轉角‧見

营业中

休息中

星期六，我同同胖老公好有興致，竟然衝出荃灣西，去荃昌果邊試呢間野因為老公係超級burger 薯條迷，d食評講到咁正，我地就試下啦1）煙肉漢堡麵包微軟，不會太硬，漢堡肉味夠不會死實，煙肉差一點不夠香口肥美只是一般的煙火腿比真正的煙肉平價一點那種。芝士太少，薯條偏硬了點2）all day breakfast賣相不錯，旦夠滑，煙肉同上，但條腸完全唔知佢想點！！！無味架！切開有芝士漿好似幾正咁，但無味架無味架無味架！！（重要的要講3次😂😂）驚喜既係個蒜蓉包！！竟然兩邊都有蒜蓉，超好味！不過略嫌太軟3）花生奶昔都算特別D食評又話勁重花生味，但我唔覺。雖然我未飲過奶昔，不過似沙冰多d整體: 環境太迫，唔relax，地點都”掉腳”以為幾平，但原來野飲要加錢不過小店都値得支持一下既

意粉份量對女仔黎講岩岩好，但男仔既話就會唔夠，味道唔錯但唔會有種會返轉頭食既感覺，可能BURGER先係佢地主打，以價錢黎講屬於抵食又大個，味道無特別驚喜，不過記得叫佢分一半，因為好難拎住成個飽同一啖咬哂D材料，值得一提既係環境好適合傾計，我同朋友坐左好耐都無趕我地走，而且係小店，值得支持一下！

地理位置唔算近市中心，但由荃灣地鐵站行過去唔駛十分鐘，商場駁商場咁過去，所以落雨都唔怕淋濕。食物款式唔算多，但環境舒服，啲漢堡包好大件，加一杯正價飲品送薯條/沙律。值得一試

好可能係最豐富嘅all day breakfast，哈哈餐廳地點的確有啲格攝，之前如果唔係同事帶我嚟，我都唔會知呢度會有間比較有質素嘅餐廳～lunch時段嚟一般都要等一陣，因為都幾full，一定要早預少少嚟先得～deluxe all day breakfast我係呢度九成都係食all day breakfast，因為真係好大份、好豐富，我每次同同事講lunch想食豐富早餐，佢哋都知我係想嚟呢度～菇好香、煙肉都唔錯，係個人認為個蛋煮得老咗少少咁，整體嚟講幾好嘅～最緊要係跟埋杯柚子茶，都係70幾蚊～絕對係抵食嘅，因為我次次都食唔晒，一定要分啲俾同事～😂😂😂

荃灣出名美食多，好耐之前食過一次呢間，因為比較偏僻，都好少嚟呢邊搵食，今次嚟到就再食一次呢間鋪頭兩個人嚟到，叫咗一個漢堡同一個意粉蒜香藍鱈魚意粉，一上枱就聞到好香，意粉食落有少少硬，啱我口味，鍾意食腍意粉嘅朋友未必啱，魚肉比較細粒而且份量少，如果魚肉份量再多返少少就更好型男漢堡，漢堡中間嘅肉好juicy，亦唔會太鬆散，唔會一切就散。同其他漢堡唔同嘅係中間多咗隻太陽蛋，而且菜嘅份量亦比較多，令到個漢堡唔會太油膩。一啖咬落去食到包，肉，蛋同菜，口感好好。漢堡加嘢飲會送細薯條，唔洗另外叫。最後加埋杯鮮奶抹茶，抹茶味好農，食完漢堡再飲呢杯嘢飲就啱啱好。本身想試下呢到嘅咖啡，但又驚夜媽媽飲完瞓唔著，唯有下次早d嚟先再試唔。

上次已經試過佢個漢堡，型男漢堡的流心蛋真係好唔錯！呢次就加飲花生奶昔，因為好少見到有賣，一於去try try佢，哈哈哈飲落去超濃的花生味，我諗有花生醬，奶味都有少少，加上沙冰的口感，我自己更鍾意花生奶昔配漢堡多過可樂配lor😛😛

