, 於是山長水遠都要嚟試試! 哈! 原來好方便架咋, 喺元朗大榮華隔離條街搭往雷公田嘅專線小巴就到, 落咗車就行一陣, 呢D涼涼地嘅天氣, 咪當遠足囉, 吸收吓D新鮮空氣對身體都好D呀!
行吓傾吓, 好快就到! 咦! 呢度打理得好乾淨喎!
原來可以餵羊咩咩呀! 真係好玩!
一坐底見到隔離食緊碗餐蛋麵, 好似好好味咁喎, 一於叫碗試吓先! 嘩! 兩大塊煎到香噴噴嘅午餐肉, D麵煮到時間啱啱好, 真係唔錯, 由於太肚餓, 一口氣就食完, 所以唔記得影相!
到主打甜品, 我叫咗芒果布甸, 一入口, 超多芒果, 超甜, 超滑, 超好味! 正!
雖然, 呢度遠就係遠咗D, 不過如果邊位朋友有興趣, 我可以做領隊, 帶佢地嚟試吓架! 有得食, 有得玩, 一樂也!
