農米莊 (豉油街)

营业中

休息中

平時食米線都好少聽人話會飲埋個湯，呢間位置鼓油街既米線，位置都幾方便易搵，主打係用鮮雞湯湯底既米線。佢有好多唔同既雞湯底，大家可以按自己既口味簡正常，酸同辣既湯底，另外可以再加唔同既配料。今日小弟就叫左椰子雞湯加芝心丸，另外再叫左碟芥蘭。湯底都幾清，湯面有少少雞油，飲落真係唔覺有味精。雞肉都幾大舊同煮得幾淋，不過米線就好似少左少少。芥蘭佢都係用雞湯煮，唔洗點蠔油都好夠味。鍾意食米線既朋友可以去試一試。

近來「椰子+雞」這個配搭好像很流行畢竟現在大家都比較著重養生和健康這天我和兩位好友上完TRX課堂後但來到這間自稱「一碗連湯都可以飲晒既米線」吃晚餐*店內的擺放有點像台式餐廳*店內主打7款雞湯米線:- 懷舊藥膳雞湯米線 $55- 椰子雞湯米線 $55- 黑蒜雞湯米線 $58- 麻辣雞湯米線 $48- 酸辣雞湯米線 $48- 芫茜雞湯米線 $58- 花膠雞湯米線 $98*也有「正常」的湯底可供選擇*懷舊藥膳雞湯米線 $55一上桌便聞到非常濃郁藥膳味聞起來雖濃但不討厭吃米線前先喝一口湯 湯頭非常容易入口 藥膳的味道一點也不霸道 沒有搶去雞湯的風頭(拍手!)*每碗米線都有少量的配料豆腐卜、支竹、蟲草花、杞子、川弓、雲耳及冬菇與湯相比 米線的份量比較少我是覺得剛剛好 但男士應該會吃不飽*糖心蛋 $12我另加了一隻糖心蛋蛋的味道很清 很香略覺得蛋黃應該再熟一點現在是全液體的狀態我比較喜歡半膏狀的質感多一些*差了忘了說主角: 農米雞!雞的味道不算突出但雞肉很滑嫩 不錯吃*椰子雞湯米線 $55朋友R點了椰子雞湯米線湯底有幾片椰子和椰絲*湯底好像牛奶湯底般「白滑」但多了牛奶沒有的清澈椰香清甜  是鮮椰子

「可以連湯都飲埋嘅米線」上網見到農米莊，根據網上地址Google 去找大概都知道位置，見到門口貼滿周刊報導，差點去錯了隔離舖，好彩覺得有點不對勁沒有衝進去，門上貼滿廣告蓋住了視線，差點走過了😅。見到餐牌上的黑蒜雞湯米線（$46）同椰子雞湯米線（$43）覺好想食，今次先試椰子🤤，天氣太熱我決定要飲一杯解渴凍飲就選了話梅柚子蜜（$20），原本以為話梅很解渴，誰知好淡，更完全沒有半點話梅味，柚子蜜亦好少，早知飲凍奶茶穩陣。入正題，這個椰子雞湯真的很好渴，似乎沒有味精，一上枱已聞到香濃椰子味，不過我本以為湯底會有椰子肉，但原來只得面上的椰絲。配料多，豆卜、腐竹入曬味，夠大碗，雞不算滑，一般而已，不過重點個湯真係正嘅😋，成碗飲曬😆。

今晚又是旺角米線夜，帶埋李公子同母親大人，一於去試下被人稱讚雞湯底的米線舖米線menu有自選配料或概定湯底的配搭，我自己就繼續試辣，食麻辣湯底先。雞件都算多及大件，起碼有6-7件，而且都好食，唔會有雪藏雞味，小辣都辣， 需要加一小配湯去溝溝佢，幸好不用額外加錢湯底的確甜，有雞味，味精味唔突出，但米線就好似有啲未煮好，有啲位仲好硬。成餐驚喜是芫荽湯底，母親大人食到讚晒口，見到都開心，成配湯都是綠色，足夠的芫荽味，絕對岩晒芫荽迷阿而且雞件都是脾位，夠多肉及滑身，最後配湯仲飲晒添雞油飯，但配有菇粒在內，成配飯都好香香菇及雞油味，希望份量可以再多啲值得一提的是，落左單唔夠五分鐘，兩碗米線都已經陸續送上，速度十分快，做到客人速來速去！

