轉角‧見

营业中

休息中

呢間小店雖然對於唔係住荃灣嘅人黎講有啲難搵，但真係值得一試！叫左一個Aussie Burger (型男漢堡)($62)，入面嘅料好豐富，有漢堡牛扒、紅菜頭、流心蛋、芝士、煙肉、蕃茄同沙律菜，紅菜頭加入漢堡好有驚喜，少少甜味中和咗牛扒同煙肉嘅油膩口感，再加沙律菜，好似無咁guilty🙈至於流心蛋生熟程度啱啱好，一切開連埋幾有牛味嘅漢堡牛一齊食，漢堡牛係採用100%新鮮牛肉，整體非常juicy😋一個包滿足咗我好多願望😋至於粗薯條係跟飲品+漢堡送的，炸得都幾金黃香脆。仲有嗌咗杯玫瑰latte($28)，味道正常，唔算太貴。

轉角你會想起什麼？餓底想起幾年前一套 #台劇《 #轉角遇上愛》，男主角很喜歡轉角，因為每次轉角都可以見到新的環境、遇到新的人；相反女主角很討厭轉角，因為她害怕轉角之後會失去本來擁有的東西。.而你，是哪一類人？喜歡走上轉角？還是喜歡走在大直路上？.不同的人相遇在這間 #轉角見，分享彼此路上的見聞，走入彼此眼裡的轉角世界。.喜歡Cafe的環境，更喜歡它的名字轉角，位於轉角，分享轉角。...味道：7/10價錢：HKD 50-100

今日同女朋友行去悅來坊食野既，但突然下大雨，所以決定荃昌搵野食，見到荃昌有間裝修非凡既店，見到入面都坐滿左人，但剛巧有2個位，所以就決定同女友試下，入到去睇餐牌，見到原來食漢堡為主，咁當然要試吓佢哋嘅王牌產品啦！型男漢堡啦，流沙彈生熟程度剛剛好，非常之有蛋汁，薯條都係以粗薯條為主，非常有口感，好脆，正，仲叫咗杯鮮奶抹茶，好夠綠茶味，好飲，單單睇個樣啦就知係高級野啦我哋仲叫咗個經典牛堡，牛味都好重，非常足料，另外叫咗杯熱嘅柚子蜜，味道都唔錯，總結來講，色 香 味 俱全，值得再光臨

平日晚上相約好友食飯，girls talk最緊要坐得舒服，唔會限時限刻傾到一半就要埋單，捐窿捐罅去咗舊式商場中嘅cafe7點左右到場剛好剩一張2人檯，仲有近窗吧檯位置，入座後陸續有客人到場就要坐戶外啦～睇返食評推介，大部分都話burger唔錯，不過我哋有麻麻地share包類，所以就叫咗一份炸魚薯條，同埋一份番茄辣肉腸意粉意粉首先上檯，份量適中，辣肉腸都多，但唔知係咪怕茄汁酸落多咗糖，醬汁偏甜同整體上油咗少少之後就到炸魚薯條，份量十足2大塊魚，魚肉都ok但粉漿厚咗啲索多咗油份，薯條夠晒脆食唔停口食物質素算ok唔特別，但價錢合理，環境好適合hea下傾計，整體上感覺良好=)

“ 轉角見” 位於嘅地點有啲偏，但係就係因為咁所以佢環境好舒服就算喺玻璃隔離坐都唔會人來人往。佢嘅漢堡全部都好大份，大份到女仔個口都不能夠一口咬成個漢堡， 但係漢堡嘅味道真係好吃喔！

岀開荃灣 上openrice搵食搵到呢間有burger食既餐廳 決定一班朋友去食 店員開左舖岀面比我地坐 都幾舒服環境幾靚 Lunch有burger意粉等等我就專誠黎食burger 嗌左芝士磨菇漢堡沙津菜好多 成個擺入口有d大 所以我將d沙律菜同漢堡分開左食 菜幾新鮮 好少burger會放呢隻沙律菜漢堡扒幾厚 多肉汁 磨菇份量都多 個包脆口有蒜蓉包既味我略嫌芝士唔夠><Fd嗌左沙爹漢堡配野飲 有埋薯條至於意粉 朋友們都話好食 carbonara仲有脆卜卜蒜蓉包送！只係份量有啲細 男仔食完未必夠飽坐得舒服食得開心既一餐

