轉角‧見

营业中

休息中

估佢唔到哩個商場仔不太顯眼 但角落頭有間咁好味既餐廳一於試下佢啲意粉同burger先！ 叫左個型男漢堡 因為貪佢有個流心蛋果然無令我地失望 入面既沙律醬仲好好味 係誠意之作 薯條既質感好特別 好味！ 蒜香鱈魚意粉 略淡 但魚煎得好香 意粉亦彈牙！ 杯milk shake好重花生味 唔會太甜太溜！

今日同好朋友去南豐紗廠，去之前諗住係荃灣食個lunch，佢就搵左呢間轉角·見！座落係舊式商場，好似呢間cafe係最旺！Cafe唔大，但座位都好闊落。唔使攞飛，直接係鋪頭出面等，我地好好彩，等左五分鐘都冇就入左去啦！Menu選擇多數都係burger，好朋友揀左型男漢堡，我就嗌左個意粉。因為係即叫即做，所以要等大概二十分鐘。野飲黎左先！好朋友飲左好出名既特濃花生奶昔，我就飲Oreo奶昔。其實兩杯好似樣，但花生奶昔聞落就有陣陣花生醬香味！第一次見！同埋好creamy,飲到最底仲有花生醬！而Oreo奶昔就好似溶左既oreo雪糕咁，如果可以有埋oreo餅碎就好啦！同其他地方唔一樣，呢度啲奶昔既冰唔會好大，飲左好耐都唔會dilute左！意粉再加正價飲品會送蒜蓉包，蒜蓉包好脆好香，意粉以cafe黎講價錢唔算貴，同埋魚既份量都幾多！可惜魚煮得耐左所以比較硬身，但意粉好食！型男漢堡加正價飲品就會送細薯條或細沙律，漢堡既牛夠juicy,芝士味亦都好濃！個人黎講最中意隻蛋😍有少少流心！難怪係cafe既signature dish! 店內得四個人，好欣賞佢地係小店努力做好每一個dish,我地果陣食到兩點都仲有

荃灣隱世漢堡店! 好久沒吃漢堡了，差不多每次想吃漢堡都一定首選這一間！ 加上今天是平日，人數明顯沒那麼不用等位，也可以慢慢吃他位於一個小商場地下角落，不太好找。 桌子椅子都是木做的，簡約風格，靜靜地吃飯聊天也不錯。 份量都算大，漢堡配正價飲品就可以免費加薯條或沙拉，呂漢堡自薯條才是官配呀，而且薯條很粗，薯味十足。 漢堡一貫水準，肉厚多汁，不會乾身。 一看到店名，就會想唱起歌來了！假日想搵個地方休息 這裡最好不過

七夕個日男朋友無啦啦話帶我去食西餐，我就睇佢帶我去食咩今次佢帶我黎呢間係荃灣嘅cafe,老實講間鋪其實好難搵得到,因為都幾偏僻下...一入到餐廳，就發現原來係間小店，選擇唔算多！見到佢推介個猛男漢堡，價錢唔貴，就叫黎試下，仲叫左個oreo沙冰杯野飲真係好正！個漢堡都好好食，比想像中驚喜我哋仲叫咗個蒜香牛油雞翼，上面真係有牛油㗎！不過相對蒜香味就唔係特別重。整體來講以佢呢個價錢係好物超所值

好鬼正嘅cafe仔 係逼同簡樸啲🙊但burger同milkshake好高質💓💓價錢貼地 平日夜晚都傾到幾粒鐘😌 (圖6-7 menu).🍔🍔芝士蘑菇漢堡$55(圖2)🍔🍔翻食兩次都咁好味 漢堡扒好鬆軟同多汁 似手打感覺🐮調味很好 不會太重 食到牛肉味🐮車打芝士配蘑菇 一片都濃香💛個包本身都有烘脆少少 同埋有生菜幾大一個 男仔最好加埋薯條(圖5)🍟薯條好正 兩個女仔share一份岩岩好粗薯仲有少少皮 應該烘乾過 所以唔油膩記得問店員拎mayo啊💃.🍳型男漢堡$62(圖1)🍳多咗個流心蛋 少咗蘑菇 自行選擇.💛花生醬奶昔(圖4)💛聽個名就知邪惡 但飲落絕對唔係😈鐘意佢有花生醬香 但唔會好濃仲飲到牛奶milkshake 嘅base稠密度似M記 所以夠過癮😍

