農場鮮奶有限公司

营业中

休息中

星期天的下午，主人與奴隸獸想不到光顧的人著實不少，真是有一點兒驚訝呢！1. 芒果布甸（HK$13）：口感頗滑，芒果粒亦不少，味道 OK。2. 薑汁撞奶（HK$13）：質感夠滑，清淡的薑味，加上濃郁的奶味，主人話好好味。3. 半公升全脂牛奶（HK$12.5）嘩！！顧客越來越多，還出現幫襯的車龍，真誇張。幸好我們已經食飽飽，去餵『羊咩咩』囉！

見呢間野咁多好評, 一於去試下點知去到, 唔知係咪因三聚青安既問題佢話無奶賣, 問佢係今日賣哂定係點佢話直無無奶賣, 唔知幾時先有, 唔知幾時D奶先落到黎呢個故事教訓大家, 想飲奶要打左電話問左果日有無奶先啊(尤其呢輪三聚事件, 未必有奶落黎) 廢事白花油錢/車錢,話哂山卡啦地方但仲有雙皮奶同撞奶(點解無奶又有呢D野賣?!)是但啦, 唔諗啦照殺!餐蛋麵-無咩特別, 係食個境雙皮奶-真係正! 好食過義X撞奶-又係正!不過佢每日有限整幾多, 我地去到得番LAST3碗雙皮奶我地岩岩3個人, 賣哂就無, 所以要早小小去啦下次下次試牛牛樂園, 因為佢連牛都係香港, 唔會無奶賣

週日晨早醒來，喜見天朗氣清，跑完步，便開車踩一轉大帽山，到此吃個餐蛋麵，買盒鮮奶。第一次星期日來，沒想像到才10點幾已有那麼多人! 因為入甲龍村的是一條頗狹窄的單程路，又已經有車貪方便泊在路邊的讓車處（在燒烤爐旁邊) ，所以試過要開倒車讓迎面的車通過或非常險要地勉強擦身而過，好不容易過了條 "木人行"，好彩來到還有一個車位＊餐蛋麵($19)：餐肉和蛋都煎得好香，但老實講同自己屋企煮嘅差不多，但勝在一個郊外環境，同樣的一碗麵就變得不一樣，好似變得特別滋味＊芒果布丁：略嫌不夠甜，但質感厚滑，芒果新鮮，overall OK＊薑汁撞奶：出去行咗一陣再餵吓羊後，再食埋薑汁撞奶，又係略嫌不夠甜而且薑味太淡，但奶味濃郁，口感厚滑＊盒裝鮮奶：只剩全脂的500ml ($12.5) ...... 都好啦照殺3盒~~~越坐越多人，都係決定提早打道回府，老闆娘(我估係掛，好nice)話跟住仲有200人嘅旅行團大軍壓境 ...... 嘩！即閃，下次再來，但一定唔會星期日囉！

好耐之前已經叫男朋友陪我黎..尋日我地兩個都day off所以就決定起行啦!尋日ge天氣非常熱..我地o係荃灣等51號等到炆炆地..之後入到去行左一陣就去到..沿路經過燒烤場..我地去到時得一兩個人..始終唔係假日..無咁熱鬧..我地叫左燉奶,茶葉蛋同奶..全部都ok la..燒賣要買夠10粒先幫我地整..因為驚食唔晒我地都無叫..最後問小食亭個人拎左兩塊面包餵羊就走..呢度幾o岩一家大細黎ge..但如果特登去就覺得唔係好夠咁..

