農米莊 (豉油街)

营业中

休息中

每次經過豉油街見到呢間農米莊都好想試，話說係可以成碗連湯都可以飲晒既米線，襯住今日去旺角睇戲決定一試為快🤓入面座位算比較多，而且人流去得快，等左10分鐘就可以入座🤨一入到去就見到推介既椰子雞湯米線既海報，呢碗當然要揀呢，另外就叫埋黑蒜雞湯米線，小食選個太極鴛鴦皮蛋，完成。😇✨首先係椰子雞湯米線，先睇賣相係唔錯既，個米線白雪雪咁幾靚架，第一口飲落個湯底清清甜甜幾好味既，但又唔叫得上好特別呢🧐算唔錯啦。但唔會成碗飲晒！舊雞就幾滑既！😌輪到黑蒜雞湯米線，可能口味同我想像大大不同既關係，個蒜味太過濃吧，無錯個湯底應該係健康既，個太濃既蒜味真係無辦法飲晒全碗湯😅😅同埋有點油！我會覺得椰子雞湯吸引d❗️最後呢個太極鴛鴦皮蛋🤢🤢🤢老實講係難食同好好好奇怪！食左一粒後真係唔想再食，皮蛋顏色特別，連味道都特別，感覺似變壞了😓😓可能係我唔識欣賞👀ι don'т ĸnow!!P.s.整體黎説係比較失望！兩碗湯底感受唔到有雞濃厚既湯味，相信無下次了🤫

是日與友人到旺角逛街平時常常去譚仔朋友建議不如來試點新東西便去了主打雞湯米線的農米莊店舖座位與座位之間很小朋友點了黑蒜雞湯米線 我則點了懷舊雞湯米線點了不到5分鐘食第便送上比麥當勞、譚仔還要快朋友的黑蒜味蠻突出 不錯湯底顏色十分清淡 不過於油膩配料有點少米線偏軟整體不錯👌🏿

今日去食左雞湯米線 太太叫椰子雞 本人食芫茜雞 先講佢招牌湯 淡而無味 椰子雞湯竟然加了椰絲而成😰芫茜湯不見芫茜只見綠色湯 芫茜味欠奉 🤦‍♂️雞件少又冇雞味 🤬收$58元碗 不包飲品 去味X海南雞飯送個椰子雞湯好佢多多聲

身成一個熱愛飲雞湯既人，一直未有機會黎試呢度最出名既雞湯米線，但試完後真係好失望！椰子雞湯米線（圖下）一黎到，即刻飲一啖湯，吓……只飲到椰汁味……又話椰子雞？點解一啲雞味都冇？？米線，係好普通既米線，冇煮得過淋，只係配埋啲椰汁湯食，啲味真係覺得有啲怪……啲雞都不過不失，唔會太鞋口懷舊雞湯米線（圖上）湯:只飲到少少藥材味，同椰子雞一樣毫冇雞味！但飲落比較易入口，清清地，如果非必要時一定要揀，雖然兩個湯都冇雞味，但揀懷舊雞會好啲……小食好油，油到一個點……仲要落埋啲冇味芝士去半煎炸，油到食完成個碟底食完都係油！呢間店標榜雞湯，冇味精呢個係真，又唔咸，但真係個湯冇雞味真係好趕客 ，完全唔值呢個價，唔會再黎！

食物：花膠雞米線價錢：$98份量：1舊花膠/3件雞/1隻冬菇/2個豆卜/1舊支竹/1條菜/杞子蟲草花/雲耳2塊仔 同米線味道：花膠ok/雞嚡口d/其他無咩味/米線係斷架重點：佢叫人連個湯都可以飲埋，但我飲到個湯底係開左忍廉雞湯溝既......

