辛手村 (已結業)

最近去咗黑布街新開一間「辛手村 」，專門食串燒同埋乾鍋。成個環境小清新，好舒服。在繁華的都市中尋找一點寧靜。我哋超三心兩意，最後就揀咗乾鍋+各式各樣的串燒。辛手村麻辣黑松露味乾鍋土豆+蓮藕+肥牛片+豬頸肉原來呢個黑松露口味係自家創作，非常特別，老闆係外地回流嘅港人創業！口味唔好以為會好奇怪，其實真係好match ！黑松露味香味突出，成個提升鮮味，我就特別鍾意配搭土豆同埋蓮藕呢啲爽口嘅食物，感覺特別入味。加埋肥牛同埋爽脆嘅豬頸肉，就更加提升層次。其他串燒：成都燒笤皮口感香脆鹹香，平時少食到，好食。川燒翠玉瓜封住水份，熱辣辣口感爽脆。川燒龍利柳（原條）比想像中滑身，燒得都香。川燒經典豬頸肉口感爽口香脆，帶有油脂，滿滿幸福感。川燒厚切鹽燒牛舌心熱辣辣食，爽脆嫩滑。辛燒魚腐串最大力推介！平時食魚腐都係湯嘅多，但呢個裏面質感好獨特，呈現半空心狀態，加上孜然香味，值得encore！燒鴨肝配多士上面有超大舊鴨肝，好香！加上廚師用心地加上蘋果粒粒，以及相對軟身的厚包，中和鴨肝的油膩感，清新之餘又香濃。柚子冰粉作為甜品，好似啫喱咁，好滿足。飲品都好吸引，芭樂烏龍冰茶、烏龍椰奶茶佢個甜味係非常適中，特別係

旺角黑布街新開張嘅新式川菜館 × 居酒屋，小店適合細group聚埋飲番杯，因為佢啲野食真係好岩下酒，平時少食川菜因為好怕重口味，但佢一改我對傳統川菜嘅既定印象～🥘特 色 干 鍋辛手村麻辣黑松露味乾鍋｜𝟸 𝟹 𝟶(五花肉+豬頸肉+土豆+萵筍+娃娃菜+椰菜花)哩道招牌菜聽講係老闆喺Vancouver嘅時候同朋友研發，干鍋同黑松露哩個配搭夠晒新穎，而且一啲都唔兀突，意外地夾同融洽，香辣中帶點松露香，令味道多左特別嘅層次，亦中和左本來川式鍋嘅火辣感🌶不過因為顧及到其他調味同整體風味，辣度係fix左，而剛好就岩晒我地兩個只係食倒少辣嘅人，佢話唔食得辣嘅都可以揀壽喜燒干鍋👍🏾啲肉超好入味，不過會prefer多番啲肉而少啲土豆絲，不得不承認哩兜野真係白飯小偷，拎黎送飯真係一流！🍚辛手村特調雞泡魚乾｜𝟼 𝟾干鍋同串燒以外，傾計下酒可以叫佢地特調嘅雞泡魚乾，微烤好香得黎好有𡁻口。🍢串 燒川燒經典豬頸肉｜𝟹 𝟾無論係干鍋定醬燒嘅豬頸肉都係咬落去肉汁滿滿的🥹川燒厚切牛舌心｜𝟼 𝟾牛舌心要襯佢仲熱嘅時候食，唔係會變韌😟但佢啲肉串普遍都好juicy🥹川燒翠玉瓜｜𝟸 𝟶覺得面頭燒乾啲就好了～辛手雞棒肉串｜𝟹 𝟸雞

自創麻辣黑松露干鍋，等緊嘅時候已經聞到好香，一路等一路流口水可自選配料，我地加左肥牛，豬頸肉，帆立貝，芋絲黑松露香帶有少少麻辣，真心好味到不行鳥芋絲勁入味，俾我一個人食晒，老公怨話無食過，豬頸肉好爽彈，牛肉同麻辣係絕配，鍋底本身有土豆同娃娃菜，整個鍋好豐富串燒即點即燒，牛舌好厚好彈，雞腎有嚼勁，雞肉棒好正，曼聯魷魚俾老公食晒，豬頸肉肉質好爽彈，雞泡魚乾香脆好味荔枝烏龍茶甜度岩好，大有荔枝香味清甜烏龍椰奶偏淡，配串燒一流原來係8号風球果日先開業，老板係外國回港創業，真係好佩服

