農米莊 (豉油街)

营业中

休息中

今日外出工作。經過旺角附近，在那裡出名除了人多之外，食店也相當多。真是可以說：想找間餐廳吃飯也不難！見「農米莊」有很多食客入內光顧，再看餐廳內的環境又不錯及門外午市套餐合胃口，於是入去坐下。開初我隨意坐在四人座位上。侍應見我得一個人於是就叫我坐另一張枱，他們的服務態度尚算有善的。我點了南瓜豬扒飯及熱奶茶。落單後，再看看餐廳內牆身的廣告＂一碗可以連湯都飲哂嘅米缐＂。心知不妙！再上＂開飯喇＂網站搜尋，原來它們出名吃米缐。心想：算了吧！已經叫了午餐。試下好不好吃?南瓜豬扒飯，有煎豬扒，南瓜及白飯。暖暖地，但是整體而言份量算多。如果把豬扒完整地併合起來，差不多有一整塊的。從豬扒的橫切面而看，可以算是屬於厚切類別。食起來肉"異常"鬆軟，好似落了鬆肉粉般。加上肉味道欠奉，調味方面欠一些。橙黃色的南瓜，咬起來軟綿綿的，南瓜肉質地結實的。不過，食起來又幾腍滑。味道就少少甜。南瓜玻璃獻汁，味道不太濃，反而覺得有少少淡用來撈飯就最好不過啦。白飯，食吃起來有點嚡囗，口感不太好。熱奶茶，紅茶及淡奶茶比例中，奶茶香味略嫌不太濃，味道就一般。總括而言，南瓜豬扒飯的豬扒只是味道淡少少，份量算多。以這個價錢享受這個套

農米莊🍜聽朋友講農米莊既椰子雞湯米線係可以成碗湯飲哂，我本身都係個好鍾意飲湯嘅人，所以今日一於去試下(˶‾᷄ ⁻̫ ‾᷅˵)🥥🐥椰子雞湯米線 $55一碗米線入面有椰絲、滑雞件、木耳、腐竹、菜、蔥同豆卜。🐣椰子雞湯呈奶白色，有好香濃既椰奶味，入口非常鮮甜，米線軟硬適中不失彈性，都好有椰奶香味，雞件好嫩好滑，只係雞皮比較油，不過都不失水準🤙🏻腐竹索哂椰子雞湯，咬落去會爆啲汁出來，仲好滑添🧐加埋椰絲，每一啖都好有椰子味，椰子愛好者一定要去試下❣️

一直好鍾意食「農米莊」呢間餐廳嘅米線，因為佢哋嘅雞湯底好好味而且冇味精。今次一反常態試下湯飯，原來都唔錯喎，比起米線更加吸湯！證明有時試下新野都無壞啊。我揀咗生椰子雞湯飯。午餐食好抵，只係$58，比起晚市平十蚊！呀呢個湯底係養顏首選，味道好青甜，仲有少少椰絲，女士們實鍾意。雞件係雞俾肉，嫩滑唔會鞋口，而且雞味濃郁，讚！溫馨提示，各位最好搞一搞令飯粒分開先開始食，因為有啲飯粒會結成一團令到口感差左。

下午三點幾，一個人入去食左個late lunch。之前有朋友講過呢間嘅雞湯米線好味，有雞味而且唔油星期五嘅下午茶時間竟然冇乜人椰子雞湯米線米線有椰絲、雞件、木耳、腐竹同豆卜。先講個湯，雞同椰子味平均，入口夠滑，唔油，很不錯！飲到最後都唔膩！雞件反而唔夠雞味，亦冇乜特別。木耳爽口，ok的。因為有椰絲，每食一啖都食到有椰味，感覺椰子愛好者會喜歡的午市比正價平左8蚊，價錢可接受的，亦可以自選配料，不過都係覺得小小偏貴

因為一句可以飲湯既米線而來諗都唔諗就簡咗椰子雞湯米線因為上面寫住養顏呀之前係其他地方食過椰子雞，但無咩味，所以都無太大期望一黎到好大陣椰子味即刻試下佢個湯勁甜椰子味🥥米線都有椰子味唔似得湯有味佢d雞話係農家雞我就唔識分，但肉質都還好既最重要我唔覺得佢有好大味精因為飲曬都唔覺得口渴同鹹值得推介呢個

米線一般，還不如去食譚仔。米線勉強擺得入口，但主打的雞湯的雞是不行的，口感好梅de de……米線以外嘅皮蛋，雞翼更加唔得！連棟檸茶都比出面茶餐廳差！千萬不要浪費金錢吃小吃！而且服務員態度也差，可能旺角係遊客去，所以服務員習慣黑口黑面。

尋晚去廣華探完奶奶之後，就同老公去搵下醫院附近有咩嘢好食，之後行哂幾條街，最後揀O左呢間外貌好吸引我地去食O既米線，一入到去我地睇到餐牌，依…價錢有點貴啵，心諗可能值我一試呢，咁我地就各自揀O左 椰子雞湯米線 + 懷舊藥膳雞湯米線 呢兩款，我就食懷舊藥膳雞湯米線，即叫轉頭就有，超快…間店推薦一次要飲湯，咁我開始食O既時候，一見到個幾舊雞，完全係海南雞，第二飲湯時，湯完全唔係咩嘢藥膳湯，只不過，可能冬菇只用肉骨茶煮一煮，令到個湯有點味，完全好失望!另外，我另係飲O左幾啖湯，已經超咸，已經超想飲嘢。之後，我問老公佢個碗OK唔OK?佢就答我，椰子好明顯係現線倒入去而唔係所謂的椰子…汁，真係勁失望!完全係低成本低技巧，無內涵的食店!

