線的靈魂😘另外自由配搭了 - 喇沙魚餅芝心丸拉面喇沙湯底只有很重的椰子味，不夠香辣去這店還是選擇椰子雞湯吧～

叫左2個鮮茄芝士焗雞扒飯外賣 等左30mins先施施然話暫時只有一個另一個要等多10分鐘！等完拎返公司只係一分鐘路程 第一個拎到既飯已經係凍左 d芝士已經變左一餅野！不知所謂大家唔係好得閒 好無聊 千其唔好叫外賣呀！因為我見有個男人遲我15分鐘 佢入左舖坐 野食都已經到埋！

夜晚, 我的朋友告訴我突然很想吃米線, 我記得我上個月和我的弟弟在這間餐廳吃過它的米線, 覺得比起其他米線餐廳還要好吃, 重點的是湯底也能喝, 所以我帶了朋友來這間餐廳吃米線。我本來想叫上次我點了的那碗藥膳湯米線, 但在餐牌上我看到一個新的米線餐, 有我最喜愛的花膠在米線裏面! 所以我便決定點這個 米線試試看。花膠雞湯米線入面有一塊大花膠, 其他配菜是冬菇、雲耳、支竹、豆卜、時菜。入面亦有 雞塊, 雞的肉質很鮮嫩, 花膠很滑。另外, 我們亦點了燒甜粟米和黑松露芝士烤大菇。燒甜粟米應該在燒之前塗上了一層牛油, 因為吃下去時有陣陣牛油香。烤大菇充滿著芝士，吃下去的時候陣陣芝士味湧出來, 亦有拉絲效果。這間餐廳稍為不滿的是一位店員的服務態度，她全程黑著面幫客人落單，收碗碟時粗粗魯魯, 非常大聲, 放低米線時亦很大力, 把湯都瀉出來。

情人節避開放閃的人潮，去吃米線。選了農米莊，試其特色湯底。黑蒜雞湯米線配雞件、冬菇、雲耳、支竹、豆卜和時菜深啡近黑的湯底，有黑蒜味，但不算濃。可能有雞件的關係，都幾油。配菜很少，生菜只有一塊，豆卜一開二，雲耳、支竹各兩塊，冬菇只有一粒。雞件反而夠多，皮香滑，但肉不嫩滑。米線份量不多。被染上淺啡色，滲有少許黑蒜味，味道還好，但煮得太腍，口感麻麻。友人的酸辣雞湯米線，不油不膩，酸辣開胃，比黑蒜佳。椰子雞湯幾清，椰子幾香。全都有雞件，但這兩款吃起來都幾清，沒想到最油竟然是黑蒜。柚子豬軟骨份量足夠，肉炆得腍，其中一兩件有大大的軟骨，十分爽口。有些連著脂肪，吃起來更腍更香。柚子醬不算太甜，味道可以。爆芝松露墨魚餅墨魚餅炸出來似腐皮的效果，少少脆，咬開時有少少韌。沒有墨魚的鮮味，勝在煙韌。松露和芝士下得足，但奇怪地味道不太出，整個味道偏淡。米線和配菜普通，主角是湯底，想平平地吃碗有特色的米線都可以。吃得比譚仔舒適，不會怱怱忙忙，可以慢慢坐，服務有禮，不會被趕。

之前搵緊MK有乜食既時候發現左呢間標榜「一碗可以連湯都飲埋既米線」，今日專程嚟試係味真係咁正正值午飯時間，人未算多但要搭檯。坐位唔算闊，肥少少都未必坐得落。叫左椰子雞米線，嚟到比想像中細碗，男士食既話建議加小食，如果唔係應該好快餓講返個米線，除左雞，仲有腐竹，冬菇，菜同埋蔥，個湯飲落去唔算濃，但真係無味精既清雞湯。椰子味唔算重，只有一到點味道，我懷疑那一丁點椰子味係面頭果一茶匙椰絲黎.....雞就好滑，但分量唔多，亦都無雞味. 但總體而言碗米線係有heart可言，畢竟喺香港地要搵間零味精既實在太難. 收你$43仲有雞食，希望佢真係做到落去啦。

晚飯時候大約7點半到達，見有個人係度換餐牌(阿生晚飯時間你換餐牌!?)，有幾個人係度排緊隊，不疑有他就一齊排隊尾。排排下見勢色不對，上前詢問，先發現係拎飛，我地同侍應講話出面有條隊等拎飛，侍應叫我地等等。咁我地出返去排隊啦，突然就有兩個人行去拎飛，個侍應又俾喎，然後就我前面3個加插隊2個入左去先，之後先到返我前面pair情侶入。我地再同侍應重申我地等拎飛等左好耐，佢施施然拎疊飛，問左我幾位，突然又有2個人話要飛，佢竟然將我地張飛俾左佢地，叫住佢先醒起我地存在咁，未食已經一肚氣。終於入到去啦，叫左椰子雞湯麵同麻辣雞湯麵，加黑金雞翼。椰子雞湯麵我覺得有陣怪味，似生水味一啲都唔好味。雞件的確好嫩，但無雞味。有d椰絲，唔知係咪得登生上，我就接受唔到。麻辣雞湯麵就真係幾辣下，我淨係試左一啖所以不便評論。黑金雞翼真係暗黑料理賣相已經麻麻，一pat醬係上面，一食，仲要凍既！有無搞錯，唔記得翻熱就拎左出黎!?無論係服務定係食物都唔掂

