轉角‧見

营业中

休息中

周六難得不用出席龍舟練習，臨時相約好友見個面談談近況。穿過無限個感覺一式一樣的商場，沿途發現不少小店，良久沒過來這邊的我忍不住東張西望，甚有新鮮感。 之前兩次想光顧此店都摸門釘，難得數年過後它仍能屹立不倒，想必有其過人之處。小店座位二十個左右，深色牆身襯托淺色檯凳，牆身有一大幅壁畫，增添生氣。蘑菇芝士漢堡 $52手打漢堡肉味濃，帶有肉汁但不覺肥膩，配上蕃茄、生菜、芝士、洋蔥和蘑菇，豐富對胃。 炸魚薯條 $72魚柳肉質實淨有魚味，可惜份量少炸得過火，相較之下漢堡就較出色。 好友點上一杯黑牛，雪糕加汽水，開心指數爆燈，而養生的我則點上一杯花茶，越喝越熱實在不智哈哈。雖然整體質素未算超班，但埋單每人不過是八十塊，性價比不錯。

叫了一個有型男漢堡和一個煙肉漢堡，很喜歡有蛋黃的型男漢堡。因為它的漢堡排肉汁加蛋黃香實在既是經典也很難抗拒；煙肉漢堡就適合喜歡肉食的朋友，口感也很豐富。對於這漢堡的份量是很有信心的，但我們也加了薯條和沙拉與飲料，友人曾嘗試過花生奶昔，說是一試難忘，但我們最後叫了花茶，都是解渴，安慰自己這頓還未太熱氣的午餐。環境方面很舒適，但唯一要注意的是與友人已是下午2點到達，也是等了約二十分鐘才入座，所以趕時間或者沒有預時間的食客要小心。雖然是美式飲食，但這裡的食物卻值得更多的時間。

而家想係香港食個burger都唔平，閒閒地都成舊水，難得知道荃灣多價錢合理少少既burger，緊係要黎試下啦～今次就試下呢間小店，有名你叫，佢真係開係商場既角落頭位😂😂望住menu，我掙扎左好耐叫型男牛堡/煙肉牛堡好，想叫型男，但又怕流心蛋會整到成手都係，同埋唔知紅菜頭好唔好食，最後就食左最穩陣既煙肉牛堡，加一個正價野飲仲有細薯條送，我就揀左TWINING熱情果，芒果，橙茶。burger餐黎啦~第一眼吸引到我既係粗薯條，話就話係送既，但細薯條既份量一啲都唔少新鮮炸起，落啲鹽已經好好食。burger都冇令我失望，個牛肉扒好多汁，即刻我拎牛油紙包起個包黎食，啲汁都邊食邊滴出黎果茶好飲，不過原來係茶包茶，飲落都真係幾濃烈既芒果味。佢用一個玻璃壺泡住，不過啲水太熱啦，夏天就唔好點呢個茶啦😂

型男漢堡 $60 好適合食肉獸漢堡好juicy😋仲有脆脆既煙肉加埋煎蛋😍 d蛋汁但唔會好膩有生菜、蕃茄、沙律菜同健康既紅菜頭減低罪惡感🤫加飲品仲送沙律/薯條薯條係粗身果隻好正！轉角特選早餐 $79配料都幾多但無咩特別🙊個蛋炒得幾滑

約三五知己到荃灣小聚，行到腳軟，就緊係搵啖食。之後係openrice到搵到啲間轉角.見。跟住地址去行，行到去昌寧大廈，轉左幾個角，終於搵到轉角.見。坐低後，緊係睇下食啲咩，身邊友人……一見型男漢堡就即點😑因為佢話型男要食型男漢堡😂😂😂但因為冇靚女漢堡……所以最後我叫左芝士磨菇漢堡。一行4人，每人叫個不同嘅漢堡。型男漢堡芝士磨菇煙肉漢堡(煙肉漢堡較為鹹咗啲)經典漢堡檸檬綠茶& green tea latte以上漢堡嘅牛肉味有鮮味，啲個價錢黎講算唔錯漢堡嘅價錢$52至60之後加埋飲品大約每人平均消費$90(如果女孩子食量唔大，可以兩人share 一個漢堡之後再加小食)

