農場鮮奶有限公司

营业中

休息中

睇左好多人介紹這餐廳，今日專誠駕車去，但這裡的確很細，就只有幾張枱及幾個車位。首先，叫左兩碗餐蛋麵，熱奶茶，熱咖啡(因冇凍)。麵也是一般茶餐廳感覺，奶茶咖啡好一點。我地出去行左陣，再叫左鮮奶，芒果雪糕，芒果布丁。鮮奶味道較淡，布丁一般，但雪糕香滑，有口感。總括，我不會再去，如未去過可試試，不過不會有第二次！

满目青山一袭灰色长衫如今的年代只有师父还会穿这么风雅的衣服布袜，绑腿，看破六根红尘的僧鞋一生臣服一生追求————————————————果壳苏三饕餮走四方 餐厅名称 农场鲜奶有限公司 餐厅地址 香港元朗荃錦公路78號甲龍村(大榄郊野公园内) 交通 师父在我们来的圆通寺，我不是很清楚怎么上来，貌似锦上路地铁站可以坐小巴，但进了郊野公园总要自己走～～ 餐厅电话 00852-2832 9218 营业时间 周一至周日9am-6pm 就餐时间 2009 年 6 月 4 日 17 时第几次用餐 第 1 次 可否刷卡、八达通 现金 如何知道该餐厅 看完野外禅修的场地，师父一挥手，我们去吃冰。 用餐目的 扎堆儿解馋 菜名 自制芝麻冰淇凌 价格 15元 评价 小小一盒，芝麻味道很足，如果单比，不如手作之店划算，但在这郊野公园里，值得称赞。鲜奶芒果布丁听说奶味很足；朱古力冰淇凌很朱古力；撞奶香滑；出前一丁煎蛋面大大碗，看上去也不错。 环境如何 坐拥远山，青翠入目。因为靠着牛棚，所以隐隐有点儿味道，附近的苍蝇花里胡哨的。 卫生间如何 没有去卫生间。 服务如何 这青山之间，褪去的是繁华的外衣，好似家人亲热的招

我同老公2個人去食早餐，去到比想像中細好多，但環境、食物、招呼，令我好滿意。每人一碗餐蛋出前一丁、奶茶1杯、脫脂奶1杯…盛惠$56幾抵食餐蛋出前一丁煮得好好食，個蛋好有蛋味出前一丁煮得岩岩好…正奶茶…心諗呢度做奶邊識做奶茶，意料之外......個奶茶好好味應該用鮮奶沖......又係正脫脂奶同平時啲脫脂奶一樣，無乜特別。OK之後再食薑汁撞奶…好多薑汁，睇住即時撞鮮奶.......要等10分鐘先食得....我一向怕食薑因為怕辣但今次一啲都唔辣，好滑好正。正....正....正大小姐要溫習無黎，唯有外賣比佢：3盒細鮮奶(聽朝早餐先飲)、1個雙皮奶(大小姐話好正)，忙果布甸(多忙果，但我覺得好普通)P.S.職員好有禮貌，食物好有水準。

來到農場餐廳，自然是品嚐它的乳奶製品，當眾人研究要甚麼之際，我看見牆上貼有自家製的雪糕，雙眼立即發光，雖一細杯要$15，但我仍毫不考慮下要朱古力味，揭開蓋後顏色呈深啡，入口充滿黑朱古力的濃香，其濃度及幼滑度可媲美HD的比利時朱古力雪糕。鮮奶芒果布甸-芒果味實在太搶了，無可能嚐到牛奶的鮮味，味道與一般的芒果布甸無異，不過無可否認質感是較滑。薑汁撞奶-伙計萬分叮囑要10分鐘才好食，看見乳白的鮮奶慢慢凝固，乳香及薑汁並存，滑而不膩口，香味細滑。雙皮奶-一層一層的奶皮，與薑汁撞奶有截然不同的口感，因這個凍食關係，奶味較輕，相對甜味也被淡化了。連續兩日失約的甜局，今天可作小小的補償。

見網上好評如潮...決定要黎一試...如果駕車黎真係要打醒十二分精神望住 "甲龍村" 如果唔係真係有d困難....搭小巴方便d, 不過就要行大該 10 - 15分鍾..而且沿途小心車輛....裡面想食飽肚既野唔多, 所以只o岩食下午茶或飯後甜品咁遠水路入到黎當然咩都要試下, 茶葉蛋, 燒賣, 燉奶, 芒果布甸 再加農場鮮奶茶葉蛋 ~~ 唔香, 無咩茶葉味...不值一試 燒賣 ~~ 5蚊5粒, 幾貴, 細細粒....唔難食, 不過又唔係好食 燉奶~~好濃,好"傑" 不過都幾"溜" 芒果布甸~~ 超正....超好食, 又多芒果肉....必食呀 農場鮮奶~~ 新鮮, 不過牛奶味唔夠濃.....問男友會唔會再黎...男友話超超超超無野做都會再黎....我都有同感.....總評為 笑 只因個芒果布甸.....