這小店所在，處於荃灣天橋商場(昌x)的下層，從天橋向下望明明見到像是吃西餐的地方，下了天橋找不到門徑進入，要兜到商場另一邊自動電梯到下層，再沿空置鋪位探秘前行才到達。我點一份沙律，內容有煙三文魚花之戀，味道適中，不太鹹，有藜麥，很多很多沙律菜，日式沙律汁，餐飲點了熱朱，居然有美麗的拉花！很滿足，價錢也合理。

突然想食Burger 咁啱係荃灣果頭所以就search下有咩選擇 見到呢間轉角·見係附近同埋評價唔錯 所以想試下 睇其他人嘅review都話間餐廳好難搵 結果我真係搵咗好耐先搵到😂 到咗餐廳好彩唔多客 野食好快就上咗我叫咗個煙肉漢堡 個漢堡唔算大 塊漢堡牛排比較薄 但係HKD55黎講都算合理 味道唔錯 但係塊包有D乾野飲嗌咗杯桂花烏龍茶 味道ok 但係HKD25稍微有D貴 好在點一杯正價飲品會送一份細薯條 薯條嘅份量都唔少 啱啱炸起 好食整體黎講都滿意 無論野食環境都幾好

來到荃灣，很喜歡閒逛舊式的商場，沒有連鎖商店丶沒有連鎖食肆，有種尋幽探秘的感覺，穿梭舊商場很多特式小店，最後在＂轉角＂遇上她…來到商場的盡頭，環顧四周看到一間主打售賣漢堡的餐廳，可能是位置比較偏僻，晚餐時段食客量亦不多，無需等候，順利入座。餐牌寫著100％新鮮牛肉漢堡，我便點選了＂型男漢堡及雲呢拿奶昔＂。型男漢堡＄60，漢堡外型十分巨型，一刀切下去，把它一分為二，先看到的是流心蛋的蛋漿緩緩流出，沾滿醬汁的沙律菜，及外層煎得十分香脆的漢堡牛扒，來吃一口，漢堡牛扒油香滿載，肉質嫩滑，濃濃的牛肉味，這種香濃的味道，我頗喜愛的；另外配合紅菜頭丶蕃茄、芝士、美國煙肉等一起來吃，質感及味道層次，非筆墨所能形容。雲呢拿奶昔＄35，（漢堡加正價飲品送細薯條或細沙律）喝一口奶昔，奶味十分濃郁，而雲呢拿的味道更是芬芳撲鼻，味道不錯。隨飲品附送的細薯條，份量不少，可是吃一條剛剛炸起的粗薯條，味道有點過鹹了，下次可以要求減鹽。

餐廳位於荃灣某舊商場內，相信街坊先會清楚其準確位置，第一次去的確要花啲時間搵下。周末去到估唔到係要排隊咁誇，而且店內座位唔多，等左差唔多20分鐘先有位，都幾耐下。 呢間店嘅重點當然在於佢嘅Burger啦！佢嘅經典雞堡係HKD45，話平就一定唔係好平，但以美式漢堡嘅標準黎講就當然已經算幾抵下。加上佢嗌正價野飲就會送埋新鮮炸薯，都唔錯嘅~塊雞煎得好香口，生菜、蕃茄、沙律菜同紅菜頭令到成件事食落好爽。薯條份量都不錯，而且真係新鮮炸出黎，薯仔味道幾出下，不過咸左少少。整體黎講係舊式商場食fish&chips都真係幾特別嘅，不過下次可能都係去番市區食真正美式fish&chips啦~始終個環境令到成件事唔係好Chill, 而chill就係食burger嘅精神所在。

早晨全餐 ：整體味道不錯，特別係蒜蓉包，焗得非常香脆，但唔乾身，一次過食哂兩件都唔覺口乾。炒蛋都好滑身，配埋炒菇一齊食，好夾。煙似煎得岩岩好，唔會太乾身，食落口脆得黎仰保持都油份係入面，同埋食得出唔係茶廳餐個種cheap cheap 煙肉。餐廳環境：餐廳面積教小，所以假日去都需要等一陣先會有位。個日我地為左快少少食到，所以都選擇坐鋪頭出面。鋪頭出面既震境就真係麻麻，因為隔離就係商場廁所，所以都建議等耐少少，坐係鋪頭入面食。

荃豐附近有唔少小店餐廳。今次就去轉角見。果然冇失望。叫左 芝士磨菇漢堡。好足料，手打漢堡夠juicy. 薯條都非常香脆。十個讚！👍🏻👍🏻👍🏻朋友叫左fish and chips. 好脆，但唔油。好食。價錢亦十分親民。 fish and chips - $72Burger - $52Not exceptionally good but with this quality and price, I will definitely go again!

