農米莊 (豉油街)

营业中

休息中

米線正常ok唔差，見到有黑金雞翼咪叫黎試下，黎到成舊炭咁，無為意以為黑蒜整出黎係黑色，食落有陣燒焦左既蜜糖味，以為黑蒜味係咁，食完見到牆有黑金雞翼張相，再睇返嗌果碟雞翼，好明顯原來係焗燶晒都照攞畀d客食，真係夠膽死😠😠😠😠，食壞人，無良心，無下次👎👎👎👎

起網上見到一間位於旺角食雞湯米線嘅餐廳，雞湯迷嘅我梗係要試吓啦！起碼唔使自己煮😁呢間新開嘅餐廳主打健康雞湯米線，其實我本身都預咗未必會好食，因為我認為健康同好食，永遠都唔可以放埋一齊，只係為咗飲下雞湯，我叫左個椰子雞湯米線諗住滋潤吓，碗米線一嚟到，竟然帶俾我驚喜😱完全冇諗過，冇味精嘅湯同米線可以甘夾，啲雞仲超滑冇雪味，最終飲晒啲湯之餘仲食晒啲米線添，下次一定會再幫襯，希望可以保持到水準

平時食來食去都係雲南米線，今日經過一間主打食雞湯米線嘅新餐廳，就入去試......呢間餐廳主打椰子雞湯米線，黑蒜雞湯米線同懷舊藥材雞湯米線我叫咗個椰子雞湯米線，味道食落去好獨特，好香椰子味同雞湯香味，我本初以為啲雞一定唔好食因為煲咗湯，碗米線嚟到好有驚喜，原來佢哋呢間餐廳雞湯同雞係分開上，啲雞好有雞味同好滑😋下次要試埋其他口味先

椰子雞湯米線，椰子有少許硬，但湯底非常淸甜，冇油膩感覺，可以當湯飲無骨既菠蘿雞翼...鷄翼細少而無骨，味道一流，有個小小菠蘿係入面，淸新好味，值得一試環境舒服，待應服務非常好

企鵝魚蛋米線， 湯底清甜，魚蛋彈牙，企鵝魚旦很可愛，適合小朋友喜歡，配有冬菇，豆卜，雲耳，腐皮和清菜，配搭非常好，湯底好正，真係好正，加上米線彈牙，最後把整碗米線食一乾二淨。環境舒適，乾淨衞生，適合和朋友閒聊。

米線 係香港人最受歡迎食物之一 今日晚餐黎到 呢度 试下以湯做主打既米線 介紹一下: 湯底 裡面有 杞子、不枸、蟲草 、雲耳 煮成湯底 男女士補身之最！不過可以濃味一點當然 唔小得 主角:雞件 無想到 可以甘入味同鲜嫩 可惜分量太小 略微扣分整體不俗: 下次 再黎試下其他 湯底 既米線 報告完畢

今日係新寶戲院睇完戲有d肚餓 見到隔離開左間未食過嘅米線鋪 女朋友又見入面d裝修幾靚 所以就入左去試下 點知又真係幾好食wor講返正題先 我同女朋友兩個入食 叫左一個小食同兩碗米線 我叫左個沙嗲雞湯米線 d雞比想像中滑 完全冇冰鮮味 沙嗲味唔會搶曬個湯ge鮮味 後未問老闆先知原來佢地d湯係真係用雞去煲 咁樣健康過用出面用味精溝水當湯好好多 所以我幾鍾意佢呢個米線我女朋友見左個椰子雞湯米 佢好鍾意個甜嘅椰子雞湯 我地兩個都好鍾意佢地d雞 佢話下次睇完戲再食wor我地驚唔夠飽所以叫多左個黑金雞翼 原來以為會好怪 點知好幾香wor 真係有好大pat黑蒜係上面 好彩食完個口唔臭啫總括黎講都幾值得去食

見佢地講到''一碗可以連湯都飲晒既米線'' 而且係我中意既雞湯！所以就試下啦 黑蒜雞湯米線 $58 另外加左$8 年糕芝士魚蛋 個魚蛋正！彈牙 又多芝士！😋 呢個雞湯味道濃郁 似老火雞湯 米線都索晒雞湯既味道 但如果吾係好食到呢種味道可能會覺得 吾match米線 雞塊冇咩特別 雖然個人都ok呢款雞湯既味道 但比較油膩 所以飲左幾啖就收手😂 米線份量多 食吾晒🙈 椰子雞湯米線 $55 另外$12 豬軟骨椰子味好出 好香！仲有加入椰絲 不過就硬好難咬開 呢款雞湯好易令人愛上 算清甜 但都係太油膩 吾可以多飲🙈 個豬軟骨好好味😋 紐約芝士蛋糕紅豆冰 $20 見個名咁得意 所以叫黎試下... 真係有芝士蛋糕味！好大杯！😂但就怪怪的 又搶左傳統紅豆冰既味道 試過一次就好了🙈

