農米莊 (豉油街)

营业中

休息中

本來個人好熱氣想食清d,想選擇椰子雞或藥膳湯底，但最後都係想食黑蒜40幾蚊碗的黑蒜雞米線，黑蒜味好足，有黑蒜少少微酸同甜，令d米線好好食，我好想加多個米線繼續食，d雞其實都滑，但都無乜所謂，我想咁就食米線

行旺角想食米線，但又唔想求求其其食譚仔。見openrice呢間有好多好評，一於試下呢間標榜「連湯都可以飲哂既米線」，睇下佢係咪真係咁巴閉！-叫左個椰子雞湯米線，都幾大碗，雞件上面有少少椰子碎，聞落去唔算好重椰子味，但試左第一口湯後既想法係「哇，好好味呀😍」果然無吹噓，個湯好香椰子味，甜甜地好易入口，重點係無味精，飲完唔口乾。配料方面，雞件有5，6件，都係好瘦，無咩肥膏。另外仲有豆卜、枝竹、冬菇、生菜、雲耳。米線同出面一般既無分別。一口米線一口湯，真係覺得好好味。最後其實好想飲哂成碗湯，但太飽啦，個晚我飽到無食晚餐。-由試左第一口湯之後，我就肯定呢間餐廳我一定會再回頭。能夠做到顧客有呢個諗法，我覺得呢間餐廳已經成功左一半。極力推介大家去試，食完真係返唔到轉頭，你唔會再想去食譚仔。

"農米莊"主打吃農米雞米線，猶記得一年前跟朋友吃過印象不錯，近期在雜誌看見報導小店新推出了幾款特色湯底，心癢癢來試試看😄四款特色湯底都很想試，今天從最清淡簡單的開始吧~椰子雞湯米線 $43下單後不消三分鐘，一碗簡單清新的米線便送到面前🙈嚐一口湯底，果然十分清甜眼看不到令女士生恐的雞油，可以很放心大啖大啖喝湯Order了少米線，份量對我來說還是相對地多。雞件尚算嫩滑夠雞味，米線也爽滑彈牙，淡淡米香，沒令人失望配料有少量支竹，豆卜，雲耳，冬菇，生菜，對需要很多配料送麵的人來說不夠喉，所以吃剩了米線另外湯底也不夠熱，剛送上時是暖暖的，估計是一接到order便將煮好攤凍的米線和配料加入雞湯，使溫度下降。雖然配料及米線的溫度有點失色，但湯底味道真是很值得推介

係附近食lunch又唔知食咩好，行過農米莊，之前食過都ok但朋友話未試過，於是同佢食呢間。同其他米線舖唔同，呢間有幾款主打米線係跟農米雞件而唔係自己揀餸。沙嗲雞湯米線$36 + 凍檸茶$4--好健康既米線，沙嗲味唔係好重，但個雞湯湯底真係好好味，冇落味精兼少油。仲有少少生菜、菇、支竹、雲耳做配料。雞件份量夠，唔會淨係得幾件。酸辣雞湯米線$36 + 凍檸茶$4--朋友叫的米線，略嫌唔夠酸，但湯底撘夠。食完佢都覺好味，可以下次再食。

好耐以前已經想試，今日終於入去坐低食下講到個雞湯咁勁，無理由叫啲酸呀麻呀遮掩咗味道，所以就叫咗懷舊雞湯米等嘅其間，望到旁邊嘅報導話師傅落咗好多心機煲，又有人話會成碗飲哂。滿心歡喜啦，因為我都好鐘意飲湯。上面咁講得，應該都預咗我係準備講個湯麻麻啦。第一啖，淡。第二啖，淡。有好清好清嘅雞味，如果唔係有少少雞油都無嘅雞香。有少少少少嘅甜味，應該係啲杞子紅棗。啲紅棗脆杞子完整比無煲過咁嘅。。。朋友食嘅黑蒜雞湯有味啲，但佢都要不停落鹽，淨飲都唔夠味，配米線食梗係仲淡啦。不過佢嘅雞件係好食嘅，雞味濃郁，雞肉嫩滑，雞皮爽口，脂肪唔多！米線都煮得啱啱好，爽口彈牙。碗內仲有啲冬菇豆卜腐皮附上