同男朋友專程嚟到荃灣食嘢，呢間都幾有名氣架個名都特別文青。嚟到都唔少人，大部份都係年青人。我哋叫咗兩個主食一杯嘢飲，包括一個漢堡啦，一份炸魚薯條啦，同一杯玫瑰latte。 漢堡首先嚟到，都幾大份喎。忍唔住即刻食先要趁熱唔等男朋友啦。食落啲餡都多㗎中間塊牛扒都算幾厚。生菜食落都新鮮芝士個味都濃。薯條亦都熱同埋脆，鹹度適中。成分食物唯一唔好嘅地方係個漢堡太高身，就算係男朋友個口都有啲困難，女仔就真係要一啖一啖慢慢食冇咁爽。炸魚薯條都好快嚟到， feel到係熱辣辣嘅。男朋友等唔切即刻開刀切開佢食。魚肉白而且分明，皮又薄又脆，調味適中，實屬佳品。底下嘅薯條同漢堡包嘅薯條類似所以唔再多講啦係值得食嘅唔會太「流」。跟埋嘅有兩種將除咗茄汁之外仲有白汁，酸酸地幾吊胃口。會latte拉花拉得唔錯，算好飲。雖然講唔出有冇玫瑰味但係大家都可以試吓，店裏面除咗咖啡之外亦都有提供唔少嘅特飲如果大家唔想飲奶類嘅話亦都有好多可以揀。整體來講，幾好，價錢合理，有機會嚟荃灣可能會再食多次～

上網見到有人介紹，就決定左黎荃灣呢間轉角．見，食下西餐，想食burger,但又想食d 比較affordable 既，就㨂左呢間啦，位置都比較偏，喺荃昌中心轉角位嗰度。如圖所見，order 左個芝士蘑菇漢堡，好食呀，牛肉又大大舊，另外一個賣點就係佢既burger 係即叫即整既，跟住車打芝士併蘑菇味道又幾夾。薯條連埋薯皮既，好正好有薯仔味！飲品係oreo 奶昔，好夠味，有好濃既oreo 味道！價錢都ok, 每人都around100蚊埋單！

週日想食burger, 但又唔想食m記果d, 搵搵下, 見到呢間係即叫即整, 好似唔錯, 就決定一試.型男漢堡同芝士磨菇漢堡, 考慮左好耐, 最後都係選擇了後者, 因為我鐘意磨菇多d.burger係即叫即整, 麵包係有焗熱, 麵包外脆外軟, 熱熱地, 加上牛油, 已經好味, 磨菇都係熱熱地, 唔係罐頭個種, 有菇味漢堡夠厚, 熱騰騰, 絕對食得出呢間小店對食物果種執着, 因為佢真係即叫即煎, 咁的漢堡至好味.當然生菜好fresh, 加上少少酸甜的千島醬, 一流的配搭.$55食到呢個有水準的burger, 絕對係平民之選.

喺荃灣咁多嘢食嘅地方，專登去咗搵一間小商場，就係喺荃昌中心地下轉角一間叫轉角見嘅西餐，主打係食漢堡包。小弟叫咗一個型男漢堡套餐，漢堡包賣相都尚算可以，牛肉大大塊，仲有我最鍾意食嘅紅菜頭。另外佢嘅薯條係用粗薯條，唔太油吾太硬。飲品方面，叫咗一個奧利奧朱古力奶昔，入口好滑，有好濃嘅奧利奧曲奇味，而且唔係太甜好好飲買單每個人都唔使$100，而且佢個漢堡包份量好足夠，基本上食一個套餐都會飽。真係又平又抵食。

朋友相約到荃灣共進晚餐，她帶我左穿右插來到這間炸魚薯條漢堡店. 煩單點漢堡包, 再單點正價飲品就可以升級為套餐, 可選炸薯條或沙律. 蘑菇芝士漢堡包併沙律蘑菇車打芝士做得不錯漢堡包面香脆漢堡肉有點粗糙, 無乜肉味沙律配上芝麻醬沙律不新鮮, 多片有鐵锈色呈現可能放太久或保鮮不足沙嗲雞扒漢堡包併薯條沙嗲醬太多, 而且不均勻薯條, 好味!有薯皮的薯條, 份量亦彼多. Flat White 澳洲咖啡味道一般, 咖啡不太香奶太多. 我們二人坐著坐著兩個多小時. 這是一個吹水好地方.

