農米莊 (豉油街)

营业中

休息中

本身諗住清淡啲去食米線，咁啱路過見到依間好似幾好，不如就試試佢椰子雞湯米線 $43湯頭好香好清甜，唔油膩，不過無咩椰子味雞件肉質嫩滑，有雞味米線份量偏少，麵質過腍腐竹無油益味，超好味黑金雞翼 $36黑金雞翼其實即係黑蒜醬雞翼。雞翼比較細隻，醬汁無乜黑蒜味而且味道偏咸。

雜誌介紹呢間話連湯都要飲晒既椰子雞湯米線...晚飯時間都要等一陣先有位..甘多人食以為會好唔錯..點知...椰子雞米線..個湯奶白色..好似好清甘....一啖飲落去..超甜😑😑😑只能講個椰子夠晒甜..d米線勁少..雞係幾滑既..但$58呢個份量..性價比好低..😑另外..果個酸辣雞米線真係接受唔到..叫左少辣..一飲個湯....好似落左好多醋甘..完全唔係果回事...食譚仔既酸辣會好味好多囉😑😑一定唔會有下次

椰子雞湯米線 Coconut Chicken Rice Noodle Soup $55.個湯係奶白色 椰子味唔夠出 但係味道幾清甜 個米線底份量勁少 完全餵唔飽我呢個小瘦肉 雞有係雞味😂 (廢話) 無咩骨 幾滑溜 如果口淡淡都岩食既 另外入面坐位空間唔多大 坐得太耐未必舒服

路過見話湯都飲埋 見幾吸引 又好似好健康咁 如果冇/少味精的話 叫左個椰子雞湯米線湯幾好味 雞都幾靚幾滑咁 點知一夾D 米線 碎濕濕 斷晒既 失望 😫寫食評係希望會留意下 總結都唔錯既 可以再試

一碗連湯都可以飲埋既米線！濃濃既奶白色椰子雞湯做湯底 標榜冇味精 不但唔油 仲好香好香！雞件亦都係非常嫩滑 仲有腐竹 豆卜 雲耳 冬菇 全部都吸收唒湯既精華 想唔好食都幾難半肥瘦既豬軟骨 帶淡淡柚子香 中和左油膩感 食完感覺自己有滿滿既骨膠原 而佢既賣點 ｰ 可以飲得既湯底 比起上次既椰子雞湯 呢個就較普通 只係普通既淡肉湯再加左少少柚子既味道黑金個名好高級咁 其實係用店家秘製黑蒜醬汁整成既煎雞翼 味道十分香濃 黑蒜既香氣包住整隻雞翼 且皮煎得夠香脆 但入面既雞肉仍然保持嫩滑 必叫！

聽人成日講食米線就去果間"姓氏"仔米線食，其實坊間仲有好多，就好似今次呢間。今日天氣好熱好焗，來到旺角已經唔想諗食咩。咁啱嘅情況下，搵到今次嘅主角！睇人分享多數係食雞米線，但我地今次就有d唔同。首先係較特別嘅柚子猪軟骨米線主角猪軟骨帶有柚子味，味道好特別，幾清新，幾開胃，再配以其他配料，值得一試！另個一款就係比較普遍嘅雞湯四寶米線整體唔錯，但若然雞湯味再濃d，相信味道更好！再加上價錢唔算貴，比起其他都適合"平食"一族。PS. 服務態度有待改善，無意中聽到職員話:一陣如果有4個人來，就將呢2個"搬"去隔離！吓，要搬？

經網上介紹...特意嚟呢間一碗可以連湯都飲晒嘅米線餐廳，佢哋嘅米線好特別好少見，有椰子雞湯米線，藥膳雞湯米線，同黑蒜雞湯米線，每碗米線都配菜有，唐生菜，冬菇枝竹同雲耳，我叫左個椰子雞湯米線'碗米線一上到枱就已經聞到陣陣好香嘅椰子香味，啲雞仲好滑好有雞味，最終我真係連湯都飲晒完全唔口渴，喺繁華鬧市中可以有一間甘健康好食嘅餐廳，真係好.....😊下次出街食飯又有一好去處

今次同老先生去到旺角食dinner 想搵啲又平又好食嘅嘢，咁我哋就行行吓去咗農米莊，就諗住入去試吓個雞湯米線，我哋每人點咗一碗米線同一個小食同埋一杯飲品。d雞都有雞味同幾滑，但係杯嘢飲就怪怪地同藍藍地，見到都唔想飲，飲落去仲怪怪地，飲左幾啖就無再飲，下次再食，都吾再叫佢d特飲。

見食評唔錯，就今日走左黎試下食無味精雞湯米線。依間農米莊主打有6款雞湯米線，有黑蒜雞湯米線、椰子雞湯米線、懷舊藥膳雞湯米線、麻辣雞湯米線、花膠雞湯米線及酸辣雞湯米線。唔鐘意食依6款，都仲有其他自選湯底及配料選擇既。入到舖坐，坐位比較迫，不太舒服。但都無辨法，所以唯有快d叫完食完快d閃算。我地叫左一碗黑蒜雞湯米線及一碗懷舊藥膳雞湯米線，可以share黎食，試晒2個湯底。依碗就係黑蒜雞湯米線，賣相黑蚊蚊唔多吸引，但出面好少有黑蒜湯底試，所以一試。黑蒜湯甜甜地，感覺怪怪，配埋米線食落口感覺更奇怪。這碗麵我不太喜歡，因為我都係鐘意有喊味多d。另一碗懷舊藥膳雞湯米線較為正常，但沒有想像中咁藥膳味重的。湯底只有清清淡淡的藥膳味，雞肉是有皮雞，雞皮略為肥左d，正體碗麵不過不失。

