農場鮮奶有限公司

营业中

休息中

喜歡往郊外走~看了這農場的零負評專程入去一試~順便走走~和友人點了牛奶~芒果布甸和餐蛋麵全都是大家推薦的喔牛奶和芒果布甸真的很有新鮮的奶味本人不太好牛奶 但覺得芒果布甸與牛奶的混合很香甜很滑餐蛋麵熱辣辣~餐肉煎得很好 很有家庭風味 哈哈絕對是誠意食物哦之後便去看看羊仔~都有幾隻呢! 初時遠觀~後來羊仔走來要草吃很多一家大細來~小孩都爭著餵草~~我要讓開喇~~哈哈

聽聞呢個農場D牛奶係新鮮,於是山長水遠都要黎試試!雖然今天天氣頗熱..當作做運動..^^ 間中有D風吹來挺舒服! 點了餐蛋麵,牛奶,芒果布甸~~ 3樣都好好味..XD芒果布甸: 好好食,重牛奶味.也是出面食唔到甘正.餐蛋麵:午餐肉好好味..牛奶: 好香奶味..同出面超市買既好唔通﹗雖然呢度遠就係遠咗D, 但有時脫離都市忙碌生活都唔錯..

俾喊面佢@@"重點係好遠水路而D奶真係稀到似水咁@@"(我係覺得連維記都好過佢咁既程度Wor)佢有一樣野好食，芒果布甸。芒果勁鮮甜而奶味都Okay，燉奶都一樣。但市面都可以有咁既效果丫.....(前者難講D)唔知係咪因為我冇叫薑汁燉奶所以搞成咁呢?

四月四日 (星期日)元朗為食乲旅頭兩站都滿佈驚喜來到第三站,亦是今天最有信心的,應不會令我們失望罷位於雷公田村的農場鮮奶有限公司,地埋位置頗為僻遠要去,可以坐小巴或巴士當然可以自駕,但現場所見,因是單程路,時常都會有對頭車爭路的情況,不遂太建議自駕,以免未吃先一肚氣我們在錦上路鐵路站乘巴士51號路線班次很疏,一般都是20至30分鐘一班等多久,要視乎大家運氣在石崗軍營站下車每個站的距離很短,不肯定的最好問一問司機哥哥請看本食評上載之相片及指示,希望能給有興趣的食家一個較具體的指引大概十五分鐘的步行時間便到達看見很長的人龍,我們即時分工合作我負責去霸位,而老公仔則去排隊買野食開始感覺到有點不對勁,為什麼沒有人在吃芝麻雪糕呢?一問之下,原來早已售罄我幾乎哭了出來,老公仔不繼安慰我來日芳長更不幸的終於發生正想退而求其次,試芒果鮮奶布甸...亦在我們排隊時售罄再次向隅,我們唯有改吃茶葉蛋當然少不了必試的的燉奶和鮮奶呢!先說鮮奶牧場其實已遷往內地,現只剩數隻羊供遊人把玩但牛奶始終比一般的新鮮,原汁原味很香滑,而且完全沒有羶味燉奶,我們一向推介澳洲牛奶公司!現在恐怕有了競敵(也許是良性競爭呢)奶味十

同honey黎行下食下:餐蛋麵 $20-->隻蛋係荷包蛋, 個邊煎得幾脆, 熱辣辣既, 餐肉有兩塊, 圓形既切得幾厚下, 一丁都唔會淋pat pat, 湯底亦唔錯~薑汁撞奶-->真係好滑, 但唔夠甜, 薑汁再濃d會更好, $14 好似細碗左d 呢500 ml全脂奶 $12.5-->奶味冇想像中咁濃, 好似十字牌仲好味~茶葉蛋 $7兩隻-->蛋唔夠入味, 好普通個地方原來係好細.....得幾隻羊咩咩睇, 餵下佢地食野咁lo

一行五人, 正式開餐前, 先到此一行, 遊下山之餘, 更飽餐一頓. 要了燉奶, 薑汁撞奶, 茶葉旦. 茶葉旦, 好入味, 以為旦白會係亞婆鐵旦個d咁有彈性, 點知仲幾滑喎! 又有少少香香地既茶葉味, 唔錯喎.薑汁撞奶, 呢個都唔錯, 都算滑溜, 不過唔係好勁薑味!燉奶, 呢個超正, 好夠滑, 奶味又夠, 閉, 肯定係勁肥的全脂奶....唉! 暖暖地, 係寒涼的下午, 整番碗, 的確係一大樂事! 仲買咗盒奶回家慢慢嘆, 又唔算好濃奶味, 一般咁啦!同場加映:原來星期六日, 仲有有機菜賣架, $10一包, 可以整二人份沙律, 真係幾抵喎!

