農家意粉餐廳 (已結業)

放工，想早少少食野之後去做facial，揀黎揀去都係食農家好，入到去仲有下午茶供應，真好，一睇之下一個炒野都係$18，加$3有凍熱野飲，不過就好出奇地要加一服務費，因為係茶餐廳格局，之後睇睇下，佢其實應該係西餐廳，因為佢個晚餐係有餐湯、蒜蓉包、又扒又剩，但佢又唔係好貴呀，都係$3x-$5x到，下次要黎試試啦！講返今次食左乜，點了咖哩雞絲炒米，雖則唔係好多客，但都等左幾耐下，不過我無催佢，直至碟炒米到左，我滿心歡喜，因為係即炒，仲要係好有鑊氣個隻，呢餐食得好開心，下次去葵涌廣場食，呢間係best choice！

同朋友4人星期日晚一齊係葵芳食dinner，想食間可以坐耐d傾下計既餐廳就諗起呢間。呢間餐廳門口都有d隱閉，店面有一大部分好似租左俾某間墨魚丸店；我某次買牛雜突然發現呢間餐廳後就諗住要下次黎試下。老闆同侍應好friendly，俾我地自己揀位坐，我地揀左角落既圓枱，坐得舒服d。餐牌係人手寫既，晚餐套餐多到有d花多眼亂，後來發覺原來大概可以分幾類加唔同既醬汁。主菜有牛扒、豬扒、雞扒、羊扒同海鮮，老闆好誠意咁介紹龍蝦餐，佢又好誠實咁話隻龍蝦大概手掌咁大，但係好多客食左都話okay。結果我地4人都試下唔同既主菜，如下：和牛臉頰餐：和牛臉頰有d似豬頸肉，唔係個個鍾意食，但係幾特別。龍蝦 + 豬扒餐：豬扒薄左d，但係都okay；龍蝦唔夠爽，但係咁既價錢算係咁。龍蝦 + 海鮮餐：朋友話海鮮分量有d少。牛扒餐：最好食！牛扒好大塊，又無蘇打粉味；老細話d客有時會嫌韌，但係佢就唔鍾意加化學品。有原則，我鍾意！而且我鍾意原汁原味！我同朋友都認為牛扒最好食！(可惜無影相)仲可以加$3要個香蕉pancake，抵！老闆又送書又送美工印，侍應服務好好，我地坐左2個幾鐘都無面色俾我地睇。4個人連加一都係$280！抵啦

唔使一百可以食到安格斯牛扒？ 真係講都無人信．．．不過佢咁寫我又唔識食就信住先啦～基本上係附近真係得呢間野係最抵食～係抵食到你望住個ＭＥＮＵ會以為係ＬＵＮＣＨ既假咯！由於價錢十分相宜～所以都ＯＫ多人兩份餐：多士：普通貨，唔熱唔凍，算脆掛．．．餐湯：羅宋湯正常，南瓜海鮮湯偏淡，食到少少少少三文魚肉白汁紅莓雞扒意粉（＄３８）：雞塊幾滑～不過個汁唔好味紅酒孖寶牛肩肉（＄６８）：牛肉太韌～但中間係真係紅紅地架喎～所以應該係原材料問題～有三小塊～ＯＫ夠食～味道還可基本上咁既價錢真係令間舖加咗好多分～縱使待應將桌面渣滓係我哋面前掃晒落地有位男待應對我們的要求聽完就算，無心應對

不是因為味道出色，而是因為價錢平到驚人! 　覆完診的下午，時間還早，一個人走在葵涌廣場發現了這家縮在一角的餐廳。入口真的不起眼，不過裡面尚算光猛整潔，是間較企理的西式茶餐廳。我要吃點東西送藥，就在約廿款茶餐中慢慢揀，然後就看到這款特平、才賣$12的肉醬意粉! 好奇之下點了個來試，份量不少而且竟有頗大量的肉醬，不過蕃茄汁較為水，意粉也軟軟的沒有口感，是正統港式西餐口味，但以此價位我已經沒有任何不滿了。　　此外加$3就有飲品，不過食藥還是飲水吧。埋單要收加一，不過仍是我吃過最平的意粉餐! 沒記錯下午茶時段由2:30pm至6:15pm，有興趣的不妨一試。

