轉角‧見

营业中

休息中

沒有飯吃的日子，找來飯腳荃灣揾食，上openrice 揾了幾間cafe, 呢間環境唔錯企理，又有位坐。menu 的選擇不多，有意粉小食同埋推介的牛肉漢堡，點了芝士磨菇牛堡，炸魚薯條，芝麻蝦多士，混醬雞翼，全部都是炸物，亦很脆口！牛堡的味道最豐富，是必食之選，炸魚薯條不過不失，混醬雞翼衹是炸雞翼加醬汁，芝麻蝦多士是有點失望，就是除了脆便沒什麼味道。但整體是合格，價錢亦合理，3個人衹花$270,都是不錯的選擇。

成日聽講呢間小店用心經營, 仲要好文青感覺, 值得去試下同慢活一下.Fish and Chip ~即叫即整, 魚同薯條都係熱騰騰, 但炸粉比較多, 感覺炸粉同魚的比例係1:1, 完全唔似外國食開的感覺, 不過味道都算可以, 但上菜的時間真心耐, 由叫到真正上枱等左15分鐘至有主菜, 不過都明白, 因為佢地係即叫即整同眼見廚房唔多人, 而且11點幾, 應該都多order.凍朱古力 ~~凍朱古力, 等左35分鐘至上枱, PS:係同一時間落單, 不過店內的待應都算細心, 佢叫我差唔多食完, 連枱面的水都飲晒, 就問我飲品係唔係未嚟...  最後真正上枱要45分鐘, 至於杯朱古力我覺得唔甜, 冇朱古力味, 唔好飲~PS: 眼見好多人排隊, 如果佢送餐的效率快些, 咁一來佢可以做多幾單生意, 二來顧客也不需要排隊排咁耐.

荃灣真係好多好多美食，其中好多小食都好有名氣，真係唔錯，但今日就選擇左食一間cafe，地點位置唔算近地鐵站同西鐵站，揸車既話，商場下面都有個停車場，揸車都算方便既。呢個cafe隔離左右都係cafe，都算容易搵到，同埋地方都算大，都有幾張抬選擇。廚房都俾客人睇到既左邊係 oreo奶昔 味道都好普通，無咩oreo味，唔算特別，但唔會好*流*右邊係 特濃花生醬奶昔 中意食花生既人一定唔可以錯過 因為真係好濃 好似食緊一啖一啖醬咁沙嗲雞扒包 好好味！包脆既 沙嗲味濃 好正呢個一定會再點薯條都好熱好脆！蒜香藍鱈魚意粉有點失望 無味的。下次食漢堡都夠啦 哈哈

一直有留意呢間burger,終於同約左朋友黎試Burger選擇唔多有4款,原先想試下佢個special menu 牛油果塔可牛堡, 點知暫停供應, 於是我同朋友叫左型男漢堡同磨菇牛堡配薯條share食因為即叫即整所以等嘅時間長D兩款堡包都好食好足料..要讚下型男漢堡加左紅菜頭,真係好等特別但我覺得薯條炸耐左偏硬最後係杯oreo朱古力奶昔, 我諗為甜左少少, 但整體ok...最重要價錢又平又好味

