農米莊 (豉油街)

营业中

休息中

話說早幾日同男朋友係旺角行完街..先前見到網上講話呢間米線幾好食..個湯底好正甘。於是就同男朋友去試下喇。我地入到去坐低左。叫左兩個都係椰子雞嘅湯底。另外叫左個菠蘿雞翼。一個係湯飯。一個就緊係米線喇。大約等左15分鐘左右就有得食。平時嘅我。如果係一碗好熱嘅野。我根本擺唔到入口。點都要吹下佢。等五至十分鐘後我先會擺落口。因為我怕食啲好熱嘅野。但係碗米線一嚟到。我就即刻可以放落口。連男朋友碗湯飯我都係可以即刻食到。跟住摸下個碗。發覺個碗熱都唔熱下。個碗暖嘅。個碗都唔辣手。跟住我男朋友就話都唔知個湯係咪凍嘅湯溝啲熱嘅湯甘。我同我男朋友食左幾啖就冇食過。同店員都有講過話湯唔熱。想換過。但店員話熱丫個碗。咩唔熱甘。即刻覺得佢地唔想換。結果我反到屋企就作嘔。個胃勁唔舒服。我男朋友都係甘。唉。呢間仲衰過譚仔。真心冇下次。仲食左我170蚊。真係食譚仔都冇甘忟。

經過某雜志既報道，早前小店出現左一陣既人潮。小妹之後有機會去食，同朋友分別叫左藥膳雞湯米線同椰子雞湯米線。藥膳湯底不俗；椰子湯則奇怪地有加椰絲係面做點 點綴，味道似椰汁多過海底椰。米線上有四件左右雞件，肉質軟滑，不錯。可是，重點係米線分量實在少得驚人，連女生的胃口也不能滿足！這個價錢卻食唔飽，性價比偏低呢！相信試一次便夠了！

上次睇apple報道過呢間米線,所以去試下我地6點半左右去到,已經開始排隊,但好快就有位,間鋪唔大但坐都算舒服。我叫左椰子雞湯米線,男友叫左藥膳米線,等左唔洗5分鐘就黎左喇個米線,都算幾快。椰子雞個湯真係好甜食完真係唔口乾,但藥膳米線就偏中藥味,個人覺得同d米線唔係100分夾,但係就咁飲個湯就好飲,好中藥feel。另外叫左個芝士紫薯餅,用料都足既,但係個芝士就無咩特別,不過不失啦。結論係米線價錢黎講偏貴,但服務態度好好,而且食物黎得好快,質料唔錯,個湯真係幾好飲,值得一試。

早前從報章報導得悉，一間位於旺角以自家熬製的雞湯米線小店，看後隨即撃中我湯癡和湯粉麵癡的食穴，事關好湯難求。心癮ㄧ發，自然専程到訪，亦不介意排隊等候! 等候期間在門㚈細閲餐牌，精熬雞湯湯底固然是ㄧ大賣點，在雞湯上配搭出健康、養顏、養生的主題，再加上大熱的酸辣和麻辣湯底，一共六款口味。自選配料更具備超過四十款，每款由六元、八元及十二元三個定價，看來口味與選擇絕不單調。 紅豆冰 五年鹹檸檬蜜 HK$24 飲品方面，每碗米線可另加四元可配熱飲、八元可享凍飲、特飲則十二元。 在門㚈等候逾二十分鐘，選上心宜的米線，老公和我便安坐享受飲品。紅豆冰少甜，奶略稀、紅豆多屬腍軟的口感! 五年鹹檸檬蜜 HK$24 而另一杯五年鹹檸檬蜜，色澤通透，杯內沒有預期的整個鹹檸檬，取而代之是零丁的檸檬碎! 不打緊，ㄧ向對食也貴精不貴多，先試為要。果然檸檬不死鹹，檸香醇厚，只略嫌蜂蜜味稍濃，否則檸檬的風姿更能突顯。以純飲價每杯二十四元 (不能以米線補飲品價)來説，還是值得的! 酸辣雞湯米線 HK$48 我的酸辣雞湯米線端來了，碗中排列整齊的黄皮雞件，最為奪目； 可見底層乳白的湯色、面帶黄，配上幾筴唐生菜，扎實而不華的

這次是我第四次光顧了，除了麻辣之外，應該所有雞類的湯米線我都吃過了吧。這次吃的是黑蒜雞湯米線，湯味道不錯，只是說是黑蒜呢，又不太像，不過整體是好吃的。有幾塊雞、冬菇、木耳、菜、腐竹，米線份量算ok 吧，至少吃完會飽。加$4配熱飲，這比很多餐廳便宜。不過米線是差不多$60一碗，這個是否物有所值則見人見智了。這次是星期四下午6點多光顧，人不算多，還未滿座。記得某周日中午第一次光顧時是超多人，要拿籌等位的，那時人客多，人手不夠，服務態度有點惡劣。這次不知是未到繁忙時間，或是人潮散去，人客不算多，店員態度則改善了。即使人少，還是不想坐太久，因為座位超窄，如果滿座時是超吵，而且會碰到旁邊的食客，只適合速吃，不適合與朋友慢慢吃聊天。