２００８／１０／１２小食開開心心在端記飲完茶，12點正開始就往下一站，農場鮮奶有限公司。行了一陣落山路，由12點半開始等巴士，等了足足４０分鐘才有一班，果然是全車滿座，企位都不例外。最後就截了綠色的士往目的地，食友說約５０元的車錢就可以到達，但載我們的司機過了５０大元的位置仍沒有停下來的打算，過了有軍人站崗的地方，過了有軍人行過的街道，再過了元朗的八鄉，一直走一直走，直到九十多元的位置，才放下我們…成百銀搭一趟的士，肉痛，在附近的巴士站的站牌研究自己在哪裡，幸好得好心女街坊幫忙下，才知道石崗軍營是佔據非常大的面積，即是說現在這個不知名位也是石崗軍營的其中一忽，亦即是剛才的司機是沒載錯我們來。因街坊不知道去農場應搭什麼車，所以我們再搭的士返轉頭，上到的士後，以免再錯，就給司機看從OR打印下來資料，我還補說51號巴士要在’ 石崗軍營’落呢﹗此話一出司機即明白，開車後我們為了此事而傾過，從他口中才知道在的士司機的思維中，石崗軍營已經分拆了新和舊，這邊是新的石崗軍營，農場那邊是屬於舊石崗軍營。不過也不可以安心坐到到目的地，還要幫手望望四周環境是否吻合資料上的相片，到達後，司機大佬都再問是否這裡

原本我係一個幾年都唔食一次小食亭, 更加係幾年都唔食一次餐蛋麵o既人. 第一次去呢度原本諗住飲奶, 不過見個個食客都叫左個餐蛋麵, 咁我就抱住一試o既心態叫番個. 真係一食就愛上左呢度o既餐蛋麵! 餐肉香脆得o黎唔濃, 正! 荷包蛋個黃半生熟, 滑! 出前一丁煮得恰到好處, 難得! 之後真係上左癮, 一有機會就驅車入去, 最讚就係次次餐蛋麵都可以keep 到同樣o既水準! 還要讚的仲有薑汁撞奶, 芒果布甸. 因為上癮關係, 次次都係叫餐蛋麵, 因此忽略左好多其他食品....有機會一定會試埋佢!

跟著地圖駕車去找，找了三次先找到! 原來就在石崗軍營附近的小巴站，有個路口寫著 "私家路" 又 "禁止其他車輛進入"，唔好理，要照入先找到這裡!這裡的空氣很清新，坐下來人都精神 D! 吃了:餐蛋麵: 都好正，餐肉煎得香，麵是出前一定麵，有心機!薑汁撞奶: 我本身怕薑的辣味，但這裡的薑汁撞奶很滑，薑味不重，是我吃得最多的一次!芒果布甸: 芒果肉反而不多，主角是香滑的奶，不太甜，令人很滿足!吃飽再四處逛逛，過了過幸福又充實的周末

週未到這裡走一趟, 很舒服, 座在露天太陽傘下, 吹着微微涼風, 吃這裡的小食, 喝着剛剛包裝好的鮮奶, 感覺好像很新鮮, 芒果布甸很香滑(必食), 燒賣的甜豉油很好味, 餐蛋麵則一般, 鮮奶可能現在超市缺貨關係, 要到這裡才買到, 所以很想渴到這裡的鮮奶, 這裡很適合一家大細來, 小朋友可來這裡用麵包餵小羊, 麵包可向小食亭取, 不會悶親他們, 可放心, 我必定會再來

今次試左(share)熱燉奶 and 熱薑撞奶; 覺得凍食好似濃味D; 而熱食都好味不過普通D傳統D.今次有得飲屋形奶(紅色)喇, 佢叫D客等等因為佢即時入盒. 好多客人都'捕'住個counter, 等D屋形奶出籠... 有些人掃了幾盒拎走...我就和友人就share左500ml, 唔敢飲太多因為之後要行山. 好一段日子沒飲奶了, 當然覺得好好飲啦!P.S. 重陽那天去過, 可能因為落過雨, 有D蚊呀!