兩個人既下午茶，今日黎到旺角新寶戲院附近既農米莊，佢門面唔算大，但入到去坐環境都舒服，星期六下午人唔算多，都有卡座坐，有下午茶餐食又試下先環境其實都帶點古色古香，燈光係幾舒服。男友叫左個E豬扒公仔麵，但可惜佢太餓冇留倩影，但都有五舊仔豬扒，size就真係細啲，因為係下午茶餐，但價格合理既。我就叫左個麻辣農米雞件米線，加埋杯凍檸茶，40蚊雞件都滑既，不過略嫌雞件有啲好尖既骨，唔小心可能會整親麻辣咪我簡左小辣，一嘗佢既辣味，試一試覺得可以再挑戰辣小小，但湯係可以飲埋架，因為佢既米線係用雞湯既，佢仲有一啲藥膳雞件米線整體黎講，下午茶黎講係唔錯既，睇在佢湯都可以飲埋既份上，我幾中意佢既米線，但下午茶餐抵唔抵食就見人見智啦

星期日晚上八點，油麻地旺角都係人山人海。。打算求其食d野就番歸，我和男朋友都唔係好舒服，決定食清淡d睇左下餐牌，見剛剛好有兩個位就拿拿聲入去。d米線價錢相差好遠，最平$30，最貴可以去到$98 慳家的我點左個鮮雞湯米線，已經包左一個餸。男朋友就點左個椰子雞湯米線。椰子雞湯米線$55，雞件夠滑，湯好香椰子味，好甜，所以我係甘偷佢d湯飲墨魚花枝丸雞湯米線$30，其實個湯都好飲，不過冇椰子雞湯甘惹味。加＄4有熱飲，$8有凍飲。米線份量不算多，除咗個平價雞湯米線，其他湯好似有啲貴。

本身我十分喜歡吃辣的東西，無奈大病至發高燒及胃部不適...唯有乖乖吃清一點，在新寶戲院附近徘徊一會，看了食評便點清湯四寶米線。試後，我覺得這間的湯底，真的在病中給我一點食物趣味。我會之後再試下其他湯底

小妹最愛食米線食米線食米線, 愛人佢特登搵左間有特色湯底既米線, 位置係旺角, 地點方便, 容易搵. 因為有2個人可以試到唔同湯底, 今次揀左椰子雞湯同黑蒜濃湯. 店內的湯底全部自家製同埋佢地既雞都係自己農場養, 雞都是好嫩滑, 雞味濃. 首先, 椰子雞湯, 都有頗濃椰子味, 同出面其他店是有分別. 而黑蒜濃湯因為我未食過黑蒜, 所以唔知原本係咩味但黑蒜濃湯都容易入口, 都幾特別. 總括, 哩間的米線都好有特色，有別坊間的雲南米線以酸酸辣辣。

之前經同事介紹呢間椰子雞湯米, 今日經開旺角突登過黎試下龍與鳳~因為一開始已經有目標, 所以都冇諗其他不過見到平日下午時間都幾多人幫襯椰子雞湯米線 $55價錢屬於中價湯底係奶白色!!!! 賣相係唔錯bo~~~~~湯底唔會好似平時既濃湯米線咁濃郁, 不過飲落有陣陣椰香味好少會係出面飲到呢種味道既湯底清香既椰香味, 配上佢地既雞米又幾夾bo!雞唔會煮得太over, 肉質仲keep到嫩身感覺唔錯唔錯! 係幾好~米線軟熟得黎帶點口感, 恰度好處~ 米線係做得幾好的!不過話好好味我又覺得不至於, 可能始終我係個濃味人比較中意食d濃湯感覺呢個清有清既好, 不過對我來講唔算觸動我心🙈🙈🙈

椰子雞湯米線：不過不失，感覺好似用左好多椰漿，有點over甜。花膠雞湯米線：見唔見到仲有兩粒紅棗？我最鍾意滋補野，仲有冬菇、雲耳、蟲草花，食完真係個人暖笠笠架！皮蛋豆腐：係黃金皮蛋啊！口感同普通皮蛋差不多，但味道好似啖一點。細細粒雞翼，賣相可愛，但有點肥。一碗米線其實份量好大，兩個女仔share一碗比較好，下次試埋藥膳先！不過貼心提示一下，無論閒日定假日，間野都好鬼多人，肚仔餓、無咩耐性既朋友仔要有心理準備喔！