首先要謝謝樓下"蘇機長"所寫的食評,我才知道這裡有如此便宜的外賣飯盒供應,在這段時期實在幫了很大的忙! 自取飯盒共有六款可選:咖喱洋蔥燒雞扒飯、黑椒白菌燒雞扒飯、紅酒燴牛脷意粉、意式肉醬意粉、洋蔥煎豬扒飯和白汁芥末魚柳飯;前四者取價只是$12!!!!後兩者分別為$16和$18而已。先後試了兩款餐湯(+$5);羅宋湯用上不少蔬菜來煲,湯裡的蔬菜也煮得軟淋,只是湯底不算濃郁,一向喜歡甜中帶辣味的羅宋湯,這裡的只是酸酸的而已;海鮮南瓜湯像忌廉湯多一點,微稠的湯底中帶有絲絲南瓜茸,由於份量不多,南瓜甜味當然不明顯了,以+$5來說可以接受。隨湯附有蒜茸多士一片,只是蒜茸牛油份量很少,味道也很輕淡,麵包烘得不夠脆,一吃無妨!不過第二次外賣時,老闆輕聲說:下次無麵包送喇,要麵包要加$1 !這也難怪,麵包來貨不便宜,店方還以紙袋獨立包裝嘛。紅酒燴牛脷意粉的意粉就如港式餐廳水準--淋之之!!所配紅酒汁味道很淡,莫說紅酒味道,連咸味也很輕,而且燒汁份量超少,真的不夠拌意粉來吃!!牛脷反而有三大片,爽中帶淋比pokka的淋之之版本優勝得多。洋蔥煎豬扒飯只有一片煎豬扒,豬扒沒有特別醃過,肉質很實在,連骨地方帶

一直想試老闆東山再起的農家意粉，今天應經濟低迷推出的$12(起)特價外賣自取飯盒，(你沒有看錯，是$12!)如此便宜，就來個紅酒汁牛脷意粉+南瓜湯(+$5)還奉送蒜蓉多士一片!蒜蓉多士半脆半軟，口感不錯，惜蒜蓉不夠多不夠香。意粉是港式煮法;紅酒汁比較少不夠撈意粉，沒有酒味像一般橙色的港式西餐汁;牛脷份量很多!沒有因價錢便宜偷工減料。煮得軟腍，但沒有味道。南瓜湯是忌廉湯帶一絲絲南瓜蓉，南瓜味道很淡。$12可以醫飽肚，還想要求甚麼?

受友人吃過後的推薦而到這裡吃一餐，六點未到的晚餐，也算是個很早的晚餐吧。正在餐牌上左顧右看之際，突然看見「牛脷」二字，頓時眼前一亮。自多年前在太平館吃過牛脷以後，便發覺自己愛上了這道食材。當然，要煮得好，還是要考究一番工夫的。雖然在店內看起來盎格斯牛才是精選，但我最終還是點了一個紅酒汁煎香草牛脷配意粉和一客海鮮南瓜湯。海鮮南瓜湯無論是涵料份量和味道都略嫌不足，且南瓜少得很，幾乎喝不出南瓜的味道，是絕對不及格的。主菜上場，是紅酒汁煎香草牛脷配意粉。不得不說這店選用的意粉很好，不僅意粉本身的味道和口感都是上上之選。牛脷煮得很軟，吃起來口感不俗，但若能早一點撈起，就能更添爽口。香草是選用淡口味，選料很配合，惟整道意粉都不見有香草所帶起的香味，廚師的功架看來有待改進。然而整體來說，這道意粉還是挺好吃的。至於那些配菜，本來就沒有期望，吃罷，果然不提也罷。吃罷這一頓，感覺上，農家餐廳似乎是走清淡口味的路線。不論紅酒汁煎香草牛脷配意粉還是海鮮南瓜湯，主要的死穴還是溫度不足，上桌時都已經是微暖的狀態，才吃了一半，就應了俗話的那句「飯菜都涼了」。