接近3點既下午茶時段都仲係差唔多坐滿人喎，唔通好好食？！主打既藥膳雞湯米線無下午茶優惠，全日都係$50幾蚊起，貴嚮邊？一於試個究竟！湯底確係有藥材味，碗內有雲耳、杞子、蟲草花、川穹⋯⋯藥材，但仍略嫌未夠濃，煲得未夠火喉喎！有d失望囉但勝在無落味精且一d都唔油，算係健康既湯底，可以飲曬佢既至於雞肉就唔夠滑，雞皮更係肥到極米線偏腍。另一款黑蒜雞湯米線，黑漆漆，有少量冬菇、雲耳、支竹、豆卜，甜甜地既黑蒜味，同米線好唔夾（黑蒜湯都係同拉麵夾d)味道一般！

找到美味的米線是人生其中一件最快樂的事❤️本來想食譚仔，但近油麻地果邊唔知邊度有最後入左黎農米莊，已經差不多夜晚9點仲咁多人實無伏？一入黎已經聞到藥膳湯底味道我揀左墨汁魚蛋沙嗲湯底米線店員話沙嗲係甜既唔會辣，食落都有微辣濃度適中非常正👍🏻👍🏻 魚蛋彈牙到不得了但重點： 是 米 線！係我食過最好味既米線！係比較幼既米線，煮得剛剛好，硬度適中。比譚仔更好味😋😋😋有好多湯底都想試！一定再黎唯一令我投訴既係 竟然無豬潤😰但其他餸質素都非常好👍🏻

之前係fb中既邪惡飲食公關page見過呢間野，本來不打算專程來試，但呢一日收工後突然好想轉戰旺尖旺區吃點什麼，不想太heavy之餘又想健康少少有新意思....女仔既要求的確好難捉摸，幸好我在食方面係個有主見的人，相信幫身邊那位節省了不少腦汁呢 一坐低睇餐牌已二話不說決定一個椰子雞，一個藥膳雞，2者望落都非常健康既樣子，符合呢晚主題！＄55既米線已包左雞件／豆卜／木耳／菇／腐皮／少量菜既材料，都算幾豐富均衡！因叫的是指定配塔，上菜非常快，有速度有溫度（食麵緊係要熱辣辣！）。我既椰子雞湯有好香濃既椰奶味，但稍覺偏甜；米線煮得夠淋但又不失彈性，亦吸左椰奶香味，不是分開煮的貨色；雞件好滑，但雞皮比較油，去皮食都唔錯；其它配料就煮得唔夠耐，如果耐D可索埋湯汁一齊食更正藥膳湯底我只試左幾啖，的確好重藥味，但又唔會另人卻步；湯底清得黎少少苦，米線亦有少許藥材既苦味（可能因為飲左椰子雞再食藥膳，對比之下較苦）；同平時食既米線有點唔同，希望食左真係可以補到身子貪心既我倆另外又叫左鴛鴦皮蛋（普通皮同黃金皮），同埋黑松露芝士墨魚餅；鴛鴦皮蛋令人好失望...青辣椒無辣味，皮蛋切到散晒（圖為上菜既樣，仲未掂過）