今日同朋友兩個人去試下新野 見到豉油街有間裝修幾靚ge米線鋪未食過 就去左試下 講返間米線鋪先 我地兩個人叫3個小食2個米線 講左米線先la1.豬軟骨米線»呢個係朋友叫ge 豬軟骨好林好入味 同d米線都幾夾 不過因為d豬軟骨比較濃味所以唔係太飲到d雞湯味 佢話雖然有d油 不過都幾好食2.喇沙蝦兵米線»喇沙湯底唔似出面個d咁嗆喉 可能因為真係用鮮雞黎煲ge湯底 所以有幾鮮甜 同喇沙好夾 個人大愛佢個湯底 地蝦都幾大隻 唔會有雪味 都幾新鮮 有3隻 米線好彈牙 好好食跟住講小食1.菠蘿雞翼»一碟有4舊（兩隻冇骨雞翼）因為冇骨所以食得好方便 每舊雞翼入面都有舊菠蘿 甜甜地幾開胃 我地兩個都好鍾意個雞翼2.墨魚餅»都係一碟4舊 冇想像中咁粉 反而幾爽口 不 過有d油 要熱食先得 凍左就會冇咁好食3.尖椒皮蛋»同譚仔個d差唔多 一直都係食米線必備品 果然冇令我地失望 辣辣地幾開胃總括黎講都唔錯 裝修好舒服 價錢中等（我地兩個攤開都係60幾一個人） 老闆好nice 會問客人意見 都幾值得推介 P.S原來下晝有午市優惠 下次會去試下

味道是可以的，價格雖偏高，但還可接受，店員有禮。但菜單小食價錢與埋單帳單價錢不相同，店員的解釋沒有誠意，說資料整理時有誤，會很快修改，但個人覺得你可以貼label改返個正確價錢先，你又唔係昨日先開業做唔切，真係唔check單都唔知。而家雖然是一兩蚊，但足以犯法«商品說明條例»。盼望日後能走多一步，加油。

同屋企人行街經過呢間餐廳，見到午餐價錢都幾平，所以就入去試下。一個份午餐$34，飲品另加$2。我地一個叫左3個餐，上餐後發現份量十分少，所以又額外點左一分凈柚子豬軟骨。整體黎講味道還可以，份量比預期中少，柚子豬軟骨味道唔錯，可以一試。

今日去旺角行街，行完見有點肚餓，見到一間好特別嘅餐廳，原來是食雞湯米線的，我俾佢個椰子雞湯米線吸引左入去，門口的店員說椰子雞湯可以養顏，我梗係更加要試吓啦...不過我有點肚餓，所以冇食米線叫咗個椰子雞湯泡飯，當中有一樣配餸叫企鵝魚旦，唔知咩嚟？咪叫嚟試下囉....點知一嚟到令到我好驚訝，真係好得意到完全唔捨得食,碗椰子雞湯飯係咪真係養顏？就唔知....不過就真係超級好有棷香味，加上雞湯真係好好味好香椰子味，啲雞又新鮮好滑，下次嚟旺角一定要再嚟食！

被門外寫著的「椰子雞湯」和「黑蒜雞湯」吸引，而且看到有很多餸可以選擇，便進去嘗試一下。由於我不吃雞的關系，我不能選擇連雞件的椰子雞湯米線或黑蒜雞湯米線。只能選自選雞湯米線，而自取雞湯米線並不能將湯轉成椰子雞湯或黑蒜雞湯，當我問店員時她叫我在餸菜上直接選擇黑蒜，結果米線來到的時候湯底只是普通雞湯，而黑蒜是原粒上的……另外一提，店員落單時速度有點太慢，她要在裝置上選擇每款餸，比用手直接寫單慢很多…雞湯很普通，並不是想像中很濃很鮮味的雞湯，只是比普通米線清湯多一點點雞味而已，如果不是環境不錯的話，這個價格有點不值。

見新開了一間店聽講今年4月先開見到有我最喜歡的椰子雞湯.......馬上試下叫了一個椰子雞湯米線印象中,配料有,紅棗,雲耳,腐竹,雞4件其中雞的質素非常高,雖然佢話係冰鮮雞都整得好好,雞肉好鮮嫩,雞有雞味不過我就一般了,因為我覺得佢煮得唔夠熟,重有鮮紅的血論雞的味道,真係一流,有點似白切雞咁,但比白切雞好食雞由於有血,10分滿分,我比8分,8/10得4件雞件有點少由於我主要目標係椰子雞湯,重點係湯所以我都無咩理會配料點知......個椰子雞湯......係甜......而我喜歡的.....係咸的椰子雞湯..........好吧,馬上失望,我不喜歡甜湯不過假如你喜歡甜湯,佢個椰子雞湯其實係一流好鮮甜主要我唔太喜歡甜食,所以我對整體就一般了不過你喜歡甜食的話,佢個椰子雞湯米線,其實係一流缺點就係配料有點少,得4件雞假如想加配料,就要加錢就咁椰子雞湯米線,我下午茶套餐買$44價錢ok吧我認為佢的雞件,比佢個湯底更為吸引人