平時番工番得好攰 今日諗住出旺角行下食飯買野 就行到黎呢間農米莊 平時少寫食評既我 今次試完都覺得非常值得推薦比大家 同埋寫個評語。今次一個人食晚飯所以都比較早 7點就到了 7點見到呢間鋪頭都已經好多人了 我一個人都要等3分鐘先有枱 不過一坐低就試左佢地既招牌椰子雞湯米線同黑金雞翼 其實一開始都係抱住試新野既態度去食呢餐野 果然一試佢地既出品真係有驚喜 仲要叫同到既時間都唔洗8分鐘 好快就到 椰子雞湯非常特別香 好特別 陪黑金雞翼一流 都後來俾錢嘅時候同老細傾左幾句 佢都好有禮貌話多謝 話菜式都係自己創意出來的 我真心欣賞佢地鋪頭 臨走仲買多左個外賣當宵夜 而家香港真係好少呢啲用心創作 仲要冇味精！真係番工番得攰過黎既話 都感覺好似番左屋企食咁

旺角食店多選擇，行經這裡見到有很多款湯底米線，都算多人等位，心想肯定好好味，就入內試試。餐牌琳琅滿目，小食也有很多選擇。突然聞到隔離枱藥膳湯底很香，又想試試花膠湯底、椰子雞、當然一般或者麻辣也有，就叫了藥膳雞湯米線！當中亦有冬菇、腐皮、雲耳、加了海膽丸等。還叫了泰式煎魚餅、芥蘭。很香的麵來了，不過湯的顏色很淺，而且發現隔離枱食剩很多便走了心知不妙⋯⋯既然來到便不妨試試，湯底果然很淡味，其他亦不是太特別，泰式魚餅味道一般⋯⋯菜看上去亦比較乾總括來講沒有下次

喜歡飲雞湯，看到雜誌介紹專登去試，叫左花膠雞湯米線$88，花膠有鯹味，湯（可以講無真正煲過雞的味道）雞粉湯，吃不出蟲草花味，雞直頭系街市燒味檔的白切雞放上去，超級失望，同廣告介紹的完全不是一件事

是日相約友人於旺角晚膳事關今天主題健康，便選了這間以雞湯作賣點的餐廳。養生養顏就是重點 哈哈椰子雞湯烏冬 $55 （+4 轉烏冬）眼見湯底呈奶白色呷了一口 好濃的椰香 但又同雞湯好配起初以為雞件只是小小的數塊點知店主毫不客氣 一碗竟然有四五塊大大件的雞件而且雞肉仲好嫩滑烏冬也盡是椰子雞的精華 懷舊藥膳雞湯米線 $55這個就有點中藥味道 松草花、杞子、紅棗的份量不少味道似在家喝的愛心湯一樣米線煮的夠腍 忍不住連湯都飲埋🙈🙈花膠雞湯拉麵 $98 （+4轉拉麵）最矜貴的當然是花膠湯！盛惠一百大元喔 幸好 花膠是原條上的影相都見得到 哈哈而且煲得好腍身 唔會韌但這個湯的雞件就有點過熟了不夠滑喔⋯⋯玫瑰溏心蛋 $24雖然雞蛋呈半流心狀但味道淡淡的 所謂的玫塊也只是另點的醬確實有點兒失望 不值這個價錢吧！爆芝松露墨魚餅 $36有四件小小的又像腐皮的東西芝士就略嫌不夠呢哪裡來爆芝的效果？反倒松露的份量就剛剛好 而且未食都聞到其香氣墨魚也不見了蹤影 只吃到松露芝士味而已。整體而言雞湯是值得一試的配烏冬就最夾！小食就一般 可以試其他款式吧！

門面幾有趣，似西餐廳多過米線舖頭。坐落都好舒服。點左一個椰子雞湯線，的確係無味精，感覺健康，飲左一啖湯係非常清甜，本來都正評在望，但之後發覺無論湯、麵、雞及配料嘅味道係獨立嘅，湯嘅味完全入唔到落去，米線食落好似浸左好耐咁，淋晒，分量亦很少，好似譚仔嘅6折，如果只係賣個湯就無計，所以個人認為性價比較低，頗為失望。另外就係服務員態度一般，由入座到埋單從來無望過我。另外可取嘅係佢地播嘅歌幾好聽，但可惜我唔係食歌。

下午茶的原因...就是因為剛放學...時間卡在這裡=.="有時，真的想坐下，吃好東西，但未必時時都可以夾到朋友的時間。三五知己難求，所以今天人少少都去吃好東西！HAHAHA！吃東西令我力量大增！ 在門口見到，價錢合理，而且標榜連湯都會飲完！所以勇士直入！ 點了懷舊雞湯米線，麻辣雞湯米線和尖椒皮蛋。 食物就是...要一吃才知道真與假~~ 一個麵餐可以加幾蚊要飲品。飲品沒有太大驚喜(其實也很難有驚喜！HAHAHA！) 尖椒皮蛋先到，其實味道不差的，我覺得不夠滑，可能因為吃過更好的。這個尖椒皮蛋我建議大家等麵到才吃~~HAHA！會有另一種味道！ 不過小吃只是用來增加自己的口感，不錯！ 懷舊雞湯米線和麻辣雞湯米線上場了！WOW~~~小編我有點大開眼界！懷舊雞湯米線，先說一下湯底，似藥湯底，有少少中藥味，材料十足。藥膳湯底令人不能捨棄...OH！ 麻辣雞湯米線，湯底給人少少麻痺感，是好飲！而且麻辣味適中，不會阻著原本的湯味，也不會太OVER地令米線不能入口。 介紹一下農米雞！真心滑！而且不似外面的雞帶著冰鮮味。值得推介！！初時見到D職員態度有點輕散，加上皮蛋