晚餐時段，本身見好多人等緊位，但等大約10分鐘就入到去。於是同男友，一人嗌咗一個藥膳雞米線，等左大約5分鐘，熱辣辣米線送上。藥膳味比想像中冇咁濃烈，湯底對我嚟講啱啱好適中，但對男友就覺得比較淡。而雞肉唔算太滑，但正好可以吸到湯底嘅味道，恰到好處。後期加左辣椒油，辣椒油唔算太辣，如果可以落啲就仲正雖然湯底有啲油，最後飲唔晒，但無可否認的確係唔錯嘅一個米線。同埋份量有啲細，唔算好飽，可以考慮食完再掃街

今日同女朋友出旺角睇戲食飯,順便試下之前經雜誌介紹一間專營雞湯米線餐廳..聽講呢間米線餐廳喲米線好特別,可以連湯都飲晒慨米線,本身我都好鐘意飲雞湯,所以決定去試下佢地主打雞湯米線有３款味道,分別有棷子雞湯米,黑蒜雞湯米線同藥膳雞湯米線,我同我女朋友心思思唔知揀邊款好?最終我女朋友就楝左棷子雞湯米線,而我就選擇左比較小見慨黑蒜雞湯米線,棷子雞湯米線味道好香棷香味同鮮雞味兩者配合得好夾,而黑蒜雞湯米線慨湯底都好特別,同出面慨黑蒜湯好唔同,可能係夾左雞湯慨關係我仲見到有好多小見慨小食都好想試,不過太飽啦!下次可以約埋一大斑朋友黎食,試埋其他小食先...

今晚試左一間嚮旺角叫農米莊既米線舖，除左食得好飽之外仲換黎一肚火，真係啲野幾好食都冇用事緣我同朋友5個人去食，得我1個叫黑蒜雞湯，朋友啲米線好快就到，我等左廿分鐘既時候忍唔住追單，個侍應同我講黑蒜雞湯賣哂，佢話可能同事溝通有問題話幫我落過，好啦我睇完menu叫返頭先幫我落黑蒜油果個阿姐，問佢係咪賣哂，佢好理直氣壯咁答我係! 一句唔好意思都冇，呢個時候團火即刻上左黎，都算，食埋先啲fd差唔多食完我碗野先到，食食下個老闆走埋黎問我地5個得1個人仲食緊可唔可以迫張細枱，我啲fd即刻o嘴，我食緊聽唔清，如果唔係呢個位仲唔入佢? 點解我啲朋友要4個等我1個?? 到我食完碗米線，幫我落錯單個阿姐再催多次我地走，不過今次有係咁唔好意思，但我果下即黑佢面話我未飲完杯野喎走之前，隔離枱上左2碗黑蒜雞湯米線，朋友都嬲忍唔住問答我地賣哂果個侍應:「又話賣哂既，而家又有拿?」侍應答:「係呀。」呢間野，就算佢碗米線賣1蚊我都唔會再去。

我的第一餐：早餐+午餐+下午茶order了想吃很久的懷舊藥膳雞湯米線。吃所有湯麵，我的第一個動作便是先喝一口湯。湯好，它的麵再差，也可以取得平衡，這是我的理論。anyway, 湯有藥材味，先苦（少）後甘，我相信是川芎的味道，還有蟲草花、杞子。雞肉是脾和胸各半。我個人prefer胸肉，很滑，不鞋口，應該是新鮮雞。黑蒜好處多，但我受不了黑蒜味，如果喜歡的朋友，可以試試黑蒜米線。其實店內還有酸辣米線，但我還是會選擇吃其他店吃不到的。酸辣，譚X多的是！吃不了黑蒜，我也點了黑金（蒜）雞翼三隻，黑蒜味不是太濃，易入口，可以一試。最後喝了一杯熱菜蜜，飽飽！

店外有超多人等位，相信人們也跟我一樣，早前看了動新聞，慕著標榜不含味精、一整碗也可以喝光的米線而來。幸好毒毒如我自己一人立刻有位，點了個椰子雞湯米線。光是配料就有冬菇、豆卜、腐竹、紅棗、雲耳，而重點是那個鮮甜的椰子雞湯帶著稍稍的椰子味，最神奇的是那碗湯卻不會肥膩油笠笠。喝完以後真的不會覺得口渴，好正呀，要encore😋