去旺角食米線，唔一定要食譚仔既。朋友帶我去到鬧市中既呢間農米莊。夜晚七點幾雖然冇人龍，但入面既座位都坐滿九成。好彩啱啱有張二人枱執好，店員就安排我地入座。一坐低，朋友就介紹我叫黑蒜油湯底既米線。因為佢食過，話個湯底好甜。好啦信佢一獲。而佢就叫咗個藥膳湯底米線。而我地兩個就share一份尖椒皮蛋。農米莊既上菜速度都算快。坐低唔夠十分鐘，所有野食就上齊哂。點不知原來侍應落錯單，將朋友果碗藥膳湯底變咗做椰子雞湯底米線。朋友就話唔緊要啦，照食。講下個尖椒皮蛋先，辣就一啲都唔辣，但好足醬汁，而且啲皮蛋好入味！黑蒜油個湯底果然好甜，唔係講笑，同我對出前一丁黑蒜油既印象好大出入。但除咗個湯底，佢啲雞亦非常滑。少骨，而且唔肥。椰子雞湯底就好香，有少少奶味。啲雞都一樣好滑。呢間店既質素尚算唔錯！價錢嚟講每人70蚊，唔算貴。唯獨係店鋪間格有啲逼。到食完出番鋪，二人枱已經排到第四張！都幾旺！

臨近新年，要開始辦年貨。收工同老婆快快手食個晚餐，就去買野。路過呢間「農米莊」，就唸住入去食個簡簡單單嘅米線。一坐低，見牆上寫住“ 一碗可以連湯都飲晒嘅米線“，心唸個湯底係咪真係咁勁呀~望望餐牌，湯底都有成7款選擇。價錢真係有平有貴，最平$48，最貴成$98嘅花膠同龍蝦湯底。黑蒜雞湯米線 $58 - 黑蒜湯底幾杰身，味道好濃郁。米線同雞件份量就比較少，但除咗有農米雞件，仲有配料: 冬菇、雲耳、支竹、時菜。雞件好嫰滑，但雞味唔算太濃。鮮雞湯四寶米線 $38 - 老婆點左鮮雞湯，佢話咁先原汁原味。呢碗有龍蝦丸、貢丸同墨魚丸之外，同樣有配料: 冬菇、雲耳、支竹、時菜。兩個湯底都試過，鮮雞湯的確比較鮮甜，而黑蒜濃郁程度亦同樣出色，我地都真係差唔多飲晒個湯。凍咖啡  +$8

今日係新寶戲院睇完戲，就搵下旺角有咩好食，住係沙田既我們真係比較少出旺角，原來而家多左好多間唔同既餐廳，真係要乜有乜。行左一陣，決定入呢間濃米莊試下佢標榜連湯都飲得既米線！我地一人叫左一個米綿，分別係麻辣雞湯米線同埋莞茜雞湯米線！其實兩個米線既材料都一樣，主要都係有農米雞，時菜，雲耳等等，唔同既就係個湯底！先講下呢個麻辣湯底，第一啖飲，覺得辣味唔算好重，幾香口。但食多2啖啲辣味就愈來愈出，好刺激。雞件方面，位置多數都係雞翼同雞比，所以好嫩滑，配料都吸收左啲辣味，但飲住水流住鼻水都係想繼續食到呢個莞茜湯底，個人就覺得莞茜味都幾夠，感覺幾清新，但略微咸左少少，不過朋友就覺得岩岩好！但唔知點解，呢碗既雞多數係雞胸肉，略微鞋左少少最後我地都冇飲哂啲湯！個整體呢講，呢間濃米莊都係值得再黎！

情人節晚，周圍都咁多人睇完戲都好夜，晚上十點半喺旺角唔知食咩好，行行下聞到啲藥饍湯味，又見門口貼住話可以連湯都飲埋，決定一於試一試椰子雞湯米線 ( $58 )估唔到椰子味無論聞落去又好、食落又好，都好香！雞湯味濃，兩樣夾埋好好味，好夾！雞件好肥美，雞肉都好滑呢👍絕對唔係又鞋又難咬嘅雞肉，值得一讚！米線份量都好多、食唔曬。。反而飲曬啲湯。細食嘅朋友，可以問下有無得少米線酸辣雞湯米線 ( $49 )呢碗湯底反而麻麻，辣多過酸，無咩特色咁。

最近朋友聽聞有間椰子雞湯米線幾好食, 於是我地就搵左晚收工去探下真偽!我地等左大約5分鐘就有位喇!由於我太貪吃既關係, 我叫左 莞茜雞湯米線加豬軟骨$70雞既份量都算足夠, 食落好滑! 至於加既豬軟骨, 我就覺得如果再淋少少就好喇!米線算是爽口, 湯黎講我覺得莞茜味可以再勁D! (哈哈,我是莞茜控吧)朋友叫 椰子雞湯米線$55碗野一黎到, 朋友就先飲一口湯, 佢話好有椰子味, 然後比我飲了一口, 真係正喔!!雞既份量同我個碗一樣足料, 雞配椰子雞湯比莞茜雞湯夾!總括: 食物味道好, 下次想食清清地既米線都會再次幫襯!