今日同男朋友想chill d過weekend 而我又好想好想食漢堡包wo🍔😍 就帶佢黎試吓呢間位於荃灣 我好耐以前食過一次嘅 轉角。見！中午黎到都係要等位㗎 今次好彩我地等左15至20分鐘就有位啦💁‍♀️ 女朋友我係蘑菇控 就梗係要個芝士磨菇漢堡啦😝 想要埋薯條/沙律既話 就可以好似我哋咁選擇加正價飲品轉combo啦(送薯條/沙律)🙆‍♀️芝士磨菇漢堡首先講吓個漢堡包 係烘熱左 表面好脆但係又好軟熟嘅 唔使驚好乾💁‍♀️💁‍♀️💁‍♀️ 漢堡牛扒都幾有牛味 配埋炒香左嘅蘑菇同溶咗嘅芝士😍 真係又惹味又juicy😋😋 沙律我覺得都幾新鮮 不過男朋友食就話苦😂🤷‍♂️煙肉漢堡本來男朋友話型男漢堡聽落幾型 可以試吓🤓 不過原來有流心蛋既 怕食得麻煩🤷‍♂️ 所以都係揀煙肉漢堡啦💁‍♂️ 煙肉煮得一啲都唔乾 生菜洋蔥balance番個油膩感 整體都唔錯既💁‍♂️💁‍♂️飲品方面我地就要左杯特濃花生奶昔💁‍♂️同Rose Latte💁‍♀️特濃花生奶昔幾重花生味 有啲驚喜💁‍♂️💁‍♂️💁‍♂️ 不過可以再濃啲就仲正🤤 美中不足係奶昔仲有碎冰 唔夠滑🤔Rose Latte就如常地好飲😝 好香玫瑰味 玫瑰乾花加哂分阿☺️ 女仔一

平時喺荃灣食野，好小去呢頭地下個頭食，朋友介紹嚟到呢到食burger,出奇地唔錯。我地一行三人7點左右嚟到，要等位，因為舖頭唔算大，加上食客都是剛剛開始食，所以都等左陣。我地叫左兩款burger,冇記錯，應係係型男漢堡同芝士漢堡，再加左個西柚汁雞翼同磨菇意粉，仲有三杯飲品。價錢合理，料足，絕對有種價簾物美感覺。本人會推薦漢堡同雞翼，真係好美味不過，美中不足，就係外邊環境，食呢類burger,又不是快餐店，店員見我地等嘅時候，問我地介唔介意，在餐廳外，廁所門口附近開張枱，雖然都是商場內，但我們在等候時，都嗅到廁所啲臭味，如果有考慮食客感受，真係唔好提議開枱喇！我寧願外賣。希望他們有所改善

週六滿心歡喜去再食，12:00 到達餐廳，同行4人，當時已有兩位到達，尚有兩個5-10min將到，當時餐廳根本有大量空位亦沒有人等候，餐廳要求必需齊人才可入坐。ok, 我都係企在餐廳考慮中，另一位馬上出黎非常不有善講：出面等。個那種呼喝的咀面比大餐廳/名餐廳還差，温馨小店？？？邊到啊？？？年輕人創夢餐廳？？？見唔到囉，淨係見到兩個非常冇禮貌的待應生。之前食過，其實漢堡唔係做得非常好，但可以的，但比起同區的漢堡飽店咁的價錢可以有更多更好更禮貌的選擇，奶昔係好飲的，但奶昔好難唔好飲囉。現在講緊係個殘舊商場入面的臭串餐廳，平均$80-100/人的消費，真係有生之年都唔會再食。