轉角‧見

营业中

休息中

夜晚同朋友想食Burger記得有呢間野我地都未食過就去試下去到門口見兩個企係收銀既員工望左望我地但無反應 咁我地就自己簡位坐啦 行到過去正準備坐落去個刻 有個員工黑晒面咁行過黎叫我地等陣先 之後抹枱呆左呆不過都無理到佢 我地亦有客氣咁講唔該我地嗌左兩款唔同既漢堡再嗌左個炸雞翼同蝦多士 野飲好快就到嗌完野食過左大約10分鐘度見到有對情侶先入黎 佢地一坐底就嗌野食神奇既係我地早嗌過佢地 但佢地個餐仲早過我地到 大家都係叫burger 點解會係後黎既反而仲快有野食過我地朋友就覺得佢地唔想做我地生意 唔係點會一入黎就黑晒面咁等多一段時間我地既餐終於黎到 見到包皮燶左幾撻 望下其他人原來都係咁個包係唔錯既 佢個肉好juicy、餐我簡左薯條 我覺得有d咸 雞翼好普通 大家可以唔洗試不過都唔會再食 荃灣有好多間burger既選擇 可以簡間服務好d既

I am semi-veggie that I ordered the carbonara without meat. The texture and taste of it was good. It can be better if having more truffle. There is still a room for improving fish n chips. The fish was not good quality one, it’s seemed not cooking with beer. It’s just a “crispy fish”. I think it is a dream of youth because the Chefs and waitresses are the youth implying improvement to be excellence. I believe so and look for it!

探朋友中,係等人時間行咗個圈,就見到宜間轉灣有一間自家店.今晚6:00就到咗宜間自家店,唔係好多人(之後7:00就座滿呭), 坐得非常舒服, 裝修得好簡約,環境好整齊, 廚房細細. 去到叫咗個Alpinc Burger With Chips, Waaa買相真係唔錯,最開心係厚切chips, 只係$50已經比得夠料啦,👀吓圖就知道點解啦😋😋😋😋！, Matcha Milkshare 一D甜味都冇,但係又唔覺太甘味, 本人係減糖人士, 所以冇甜我好喜歡, 不驚唔覺飲呭成杯😋😋😋😋😋.Garlic With Blue COD Spaghetti with 2 slices of bread意粉條我喜歡宜個硬度😍😍😍,有車理茄,有幾片魚片, 麵包外脆內軟價值$45, A Pot Of Tea,食吓講吓,D茶凍咗,叫佢加D熱水佢都馬上加比我👍🏻💯.正體係好鬼底食呀！Alpine Burger With ChipsMatcha Milkshake Garlic With Blue COD spaghetti 麵包A pot of tea

推薦呢個荃灣隱世漢堡小店，地點在昌寧大廈地下，但並不易找，兜轉左幾個圈 好不容易才找到，到達時門口已排左人龍，等左差不多半小時先可以入座🤕店員們都好有效率又有禮貌我地叫左沙嗲雞堡同經典牛堡🍔雞堡塊雞好juicy，雞扒加左沙嗲醬，令雞扒更加惹味，呢個配搭好特別美味！！經典牛堡既漢堡扒好有牛肉味，生菜同蕃茄令到個包感覺健康左🥗🍅薯條分量充足，充滿薯味🍟食晒成個餐其實都好飽🤤仲有杯花生奶昔都好好飲🍼不過冇影相😂荃灣又多個食漢堡包嘅好去處👍🏻👍🏻

睇到網上有介紹，一心想試下新野，點知中哂大伏1.叫左型男漢堡漢堡無味，塊肉唔知係冷藏得太耐定唔識調味，好難食，薯條大半都係炸到硬哂2. 魚意粉多油到可以照鏡，香草亂洒，都仍然冇香草味，係為伴碟就太多太亂，係為味道就一啲味都冇3. 想抹走嘴啲油，點知餐巾係抹手紙，抹手都嫌硬，不如唔好比4. 侍應完全冇禮貌，剩係識係收銀機傾計，又唔肯行去張枱度，連對住同佢講埋單，佢都要傾埋計，先再問我要咩；另一個侍應都係，係其他人轉達返比佢聽先得，咁點解唔行黎我張枱聽呢？點睇都似係成班MK仔自己圍圍威，多過打開門做生意5. 總結：極失望，差不多價錢係路德圍食Mr. & Mrs Burger 開心好多又好味好多！順帶一提，間野明明冇咩人食，又要放哂啲枱係鋪外，極阻塞通道！

好食加上價錢合理，2個人今叫左個蘑菇牛漢堡加一個All day Breakfast,加一杯oreo沙冰，杯oreo沙冰好出色，大杯又不會過甜，我地2個人全部野食清哂，仲要200零蚊落樓，非常抵食