聽說早d食晚飯 人會健康d😂 偽文青今餐又去食米線 一碗可以連湯都飲哂既米線 原味椰子雞米線 花膠雞湯米線😂 *有好野食梗係要快d share 俾d朋友仔，tag佢地一齊去食🤓*.原來米線都可以食得好健康 養顏 養生😍 椰子雞湯清甜 雞件滑🐥👍🏻 仲有蟲草花杞子 想食得滋補可以選藥膳雞湯底 就更滋補 我地再加黑金雞翼 黑金即係黑蒜 有養生保健功用 而且醃得入味 必食🤘🏻============================緊貼三個90後吃貨的美食推介，就不會錯過任何一個食好野既機會😂*因為FB而家顯示出黎既post，就算你地like左/追蹤中都未必會顯示出黎俾你地睇到*電腦版:「讚好👍🏻」專頁→按「搶先看」手機版:「讚好👍🏻」專頁→按「追蹤中」→按「搶先看」咁就可以第一時間接收通知 就可以睇到我地每一個美食分享🙌咁就唔會錯過我地嫁喇❤-三個90後吃貨不斷開心share美食💓大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_旺角美食推介===========================農米莊 (旺角)旺角豉

今天午餐想飲湯類食物， 米線又有湯又係我鐘意既野食， 因為要飲d 湯， 所以如果勁味精或者飲完口渴既就唔好喇Facial 後諗左陣就去呢間，我記得佢雞湯係ok 既， 叫左自選米線- 呢間米線相比大型米線較爽身， 唔係硬， 係清爽型， 雞湯算清但唔係好種雞味，配料正常。 最後飲哂d 湯， 份量女仔而言算幾多多場加映事件簿： 隔離兩個女仔每人都叫兩份玉子豆腐及一份農米雞， 點解呢？ 好想知（ 離開旺角， 搭地鐵回家， 已到葵芳都唔覺口渴， good!)另有午餐推介

今晚同朋友晚餐 佢大力推介早幾日食過間好好味既米線 係一碗連湯都可以飲曬既米湯！既然已經人在旺角 就不妨去試試新野吧！窗口貼滿傳宣貼 原來真係幾出名 就連飲食雜誌既報導都有 未夠7點外面已經現人龍等侯入座😮呢到主打養生湯底米線 例如藥膳湯底米線 黑蒜雞湯米線等 相比一般既味蹭湯底 難怪係現時主張健康飲食既風氣下會大受觀迎 👍🏻點左'椰子雞湯米線' 除左見到雞件 仲有就係黑木耳 椰子粉 椰子條 同奶白色既湯底！就咁睇果然足料 全部都係營養豐富既養生材料😃主角湯底充滿滋潤感 清潤甘甜 椰子味香濃 就好似飲緊正宗住家湯一樣 味道到位又唔油膩 每飲一啖都覺得細胞充滿正能量同滋潤感！個人鍾意有食得到既椰子肉做米線既配料之一 口感爽口清甜！雞肉除左肉質鮮嫩外 仲散發陣陣椰子香 就連米線都吸收左湯底精華...oh今晚我既身體充滿滋潤了

一星期食一次嘅餐廳點可以唔寫返篇食評讚一讚呢一碗連湯都可以飲嘅米線係名不虛傳嘅，第一次食就揀咗懷舊雞湯米線（藥膳雞湯）雞件係滑嘅，份量亦唔錯，湯第一口係覺得濃嘅，但跟住就覺得唔錯幾好飲，我都飲咗唔少湯呢次承惠$55第二次我選擇咗鮮雞湯餸我揀咗玉子豆腐，生菜同墨汁魚蛋湯底。。好甜好好飲我飲咗好多，夜晚唔會話好口渴，大家放心墨汁魚蛋就麻麻地喇，但我想像有好大出入哈哈$30 包一餸，呢碗承惠$42，特色米線嚟講唔算貴，值得推介

喺旺角行咗一輪，去到呢一間想食好耐嘅米線鋪。我就要咗一碗椰子雞湯米線，我朋友就要咗一碗黑蒜雞湯米線 。我碗米線一到，即刻飲番啖湯先，椰子味就唔係好濃郁。最驚喜就係粒冬菇，係乾冬菇浸出嚟嘅。難得小店對呢啲detail都咁著重，證明對食物製作幾有心 。但係最搶鏡就係嗰碗黑蒜雞湯，黑蒜味非常濃郁，好似食咗一粒完隻黑蒜咁。我朋友仲話陣黑蒜味拍得住佢之前喺酒店中菜廳飲嗰個姬松茸黑蒜燉湯添。兩碗米線裏面嘅農米雞，切得厚薄適中，而且十分嫩滑，相信係新鮮雞。至於嗰啲湯飲完之後都冇口渴，應該就冇落味精喇。絕對係譚仔之外另一好選擇!