郊遊途經雷公田，試了一間以農場鮮奶作賣點的露天Café。所賣的主要是奶製品如薑汁撞奶、燉奶、鮮奶芒果布丁等。薑汁撞奶薑味很重，差點蓋過鮮奶之香味。既然係薑汁撞奶，薑汁及鮮奶味道應該平衡才是，味道需扣分。另外，整碗撞奶質感很稀，不夠實在。至於燉奶，質素比撞奶好，奶味濃淡得宜，口感亦較嫩滑。最後是鮮奶芒果布丁，味道是三者中最好。芒果果肉十足，芒果與鮮奶香味亦能互相輝映，感覺平衡，不俗。

星期六，晴，郊遊樂也啦啦啦。探完嘉道里農場的動植物兼行山樂後，順便來甲龍試試傳說中的撞奶。對我這milk-lover而言，可能因之前期望太高，而只覺薑汁撞奶味道中上，質感麻麻，未至於出色。薑汁味、奶味是足夠的，但用匙”but” 燉奶起時感覺有些…很稀爛(ah!)，燉奶“達~達~達~”的撻回/溶回碗中，是semi-solid? 期望的薑汁撞奶不應如此稀水狀吧?! 這樣質感不能說是滑啊。我就當作是喝牛奶rather than食甜品算了。芒果布丁一般啦，有很多芒果粒很足料，但有些酸。可惜。自家製芝麻雪糕卻是比較好的，芝麻味道很甜很濃，唔錯的奶品，哈哈。怎也好，這裡又羊仔又milkmilk，很適合親子樂，難怪有很多小朋友。但食時才10多分鐘，見到很多小朋友群起四處玩(不知為何小朋友又總愛在車位附近/車尾hide-n-seek；正如本港很多老人家又總愛在車尾與車頭之間穿梭)，家長卻不在旁。始終這裡多送貨車/遊人私家車出入泊位，司機也未必咁易看到車尾的小豆丁，食時看到也汗顏呢!

同朋友都對奶十分鐘情,所以特別來依度食撞奶!!我地買了全脂鮮奶, 燉奶及薑汁撞奶!全脂鮮奶 :好濃及香滑燉奶:奶味好濃好正薑汁撞奶 :即叫即撞, 薑味及奶味剛剛好環境~有數隻羊仔係草地上追逐,好有大自然的感覺(吸收吓D新鮮空氣)

Saw this on openrice and meant to come here to give it a try. Being a HK island person, this seems quite out of the way and never got around to visiting here until today. As it turns out, it is actually a short pleasant drive and took me about half an hour to get here from Central. Driving directions as follows:- get on highway 3 and go through Tai Lam Tunnel- after the tunnel, go to the left most lane to get off at Pak Heung- follow Pak Heung road and when you get to the end, make a right on

愛奶者必到. 平時HK超市可以買既奶. 都係好希. 我未去過澳洲飲奶. 但去日本飲既. 就同呢度好似. 飲完好想再飲.好似上癮一樣. 好杰. 飲完個口都仲有層奶掛係口入面. 其他食物幾好都係其次. 鮮奶. 係HK 真係好難求.

