軟橋米苔目餐廳 (已搬遷) 新店位置

深水埗鴨寮街，真係行三日三夜都行唔完。有你想要嘅新奇電玩，手機……又會揾到些懷舊音響，電器 ……可以畀你回顧一下！所以逐家去行真係行到腳仔軟，結果我哋行咗半日就決定要先要醫下個肚……剛剛經過這間台式小食，舖面很窄，但入到裏面卻十分寬敞。招呼我們的唔知係咪老闆娘 ，佢很體貼，仲主動介紹食物畀我哋 我哋當然要點一啲台式小食啦！鵝片腩肉 米苔目( 感覺上次似细小嘅銀針粉)， 佢哋介紹話係用米漿做的，湯底係豬骨湯。食落很鮮甜鵝片亦很有水準，腩肉不太肥，$35蚊這個價錢真係絕無欺場另外我點了一個麻辣 牛肉 冬粉， 麻辣 味道唔錯， 冬粉夠爽， 一啲都冇廉口一份小小的煎肉餅更令我喜出望外 熱辣辣上枱， 仲要很脆身， 細細碟很適合二人小食！老闆娘收錢時，仲問我哋啲嘢啱唔啱食，好有高檔食店嘅感覺 埋單仲只要百鬆啲， 真係要介紹畀啲朋友去試下

下午兩點，第一次黎，人不太多，只有數位食客，店員/老闆好有禮貌，地方乾淨，不油不濕，令人感覺好舒服，今次只點了兩個小吃，味道很好，夠濃郁，不像其他食店，不停加水，食下午茶一流！

是晚去到深水埗買啲毒L買既野，記得好耐之前報車時食過幾好食，今日黎到帶呀寶翻焯呢個天時最岩食啲熱辣辣有湯既野，一入門口都已經比店員既熱情溶化左我地推介左幾樣野比我地，叫左兩碗米苔目，蒜蓉白肉同埋一杯野飲完全唔記得影個喇沙湯底米苔目，實在太好食，喇沙湯底做得唔錯，米苔目同店名一樣非常軟Q仲要多兩款餸，真材實料勁抵食！絲瓜腩肉都好正，腩肉唔會太多肥膏岩哂我口味，超多絲瓜，豬骨湯底感覺好健康，但又唔會冇味蒜蓉白肉好正，帶少少陳醋味，肉下面有粉絲墊底，索哂啲蒜汁，好惹味！完全同連鎖店果啲唔一樣，好明顯勁有心機整埋單每人都唔貴，最緊要係真材實料抵食服務又好嘛

放假又冇野做最好一個人去搵野食尼間店位置真係幾難搵 係鴨記中間 真係估你唔到入到去坐底 會先介紹湯底 小食 同特別既材料介紹得十分詳細我叫左雞肉 雲吞雞肉有別於某3兄的雞肉滑 簿 同有質感雲吞不過不失湯底真係鮮甜 小食就冇叫一個人一碗已經夠晒飽埋單仲會同你講下笑問下岩唔岩食35蚊 人情味都覺得飽晒

星期日與媽媽去深水埗買衣服，因為實在不太喜歡現在連鎖店的衣服，一式一樣，沒有特色，反而我們在深水埗有風格的服飾呢。然後我帶媽媽去吃米苔目，她未曾吃過嘛，讓她試試，她也立即拍照跟住台灣的姨姨分享一番。不知是否蟹當造的關係，這裡也推出蟹肉碗仔翅，而蟹肉碗仔翅只賣19元一碗，價錢便宜得很。蟹肉如雪花般在碗仔翅飄燙著，相當漂亮。加入蟹肉的碗仔翅更為鮮美，一吃傾心。我笑媽媽的牙齒如老人家不好咀嚼，Q彈豆腐最適合她吃不過。Q彈豆腐軟中帶彈的口感，媽媽愛上了。加上Q彈豆腐香煎後外表金黃不焦硬，撒上味粉吃真的很棒。涼拌皮蛋以蔥，蒜，辣椒涼拌以成，口味可以說是相當有特色。皮蛋用料非常實在，吃起來香辣又夠味，軟彈皮蛋讓我們胃口大開，一直大呼過癮，每次都能擄獲我的心。很久沒吃過香煎脆皮肉餅，忽然想吃，哈哈，肉餅外表煎得十分酥脆，且不油膩，肉餅肥瘦比例剛好，微微鹹香滋味，風味極致。花雕醉香豬耳經花雕浸泡後，讓酒香入饌，愈浸愈好吃，再撒滿芝麻於豬耳上，那爽脆的豬耳彈牙有咬勁，口齒留香。冬瓜愛玉冰既可以降火氣，也減少燥熱感，最近因工作方面事情挺火的，不過對於美食於眼前，心情治癒起來，冬瓜愛玉冰與美食可謂絕配。這次