2009年5月2日乘小巴到雷公田和甲龍村入口, 行約20分鐘,經過幾個燒烤場後,便會到農場鮮奶有限公司,我們嘗試了以下食品: 凍燉奶 $13 - 個樣睇落就麻麻, 但好好味, 又滑又香. 熱薑汁撞奶 $13 - 係即撞嘅, 拎走重係水狀, 等2-3分鐘會成形. 杧果布甸$13 - 杧果用料新鮮, 但個人覺得唔夠滑. 盒裝鮮奶500ml $12.5 - 都ok.假日會有很多行山人士行完山到來食餐蛋公仔麵$19,行完山肚餓時,這裡是最好的選擇.

小弟同朋友元朗一日遊 , 第三站來到農場鮮奶 , 由元朗榮華坐 72 號綠色小巴 $5.8 來到尾站 , 順帶要多謝小巴司機很 nice 很有誠意指點 ! 行入去大約 15 mins , 果條路又真係幾多車, 單線行車 ... 都有少少危險 !入到去人都幾多(約四點半), 差不多坐滿 ! 好彩都有人入有人走, 排隊買野食前面大約兩三個人, 小弟叫了熱撞奶 & 500 ml 鮮奶 , 友人叫了芒果布丁 & 500 ml 鮮奶 too ! 鮮奶唔錯 (至少無 "蘇" 味) , 保質日期還有六天多 , GOOD ! 講真我覺得好味過 Daily and 維 X and cross 牌 .... ! 唔係因為夠奶味 , 而係其他牌子味度上都有些問題 .... 例如蘇味 or 有奶粉味 .... 佢就無這個問題囉 ! 不過據了解 , 原來這兒的奶也不是即搾 , 是國內牛場運過來這兒是打包裝的 !至於撞奶喎 .... 我比 2 個 Good ! 主要是給它滑 .... 真係好滑 , 但味度偏淡 , 所以有些朋友未必覺得它很出色 ! 所以我認為熱食會比涷食好一點 (雪過會更淡味) ! 仲有

食物：(兩人份量)1. 凍燉奶 2. 熱薑汁撞奶 3. 燒賣 4. 500ml鮮奶食物方面：1. 凍燉奶─可能凍食關係，外表就的不太吸引，但很滑，甜味適中而且帶清，但愛吃甜的朋友，或會厭甜味不夠。2. 熱薑汁撞奶─外表平滑如鏡，薑汁味道蓋過了牛奶的味道，但很滑，不過不失；但我總是覺得順德的薑汁撞奶好味道多些。3. 燒賣─都好好味，因為燒賣一定要夠熱騰騰才好味。4. 500ml鮮奶─好香好滑好味，不過牛奶味不夠。環境方面：環境相當舒服，雖然只是很簡單的枱椅，但行山完畢或BBQ之後，坐下休息兼吃些甜品，既寧靜又有自然氣息，真的舒服得難以形容。

搵咗好耐先找到, 單程路+對頭車, 好危險, 前面架對頭車開鬼咁快, 好彩老公反應夠快老公食薑汁撞奶, 幾滑但吳夠奶咪, 我食芒果布甸, 味道普通, 真係吳值去咁遠食喎! 又無農場嘅

Had a hiking from Tai Mo Shan along the Cap Lung Forest trail. The weather was very good. We walked downhill and there was plenty of tree cover. very comfortable. the bonus of the trip a bowl of 薑汁撞奶!We were very surprised that there were so many people. The kids were taking photos for the "so so" black lamb. They were actually quite ungry compared with the cutie sheep!There was a long queue in the store. We bought two 薑汁撞奶. good flavour of ginger. Not too sweet. just like drinking mi