行過黑布街，見到有一間小店門口放滿開張花牌，店名字叫「辛手村」，試新野好呀！辛手村以簡約時尚風格設計，一反傳統。餐廳日間主打自家創作特色干鍋和串燒，入夜變身酒吧餐廳，讓你體會日與夜的不同感覺。店主係外地回流的年青人，初次創業要支持一下💪🏻🌶🥘辛手村麻辣黑松露味干鍋特色干鍋有兩款，唔食得辣的朋友可以揀日式壽喜燒味，我就揀左麻辣黑松露味的少辣版，辣度非常適合我呢d BB班。干鍋充滿濃濃的黑松露味，鍋底本身已經有蓮藕，娃娃菜，土豆絲，另外自選配料我揀左肥牛片，帆立貝，青口，濃汁牛丸。成個鍋非常豐富又惹味，白飯仲可以任裝🤩🍢特式串燒叫左佢D特式串燒，有日式燒鰻魚，厚切鹽燒牛舌芯、龍利柳，魷魚串，多春魚，燒茄子。全部都燒得好惹味，特別鍾意厚切鹽燒牛舌芯。仲叫左小食炸帶子，份量幾多，帶子外脆內嫩，夠晒香口😋🥤茉莉椰奶綠 / 荔枝烏龍冰茶兩杯手搖都少甜，解渴一流😚🍧柚子冰粉食完干鍋同埋串燒，點都要食埋個甜品先完滿。柚子冰粉，冰粉似啫喱食落口感好清涼，柚子酸酸甜甜，食完解晒膩😍

🔸鍋底：麻辣黑松露味 $78（附娃娃菜 土豆絲）豬頸肉 $48五花肉 $48肥腸 $48蓮藕 $28萵筍 $28個鍋底好！好！味！推介比所有鐘意黑松露味嘅人！辣度係bb辣，所以唔會蓋過黑松露味之餘令到食物更惹味！配菜方面超推五花肉，薄切口感唔會太油膩但有最大嘅surface area absorb最多醬汁！蓮藕片好脆好爽口，一樣係必點！土豆絲係厚切粗薯條，偏爽口而且好入味！同場加映我第一次食肥腸🙈本身完全唔食食肉臟嘅我係男朋友強烈要求下試咗，脆脆地有啲煙靭都幾得意，而且黑松露味完全蓋過到本身內臟嘅味～ 🔸岩手縣川燒雞腎串 $22非常爽口、孜然味夠、好食（from男朋友）🔸川燒厚切牛舌心 $68爽爽脆脆、孜然味正、好食（from男朋友again）🔸川燒經典豬頸肉 $38豬頸肉好脆口，調味唔會太鹹岩岩好🔸川燒豬大腸 $28串燒嘅豬大腸比乾鍋更加脆！每粒都大大粒好好味（from男朋友again）🔸日式燒鰻魚 $38鰻魚唔會太多骨，燒得比較乾身外皮脆脆地，高質！🔸川燒魷魚串(原隻）$48魷魚好大隻好新鮮，全部都係鬚好惹味～🔸辛手村茉莉椰奶綠嘢飲同樣高質！冇諗過椰奶同綠茶咁match！而且甜度對

新餐廳alert ‼️餐廳2/7正式營業喇。老闆年紀輕輕就創業，自家創作特色干鍋。餐廳夜晚做埋酒吧的新concept，裝修又似Cafe一樣舒服。特色干鍋有兩款，一款日式壽喜燒味，另一隻就係我今日試嘅麻辣黑松露。干鍋可以自選配料，店家介紹咗肥牛、豬頸肉、蓮藕、土豆。干鍋一上枱就已經好香黑松露味，唔會太辣，可以任裝白飯。另外叫咗D串燒，牛舌芯、豬頸肉、京蔥五花腩、魚腐、龍脷柳、同埋香港比較少見的苕皮。苕皮係用紅薯粉做，QQ彈彈包著蒜茸孜然一齊燒。飲品冇叫啤酒，反而叫咗手搖茶，解一解渴。食完干鍋串燒食口味，仲可以叫佢地嘅柚子冰粉，好似食緊柚子啫喱咁，食完個口舒服曬。

經過門面一定唔會覺得佢係食川菜有哂Bar枱 以為係cafe飲杯啡食件餅個啲點知原來係食川菜主打應該係食乾鍋嗌咗一個鍋底加四個配菜(雞軟骨+五花肉+萵筍+娃娃菜）Total:$230鍋底原配有辣椒🌶️同薯仔絲 朋友仔都話個味好新奇黑松露味好出 唔同一般乾鍋特咸特辣單食都可以 但最好餸飯/餸酒簡直係白飯小偷！！！五花肉大大塊勁滿足 雞軟骨食到尾都仲有娃娃菜都吸味幾正 但萵筍一般有啲唔夠喉下次再試其他配料～三個女仔加三個飯 其實都好夠仲試咗其他串燒 串燒推薦牛舌心+雞軟骨棒((私心比較鍾意另外 個燒笤皮好少見 重口味必選 笤皮包勁多蒜好煙韌如果同行朋友想飲嘢 呢度啲嘢食幾啱餸酒Btw 用QR Code落單 如果每樣菜入邊有個位備註位會好啲 因為有時候可以唔係每樣菜入都得自定口味 例如少辣…