影片
更多
2017-02-01
201 浏览
呢幾日有小感冒，唔想食熱氣野，想食啲熱湯做底既野，咁深水埗我唔熟就問朋友邊到有岩我食既野～佢話有間食台灣野既，湯底既米苔目，似客家人既“老鼠板”，可以一試，特色野黎。係地鐵站一出，行3分鐘唔夠就到，超正，岩我呢啲路痴，因為我朋友話你望上小小，就會見到個招牌，黑色底既，易搵～哈哈～門口其實都有個雜誌介紹佢地，原來老闆係係台灣學師翻黎再開鋪，係地道既台式風格，無豪裝，較為好樸實，好似係台中隨便入一間小店一樣。不過我自己認為：一間餐廳既錢，放置放食物身上，其他普通啲都無問題。最緊要好食。唔好好似果啲豪裝茶廳廳果啲鋪咁，錢又要比咁多，食既料就低一檔次，料又唔足咁，淨食環境邊到飽？其實我本意係醫飽個肚就算，無諗過因為一間小店而打文，但呢間食店真係正，人氣味勁重（後面會講到），食物又足料～重有我最愛既菜甫可以加～一入到黎，夥記就問我想食咩，我話睇睇先，佢地就話比我聽點嗌啦，今日有咩推薦，有咩多人嗌咁，食方面就好似我地車仔麵咁，一個粉，加兩款送，我揀腩肉木耳沙嗲湯（本身想嗌清湯，但朋友話力推沙嗲），再加一份花雕醉雞香豬雙脆。咁等既時間，我望望張枱勁乾淨，唔會油淋淋，因為我心目中，呢類食肆通常“枱面功
係地鐵站一出，行3分鐘唔夠就到，超正，岩我呢啲路痴，因為我朋友話你望上小小，就會見到個招牌，黑色底既，易搵～哈哈～
門口其實都有個雜誌介紹佢地，原來老闆係係台灣學師翻黎再開鋪，係地道既台式風格，無豪裝，較為好樸實，好似係台中隨便入一間小店一樣。不過我自己認為：一間餐廳既錢，放置放食物身上，其他普通啲都無問題。最緊要好食。唔好好似果啲豪裝茶廳廳果啲鋪咁，錢又要比咁多，食既料就低一檔次，料又唔足咁，淨食環境邊到飽？
其實我本意係醫飽個肚就算，無諗過因為一間小店而打文，但呢間食店真係正，人氣味勁重（後面會講到），食物又足料～重有我最愛既菜甫可以加～
一入到黎，夥記就問我想食咩，我話睇睇先，佢地就話比我聽點嗌啦，今日有咩推薦，有咩多人嗌咁，食方面就好似我地車仔麵咁，一個粉，加兩款送，我揀腩肉木耳沙嗲湯（本身想嗌清湯，但朋友話力推沙嗲），再加一份花雕醉雞香豬雙脆。咁等既時間，我望望張枱勁乾淨，唔會油淋淋，因為我心目中，呢類食肆通常“枱面功夫”通常唔會做足，不過呢到係乾淨既，唔洗墊張紙巾係底都可以放電話（我有呢個小潔癖）～
米苔目黎嚕～米苔目其實我真係未食過呢種粉，似係煙煙靭靭，比我想像中更好食，而且清清地既沙嗲味，令胃口更加開，不停食完一匙又一匙，木耳切成絲，混係米苔目之間果種口感好正，食到後半我係為口感而繼續食落去，呢碗比既份量好足，我再加左啲菜甫，口感又豐富一啲，今次朋友真係推薦得幾好～雖然眼似一間普通粉面店，但呢碗粉，我覺得可以因爲佢而特登過黎食，而且我食完都5覺有味精，因為真係唔口渴😂😂
小食方面，我嗌左花雕醉雞香豬雙脆，雞肉質處理得好既，但如果味再濃身翻些小，咁就再掂啲啦～10蚊可以係香港食到啲咩？一個魚柳包？一串魚旦？一份淨腸粉？如果有長者卡，可以向米苔目出示，然後可以用9蚊既價錢食一碗熱騰騰既細粉。9蚊可能對一間餐廳黎講，成本價都唔夠，燈油火蠟樣樣係錢，但如果拉上補下，可以幫到呢區既老人家，都算係一份心意，向香港呢個只顧利益既社會，添加一份和暖既心意。
衷心希望呢個社會，多啲商家真係可以幫翻一啲真正有需要既弱小社群。
张贴
