軟橋米苔目餐廳 (已搬遷) 新店位置

曾撰文力讚客家米線西傳香港（南記），原來客家米線同時東傳至台灣，台語稱米苔目，意思是由特製器具用手壓出粉條。現在它已變成台灣菜式，近幾個月西傳香港。我選了加3元的方魚肉碎湯底，力求湯要鮮。店員建議把米苔目粉放在匙羹上，連湯放入口。米苔目似狗仔粉，比米粉粗，比米線幼，口感甚佳。湯底亦好鮮，濃，無味精。湯不咸，可飲盡。牛肉，豬潤水準合格。長者可買9元1碗雞肉豬骨湯粉。Q彈豆腐比想像中細，薄，五味粉多，頗辣；十分煙韌，口感特別，似魚片。其他粉類，小食和湯類甚多，與台灣菜多無關。店員說是迎合香港車仔麵形式。與合益泰腸粉只差40步，可一併品嘗。

成日都話識食一定去深水埗搵食 呢個地方每次去覓食都總會有唔同既驚喜有時更會有d食店會令你想翻轉頭再食 例如以下食評既呢間軟橋米苔目記得第一次食時係經過見到價錢非常實惠 又對米苔目呢樣野感到新奇有興趣 就抱住一試既心態去食結果發現不但超抵食 仲勝價比高 不論小食,米苔目,抑或米線都屬有質素之選今次再去 仍然翻兜左麻辣湯底既米線真心覺得佢既米線爽滑 富彈性 比平時食開既連鎖店更高水準 而麻辣湯底則香麻味濃,辣味恰到好處配菜既腩肉亦好爽口當然點少得餐廳主打既米苔目台灣既風味 家庭式既溫暖 愛食銀針粉既朋友不能錯過同樣食過翻尋味既仲有呢個Q彈豆腐 口感真係好獨特 鐘意食爽口彈牙野既朋友一定會鐘意今次仲試左呢個炸肉餅 好過癮 炸得香脆 一上枱已經香味撲鼻 食落仲竟然帶小小午餐肉既味道呢間食店雖然睇落平平無奇 但其實收埋好多款吸引又抵食既小食 大部份都係$1X~2X就有交易咁抵既價錢 但有咁高既質素 真心推介都係果句 最支持有heart既小店

呢幾日有小感冒，唔想食熱氣野，想食啲熱湯做底既野，咁深水埗我唔熟就問朋友邊到有岩我食既野～佢話有間食台灣野既，湯底既米苔目，似客家人既“老鼠板”，可以一試，特色野黎。係地鐵站一出，行3分鐘唔夠就到，超正，岩我呢啲路痴，因為我朋友話你望上小小，就會見到個招牌，黑色底既，易搵～哈哈～門口其實都有個雜誌介紹佢地，原來老闆係係台灣學師翻黎再開鋪，係地道既台式風格，無豪裝，較為好樸實，好似係台中隨便入一間小店一樣。不過我自己認為：一間餐廳既錢，放置放食物身上，其他普通啲都無問題。最緊要好食。唔好好似果啲豪裝茶廳廳果啲鋪咁，錢又要比咁多，食既料就低一檔次，料又唔足咁，淨食環境邊到飽？其實我本意係醫飽個肚就算，無諗過因為一間小店而打文，但呢間食店真係正，人氣味勁重（後面會講到），食物又足料～重有我最愛既菜甫可以加～一入到黎，夥記就問我想食咩，我話睇睇先，佢地就話比我聽點嗌啦，今日有咩推薦，有咩多人嗌咁，食方面就好似我地車仔麵咁，一個粉，加兩款送，我揀腩肉木耳沙嗲湯（本身想嗌清湯，但朋友話力推沙嗲），再加一份花雕醉雞香豬雙脆。咁等既時間，我望望張枱勁乾淨，唔會油淋淋，因為我心目中，呢類食肆通常“枱面功