窩夫與蝦子餅早前在果欄買水果後在旺角一帶找地方吃晚飯，想起之前有網友推介過的椰子雞湯米線，便去試試看。農米莊的牆上寫著「一碗可以連湯都飲晒嘅米線」，看來米線是不二之選。窩夫點了養顏首選的椰子雞湯米線，椰子雞湯呈奶白色，充滿椰香，沒有肥膩的感覺，自小愛喝椰子雞湯的窩夫差不多把湯喝光，喝後不會覺得口渴。蝦子餅則點了健康之選的黑蒜雞湯米線，黑蒜雞湯呈黑色，採用自家製的黑蒜，成本較高但味道香濃得多。兩款雞湯米線都有農米雞件、冬菇、雲耳、支竹、豆卜和時菜，農米雞件非常好吃，肉質嫩滑帶鮮味，有驚喜，冬菇也做得不錯。 除了米線，窩夫與蝦子餅還點了兩款小食，其中一款是農米莊首創的黑金雞翼，跟預期的味道有點出入，有點失望。另一款小食是爆芝松露墨魚餅，同樣有點失望。農米莊的小食水準麻麻，但窩夫與蝦子餅還是會為了那碗沒有味精的雞湯米線而再來的。

今次食第二次啦經開旺角就會留意自己個心究竟有無掛住邊間食店...記得第一次食臨賣單時同老闆傾左幾句得知個湯底用心製作所以下次好放心全部湯飲落肚...終於再黎食啦我真係好中意食米線所以味道比較特別D就會好有新鮮感人數：2位地點：大家的中間點（太子），太子站D出口步行約4分鐘Walk in：座位都幾Full，兩次黎都要等一陣環境：長型餐廳，室內暗暗的，好有藥膳房的感覺服務：正常待客態度食物：2個麵食椰子雞湯米線 $55配菜有：椰子絲、冬菇、雲耳、支竹、豆卜、時菜睇到個濃郁湯底真係不得了飲落好香甜雞味好濃浮了少少金色的雞油就是精華所在雞件食落好嫩滑椰子＋雞的配搭太精彩了朋友中意食辣叫了個麻辣雞湯米線 $48配菜有：冬菇、雲耳、支竹、豆卜、時菜試了少少它的味道都很濃郁，唔錯配菜都足夠配米線食如果唔夠是可以再加餸有＄6､＄8､＄12 餸選擇I will be back

向來吃麵喜歡飲湯，但是外面的湯底都偏多味精，有時飲多了都覺得不健康。不久前聽說這間主打無添加味精湯底的米線，一直心心念念想去嘗試。來到門口，見到陳列出來的餐牌上的米線十分吸引，勁想試花膠雞湯米線，但是對於我來講$98有少少略貴。平日六點半時刻，餐廳內並非十分多人，不用排隊就可進去。我和朋友同樣點了椰子雞湯米線，貪它夠健康。米線呈上檯，湯底奶白色，滿是椰子香味，飲進口非常甜，但略嫌椰奶味太重。雞肉非常嫩滑，一碗$55也有5塊切雞肉，算是足料。不過我略嫌雞有點太多油，相片中都可以看見湯上浮了金色的雞油，如果能撇一撇油會更好。除了米線，店內的小食也十分吸引，多達30個選擇。黑金雞翼，其實是以黑蒜醃製再燜煮，雞翼蒜香味足，非常好食。但我更加喜歡這道柚子豬軟骨，燜得非常軟爛，入口滿佈膠質感。柚子的酸甜中和了豬軟骨的肥膩感，而且$34有成滿滿一碟，非常抵食。總體而言，米線的湯底是好喝的，但因為我個人不是特別喜歡椰奶，所以扣了點分。但是農米莊是值得再來的，如果下次來，我就會試下花膠湯底了，做人要豪的時候都是該豪一下。