放假先黎落大雨，出唔到街玩，最好梗係搵間café chill下啦。呢間café都幾隱世下，係一個唔太起眼既舊式商場入面，我同朋友唔熟路，都搵左一陣路先到。兩點鐘黎到，坐無虛席。上網見到話佢到最出名係burger，我地當然要叫返個啦，叫左是日推介既牛油果塔可牛堡，另外再叫左個fish&chip，飲品方面就飲左杯latte 同flat white。呢到環境唔算超級正，因為地方比較細，所以台同台之間既距離好近，我絕對相信隔離台係會聽晒我同朋友講乜。不過就算地方細，呢到都唔會話食完就趕人走，任坐唔嬲，所以都岩同朋友叫杯飲品傾下計坐下。講返野食先，牛油果塔可牛堡，size都幾大下，好厚既一層。本身就咁睇，我唔係好見到有牛油果，反而最搶鏡係有一層墨西哥薯片。一食落口，ｄ牛油果就爆晒出黎啦，而且墨西哥薯片令漢堡有種好香辣既感覺，加埋芥末醬，好開胃！配菜仲可以揀薯條或沙律，薯條份量都幾多下，一個人食晒應該會好飽。另外既炸魚薯條，上台叫己經見到炸魚非常大碌，以為炸炒會好多，點知又唔會喎。反炸皮好薄，食落係啖啖肉！而且對女仔黎講，個炸魚又係超巨型，一定要share呀！唔小心發現叫左好多薯條，但薯條同樣出色

這間餐廳位置比較偏僻，不大起眼，很難搵到，有次没意中俾我睇到，就入去試下，竟然有惊喜，叫咗個煙肉蘑菇漢堡扒餐，配即炸薯條，加叫一杯玫瑰咖啡，全部都即叫即做，新鮮熱辣，好好味，俾我感覺他們的用心製作。值得推薦！

今日放假  係同屋企人過黎呢頭拜神~   拜完我就自己過黎試下食呢間 因為聽同事講好好食的~  特登走過黎架 仲行到有d迷失添 XD  呢間位置有小小偏僻，如果第1次黎最好問下人 型男漢堡$60好吸引眼球呀!!超大舊，一黎到的時候 ，見到格黎枱已經流曬口水 好急不及待 ，終於等到我個份到  一咬落去覺得成個嘴都好豐富~  個汁好match呀~  60$蚊真係一d都唔貴呀~ 如果公司樓下都有就好啦，佢地仲加左紅菜頭，感覺好食得黎又健康左 正   xd   不枉我真係1個女仔特登走過黎試 haha   期待下次~ 

鮮奶抹茶🍵（$28）拉花好靚 但佢重奶味 抹茶控要失望了... 個牛肝菌意粉🍝（$58）偏乾身 係炒意粉 菇都幾香 但因為冇咩汁 香味帶唔到落意粉 特別推薦炸魚薯條🐟（$76）魚柳香脆 嫩滑多汁 配上沙律醬令小編停唔到口 轉角特選早餐🍳（$79）材料豐富但味道偏淡 oreo奶昔🍪（$37） 唔會好杰 飲完唔會口渴 味道係cookie and cream~-The matcha latte（$28）has a delicate barista. As the milk flavour outcompetes that of matcha, matcha addicts may feel disappointed...The cooking method of the Boletus Edulius Pasta ($58) is stir-frying. The mushrooms taste pretty delicious. However, the mushroom fragrance cannot be delivered to the spaghetti due to lack

試了芝士蘑菇漢堡配薯條+Matcha Milkshake.芝士蘑菇漢堡，肉質juicy好食Matcha Milkshake 茶味不夠濃，如果可以再濃多少少，會更好飲薯條好似比較硬身，不知道是什麼原因呢?朋友試了經典牛堡配薯條+Oreo Milkshake.經典牛堡跟我的芝士蘑菇漢堡，分別在於選擇要食酸瓜還是要食蘑菇……我試了友人1條酸瓜，因為我不喜好食酸瓜，所以就……友人說Oreo Milkshake 堅好飲!!整體總結*真希望下次再光顧時，不要坐位於洗手間門口位置!!由於侍應生不足，所以算是半自助形式落order。另外店舖小，所以等位的等候時間較長，但食物質素整體都不錯，所以下次會再光顧

返完教會，朋友極力介紹小店－轉角．見的型男漢堡和花生奶昔，所以試試～漢堡即叫即製，新鮮，肉汁豐富，配菜中特別喜歡酸瓜，中和了肉中的油膩感，絕配！至於花生奶昔，香滑有飽肚感，喜歡花生人士不要錯過呢！

