農米莊 (豉油街)

营业中

休息中

朋友想去旺角食lunch，又想食米線，上網見有人推介就入咗去坐低門口同餐牌都寫住可以連湯都飲曬嘅米線由於太肚餓，一坐低即刻望餐牌，有幾款都好想試，見到隔離枱食緊藥膳雞湯米線，店員又推介，所以就叫咗呢款米線一上枱已經聞到好濃嘅藥材味，已經流曬口水🤤🤤可以睇到入面有好多款藥材，包括紅棗，杞子，冬菇，蟲草花等等，一啖米線一啖湯咁食好正😋😋雞嘅份量比較少，只有4-5嚿，但好滑，而且唔肥，連皮食都冇問題見到隔離枱食黑蒜同椰子雞好似都好正，下次有機會試埋先得😋😋

米線太硬 似未煮熟服務員態度差 落單叫左接近5分鐘 一直用好差既態度叫人等等最後再叫一個年輕女侍應落單坐位非常窄 而且卡位坐落個人係成90度 坐位非常不舒適 肥少少應該更辛苦門長期打開 正直夏天 熱風長期吹入黎 即使唔係坐最接近門口位 都感受到果種熱坐係依個地方 係最差過食茶記環境完全大打折扣唯一一樣好既係湯底都仍然保持水準 黑蒜味好香其他一概好普通 雞米線只有雞 配料係少到食左都唔知 同menu睇到既大有岀入另外加6蚊既菜心 只係得2條 而且缺點係湯不夠熱相對第一次剛開業食 的確比下去 環境食物價錢都非常普通 只能說CP值好低 應該無下次

位於旺角豉油街嘅「農米莊」，主打濃郁嘅雞湯米線，有多款湯底選擇：椰子雞湯、黑蒜雞湯、藥膳雞湯、麻辣雞湯等等。今次揀咗清新口味嘅椰子雞湯($55)滋潤養顏的椰子雞湯呈奶白色，湯底清甜，好有椰香。用料有農米雞件、冬菇、雲耳、支竹、豆卜同時菜等。雖然平時唔係好食冬菇，但今次吸收咗甜湯底嘅精華，都幾好食。只係雞件比較皮厚肉薄，稍有碎骨，但咬落去肉質都幾嫩滑。碗麵仲加咗少少椰子絲，咬落去爽脆有口感。下次會再試埋同樣有好多人推薦嘅黑蒜雞湯～

鬼節前後，天氣特別陰濕翳焗。放工路經旺角，發現此小店，標榜養生湯底米線，好奇一試。店內充滿中式風，有不少燈籠裝飾。卡位闊落。牆身有以下標語，甚是搶眼。椰子雞湯米線。椰香十足懷舊藥膳雞湯米線。凍菜蜜評語：湯底特別，可惜材料太少了，米線亦不多。吃完只記得有雞肉和少量菜。豆卜加起來不足一顆，枝竹細小至無食感可言。最無語是餐牌有圖寫明，椰子雞湯有椰子肉，結果是沒有此配料，侍應也直言冇。吓？

周日放假，下午去左食米線，比佢個藥膳吸引到。首先，環境方面係旺角地鋪黎講，係坐得有D逼，如果你話簡單、快食、求飽肚，都無妨，感覺都企理。咁有幾款都好吸引，因為藥膳比較出名就揀左。食物方面，湯底比較淡，都有少少失望，有淡淡既藥膳味，不過少左一份藥膳既回甘。可能食得比較清既人會覺得OK。咁我覺得好既地方係食物都好足，見到D雞件幾多又好似好嫩滑就覺得好興奮，食落真係幾滑同埋自己都中意食蟲草花同紅棗、芫茜、所以都覺得唔錯。不過對我黎講湯底都重要，所以如果再重藥膳味D，會令人想飲埋個湯就更好喇!主要想講，下午茶時間幾抵食﹗如果正常價錢就可能有少貴~~