最初被店舖的心心糯米糍吸引的，當入到店舖職員已主動推介米苔目，我們2人就點了一碗。其他就當然是小食啦，有涼拌皮蛋（少辣，味道剛好，皮蛋亦見有冰花狀），蒜泥白肉（少辣，白肉帶小小軟骨，所以特別有咬口），香煎家鄉脆皮肉餅（ 略嫌太薄），花雕醉香豬雙脆（內有豬耳， 豬脷，特別的-豬天梯(2塊)），藥膳雞腳（$19元4隻雞腳，湯底濃郁），最後試甜品-兩顆甜心（2粒棉花糖加紅豆糯米糍 - 唔太甜，只係個底硬左少少）。值得一試的小店。

今天無意路過，給一板手寫廣告“長者咭-九蚊雞米粉”的廣告板吸引著，窄窄的店鋪向內一望沒有太多顧客，雖然沒有長者咭的我也要入內一試，店主很有禮貌地招呼，還推介“米苔目”，說是自家手打，那當然要一試，餐牌上另有多欵配菜可供選擇，點了三欵配菜加上“米苔目”，不一會就送到面前，一試之下。。。牛肉滑，墨丸彈，木耳爽，加上店主的推介 - 米苔目，滑滑的湯粉，食得出小店做得好有心，還有那杯奶茶，茶味香濃得有些驚喜，值得支持！

最近家裡多了一個新成員，就是我的愛車小黃🚕，多了他可以四圍去覓食！但是小黃差些配件，所以去深水埗入貨。係長沙灣政府合署停左車後，過對面馬路就搵到這間麵店吃午餐，原來餐廳是台式麵店，店面像小小，裡面都多座位。好多人都知道深水埗是舊區很多老人家，店家很良心，老人優惠真的不錯。單睇menu 就覺得大部份都是台灣菜，下次想再來吃鴨記冬粉我點的是墨魚丸雞肉米苔目，墨魚丸有咬口又爽，沒有粉的感覺，雞肉不是絲，而是一塊塊的，而且夠大塊，也爽口一些連鎖式麵店最讚的是米苔目的口感，有煙煙韌韌，有點似米線，又有點像烏冬，但麵質比較軟身，更勝於以前係台東吃的老字號，而湯底清甜，不會愈吃愈渴。連飲品40元左右消費，份量算大，一碗已好飽，算抵食。

今日去深水埗， 經過鴨寮街，見到一間台式餐廳，裝修新淨光猛，店入面乾淨企理，心諗橫掂有啲肚餓，見佢望落乾淨就入去一試！首先我叫「雲吞米粉」、「牛肉米粉」、「凍西柚蜜」、「凍柚子蜜」、「藥膳雞腳」、「甜心」第一眼望到2杯野飲，以為唔夠料，點知甜度岩岩好，再試埋個粉，連我隔離個個都話好食，佢個湯底好好味，完全唔係用味噌做，好香濃，好有細個食既味道，米粉唔係個啲食完都唔覺食左個啲，仲要大大碗！我食完成餐都唔覺口渴就知道真材實料👍🏼而個藥膳雞腳超正，好濃既藥膳，冬天食完超暖，食完好似好保身咁👍🏼👍🏼總結全餐都好正，估佢唔到，係一個唔覺眼既地有間咁有水準既餐廳，所以下次行過會再黎

今日深水埗買完野，去左食米苔目。唔知咩係米苔目，所以就咁入左去挑戰下。原來米苔目係一種粘米粉整成既米粉，幾特別。台灣野食。入左去聽到入邊講緊台式普通話，我諗都幾正宗。叫左個豬潤腩肉沙爹湯底。外表好似譚仔。即刻試下米苔目。米苔目個口感軟，有米香味。味道有少少似蘿蔔糕咁，但會香d。沙爹湯底都好香，鍾意佢整既豬潤，整得啱啱好，唔會太老。腩肉都新鮮，呢個米苔目都幾特別，而且價錢冇想像中貴，38蚊，合理的。叫左個香豬雙脆。豬耳同腎既拼盤。上菜好香麻油味，食一啖，會感受到有陣輕輕的酒味，正！花雕酒同芝麻配搭得好，爽口彈牙。叫左個蒜蓉鴨肉，大大碟，28蚊，食得過癮。鴨肉新鮮，好juicy。辣辣地，唔會好辣，夹得好！食完已經好飽。原來仲有童年回憶波子汽水飲。即刻叫左個波子汽水，食完少少辣既野，再飲汽水，正呀！