真係好轉角，要專登搵先搵到咁隱蔽嘅，但係下晝三四點（而佢冇tea set）嘅時間去，仍然要等位，可想而知生意幾好。第一張相係沙嗲雞扒漢堡，揭開睇沙嗲汁只有少少，但我寧願少啲，冇咁漏，雞扒煎得好香口，食落亦冇雪味，44蚊一個算幾抵食。之後就係「型男漢堡」同佢嘅切面圖，已經盡量切靚個樣影架喇~ 唔知點解牛肉漢堡加蛋就要叫型男，可能係「牛B」咁解啦。塊牛柳唔係話非常出色，但肉味同濕度合格有餘嘅，有紅菜頭夾喺中間，口感都幾新鮮。因為食兩個包都唔覺漏，所以又嗌多咗碟炸雞翼，炸出黎稍稍燶，但都中規中矩，正常味道。埋單好似先130蚊咁上下，真係抵食，但我敢保證同神農氏仲有幾班嘅差距！最後值得一提嘅係兩個侍應妹妹服務都好好架~

每次來必點炸魚薯條及漢堡從他剛開業的時候光顧到現在食物素質一直都能保持在中上水平可以說是香港數一數二好吃的漢堡炸魚是用粉漿形式去炸配上粗的實心薯條蘑菇芝士漢堡的蘑菇好足料肉亦很多汁不會“乾爭爭“這店雖然小小的但絕對感受得到廚師的用心

此店在不是在荃灣的鬧區，因為開車經過所以決定一試！店內的裝修很有個人特色，牆上有手畫的壁畫！座位都數量頗多而且枱與枱之間空間較大！我點了一份「all day breakfast」，當中有五款食物，看似份量不多但食完都幾飽！蒜蓉包整得又香又脆，仲想食多兩塊！另外，炒蛋可能因為太熟的關係，比較硬身，建議不要煮得太熟！蘑菇，腸仔及煙肉就正正常常！男朋友點了一份burger，當中的醬料及煙肉及菜相當夾，肉料亦非常豐富，可以encore！薯條是屬於半粗身薯條，由於即叫即炸的關係，食落非常香脆！

I have been to Kitchen Corner several times. They do decent value burgers and the milkshakes are pretty nice too. Staff are okay too. My only complaints are that the large burgers can get pretty messy (be prepared for sticky fingers) and the outside tables have gaps between them so drinks can easily get spilled when you put them down on the table. Still, worth going.

五一勞動節假期，下晝約左友人。見有時間，諗住一個人係荃灣搵食，咁樣友人黎到就時間啱啱好。因為唔太肚餓既關係，想搵間cafe慢慢食慢慢坐，chill下。開Openrice見到荃昌中心都有幾間呢一類既餐廳，所以去左碰碰運氣。唔知係咪因爲公眾假期既關係，周圍都係人，就算一個人想搵位都好難。幾經辛苦終於比我搵到呢一間餐廳，啱啱好有一張二人枱，所以唔駛等就已經可以入座。除咗餐廳裏面同埋商場走廊有位，室外亦都有位坐。型男漢堡：大大個，好足料！牛肉唔易散開、煙肉亦都煮得啱啱好，唔會太硬同乾、而蛋亦都唔會煮得太熟，中間有少少流心。紅菜頭嘅味道同個漢堡包亦都好夾！雖然個漢堡包好大，但係亦都好容易食，唔會食到好哩啡！薯條太乾，冇乜薯仔味。青檸特飲同平時嘅青檸梳打冇乜分別，反而比較少青檸味。以一個人黎講，份量都幾多，漢堡包同薯條都有食淨。整體而言可以一試，但係以呢個地方同環境黎講價錢偏貴。