今日同女朋友出到旺角，一時間想食啲清啲健康啲既野，諗起呢間標榜湯都可以飲埋既農米莊就黎食返兩碗啦！第一個上枱既係我既傳統藥膳雞湯米～入面有唔少藥材，分別係紅棗、杞子、蟲草花、冬菇、雪耳同川芎，第一啖食落偏甘苦，但之後慢慢會甜，一黎應該係習慣左個苦味，二黎杞子同紅棗杞子既甜味，湯底同上面講既紅棗杞子互相提升左味道，最後個湯會變甘甜，我仲飲晒個湯添。花膠雞湯相對普通，一開始頭兩啖都有淡淡花膠味，但後來愈食得多愈淡，最後飲落比較普通，我覺得主打係湯底既都食，係食完後令人有種想飲晒啲湯既感覺好重要，所以相比較下本人就比較鍾意藥膳湯底啦～另外要一提係我地花膠湯底轉左拉麵，始終覺得同個湯唔夾同埋呢到拉麵好淋仲要加四蚊，個人都係推薦返米線比較好！總結係農米莊一黎有幾個優點係感受到湯底都真材實料，雞肉就算係雞胸都非常嫩滑，係互個都偏健康又好味既選擇。 個人十分推薦

想食米線，但一諗起米線就係又咸又多味精，見到呢間椰子雞湯，感覺好似幾清，就決定去試😗-叫返最普通既椰子雞湯米線，好足料喎！入面有冬菇、木耳、生菜、腐竹，仲有當然唔少得既米線同滑雞😋啲雞好滑呀真係！！！🤩🤩但湯好清，唔會太咸！我都忍唔住飲左幾啖🤭🤭-

一黎到話執緊台，咁咪出面等陣跟住出面黎左另外兩個人，佢一話兩個人就有人帶台，之後我地話我地到先，個兩個人就話「咁你地先囉」，語氣仲要好差，係咁啤住我地食客質素先不論因為唔關餐廳事，但因為間餐廳冇系統，而令客人有唔好既經歷，實在令人失望建議帶台只有一個人負責以免混亂我明白小本經營既難處，但都唔應該搞到自己咁難睇，服務質素幾時都應該有，店員態度其實無問題，但管理就不善，仲有漏單情況，後來店員有幫我地跟，呢樣係做得幾好而且坐位左右高低，有點兒不舒服食物就不過不失，價錢平民

其實都食過幾次呢間野，但第一次黎係食飯，覺得一般，之後見到牆上寫住“一碗連湯都可以飲埋既米線”又見到其他人食好似幾正，所以又再黎過，但就醒目叫佢啲招牌米線。依家暫時試過椰子雞、藥膳雞、黑蒜雞、芫茜雞同埋普通雞湯米線，我覺得椰子雞>>藥膳雞>黑蒜雞>芫茜雞>>>>>普通雞。但我男朋友就覺得藥膳雞好食啲，所以都可以睇返自己個人口味揀，但就強烈建議唔好叫飯同普通嗰種雞湯米線，因為真係差好遠，飯同普通雞米線真係好普通，你係唔會覺得有咩特別，反而其他嗰啲都會令你有衝動想飲埋碗湯。咁我地今次又係叫左椰子雞同藥膳雞米線記得上一次黎食係淡左少少，但今次又濃返唔錯，同埋我地都係飲晒碗湯架。講左藥膳雞嗰碗先，我覺得以藥膳味黎講係好食既，但我本人麻麻藥膳嗰種甘味，所以我比7分。而椰子雞嗰碗唔只椰子味香濃，而且雞味都足，配菜都好食，唯一美中不足既係我覺得雞肉可以再滑啲，整體我比8.5分。椰子雞湯米線$58懷舊藥膳雞湯米線$58今次我地係夜晚去食所以貴啲，我記得晏晝好似係平啲，所以如果可以最好晏晝去啦😀