農家意粉 @ 葵涌廣場 3 樓 有事去葵芳, 記起這家以前場餐廳老闆開的意粉店, 反正要吃點東西, 就來會她一會了。小時候在幫襯過陳生不少的, 所以點都有些情意結。(其實我早已想去上水本店的了, 但...太遠水路喇) 雖然正值下午茶時間, 但店內頗冷清, 除我以外就只有另一顧客, 反而外面的小食店人山人海, 只有老闆在整理他在店內賣的開心果和腰果。我一心只想食意粉, 下午茶餐只得芝士焗肉醬意粉 ($28 加一) 和安格斯牛炒意粉。雖然知道肉醬都是牛肉 (店中貼滿了美國牛的海報), 不過即管博下啦。意粉來到, 一吃, 果然是牛肉來的, 不過無辦法啦, 頂硬上, 係咁意食少少肉醬啦。其實味道都不算差的, 一般港式餐廳貨色, 肉醬, 老實說, 是幾香的。意粉也還有少少彈牙呢。飲品是熱檸茶, 普通。欣賞老闆百折不撓的創業精神, 價格 (以正餐價來說) 在這個場中算是高級了, 不過這區的人似乎不大懂欣賞了。難道又要替老闆抹一把汗?

本住一試的心情到這家從上水開分出來的農家意粉，總括來說真的像總評一樣，差，一次就夠…在下午飯時間一位進到店內，被安排坐在門口收銀旁的摺檯，眼見有數張吉出來的小檯(2人)，就問一個疑似老闆娘的可否轉往其他檯，答案劈頭就是一句不可以，就說人多云云的理由要在下坐門口位。不打緊，在下本住一試的心態繼續點菜。(進餐途中有其他一位的客人被企圖安排在門口位後轉身離去，被疑似老闆娘惡言咒罵...)點了一個黑椒白菌燒海蝦拼和牛，叫價58大元，跟餐有餐湯，餐飲另加3元。餐湯- 南瓜海鮮湯 只見有疑似海鮮的肉絲數條，味道淡得很…主菜跟意粉- 所謂和牛只是兩片聲稱牛臉肉的肉片，總算是有牛味，但所謂海蝦就絕對不合格了，二十多元一斤用來白灼的那種吧…黑椒汁是茶餐廳黑椒牛扒飯的級數，配菜就只是雜豆一小堆(這太過份)。總括來說是差!!!令人感到好奇的是這店的價錢，為何茶餐廳級數的服務和食物可以收西餐廳的價呢?(還夠膽收加一服務費) 請加以改善服務及食物質素或重新定位自己為一間茶餐廳…

一心以為終於可以不用俾紅樹林獨市大葵涌廣場的西餐...見到呢度都有D好評就去試下啦入到去十分光鮮, 但野食真係唔得D WAITER明明企係你面前1米, 但都唔太SHOW你, 可以講睇你唔到湯:粟米雞湯-->罐頭湯..可以講係金寶一定好飲過佢晚餐芝士菠菜海蝦三文魚$52，等了20分鐘, 好好好難食，汁無味, 扒無味, 薯仔沙律醬有陣怪味~~紅酒海蝦燒羊扒$68，等了25分鐘，WAITER話"因為要成隻焗, 所以咁耐"我抓晒頭,羊扒成隻焗? 我要燒羊扒喎???果然入面血淋淋，似係羊架多D..好細份。叫做入得下口晚餐價不包野飲，仲要加一..兩個人食左$132 ,都唔知食左乜一出去已經大喊"無下次！"走去對面食小食無咁嬲呀

呢間餐廳係新裝修~一併連埋門口的小食位置都裝修過下~~門口嗰個章魚丸子係葵芳、荃灣歷史最長的一間~差唔多10年前已有~~少有冇執的一間~今次再去食~變左13蚊6粒~D粉漿稀左~變相咬落去鬆散左~但味道冇咩點變~質素差左少少~都加左價~好似唔係幾講得通WO~