上星期openrice諗住睇下荃灣有咩野食，最後揀左呢間店，由元朗出荃灣諗住食好野，係度哎左2個牛堡1個雞堡餐外賣，等左30分鐘先有，返到屋企打開盒先發現個雞堡塊雞扒前後都「Lon」到跟本唔會食得！真係好無良心！問心如果食個個係你自己你會有咩感受！投訴亦都無人跟進！極不負責任！🔥

網上睇到呢間人氣cafe，地點實在有點偏僻，但嚟到竟然不斷有驚喜，所以附近住嘅朋友不妨過去試下，光顧一下咁有心開餐廳嘅年輕人～餐廳環境絕對好吸引，女孩子一定會手機食先，之後post上instagram/facebook就可以呃like，加分加分！唔好以為咁靚好高級，一定好貴，但性價比極高！就好似第一碟：卡邦尼意粉（$49），麵嘅份量唔算好多，加有兩塊蒜蓉包就剛剛好啦。2. 轉角allday breakfast($79):呢款相對就貴偏少少，但份量好多，有蘑菇、煙肉、腸、炒蛋、蒜蓉包、三文魚！

偶爾走到荃昌中心，見小店裝修簡潔舒服，坐位闊落，就入左去試。 入到去比想像中差左dd, 就係冷氣機嘈左小小。食物種類較少 只有幾款漢堡、小食、all day breakfast同飲品（但款式呢d野貴精不貴多）最後我地兩個人決定叫兩個漢堡餐（Rocky burger)加個特濃花生奶昔、Oreo milkshake 仲有貪心既叫埋個雞翼！ 個漢堡比想像好味好多，冇諗過小店都可以做到咁juicy 又唔會生既漢堡，每咬一啖，d汁都會係另一邊漏出黎，正呀！ 不得不提個花生奶昔，濃漏既花生味，就好似加左成羹花生醬，厚厚既texture! 惟一美中不足係佢blend 得太耐，冇左沙沙既感覺。但個雞翼擺碟就好普通，味道亦不外如是，可以不試。

叫左2款ALL DAY, 蛋太淡, 無蛋香, 但算OK 滑。煙三文魚都有2,3大塊, 偏咸, 但都OK。有2款腸, 一款係芝士腸, 一款係普通肉腸, OK幾好食。蒜容包林GE, 唔店, 蕃茄烤/煎得唔夠, 好生, 好怪。叫左杯MOCHA, 但完全係CAPPUCINO 味.... 以CAPPUCINO  來計, 佢地GE COFFEE 係唔錯GE, 幾香幾濃。想講下佢地GE服務, 2個樓面愛理不理, 同埋應該係生手, 收野勁慢都算, 樣樣野都叫你等陣, 坐低想即刻落單又唔得, 又叫我地等。本人唔太滿意。食完覺得佢地惟一可取之處係價錢相宜....

上星期日去左Kitchen Corner飲Green tea latte,第一啖真係好苦，可能自己未完全攪拌，但之後再飲都係好苦😖😖。之後問左位職員，係咪已經加左糖，佢好誠懇有禮貌咁話：沒呀～但如果你覺得太濃可以換過杯俾你。但我怕換了也是一樣，咁太浪費了，就話不用，但對住依杯苦茶真係皺哂眉頭，自己加左糖都係唔得😓當我苦惱緊點KO依杯野既時候，佢突然係廚房行出來，帶住杯新既Green tea latte,話沖左杯新既俾你，如果唔啱飲可以再同我講，我再換杯俾你。個下好感動😭，同埋杯latte好飲好多了😍😍😍👍🏻👍🏻，真心覺得這良心小店值得推薦，會多幫襯😆😆😆真的好開心發現有這麼好的coffee shop😍😍👍🏻👍🏻👍🏻