其實我一向都唔特別鍾意食米線，但係有個同事極力推介話旺角有一間米線專門店好好食，性價比好高，，所以今日放工專程去試下！呢間餐廳主打係賣高質素雞湯米線/湯飯，坐低後朋友叫咗椰子雞湯米線，入面有椰絲、木耳、腐竹、菜、豆卜同埋主角滑雞件，材料豐富！奶白色湯底傳來濃烈雞味同椰子香，湯底非常鮮甜，朋友食完飲埋d湯！我叫左龍蝦雞湯米線，有成半隻龍蝦啖啖肉湯底龍蝦味唔算濃，但係配合埋其他食材，可以話係大件夾抵食

友人知我素來喜愛喝湯，於是向我強烈推薦這間餐廳。平常吃米線，來來去去不過清湯，酸辣和麻辣湯。意想不到小小一間米線店，竟有多款湯底可以選擇，喇沙，蕃茄，沙嗲，芫莤，黑蒜，藥膳等等各式湯底都非常吸引。我選擇了招牌湯底，椰子雞湯米線。湯底是很重很濃的椰奶香，味道偏甜一點。米線軟硬度剛剛好，份量慷慨。而雞件則較失色，味道較淡，也沒有吸收到湯底的甜。烤香甜粟米，普普通通。但湯底真的非常不錯，的確是一碗可以連湯一併喝清光的米線，絕對會繼續支持啊😻

冇服務態度可言 侍應冇咩禮貌 門都唔關搞到冷氣唔係好夠 一路熱住食 重點係食物其實一般 湯底冇咩味 同水溝出黎既冇咩分別價錢一般 唔係抵食 亦唔係報紙吹到咁好味冇咩必要都唔會有下次

今日難得放假，緊係即刻到旺角搵美食，聽朋友講有間有質素雞湯米線/湯飯食店，跟住OpenRice 地圖一路走來，地鐵站行無耐就到。坐低後同朋友一人叫左一碗雞湯米線。朋友叫左椰子雞湯米線，奶白色湯底傳來濃烈雞味和椰子香，當然立刻搶先飲淡湯，非常鮮甜！但對於我黎講就稍微甜左少少，但接受到既。雞肉吸收曬椰子湯香味，感覺似家裡做嘅椰子煲雞，但此舖嘅雞更加滑。莞茜雞湯莞茜味香濃，滿滿既莞茜碎係湯底浮沉，岩曬我呢個莞茜控😁總結黎講，絕對有下次！

肚餓就要搵野食，唔係實會餓親。行經呢度好似唔錯，點知中左伏...黎到呢間，我叫左沙爹雞米線同墨魚餅，兩樣野都咸到死，咸到癲，食完實係驚驚地，咁鬼咸。店竟然聲稱湯底可以當湯飲，講真，咁咸，點飲？飲到既人真係不得了，令人佩服。每飲一啖湯，真係想大叫救命好咸。不過雞肉嫩滑, 墨魚餅都脆卜卜，可囗好食既。然而服務方面，職員就無太多笑容，唔太親切。找續又失誤，好似未訓醒咁，好彩我醒醒目目發現到，唔係就GG 了...

同朋友係旺角附近上完堂都已經晩上十點幾，又未食野，拿拿林係附近搵間餐廳入去醫下肚。行到豉油街，見到有一間話連湯都飲得既米線鋪，個米線湯又真係幾特別，一於入去試下係咪真材實料。本身都鍾意飲椰子雞湯，二話不說就揀左依款米線試下啦。雪白色既湯底，好香既椰子味，而且飲落去又真係幾濃郁，真係媲美平時煲既老火靚湯，最重要係飲完唔口渴，無味精，讚👍🏻一邊飲湯一邊食米線，仲有主角切雞都好嫩滑，配料豆卜又入曬椰子湯既味。份量又夠多，連湯飲真係可以好飽，推介👍🏻👍🏻 仲有好多款其他湯底，下次會試埋其他！仲叫左個小食，又係雞呀哈哈😄食雞翼唔洗𦧲骨真係岩晒我依d懶人，中間仲夾住菠蘿真係第一次食到依個配搭。雞翼係整得幾好味，細細隻一口食完，而且咬落中間仲夾左菠蘿既酸，好開胃。如果係新鮮菠蘿會更加分！