在新寶戲院看完戲後, 看到隔壁農米莊的menu頗為吸引便決定一試🤗 一向對藥膳湯底情有獨鍾, 見到這個懷舊雞湯米線簡直無法抗拒, 湯底以鮮雞、當歸、杞子、南棗、蟲草花熬製而成, 湯底鮮甜而不膩, 喝完一口又一口! 😍 雞件肉嫩美味, 冬菇和杞子非常鮮甜! 如果米線再有咬口一點就更加高分~下午茶時間盛惠$48, 配飲品只加$2~ cp值極高!!! 另外, 餐廳的服務也是同區罕見的好~ 戴眼鏡的店員哥哥(不知是否老闆) 滿面笑容非常親切! 👍🏻👍🏻👍🏻

鐘意食雞又鐘意食米線既朋友呢間米線一定岩曬你🍜農米莊主打賣 特別湯底雞米線 啲湯底你絕對想飲曬佢有好多特別既湯底 例如 椰子湯 藥膳 花膠湯 龍蝦湯...而椰子湯係最多人叫入面鋪頭 啲人普遍都係order椰子湯底所以我都跟下風order左一碗椰子湯同麻辣湯雞米線一碗米線大概有6-7隻雞🐔豆卜,茹,木耳,生菜同腐皮啲雞既肉非常嫩滑 唔會過熟 雞既size都幾大 有好多肉可以食🍜椰子湯雞米線椰子湯有好重既椰奶味個米線吸曬椰子湯既甜味😍🍜麻辣雞米線麻辣味就冇乜特別 普普通通可以叫小 中 大辣今次叫左小辣 唔太辣好食得辣既朋友可以叫中辣總結: 非常好食 特別係啲雞🐤 湯底都唔係響普通米線鋪頭可以試到不過係價錢我覺得有小小貴

農米莊selling point一碗連湯都可以飲晒嘅米線！ 廣華覆診後就試試它！室內裝飾走簡單中國風，座位不會迫亦有卡位供應。點了酸辣雞米線配料有雞、雲耳、酸菜、腐皮丶東菇及菜，感覺健康！雞味道清淡及很滑。米線軟硬度適中，不會還稔。酸辣湯底味道清淡，只有少少酸味，一點不像坊間的米線的濃味。如果喜歡濃味的如我就有點失望。而湯方面感覺不味精味道清清地。但與想像中"一碗連湯都可以飲晒嘅米線＂的鮮味或清甜就沒有，我亦沒有全碗飲光！

夜晚黎左旺角行街，因為太多晚餐種類，一時間都諗唔到食咩. 行左好耐最後去到豉油街搵左間價錢ok,望落幾吸引既雞米線餐廳.呢間餐廳出名菜係椰子雞米線，仲有黑蒜，花膠，藥膳等等既雞米線. 除左米線，都有飯比大家簡.今次我叫左2個米線，分別係椰子雞同黑蒜雞米線.個湯好濃，果然襯番間店名（濃）米莊. 😂雞好滑，米線則略小左d.價錢大概50-60幾，野飲另計. 檸茶檸水正正常常.除左面，我仲叫左芝士墨魚餅😈好重芝士味，拉c拉到好長

聽講個湯底係無味精，所以今日來試下！叫左椰子雞湯米線同懷舊雞湯米線，一來即刻試一試佢個湯底，叮一聲！真係無味精喎，而且懷舊雞湯仲好濃藥膳味，而椰子雞湯就稍為有點膩，唔咪係咪加左椰漿！但兩個湯底都算唔差，重點真係食唔到味精味，就算飲哂成碗湯都唔會口渴！！另一驚喜係米線入面已包括既雞肉好滑，完全唔鞋口，份量仲唔少添！！值得一提既係佢仲有芫茜湯底米線或泡飯，真係將d 芫茜打爛混落個湯度，真係坐到老遠都聞到，芫茜控既朋友可以去試下！

食米線，唔一定要食酸辣，清湯既，其實米線有好多湯底可以選擇既。偶然經過呢間農米莊，發現佢主打農家雞，所以基本上每個米線都配雞既。呢間鋪頭既米線有好多湯底選擇，每個湯底都有唔同功效。我同朋友就揀左個蟲草花膠雞湯同龍蝦雞湯試下。蟲草花膠湯都幾好味，配米線夠滋補，而且佢好足料，大大塊花膠係上面，爽口得黎又彈囗，我最怕煲到溶晒，膠住個囗果種架啦，呢個就完全無呢個問題。至於個龍蝦湯就比花膠湯濃味好多，同樣係好足料，有大半隻龍蝦放上面，龍蝦肉好新鮮，肉質爽口彈囗。鋪頭仲一早已經幫你整碎個蝦殼，方便進食。

一心嚟試下呢到試下個藥膳雞湯米線，感覺失望，只有好淡淡既藥材味，幾粒後加、仍然好硬既既紅棗。酸辣雞湯既湯底仲差，唔酸唔辣，仲有啲甜，好奇怪。雞翼可不試，似蠔油炆出黎既味

今天午市經過，十分多人，但由於一個人，很快便入座了，位較擠迫，一般食店咁。點了椰子雞湯米線及凍奶茶，東西馬上就到，很有旺角效率。第一口品嚐的湯味很好，雞被很滑很啉，一夾，都好多粉，但啉左些少，越食越沒有驚艷。千萬不要點凍奶茶，十分難飲，叫左少甜都甜到死，完全無茶味，十分恐怖，在喝糖水，可能係佢令我覺得米線越食越一般。像某位食家的感受一樣，不難食但也沒有叫我回頭的吸引力。