其實咩係米苔目？小編都係第一次聽/食米苔目，外形好似平時食既銀針粉，但就係白色既，原來係用粘米粉整既，成份同米粉差唔多2餸米苔目 $35呢到既米苔目係全人手天天新鮮打製，外表柔滑，口感煙煙韌韌😋😋 湯底仲有9款選擇：招牌豬骨湯、冬蔭功、沙爹、酸辣、麻辣、泡菜、鮮茄、方魚肉碎、喇沙；無論你揀咗咩湯底，食既時候記得米同湯放入湯匙一啖食，特別正！軟橋招牌Q彈豆腐 $18叫得招牌就一定要試！真係無改錯名😍😍😍 外層炸過再煎香，咬落好香豆腐味，仲係超級QQ😱😱 一食就愛上！必食🙆🏻香煎家鄉脆皮肉餅 $16見Openrice多人食而叫，2面金黃香口乾身，豬肉味好香，有啲似脆皮腸👍🏻👍🏻蒜泥白肉 $28有得揀大中小辣，惹味開胃日本櫻花可樂 $19明知櫻花係冇味既，但個樽同色太靚，所以都想試，好彩都冇藥水味特色麻薯 $9完全唔同平時食既麻薯，口感Q得黎唔痴，有少少似啫哩糖咁，餡料一半紅豆一半忌廉，唔會好甜，值得一試！小店冇華麗包裝，冇強勢宣傳，冇奇怪招數，行既係撲實路線，環境乾乾淨淨整整齊齊🙂 店員態度有禮👍🏻 俾人感覺好舒服小編仲聽到唔少食客都係經常幫襯既，仲有人同朋友講：呢間冇介招錯呢？的確，難得

初嚐台灣美食 - 米苔目很少踏足深水埗, 為的是這家小店一直都是米線控, 這次來試新的麵🍜$35 豬骨湯底 + 兩款餸加$3轉湯底 沙嗲/麻辣酸辣/泡菜/蕃茄/方魚肉碎今天想吃濃味的所以選了沙嗲米苔目有點像狗仔粉, 但口感非常彈牙不喜歡煙韌的口感就選米線好了但我想說 湯底及餸都非常好味！墨魚丸和豬潤, 絕非一般貨色墨魚丸大大粒又彈牙, 豬潤好肥美 👍🏻真心好好味 食完你唔想食返__仔另外點了 招牌Q彈豆腐, 蒜蓉鴨肉Q彈豆腐真係好好味 有點像魚腐蒜蓉鴨肉好香, 但我就唔係太食鴨覺得有點腥, 朋友就話好味希望大家都支持小店下次再來深水埗要試方魚肉碎湯 💕

麻辣雞肉雲吞米苔目 | 喇沙豬腩肉韮菜餃米苔目.米苔目?🤔 原來是台灣的一種傳統麵條 短短的一條 口感比較軟糯 會吸湯汁 挺特別! 😬 湯底有多款選擇 有豬骨/麻辣/喇沙等 可以自由配搭餸料 $35配兩款餸😌 份量頗多 基本上吃一碗已經很飽😋另外小食推介招牌Q彈豆腐😍 煎得香口 口感QQ彈彈的 有少少似魚片頭 好味!😁 小食是$1x - 3x 整體食物有特色 份量多 抵食啊😚 店面是茶餐廳格局 人手不多 所以可能等候食物時間會比較長 😌

外面既招牌有啲台灣feel 牆上貼滿左雜誌既報道，介紹餐廳主打菜----米苔目似乎間餐廳好耐都無加價啦，報道上同依家個價都一樣係35蚊！米苔目係老闆每日人手打製，客人可選不同湯底同配菜。餐廳內有數張枱，八點左右黎到差不多坐滿。叫左碗泡菜湯底米苔目，配菜有豬腩肉（入味，唔韌）、韮菜餃（好香）、墨魚丸（相比出面食開既更彈牙同濃郁既墨魚味）。個湯底好有泡菜既酸辣味，泡菜爽口，唔會林晒。香煎肉餅，口感似魚餅，但入面既肉又真係豬肉。外面煎得好脆，係多油左少少，幾好味！送麵食唔錯！！😎入面係紅豆，上面果心係棉花糖。個皮甜甜地，好煙韌，一份有兩粒。因為個名而叫，味道似甜既梳打，無平時飲開可樂既味，不過都唔錯，可以試下！