轉角.見係間有誠意既餐廳:其實le間餐廳既食物質素真係好好，除左喱度既招牌菜型男漢堡，我今次食嘅芝士蘑菇漢堡同沙嗲雞堡都好正，味道好balance，比港島果d死落芝士既burger，味道更易入口！不過最攞命既係佢個價錢呀！佢跟餐既價錢都只係7、80蚊，咁抵咁好食既 burger以後食唔到點算呀！！除左burger，仲有意粉、蛋糕、甜品同fish and chips，所以我建議大家去開荃灣附近就一定要食下。

趁著休息的下午，來到荃灣一個小角落。荃灣被喻為「堅離地城」，一些靠近地面的店舖成為隱蔽的好地方。在近窗的卡位放空時，隱約傳來店內播放著悠閒的音樂，搭配馬路上來來往往的車聲，是城市味。侍應送上型男漢堡配薯條。為免薯條變軟，決定先吃掉薯條。薯條香脆，不會太鹹。再用刀把漢堡切開一半，流心蛋傾瀉，漢堡頓變金黃色。牛肉肉汁豐富，紅菜頭除了為漢堡添彩，也減卻了肥膩感。愛好芝士的筆者略嫌芝士味不足，煙肉雖香，但略少。不過整體還是喜歡的。

二月九號 喺新年同情人節中間既一日同男朋友黎食因為我地都唔食牛 所以冇試到好多人推薦既型男漢堡 就叫左個經典雞堡同鱈魚意粉包加正價野飲送薯條 粉跟正價野飲送蒜蓉包漢堡塊雞扒偏燶 我男友中意嗰種焦左既味我就麻麻地 意粉就好食既不過唔到車里茄會拎黎煎香左 都係有燶燶地既感覺但應該係特色黎 因為蒜蓉包都係燶邊所以整體味道偏濃因為即叫即整 所以唔係翻炸薯條 香口又有適當鹽味 茄汁應該係自己撈出黎 好好味！應該係茄醬加糖加水 所以唔會一味死酸同鞋口鞋脷飲左玫瑰花烏龍同檸檬綠茶 冇乜特別 但因為主食都重口味所以幾夾另外再叫多左個蒜香牛油雞翼唔知漏單定係即叫即整既原故或者平時冇人叫小食既理由等左成八個字第一啖食落口 正啊！！啱啱炸起啲油仲未迫出黎 有雞翼汁 牛油又未溶哂蒜香牛油味重 本身以為漏單就急急腳整出黎 點知係好食既 不過。。只係第一啖食食下啲油迫返出黎 感覺好膩油味變到好重 如果煎或者焗應該會更加好食再或者四個人分一人一隻立即食就會最好哈哈

男友好中意食burger，今次就黎試下依間轉角見，都搵左好一陣子先見到，非常神秘為左唔洗等位所以我地選擇坐出面男友嘅型男漢堡，d薯條真係好食，我會為左個薯條再黎食，茄汁係好水好甜嗰隻我試左一啖個包，我覺得係普通burger不過男友話好食，流心蛋好正，但d菜太大塊2杯特飲，我揀特濃花生醬，好特別嘅野飲值得一試，oreo就正正常常冇乜驚喜等左好耐嘅全日早餐最正係個芝士腸同個包，炒蛋都不錯，其他就不過不失冇驚喜嘅蝦多士，好一般，同個茄醬好唔夾，應該比d沙律醬點會好d，唔值咁貴