3.15男友的朋友成日同佢講元朗附近有一間好好味的餐廳, 牛奶好好飲。所以呢日趁得閒就驅身黎試一試。當然黎之前上openrice 睇一睇啦, 多謝之前的食家指點, 描述地點,我地先知原來好近, 好快就搵到去。去到既時候都好多人下, 幾張枱都坐滿曬。要了2個餐蛋麵, 5蚊雞翼, 一枝細的牛奶。雞翼及牛奶不用等, 可以食先。 雞翼是凍的, 很住家的感覺, 普通。牛奶, 其實同出面飲到的沒有太大的分別。跟住餐蛋麵好快亦送上了。餐肉是厚身的, 但是總覺得同我平時吃的不同, 男友表示無分別。也是普普通通。不甘心, 所以再要了茶葉蛋及芝麻雪糕。茶葉蛋沒有什麼茶葉味, 不過鹵得很入面。芝麻雪糕吃身一口的時候, 很大的雪味, 故要攤放一會兒才可以吃。有芝麻味, 主打是自家製, 其實有什麼分別呢?食物真的是普普通通, 沒有太大的驚喜。但是環境一流, 坐在椅子上, 呼吸一下大自然的新鮮空氣。清風吹來....悠悠閒閒地吃著餐蛋麵, 慢慢地品嚐鮮奶....或許這就是食物變得更好吃的原因吧?

星期日的中午,,搭巴士搭左好耐先入到石崗..跟住條路行終於俾我搵到呢度XD1入到去見唔算好多人的時侯即叫了芒果布甸同埋凍燉奶//-芒果布甸味道唔錯..甜度剛剛好口感欠缺~不過芒果數量超多,,真係夠份量!-凍燉奶的味道都好有奶味..仲好滑~食完之後見到有山羊..好懶洋洋咁XD服務唔錯,,佢仲幫我枝牛奶入左袋先..等我食完先拎~臨走前買枝牛奶番屋企XD

芒果布甸 一試難忘~ 薑汁撞奶 薑味同奶 的份量剛剛好餐廳 附近有個mini 生態園..好啱 我尼d 喜愛大自然ga 人^^ 仲有好多蝴蝶影 tim =]

２９／１／２００９今日男友放假，就同我黎左呢度。一起身未食野就入左去，入到去都１２點幾， 由粉嶺出發，o係錦上路站轉搭５１號巴士石崗軍營落，一落車，見到得一條大直路入就行入去，因為有save地圖落電話，所以一路行一路搵，行左十五分鐘度，見到個bbq場，o唔係好肯定就繼續行，之後就見到“農場鮮奶小食亭“個牌，覺得呢度都幾舒服。跟住就一口氣嗌左幾樣野，鮮奶半lite：冇乜特別，比十字、牛記淡，我會揀返十字，但因為未食野，飲完勁飽芒果布甸：我覺得夠芒果，去酒樓食你可能連芒果都見唔到，甜味適中，但好滑！！燉奶：貫徹食凍野既精神，寒風中都要嗌碗凍，賣相不討好，但真係好滑，好好味！！！！茶葉蛋：ＯＫ～～我食果隻唔會太咸，岩岩好夠味！！餐蛋麵：男友因為太肚餓而嗌，＄２０一碗真係貴，呢Ｄ野通常都唔會煮得差去邊，但我唔好一丁，食左一兩啖冇食！！本身仲諗住食埋雪糕，但實在太飽了！！食完野就去左睇羊，Ｄ羊一Ｄ都唔驚人，見到人行埋黎，仲以為有野食！！我就趁機影左幾張close up！！之後就搭小巴去元朗食野！！！

上次想去,因為男友病咗...今次想去,到我病...唔通個天唔想我地去??唔得...睇完醫生,就出發去ru首先去荃灣join咗男友先...再搭 51 入去....係迷迷茫茫情況下終於搵到啦!! 其實沿途都好多人搵緊.去到當然要試佢個燉奶同餐旦麵啦!! 2個都good! 仲叫咗燒賣,茶葉egg,不過哩2樣都好普通.可惜我病,唔食得奶成品,所以冇得試個布甸,淨係偷食咗2啖燉奶. 下次我一定要再食. ps... 是日太多人惠顧. 所以好多嘢都賣晒....我想藉此 同大家講...唔好一次過買咁多....留番俾之後入黎想試既人....點解我咁講..因為我目擊一位女士掃清所有芒果布甸(佢外賣). 之後入黎想試既人都好失望.