米線愈來愈多火鍋店都係一間又一間，MK 呢間野「一碗連湯都可以飲晒既米線」，雞湯米線中，椰子雞多人讚歡迎，湯膽用龍崗雞、紅蘿蔔和馬蹄等蔬菜滾成，不加味精，再加入鮮椰汁試過都幾清甜滋潤，難怪朋友話日日當湯飲都 Okay，想健康得又可以養顏，每碗配新鮮雞件，滑滑的雞份糧都不多大飲埋就真係飽透

間中都會同老公食下呢間米線，佢唔係普通個D三叔米線(利申：我喜歡吃三叔米線的)佢係特別的湯底個種，聲稱連湯都可以飲埋個D，基本上我黎親都係食藥膳米線，佢有杞子，有蟲草，仲有一陣藥材味，不過其實係好輕微，如果你鍾意飲果啲燉湯，就會鍾意飲呢個湯底，老公每次黎都係食黑蒜雞米線，其實都係唔錯，我同老公都會連湯都飲晒，佢啲米線係彈彈地，唔太林，而且啲雞肉有幾嫩嘅不過曾經有一次我試過花膠米線，以為成舊水應該好味D，結果係藥膳好味好多

平時出街食飯大部分都係食一啲多味精，味道較濃嘅食物，想喺出面食一啲比較健康清淡嘅食物選擇真係少之又少😕今次喺旺角試左一間主打特色麵食嘅餐廳—農米莊🥢，聲稱佢地嘅米線係可以連湯都飲埋🤣。我點左一碗椰子雞湯米線🥥($55)，友人點左懷舊藥膳雞湯米線($55)。原本對佢地嘅米線期望唔係十分高，但上桌嘅時候已經聞到好香嘅湯味😍。椰子雞湯米線湯頭呈奶白色🍼，味道好清甜，係新鮮椰子嘅味道，飲湯嘅時候都會食到有幾片椰子同椰絲🥥，務求令椰子嘅味道更突出。而藥膳雞湯米線味道相對濃郁，但唔難入口，搭有蟲草花、杞子、川弓，十分足料👍🏻。而農米雞雖然雞味唔係十分濃，但勝在滑嫩。配菜方面則有豆卜、腐竹、雲耳、冬菇及生菜，整個配搭都非常好。總括而言，能夠以呢個價錢食到新鮮好味嘅麵食，實在值得一試，推介！😄👍🏻

突然好想食米線，除左譚仔之外仲有間我好喜歡的米線專門店。標榜連湯都飲得哂既鋪頭，飲得哂唔口乾唔加味精。今次我試左呢個椰子雞米線一上台就見到好多材料雞件、生菜、豆卜、雲耳。雞件好滑，都有四五舊架，佢比既都係肉多 唔會比埋d雞骨你當一舊。另外生菜食落索索聲、豆卜索哂椰子味。湯底好香椰子味，飲落去不得了，真係會上癮咁一啖又一啖接住飲。食完哂米線之後，我忍唔住清左碗湯，返到屋企都冇好口乾。如果你都喜歡椰子味，呢間真心推介！

凌晨時分， 就黎呢到食碗夜貓米線！款式都幾多！不過價錢以米線黎講就偏貴！黎得呢度對主打一碗可以連湯飲晒嘅米線🍜呢句說話相信都唔陌生！但我覺得#凌晨3點仲可以飲到養生藥膳雞湯才是重點！！懷舊藥膳雞湯米線 $55呢間小店嘅養生藥膳雞湯的確唔錯，配料都好多！（冬菇、雲耳、川穹、杞子、紅棗、蟲草花）但反而覺得藥膳雞湯味道其實同米線質感唔係好夾！如果可以改泡飯食法, 相信會有不錯嘅效果！莞茜雞湯米線 $58呢個sell綽頭味較多, 望落湯頭的確綠到草原甘!但茜味其實同雞湯味道係分離左，雞湯部分是真材實料但茜味感覺似後加茜粉香料另外雞肉部分似海南雞口感算嫩滑！