今日同朋友兩個搵嘢食，因為朋友鍾意食漢堡包嘅關係，我就介紹咗這間小店轉角見，之前食過覺得味道唔錯，而且價錢都十分之抵食。我哋大約等左20分鐘就可以入去，見到餐牌同之前來吃時都係差不多，最後我哋叫了一個漢堡包同埋茶和薯條，再叫一杯柚子蜜。等左一陣嘢食就黎到，侍應好窩心都有問，需唔需要切一半，所以嚟到已經分開咗，方便好多。但係朋友食到牛肉比較生，不少紅色，而且我覺得今次冇乜味道，而且麵包唔夠香口，薯條可能炸得比較耐，所以偏硬身，飲品一壺茶包，比較偏淡左少少，柚子正常。整體來講係失望到，最後我哋冇再叫其他嘢食，就去咗另外一間小店再食過。

星期日中午約左朋友係轉角見食午餐第一次黎呢間餐廳係商場落左電梯後轉左再行一段直路就到餐廳環境比想像中好 幾有格調我地叫左一個型男漢堡 同 一個芝士磨菇漢堡因為叫正價飲品可以送薯條或沙津所以我地叫左2杯熱柚子茶 加薯條 沙津各一份2個漢堡都好好食特別食芝士磨菇漢堡磨菇味好濃 好香漢堡排好厚好多汁而且薯條好脆好好食 十分出色沙津就冇咩特別提提大家 如果要同朋友share 個包黎食 記得係落單時就要同侍應講切半 上左餐後廚房就唔可以再幫手切

今日本身諗住係屋企煮飯點知老公話岀街食我就帶佢黎左e間食飯（上次自己一個偷偷黎食左）本來聖誕節好怕多人點今日好好彩一去到就有位我地嗌左個綠茶拿鐵同Oreo奶昔嗌左個小食蝦多士（個醬先係重點！點完無咁漏）同蘑菇漢堡包（好食到唔知點形容）牛肝菌意粉（我覺得一般）真心覺得好味又平每人大約都係HKD100 only有機會再黎第3次

今晚同男朋友行過荃灣順便搵下食咩好行行下就見到依間轉角。見，男朋友比較中意食西餐 雖然依間野同佢個名一樣😂真係轉角見比較隱蔽位喊算多，但都比較闊落Menu 唔算多野揀，但勝在有all day breakfast 我叫左個all day breakfast,男朋友叫左個漢堡飽食，有d餐係包埋野飲，其他就餐牌減12蚊，送薯條總括唔差，價錢又唔算貴，質素都唔差即叫即整👍 特別個蒜蓉包真系幾好食雖然小店，但質素真係唔差

睇了某youtuber介紹「轉角.見」這店，一家人專誠出去試試。但發生了一段一插曲....為免要等位，在openrice睇定開門時間，點知.........12點到了還未開門，問一問店員說：今天有要事會延遲到1點才開門！那就行個圈等等啦！點知1點準時到達，已全場滿座what.......一心來到，唯有照等啦！言歸正傳今次我們就叫了「型男漢堡、煙肉漢堡、沙嗲雞堡同蝦多士」因為加飲品就可送細薯條或沙律，所以我地就叫左「玫瑰咖啡、特濃花生奶昔同Oreo 奶昔」。雖然今次等位就耐左d（45分鐘），但食物送上嘅速度都算快。型男漢堡：流心蛋生熟程度剛剛好，唔會咬落去就流晒出來，而醬汁就比效清新，好juicy煙肉漢堡：比效普通，沒有什麼特別醬汁，但牛肉仍有肉汁，juicy沙嗲雞堡：醬汁好似食緊沙嗲串燒一樣，雞扒唔嚡，幾好味，一樣好juicy!蝦多士：可能因為蝦同麵包一起炸嘅關係，熟嘅時間唔一樣，所以麵包就比較燶，但整體都好好味薯條：非一般粗薯，好脆，好味飲品：三杯各有特色，每杯飲品嘅味道完全同名字相符。奶昔唔會死甜，試「轉角.見」的食物唔錯，真的價廉物美但如果開門時間可以準時少少就更加好喇！