天寒地凍，5知點解好想食chips 😅所以再次光顧神秘小店，5係💁🏻‍♂️戴我嚟，完全5知個古舊商場地下會有神秘cafe 😂可能太凍關係，個個人去左打邊爐，難得5洗等位，太好了😂仲記得澳州burger 勁好食，肉汁加流心煎蛋，正久違了既Aussie burger feeling 竟然喺香港揾翻😢感動😢😢當然有我想食既chips ,平心而論，個chips 真係Mr and Mrs burgXX 做得好d (詳細請參閱我上一次寫既食評), 不過依間個burger 好食d,無咁咸，有紅菜頭加流心煎蛋，一切，d蛋汁流出來，好食，澳洲burger 好興加紅菜頭，5知點解，總之我鐘意食喇😂不過牛既漢堡扒相對上次小左d肉汁，不過依個價錢嚟講，叫幾好嫁喇切開係，好多好多料，d蛋汁流哂喺chips 嗰邊😅😅💁🏻‍♂️叫左磨菇burger,見佢食得咁快，應該幾好食掛😂Green tea latte, 綠茶味5夠，starbxxks 好飲dIce Americano ,中等，5太特別總括而言，依個價錢嚟講，性價比幾好

小店位置比較隱世🤣🤣環境裝修比較暗同簡單，唔係裝修靚靚既cafe，唔會坐得耐同特別舒服，但係食物質素高性價比唔錯，所以都有d人龍架。-經典牛堡($48)🔹每份漢堡都要買多杯飲品先送薯條或者沙律🔹漢堡既牛都幾厚下，而且好juicy，無燒得過熟🔹配菜既洋蔥輕輕炒過更加惹味，酸瓜好好食，仲有成二三塊，牛堡有酸瓜無得輸，沙律菜同蕃茄都夠新鮮成份漢堡超大份，食到勁飽，性價比好唔錯😋抵食呀😍依到既薯條用上粗薯然後曬鹽，新鮮炸起點都唔差既😆-值得一提既仲有極罕見既花生奶昔($35)第一次見依種口味既milkshake 所以即刻試！🔹有花生味得黎唔會漏 好飲呀🔹味道似sneakers花生朱古力層花生夾心 個人好鐘意飲咁特別既口味加晒分🤤仲有oero朱古力奶昔都不錯呢！

🍔📸#tagnshare荃灣篇……………………💰 型男burger ($55)花生奶昔($35)All day breakfast ($52)🤤 餐廳既位置並不起眼⋯居然有驚喜wooo😜型男burger厚厚的^_^一切開入面好多層ga👍🏻入面既半熟蛋令你食到要連手指都舔埋😋半熟蛋令到成個burger變得更juicy喔🍔入面仲有芝士紅菜頭磨菇⋯另外薯條係高妹愛既粗薯條🍟再讚下佢個花生奶昔⋯特別得嚟竟然唔覺得漏😏而且都好飲添! 性價比🆙🆙既餐廳⋯價錢一d都唔貴! 如果有多d款更好😅………………💁🏽高妹小編……………………👇🏻地址👇🏻轉角‧見 (荃灣)荃灣西樓角路202-216號荃昌中心昌寧大廈地下66號舖.

荃豐近幾年開多左好多食肆 有住家菜 素菜 上海菜 轉角 見係其中一家 係地下自成一角主打漢堡 特色飲品 價廉物美 太耐無食漢堡去朝聖一下 本小姐叫左個芝士蘑菇漢堡 $50 凡叫漢堡再叫一杯正價飲品就會送薯條或細沙律一份 叫左杯cappuccino$26 送薯條漢堡分量適中 有芝士 炒蘑菇 沙律菜 漢堡扒 蕃茄 同炒洋蔥 漢堡有肉汁 唔會太熟 最讚好洋蔥有輕輕炒過 少左一分辣味 多一分甜味 而且醬汁酸酸甜甜 更開胃 正食家叫左signature burger型男漢堡$58 黑牛 $25加送薯條型男漢堡比較特別 加左一塊紅菜頭 同半熟蛋 食家好在意個隻流心蛋 即使唔鐘意紅菜頭都好 都堅持要食佢 當然無令佢失望蛋黃半熟 流心 令成個漢堡更juicy 味道更豐富 講返薯條先呢到嫁薯條連皮粗切 應該有放糖落去炸 即叫即炸 令到表皮香脆可口 熱辣辣 正 我杯cappuccino 熱嫁 奶泡十分濃密 放左一陣奶泡都唔會散得好開 唯一比較可惜係無拉到花但唔影響味道 食家杯黑牛 我都係第一次飲 原來味道就係我心心念念嫁vanilla coke 係好多年前可口可樂曾經有出過呢隻味 但出玩左一陣就無左 要飲