估唔到鴨寮街後面會有間麵食店，望左餐牌後覺得啲野岩食，價錢又唔貴就試下！蒜蓉鴨肉我覺得好好食！一碟$28，份量唔少。鴨胸肉薄切，上面有生蒜同蔥，有少少辣汁。但唔太辣，唔食得辣既我都可以接受。反而有少少辣會更惹味。鴨胸肉本身有少少味，肉質爽得黎夠林，夾住蒜蓉食，一流！推介大家要試！湯米台目唔睇佢介紹真係唔知米台目係咩，原來係台灣美食，手打麵！佢既外型有啲似狗仔粉，但米台目好食十幾廿倍！口感煙煙韌韌甘，爽得黎有啲咬口，唔係好粗，但又唔會好似米線甘幼同易斷。今次叫左蕃茄湯底，好香蕃茄味，唔咸，食完無好想飲水，應該無味精！湯底有椰菜、韮菜、蕃茄。貢丸好爽口彈牙！雲吞同韮菜餃都好好味，好香韮菜味！大大碗，超飽！麻糬雪凍左既，啡色果半邊係黑糖味，入面係cream 。外皮好煙韌，唔係糯米糍果種質感。幾有咬口，但又唔硬。深水埗果然係美食天堂！呢度食物好味，價錢平，今餐食甘多野都係八十到！得閒會再黎食！！

新一年, 也要繼續到處食好野! 新一年當然要試試新野, 和友人去了位處深水埗的米苔目餐廳! 熟悉的台灣食物不外乎牛肉麵、大雞排、肉燥飯等. 原來米苔目也是台灣食品, 更是台灣著名風味美食, 但對於我和友人來說, 卻是新嘗試!米苔目多是加入內臟的配料, 但為配合香港人口味, 老闆特意把米苔目結合車仔麵, 有超過20款配料和5款湯底供客人選擇. 另外還有多款小食. 雖然餐牌只有兩頁, 但選擇可不少, 而且牆上貼了各款美食的相片, 樣樣望落都好吸引, 我和友人樣樣都想試, 都揀左一大輪, 先終於落完單等野食!最先出場的是日本櫻花可樂, 粉紅的外型相當討好! 我和友人忍不住拍了好幾張相, 哈哈! 櫻花可樂沒有平時可樂的味道, 但味道清新微甜, 我和友人忍不住說要買枝之後飲. 涼泮皮蛋 – 皮蛋擺放如花型, 秀色可餐! 淡淡的麻辣味在口中揮散, 不會過辣的感覺讓人忍不住食完一件又一件.軟橋招牌Q彈豆腐 – 果然食如其名, 口感Q彈, 質感軟滑, 雖不像平時所食的豆腐, 但香口滋味, 而且份量十足.花雕醉香豬雙脆 – 如果喜歡花雕味的你千不可錯過這道小食, 豬舌軟腍, 豬耳爽脆, 再配上花雕味和香

深水埗雖則舊區，但就是臥虎藏龍‬😈此店主打台灣米苔目，類似銀針粉、狗仔粉<湯米苔目系列> $35 /包兩餸米苔目口感正是柔軟但彈牙，仲係日日新鮮手打佳作😍當天選了數款餸，如追加每款$6，用料不錯，湯底加$3轉了濃郁帶微辣的喇沙<軟橋招牌Q彈豆腐> $18呢個唔係講笑👍好Q彈，好Q好食，入面其實係玉子豆腐煎到兩邊金黃再曬上味粉喺面另推介<香煎家鄉脆皮肉餅> $16 <蒜蓉鴨肉> $28✨仲有日本樽裝波子汽水/綠茶可樂/玫瑰可樂