昨天跟朋友在煩惱吃什麼的時候就看到這家店記得之前看過在上水那邊的食評都不錯就試試看啊!反正很便宜朋友點了白汁豬扒意粉,我點了燒春雞意粉餐湯就點了南瓜海鮮湯和羅宋湯,旁邊還附上一小塊蒜蓉包南瓜海鮮湯味道一般,看上去比較像忌廉湯不過入口幼滑,算ok啦!羅宋湯材料十足,加上一點點的辣油調味,味道很好!這個果然沒有選錯蒜蓉包味道好而且很脆,不過就略嫌小了一點,如果大塊一點就夠滿足了!到了主菜,伴碟以這樣的價錢來說算是很好最特別的是他們會加上杏仁,雖然杏仁不是特別脆,但味道也算可以朋友的豬扒好像用了些香料來醃,味道有點奇怪加上白汁,這個配對我們都不懂欣賞豬扒不太硬,如果用其他的方法來醃應該好一點吧!我的燒春雞是配黑椒汁的,汁的味道可以他們的意粉口感很不錯,不像有些餐廳會煮到好軟吃完一口意粉再吃雞肉就出事了=.=雞肉是「梅」的,變了入口即溶的感覺這個真的扣了大半分數!雖然說外面西餐吃的都是雪藏貨,不過也未至於這樣吧?甜品我們要了香蕉pancake,平平凡凡的pancake沒什麼好與不好可言餐飲份量十分大,我們喝了一半都放棄了雖然食物質數有待改善,不過我還是會再去試其他食物的!最後結帳時竟然送了個小

上次經過已想去試, 所以上星期五去行街便光顧, 我們約6時到, 只有幾枱客, 沒有見到老細, 我點了栗米牛脷意粉($38), 粟米湯, 蒜蓉飽 另加凍飲(+$3), 家人點了大蝦拼牛脷($48), 香芒豬扒($48), 要南瓜湯, 全部份量都很大, 我的牛脷有六 件, 家人的餐跟薯菜, 來的竟是整個焗薯! 很好最特別的是餐配有腰果, 很好味, 希望下次再吃其他餐, 有很多選擇, 如羊, 牛, 魚, 牛尾等 , 如餐要跟甜品都只加三元好支持老闆東山再起

見佢開得分店, 應該o的o野食都係幾ok~入到去坐都幾ok~ 於葵涌廣場, 算係好坐o既一間但... 一餐漫長o既dinner就咁開始al...先係點o野食, 等o左3個侍應行過, 終於落到單了之後好快上湯, 但o的o野食就遲遲未o黎久等下, 終於o黎o左個微暖o既咖喱雞扒算la~ 肚餓la~ 熟就好了~但另一份餐, 就等多15mins要追單後再等多陣先到之後個侍應仲要話依個要焗, 所以要耐o的另外o個個咖喱雞扒只要夾上碟淋汁就有, 所以快o的{但個咖喱雞扒都等o左好耐先有wor~ 仲要唔熱ga tim!! 完全興o左!}依個菠菜芝士焗大蝦三文魚先叫正常~ 有煙的, 係熱ge~o的大蝦同三文魚ok~ 意粉都ok~之後再叫多個甜品, 芒果pancake見佢整好o左, 都無人拎o黎台等o左好一陣子, 竟然上錯菜~ o黎o左個香蕉pancake~ 上o岩菜, 快手食, 一般貨, 食得入口咁la~之後想埋單o的侍應好似好忙咁唔想再等o既我o地, 於無單o既情況下出casher埋單竟然係要個客指返俾你睇係邊一張台全場最好笑o既位就係... ...俾完$$, 竟然送o左枝箱頭筆

葵芳不嬲都冇咩好食....但那天偶然經過這間店.....上前一問原來真係同上水那間一樣之前因為上水太遠而沒有機會.....第2晚就即刻同男朋友黎試試我們點了-黑椒香草羊排($58)及黑椒安格斯什排餐($4x): 餐湯選了羅宋湯...也算是足料....味道不錯羊排一碟有3件..配上意粉....羊排很嫩唔會"un"....羶味也剛剛好.....初頭以為會食唔晒怎料吃了一整碟.....好吃!!什排餐係牛排同豬排....雖然不是厚厚很juicy的那種...不過至少唔會un同埋牛排有牛味臨尾老闆仲送左個香蕉pancake俾我地...味道不錯呢而且食餐另加的話.....好像才$3而已之後仲問我地滿唔滿意d野食....很nice以這樣的價錢有咁o既水準已經很不錯....以為去葵芳食飯又多一個好選擇了