終於有機會食到農米莊，雖然都要等位，但好快就有得坐低~見佢好多人推介就去試下啦，真係無介紹錯~先係椰子雞湯米線，初初都驚會好多雞油點知原來湯底好清甜，有椰香，而且唔油，真係可以連湯底都飲埋都唔渴本身個米線會配雞件，唔夠可以加其他餸，雞件都幾滑，不過個湯底無椰子咬，只有少少椰絲配埋個米線一齊食都幾好味~另外男朋友叫左個柚子豬軟骨飯(因為佢要戒口)個柚子豬軟骨酸酸甜甜，肉質都幾淋身雖然無米線咁好食，但都好好食~呢到d waiter 好快手，個頭落單，唔洗2分鐘立即有得食快到我地都嚇親～～唯一美中不足就係份量未必夠食，米線我飲埋成碗湯就剛剛好飽，但對於飯量多嘅男朋友黎講就唔算太夠，要再出去搵野食。另外個米線配嘅時菜係生菜但唔太靚，灰灰黃黃咁可能唔太新鮮或者焗得太耐啦，希望可以改善下同埋本來想試下佢個咸檸蜜，但要成24蚊一杯太貴了，唔太捨得叫。

夜晚老公睇某生果報道依間野話湯都可以飮埋，覺得好吸引就滿心歡喜咁帶我去食喇去到叫左一個湯飯同一個米粉老公點既係懷舊雞湯飯，一黎到佢飮左啖湯已經覺得好伏，之後見佢唔出聲，我果個又未黎到，入黎前聽佢講到好正咁就係咁問佢點丫點丫點丫，點知佢好平静咁叫我試下就知唔方好野，結果我係冇試架，佢淨係講左句唔熱，食起上黎唔舒服 到我果個黎到喇，花膠鮮雞湯米線，老公一見到我果個黎到即試湯，結果都只係比佢果個熱啲，都係唔夠熱重點黎喇，可能大家見到張相會嘩~～~～好大隻花膠丫，但我可以話俾大家知依隻唔係靚花膠，唔軟身唔滑，好聽啲既你可以話佢好似大菜糕咁既口感，同埋有陣舊貨味，大家明架喇，咁當然你都可以話出去食有咁完整一隻花膠俾你食仲想點丫咁，但佢個湯真係唔得太大既期待就會失望，首先鮮雞湯依個字，我冇睇過報道我唔知佢係指佢地自己煲丫定係用出面某大品牌既鮮雞湯喇，飮落去完全唔係果回事，識食既你應該會知附近都有一間打著花膠雞湯既食店，完全係差天共地，同埋佢加左啲葱落去先係最敗北既地方，個湯已經唔濃郁加埋啲生葱完全蓋過哂啲味，姐係食唔出咩味，打住一碗連湯都可以飮埋既名号，食完我心諗係可以連湯都飮埋，出面果啲都係喇，

本身米線愛好者的我,經雜誌介紹一間可以連湯都飲晒雞湯米線餐廳,就去左試,睇下係咩黎?原來係出面少見的養生湯米線,可能我一個人所以唔駛等好耐就有位比我佢地主打有棷子,黑蒜,同藥膳,三款主打湯底,三款都好似好吸引甘,都唔知食邊個好?最終選擇左,比較多人叫的棷子雞湯米線,原來佢地呢個米線比較特別係用鮮棷子去做,味道比較清香,好有棷子香味配雞湯更加飄香,好食到難以形容真係第一次食米線食到淨係想飲湯慨感覺,下次要再試埋其餘２款先

今日同朋友行街見行到有啲肚餓，就上網睇吓附近有啲乜嘢食？見到一間可以連湯都可以飲晒嘅，主打雞湯米線嘅餐廳好似幾特別，決定就去試下...起初都有啲疑惑'咩叫做湯都飲得？原來這間舖係主打冇味精養生湯米缐，主打有椰子雞湯米線，黑蒜雞湯米線同藥蒜雞湯米線，我比較喜歡食棷子味嘅食物，所以就叫咗棷子雞湯米線，而我朋友就叫咗黑蒜雞湯米線，碗米線一嚟到以想不到係甘香椰子香味，個湯底好淸甜...啲雞都可以，雞胸位都滑'而黑蒜雞湯米線味道都比較特別，味道不似平時食黑蒜即食麵嘅味道...下次出街想食得健康啲又有一好去處😊

一坐低點完，等到隔離枱食完我碗嘢都未嚟。叫個阿姐追單，佢「哦」完轉頭走去幫人落單又冇咗件事，叫咗第二個後生仔嚟追，再等5分鐘終於有嘢食。但係同我點嘅完全唔同，叫走青唔走，加咗配料又冇，轉烏冬又唔轉；得湯底一樣。 再舉手搵個阿姐嚟，佢了解完咩事唔係入廚房，而係幫第二個落單！再叫個中佬嚟睇睇，掛住收錢又叫我等陣。但10分鐘後兩個人都冇再嚟跟返我張單！服務垃圾到一個點，blacklist black-mouth !!