如果搭巴士51, 搭到'石崗軍營'站, 行入村一路沿車路直去(唔好行分支路;唔好上落樓梯))直至見到個好大的公共廁所(~10 min), 再行幾步就到了雷公田78舊大石, 上面就係了.因為之前在川龍飲左茶, 不肚餓, share叫了凍燉奶, 凍薑撞奶&芒果布甸, 茶葉旦, 飲支水/寶礦力, 友人食埋餐旦麵.奶品好滑, 相信熱食仲正...不過當日有點怕熱食了凍的 - 依然好滑好味. 至於屋形奶就一早估清了. 茶葉旦幾香; 芒果布甸則一般. 餐旦麵就熱辣辣即叫即整, 可頂下肚咁啦.當日同老闆伯伯傾左一陣偈. 我說: 呀, 郊外茶水亭之中, 你呢道好乾淨企理喎...唔怪之得咁多人帶埋小朋友黎啦老闆: 係架, 我地做牛奶衛生好緊要...真係烏蠅都冇隻架...好耐之前已經唔堆比白鴒出沒...差D連狗都唔堆養架...當日所見, 真係蚊/烏蠅都唔多隻喎...好野!

今天打算到戶外走一走，就到了錦上路的農場小食亭看看。其實這小食亭都算方便，只要在錦上路西鐵站坐 72 小巴到總站就可以了。當然，之後也要也花上了 20 分鐘步行進去，所以要抱著郊遊的心情去前往。我們兩人點了：($13) 薑汁撞奶：女朋友和我都十分讚同這是出色的薑汁撞奶。因為這裡不但薑味適中、奶味濃郁，更比其他的店都更柔滑！($13) 芒果布丁：這就是有充滿芒果的芒果布丁。($7) 脫脂鮮奶：因為今天的份量已經超標了，只是要杯脫脂的。這是用上連 Citysuper 也有售賣的農場鮮奶，但脫脂的當然不能要求太高。($3) 茶葉蛋：茶葉的味道一般，可以不試。其實也想點出名的餐蛋出前一丁，但今天真的超標了。餐後，我們發現右邊有四、五頭懶洋洋的山羊在圍欄內。當你走近圍欄時，牠們也會走近你的面前，十分可愛。

前排放工同男朋友放工去左雷公田睇下有咩食,去到差唔多5點幾了人地都好樂意招呼我地我叫左個芒果牛奶布丁布丁好好味,涷涷的,好香又唔會太甜男朋友叫左個餐蛋麵,同燒賣呢兩款我覺得無咩特別同出面食既應該差唔多食飽之後我地先知阻住人地收工仲有,食完先知出面有羊咩咩玩黑山羊黎架....好得意呀又有野食又有咩睇

雖然當日天氣都好炎熱，不過，我和老公都不怕辛苦，都要去農場試一試果度d美食。我哋叫咗兩碗餐蛋麵、一碗薑汁撞奶、一碗芒果布丁、兩隻雞翼、還要外賣一盒農場牛奶返屋企品嘗。不單四周環境優美，還有很多羊仔給遊客餵養，所以，絶對適合一家大細去逛一逛。食物方面雖然不是太多選擇，不過，餐蛋麵真是真材實料，而且是即叫即做，雞翼夠入味，芒果布丁及撞奶香香滑滑，連我一向對撞奶不大興趣的老公，都一口氣把整碗撞奶食晒，不過，我最欣賞的是牛奶，因為，又香、又白、又滑，簡值一試難忘。

禮拜日帶老婆同囡囡嚟餵吓羊食吓燉奶我叫咗薑汁撞奶同芒果布丁薑汁撞奶好香好滑, 不過唔知點解有啲苦, 可能啲薑唔咪太靘個芒果布丁就唔錯, 好多芒果食完野仲可以免費餵羊, 值得一到, 跟住仲可以去埋附近個嘉道理農場, 玩盡佢 !

真係幾好食 - 燉奶, 上次行完山 (都有一段日子), 係個度食咗個燉奶, 好滑好香. 直得推介.(一直唔記得寫, 又唔記得個地址, 以為係錦田, 又搜索唔到, 家陣搵到, 要評吓先)