是日買完西裝上網睇下附近有咩食見到尼間米線又唔算貴 成日譚仔都食到悶就試下新野好多唔同種類既米線 但大部份都以雞為主每一湯都有約4件左右既雞我由落單到我面前只有3分鐘……光速米線我叫左個芫茜版 我女人叫左個藥膳版湯唔算好咸 但比較油 米線份量較多 配料少量豆卜 生菜 木耳 冬菇可以再加錢加野食 但我一個人都食唔晒 食完唔會好口乾 抵讚位置之間較迫坐都幾辛苦下

同家人行街後隨便在旺角醫肚，唯11點多，很多食市已經關門，見到這間米線以「一碗可以連湯都飲哂既米線」作賣點，便試試湯底，家人叫了普通雞湯米線，我則叫了「懷舊雞湯米線」，一向很喜歡藥膳雞湯的我，對這「懷舊雞湯米線」的確抱了很大期望，等了不久米線便來了，聞起來味道挺香，試一口湯，失望了，湯很苦澀，可能是因爲已經11點多，藥材由早到晚一直翻滾著，使苦惱味都跑出來了，這點要留意一下，試了一口家人的「普通雞湯米線」，雞湯頭味道還好，雞味不算淡，希望下次再光顧時，可以嘗到不苦的藥膳雞湯吧

我一向對米線情有獨鍾～坊間的米線店選擇太多，要突圍而出也不容易。最近發現了這間主打藥膳雞湯的米線店，有養生養顏的功效，更聲稱食客連湯都可以飲晒！(∩╹□╹∩)究竟是否這樣厲害？我前幾天去了試一試～ "農米莊"位於旺角豉油街，新寶戲院旁邊。從旺角港鐵站E2出口，步行約6分鐘。 這兒主打藥膳雞湯米線，另外也有飯和小食等等。在店舖門口當眼處寫着"一碗可以連湯都飲晒嘅米線"，看上去相當吸引～我在好奇心的驅使下進去試一試٩(●ᴗ●)۶！ 店舖並不寬敞，裝修風格古典得來的帶一點時尚感，卡位上的天花有一排橙紅色的燈籠點綴。 以下是招牌米線的餐牌～有很多自創款式，相當吸引！我和朋友選擇了酸辣雞湯米線、椰子雞湯米線和花膠雞湯米線。 酸辣雞湯米線（＄48） （雞件、冬菇、雲耳、支竹、豆卜、生菜） 三款之中，這款的賣相最普通～ 雞件嫩滑，冬菇和其他蔬菜配料新鮮。米線中央有鹹酸菜，湯底的酸味較重，相比之下辣味不太明顯，適合較愛吃酸味的食客。由於酸辣味太重並蓋過雞湯的味道，個人認為就像一般酸辣米線，味道不是十分突出～ 椰子雞湯米線（＄55） （雞件、椰子絲、冬菇、雲耳、支竹、豆卜、生菜、蜜棗）

週日與寶寶逛街，晚上品嘗了這店。廢話沒興趣說太多，先評店面服務，整體上挺好，店員上菜及落單速度快，而且態度亦好好，這值得一讚！輪到菜單方面，雖然是食米線，但其他小菜種類挺多，價錢合理又係眼闊肚窄既後果，兩個人除了點各自一碗米線外，還另外點了四道小菜寶寶點了椰子雞湯米，味道還可以，但沒有甚麼特別。我點了莞茜雞湯米，平時愛好食茜既我對此湯米期望挺大，但最後換來失望更大。莞茜像是被打成蓉當作湯底， 令整碗湯米起晒渣之餘，湯頭亦十分淡口。到最後清晒米線及配菜，剩底是一大碗滿滿都是油的湯，就算店舖如何吹噓湯沒有添加額外味精，我個人都不敢整碗湯喝掉。配菜方面，叫了玫瑰溏心蛋，蛋夠溏心，再蘸了附設的玫塊漿，味道清清地還可以。第二道小菜叫黑金雞翼，雞翼到枱時已經凍了，肉既質感就像凍了的jelly般凝著，味道非常一般。鹽燒豬頸肉： 一眼睇晒得四塊 ， 味道清淡無比 食得出純加了丁丁鹽同黑胡椒粉，個人認為燒得不夠香。柚子豬軟骨：完全食唔出柚子味，而且非常多油....建議該店好好檢查同研究食物出品既製法，可幸是店面服務的確做得好。加油！