荃豐荃昌一列商場都十分之多美食選擇，中式西式列家庭料理都有，而且平價得黎都有番咁上下水準好一陣子無黎轉角見，今日咁岩去開熊貓酒店附近近近地就行去轉角食下午茶。兩個人叫左個芝士蘑菇漢堡，正價飲品加個細沙律，再加個正價薯條埋單 $104 。漢堡扒好juicy, 配埋芝士，新鮮沙律菜同炒香左嘅蘑菇又唔會話啖啖肉 ，上次食過型男漢堡都一陣美味，型男漢堡多左塊紅菜頭同煙肉見餐牌上面仲有all day breakfast, 下次一於試下先

朋友聚會, 唔知食咩好, 又有一個小朋友, 諗來諗去都係食西餐好似方便D結果就去呢間, 因為聽就聽得多, 佢D漢堡好正, 一直未有幾會試 , 所以就同朋友決定去呢間食下好在我地去到時冇咩人, 唔駛等位, 我地5大小, 有3個人都選了【型男漢堡】, 好欣賞個流心蛋, 真係夾到不得了, 其實個包好大, 好厚, 想就咁咬係有難度 , 不過切開呢都要有D技巧 , 因為我唔想整爛我隻流心蛋丫...包好鬆軟, 唔會冧哂, 入面件漢堡非常好味, 味道剛剛好 , 而且肉汁豐富 , 基本上味道係好好, 只係唔知點可以一啖咬到一啖食到咁多層下次要試下D意大利麵....建議人多D去, 可以點好多唔同嘢食, 一人一份, 太飽了

今日一見终於知點解叫型男，佢並非好仔一名！因為佢 BMI 超標，牛肉加煙肉加蛋…etc. 爆晒 kcal ，肥仔只能夠扮型男，同俊男仲有一大段距離… 而且呢名型男仲係一名好色之士，佢响薯條嗰度表現到佢 咸虫 既本色！所以話見得呢位型男多，小心血壓上升，影響心藏同血管健康！總括而言，CP 值OK ，不過食物選擇比較小，只有 burger 丶意粉丶all day breakfast 及 炸魚薯條呢啲 肥仔食品，趕绝一衆注重健康人仕！而飲品方面，成$30一杯咖啡都無得 走咖啡因 同 用荳奶，杯咖啡各方面都比 Mccafe 放離幾條街，可以的話，食完主菜轉場去第二度飲啦！

放假行過呢邊 之前試過旁邊嘅咖啡店 見呢度算係多位就入黎試下 不過都要等十五分中先有位 餐廳外面都有擺幾多枱 但見到就唔想坐啦 因為係廁所門口 又有清潔工不停出入... 個廁所仲要係勁殘舊嗰種終於坐低可以叫野食 但嘈到侍應都聽唔到我叫乜 其實我想叫佢比杯水我地先等位時個餐牌無打有意粉 係入到去先見到吧台上面有寫 雖然得兩款意粉又唔係主打食意粉 但餐牌上應該update 下叫左蒜香藍鱈魚意粉 係偏硬嘅 硬到好似速食咁 魚有味 但意粉無味 可能係分開煮對於意粉控黎講好失望 另外無影相嘅卡邦尼意粉反而有驚喜 本身唔中意食卡邦尼都覺得佢煮到入味可惜所有意粉都無野飲跟 另外叫左個All day breadfast 咁嘅價錢食到算係好抵 始終出面假日都要$60 起先食到 仲包埋杯野飲 蒜蓉包夠脆 幾好食 其他就係茶記質素見大部份人都係食漢堡同all day breadfast, 可能真係應該叫返間餐廳主打嘅野先啱

朋友生日，大家就諗住搵緊cafe食下好野，傾下計，朋友推介轉角見，呢晚就黎左試。呢到服務好好，我地買左個蛋糕，cafe都肯幫我地雪住先講到食物，佢地主打burger ，我地都簡左芝士蘑菇牛肉set，就甘單叫一個價，如想配埋沙律或薯件就要正價加杯野飲先有啦賣相都不錯，burger 塊肉都厚身，沙律個醬都開胃，但啲菜有部分好苦。。薯條望落似平時麥當勞個啲，但厚少少，都係即炒的，都脆口自己叫左呢個甘菊花茶，原本以為係凍飲一杯，點知係熱既自己可能唔太中意花菜陣味，但朋友話ok朋友飲既 oreo奶昔好似食緊曲奇雪糕甘，幾得意。但雲呢嗱奶昔個味就好淡總括係不過不失的cafe