呢間野我經常食，但成日都好多人等，好食既食物係值得等待⌛️。成日食佢個水準一貫不變，而且價錢仲唔貴，burger勁高質，一定要試。個型男漢堡必推，裹面有紅菜頭同流心蛋係入面，個包好似成塊面咁大，食完一個就飽哂，一口咬落個包到d肉汁必哂出黎，個包仲要勁鬆完，個漢堡包仲可以揀配沙律定薯條，個薯條勁好味，又粗又又炸得脆，超正。個蝦多士都係必食，又平又抵死，價錢又唔貴，d野又好，呢個係值得朝聖既地方，必食

之前有一排成日聽到人講話荃豐商場嗰邊有間小店，係專食漢堡嘅，仲要個名好鬼死型仔添，又叫型男漢堡。所以之前就特登走去試下係咪真係咁型仔喇。間鋪頭有小小難搵，真係轉咗兩個圈先見到，鋪頭都係走休閒同簡單嘅路線。由於型男漢堡分量比較多，所以我哋都係揀咗啲輕型啲嘅，包括全日早餐同埋經典牛堡。早晨全餐都幾抵食嘅，額外加錢就可以升級做招牌早餐，應該多咗條腸同埋煙三文魚。炒蛋非常嫩滑，好好食，蒜蓉包都烘得香脆，煙肉同腸仔都唔錯嘅。經典牛堡分量都幾大，真係有少少嚇親，午餐嚟講都真係幾heavy，不過都好有肉汁，食起上嚟好好食，再加上配返個沙律，成件事就light返曬。Latte都有心機幫你拉下花，咖啡味道香濃。總結就係，食物質素唔錯，而且價錢抵食，同埋下次要試型男漢堡。

係荃灣睇完中醫，就同朋友去食個下午茶，朋友介紹左尼一間餐廳，她推介話味道相當唔錯。由於係假日，所以好多人，我地被安排坐係門口位置，但冷氣欠奉，所以變左蒸氣tea time因為我唔太肚餓，所以叫左香草魚柳意粉share, 意粉另外有兩塊蒜蓉包，如果唔係太肚餓，兩個人食一碟都好飽。意粉好有口感，而且味道剛剛好，很香，魚柳亦無雪藏味。可以一試。飲品方面叫左涷檸水同柚子梳打，不過不失，亦合水準。食完野，飲杯冰凍既野飲，滿足

同朋友行街行到攰，所以想搵間餐廳坐低慢慢食傾下計、抖下。但礙於商場的食肆太多人又難搵位，所以我地打開openrice ，決定行遠啲，試下哩間漢堡包店：轉角。見呢間餐廳的位置真係好偏僻，不過好彩荃灣有條連住十幾個商場的天橋，所以仲唔算太難搵嘅！入到去，客人唔算多，座位都算幾舒服。我嗌左個芝士蘑菇漢堡配薯條芝士味好濃漢堡手扒好多汁，蔬菜好新鮮爽脆👍🏼薯條就用左粗薯條，好香薯仔味，炸到外脆內軟👍🏼朋友叫左個型男漢堡配薯條一啖咬落去，個蛋黃就流出黎👍🏼😍仲加左紅菜頭，好特別仲好好味添！野飲方面，朋友叫左凍檸茶，茶底都算濃（以美式餐廳黎講都算做得唔錯）我就叫左杯金牛（忌廉配雲哩那雪糕）雪糕有淡淡嘅雲哩那味，同香濃嘅奶味，好creamy。雖然唔係新野，但值得一試！

本身朋友叫我去荃灣食漢堡飽我都唔係好想，畢竟我住黄大仙，去荃灣起碼要半個鍾。但係我可以話你聽，絕對冇點錯你。我就嗌左型男漢堡，入面有漢堡牛扒，紅菜頭，蕃茄，芝士，煙肉，流心蛋同沙律菜。食既時候小心流心蛋既蛋液會爆出黎，我就係唔為意，浪費左個流心蛋。漢堡好正，唔鞋，好嫩同好厚，啖啖肉。我個人就唔太鐘意紅菜頭。整體黎講個漢堡包係好厚，要壓扁佢先放到入口，每一啖都好充實。薯條都好好食，好厚，佢連薯皮炸，我自己食到啲麥皮味，口感幾特別，値得一試。我嗌左杯抹茶奶昔，對比薯條同漢堡包有少少遜色，抹茶味道唔係好濃。但係呢間漢堡係値得番黎再食既