雖然呢間鋪頭比較隱蔽，但有時食lunch時間都幾多人黎食野，食過三次試過漢堡包同全日早餐，本人比較鍾意佢地既漢堡，漢堡大大件同埋薯條係粗條既（我比較鍾意食粗身薯條），你可以唔揀薯條揀沙律，味道都唔錯，最緊要係價錢唔貴，又大大件，環境都比較安靜，如果避過左lunch時間食會無咩人。

隱世小店，之前試完呢間小店一直念念不忘。但係因為個位置都幾難搵所以只係去過一次就冇再去了。 我認為呢間小店 性價比真係極高，價錢相宜冇+1而且大大份仲要好好味添。個蘑菇芝士漢堡，Juicy 多汁，平時食個漢堡包🍔餐都要一百幾，呢度幾十蚊就要喇一定要去試試而且服務感度都唔錯，有心經營，如果想約埋三五知己平平地打個卡，呢度係一個唔錯既選擇，仲可以行下荃灣，唔錯架。 另外，飲品方面 可以試試佢綠茶鮮奶 ，味道濃郁

.📍轉角‧見 個日🐷同幾個美女一齊去我地頭搵食，佢哋話想食burger 我就帶佢地去呢間小店到食，大家都知我最支持小店架啦～呢間位置有小小偏僻，🐷第一次黎都要搵一搵之前食過次覺得幾好食，上次食左雞burger同Oreo milkshake 一直都想試其他野👅—————————————————————❣️Aussie burger型男漢堡（$60）呢個一黎到吸引曬我地眼球，因為超大舊，個流心蛋可以做到咁靚真係唔簡單架，已經流曬口水🤤一咬落去啲蛋汁同啲肉完美咁結合，仲好特別咁加左紅菜頭，即刻覺得健康左😂.❣️Alpinc Burger 芝士蘑菇漢堡（$52）其實蘑菇加肉都冇野好輸，肉質鮮嫩多汁，超juicy，仲要煎到啱啱好，仲有小小粉紅色，但overall 會比起啱啱個個會比較普通.❣️薯條因為我地嗌左飲品，所以就送薯條或者沙律，我地就揀左薯條完全冇揀錯，因為佢係非一般既薯條，炸得外脆內軟，好好食！.❣️蕃茄辣肉腸意粉（$58）Um普通蕃茄意粉，始於都係burger出色.❣️特濃花生奶昔（$35）✅好好飲，我本身就麻麻地花生醬嘅，但佢呢個milkshake就溝左花生醬，我覺得意外地好飲，好特別！不過

星期六晚 出荃灣食野 呢間店 其實我黎過好多次 但今次想寫一寫食評呢度價錢公度，無加一 非常抵食。磨姑漢堡大大份 我食漢堡包一定會留意佢包皮有無烘，因為烘左會好食好多。轉角見 係有烘到個包。舊漢堡都係多肉多汁 咬到成手都係 磨姑味都好夾個包薯條今次太咸 但蘸茄汁可以中和返個咸味 整體黎講都ok!呢幾隻雞翼 其實似 脆香雞翼 個汁都係酸酸甜甜咁 幾得意 可以一試環境方面都幾好 好多台客 都係家庭聚餐 老少咸宜 店員都唔會趕你走 可以慢慢食。

支持小店系列，都幫襯左好幾次了，雖然位置有d 難搵，我次次去都行錯呢😂 芝士蘑菇漢堡 $52叫一份burger, 只要另叫正價飲品，都會送薯條/沙律。我就叫左我最愛既粗薯條❤️ burger 裡既蘑菇醬汁+牛肉漢堡口感好juicy, 配裡面一大塊生菜，乜罪惡感都冇曬🤣熱情果、芒果、橙茶 $25唔想飲咁多凍野甜野，叫番杯花茶消消濟。好味又抵食，而且唔收加一，要支持一下用心製作嘅小店👏🏻👏🏻👏🏻👏🏻