周日天氣好便搭巴士到石崗走走, 每天坐車經過石崗軍營禁地., 總給人神秘的印象.今次去的雷公田村的"鮮奶農場小食站", 是在大欖郊野公園範圍. 甲龍林徑的出口. 巴士站是"石崗軍營"站而不是"雷公田"站,不要下錯車.由巴士站沿引水道行入村約15分鐘. 有大欖郊野公園的牌, 沿途有高高的樹木, 涼亭, 燒烤場, 公厠的設施, 如果自己開車來,便可以直入到門口,當天有很多人開車過來, 車路只有比單程路闊一點, 所以經常看到車讓車的情況.鮮奶農場小食站地方其實不大, 約10張圓檯, 有小食(茶葉蛋, 餐蛋面, 好似有雞翼 ) , 招牌奶製甜品賣(鮮奶+芒果布丁+燉奶+薑汁奶+自家製雪榚+鮮奶咖啡..), 少少有機茶菜 (當日有沙律生菜, 及可以生食做涼拌的青羅白仔), 因為食飽飯才入來, 我買左其自家品牌的鮮奶飲, 好香好味圍欄內有5隻可愛的羊, 餵羊麵包可向小食亭免費取, 又或者到外面摘些草餵牠們....附近環境也不錯, 向前行,約50米又會有一片草地, 再行前少少旁有個小小的生態園行下....都種左很多花, 可能是想俾蝴蝶...

聽聞呢個農場嘅雙皮奶同芒果布甸都好味都不得了, 於是山長水遠都要嚟試試! 哈! 原來好方便架咋, 喺元朗大榮華隔離條街搭往雷公田嘅專線小巴就到, 落咗車就行一陣, 呢D涼涼地嘅天氣, 咪當遠足囉, 吸收吓D新鮮空氣對身體都好D呀!行吓傾吓, 好快就到! 咦! 呢度打理得好乾淨喎! 原來可以餵羊咩咩呀! 真係好玩!一坐底見到隔離食緊碗餐蛋麵, 好似好好味咁喎, 一於叫碗試吓先! 嘩! 兩大塊煎到香噴噴嘅午餐肉, D麵煮到時間啱啱好, 真係唔錯, 由於太肚餓, 一口氣就食完, 所以唔記得影相!到主打甜品, 我叫咗芒果布甸, 一入口, 超多芒果, 超甜, 超滑, 超好味! 正! 雖然, 呢度遠就係遠咗D, 不過如果邊位朋友有興趣, 我可以做領隊, 帶佢地嚟試吓架! 有得食, 有得玩, 一樂也!

本人自小就住喺呢度，「牛房」一名係爸爸話俾我聽既，另外得知原來爸爸細個果陣就有嫁喇，可想呢間野起碼有20-30年。起初，呢間隱世既「牛房」係冇乜人識得，客人亦好少，客人都係行山人士及原居民多。但自從有名星黎過俾記者影到之後就出哂名喇，機乎日日都有車駛入去幫襯，假日就緊加有一日遊既旅行團tim!!!我都唔汁輸(雖然住喺度但係好少去)，搵日去左。哇!!d野食多左好多不過我都係食個兩樣，薑汁撞奶 + 茶葉蛋。佢地d薑汁撞奶乜都唔洗講，一個字「好」!奶味重到不得了，薑味少少真係岩哂我胃口!!仲有佢d茶葉蛋，好入味，絕對唔似一般街賣果d!!另外，望一望草地，竟然有幾隻羊咩咩，仲可以喂佢地食草tim!!呢間遠離市區既「牛房」，想有一日係寧靜既你就一定要黎喇!!!!交通：可以由元朗搭72號小巴、64K(不過有排行)/喺荃灣搭51都得之後沿引水道一直入就okay嫁喇!

男友駕車帶我同佢家姐、佢甥女去呢度食午餐，佢黎過一次就成日話要帶我地黎‧因為今日係星期六而且時間仲早，車可以直接泊入去，不過係星期日就會泊滿晒。入到去就見到柵欄下有一遍草地，養住四隻羊羊。佢地見到人就會衝上黎柵欄，男友的甥女超鍾意同羊羊玩。玩到咁上下就有東西食，因為平日得老闆娘一個所以人手不足，食物當會慢d。這是我點的:鮮奶奶茶 好滑的奶茶，好好飲!! 餐蛋麵 餐肉好正，是一塊一塊圓型的餐肉呢。芒果布丁 因為用了新鮮牛奶，所以超滑!!超正!!男友跟姐姐點的:鮮奶咖啡 佢地都好話超好飲。回鍋肉米 好味!荀片好爽脆!!薑汁撞奶 即叫即撞的，而且超滑!! 每食一啖都不會一個洞一個洞的，而是慢慢陷下去。呢d先係即撞的薑汁撞奶先做到。雖然山長水遠，但剩係食環境同食物，就值回票價啦!!呢度休休閒閒的感覺，可以消磨一個下午!!