一向好鐘意食米線，不過多數得麻辣，酸辣，清湯湯底，食得多都有啲悶，最近路過金聲戲院附近，發覺多咗間主打特色湯底嘅米缐鋪頭，有新嘢緊係要試試佢啦！店內空間唔算好大，4人枱亦比較迫。呢度主打嘅無味精湯底，款色出面好少見，有黑蒜雞湯，椰子雞湯，懷舊藥膳雞湯等等。我地揀咗懷舊藥膳雞湯米缐+玫瑰溏心蛋湯頭非常濃郁嘅藥材香味加上雞的鮮味，雞肉嫰滑，而且湯底完全無加味精，果然真的可以連湯都飲到一滴不漏.溏心蛋-咬開中間蛋漿慢慢流出，蛋味濃而且還微微滲出酒香味另一款椰子雞湯米缐湯底呈奶白色，椰子味鮮甜濃厚，雞肉鮮嫩，加上豆卜，木耳，腐竹，冬菇等等，所有配料都充滿著椰子香味，味道非常豐富。另外還點選了兩款小食黑金雞翼五隻-雞翼面層沾上濃濃的黑蒜醬，黑蒜味道咸咸甜甜的，味道非常特別，簡直一難忘柚子豬軟骨軟骨炆到入口即溶，柚子味甜甜酸酸，令人食指大動。餐廳湯底特別而且無加味精，希望水準可以一直keep下去，因為始終現代人已經開始非常注重健康飲食

識我嘅人都知我喺好鍾意食米線 但來來去去都喺酸辣 麻辣👅 雖然喺鍾意 但有時都想要啲新意思 試下其實款式😂估唔到喺旺角搵到間連湯都飲得嘅米線✌🏼-椰子雞湯米線 ($55)雖然價錢喺貴小小 但確喺真材實料入面有椰子絲 冬菇 雲耳 支竹 豆卜 菜仲要跟埋農米雞件 份量絕對喺交足功課～雞件肉質食落鮮嫩 而且都有5 6件 淨食佢都飽咗一半😂湯飲落清甜 唔會喺味精湯 真喺雞湯 可以放心飲😂-懷舊藥膳雞湯米線 ($55)都喺跟農米雞件 不過今次就養生啲 真喺飲落會有藥材味同甘苦味因為入面有雲耳 杞子 紅棗 川穹 蟲草花但食得苦中苦為人上人 想食得養生啲嘅朋友不妨可以一試-鮮竹龍蝦卷 ($25)龍蝦卷出面先包上鮮竹 再拎去炸 所以外面酥脆 而入面嘅龍蝦卷彈牙👅真喺食到我停唔到口👍🏼-黑金雞翼 ($36/5隻)最初諗唔到喺咩 食落甜甜地 原來喺黑蒜 對於雞翼怪嚟講 都喺幾新鮮嘅配搭💓

夜晚成11點見佢未收工，就買左碗椰子雞湯米線番屋企食。$61蚊有杯熱飲，ok la.番到屋企試左啖湯先，好正呀！好清甜，又有好香嘅椰奶味，連埋米線食都好夾。唔好睇佢白雪雪，但其實好夠味雞就。。。無咩特別，haha, 不過唔鞋嘅。下次去開旺角會再食！

想試呢間野好耐，本身超鍾意飲椰子雞湯，不過同米線呢個配搭真係未試過。 同男朋友一人叫左一碗椰子雞湯米線（$55），癈事大家爭😳個湯真係好清甜同重椰香味😍正啊，不過有啲椰絲起入邊，一唔小心就痴住喉嚨咳，下次我會走椰絲， 配料有菜，豆卜，雲耳，支竹，椰子片同四，五件雞件。配料本身味淡所以一路連湯係咁食，不知不覺都飲左唔少湯。而個雞件都幾嫩滑，不過敗筆係啲皮實在太肥，我都剔走晒。 本身叫左兩杯野飲，最後其實都飲唔晒，因為飲湯都飲飽晒😂雞係好食，但肥油肥得太過份吧另外呢個黑金雞翼都超好食，不過賣相黑得有點過份😂其實係黑蒜來的，好入味。有蒜香之餘帶點甜，食左兩隻仲想食。不過由於味道比較濃，所以建議食完個面先好order 喇呢杯22蚊，有啲貴，味道一般終於椰子雞湯既你一定要試！！