湯米苔目 (配2款餸) $35 (加餸每款 $7) @ 軟橋米苔目餐廳米苔目同一般米線係唔同的喔，原來係銀針粉，但感覺呢間既米苔目比一般銀針粉較幼身，口感滑lur lur，配搭既豬骨湯底味道較清，但幾鮮味，唔算好油，食完唔會話好口喝，證明無落味精😝。除左米苔目，仲可以改成米粉、米線、冬粉、湯飯或台灣客家粿條。配菜方面都有幾多選擇，如豬、牛、雞、鴨肉，豬膶、鮑片、冬菇等，分別揀左牛肉、鴨肉、生菜、豬膶、韭菜餃。鴨肉肉質幾嫩；豬膶唔鞋口亦無渣，其餘配菜則不過不失。Q彈豆腐 $23豆腐外脆內軟，外層咸咸地，有椒鹽既味道，感覺似魚腐當日店員招呼幾好，見到佢地都會記得熟客既喜好，問返客人今次點菜係咪照舊呀，呢d就係小店既人情味😁。

今日去開長沙灣買電話卡，準備去韓國旅行，就順便去一去軟橋米食個快手lunch。見到餐廳不斷有客，人氣都幾好喎。一碗麵既價錢大慨係35蚊到，可算係又平又公道又飽肚。湯米苔目，可以配二餸，我配左墨魚丸同貢丸，一碗有六粒，可算少。墨魚丸口感彈牙，貢丸味道幾好，香濃的味道。米苔目有少少米香，外型似銀針粉，頭尾尖，中間圓形，滑嫩有嚼勁，都幾特別。湯好清甜，我飲晒啦。軟橋米苔目餐廳 深水埗鴨寮街249號地下B舖

今日中午要去深水埗教班，開工之前就約埋另一個導師食左野先開工導師係呢區既地膽，佢話呢度既台式既地道粉麵，平得黎又幾特別，所以我就跟佢黎試下先入到去店入面，旁邊四處都張貼食物既照片，下面仲有齊中、英面既菜名同價錢，睇岩即叫，得左我地當日一人一碗粉，為左一陣有足夠既體力去應付一班精力旺盛既小朋友，仲嗌左兩個小食share添導師朋友大力推介要叫呢個“Q彈豆腐”HKd$23，又真係幾好食啵呢個豆腐口感彈牙，有小小似食魚腐咁，加上有七味粉喺上面，食落都幾香口之後佢仲點左碟“花雕醉香豬雙脆”HKd$22話要我試下，當中豬耳爽脆，豬脷入味，食到有淡淡既花雕酒香，加埋炒香過既芝麻喺面，調味都唔錯係食緊小食既同時，我地既粉麵都黎到啦一場黎到就當然要試下佢地既主打“米苔目”啦我要左碗“鴨肉豬潤米苔目”HKd$35，想食下菜既我仲加左HKd7要左份生菜米苔目外形就比銀針粉幼啲，食落好有米香，當中既鴨肉食落已有咸味，肉質紮實唔嚡口；而豬潤就爽彈無臭味，兩款餸都好味呀，難怪導師朋友話呢度既鴨肉同豬潤都係呢度既另一主打而佢話上次食左米苔目，今次要試下其他，最後佢就要左碗“豬潤韮菜餃台灣客家粄條”HKd$35，佢仲

聽朋友介紹，鴨寮街有間心機麵店味道唔錯，而最特色莫過於由老闆親手制既米苔目，即店名由來，行過小巷就會見到有個餐牌放店外，而且貼著一啲報章所刊登既評語，種類亦有多重配搭店內以深水埗區黎講算闊落，而且潔淨度高，唔錯蟹肉碗仔翅 19老闆同另一位職員都好好，見到有啲客人較為生面口，都會為佢簡單介紹下店主打同唔同推介，今期新推出係蟹肉碗仔翅，因為係鮮制，等大約10分鐘就可以食喇! 估唔到19蚊可以食到有真正蟹肉既碗仔翅，而且滿滿的，蟹肉味道混合於碗仔翅當中，入味非常，加點醋反而更加帶出鮮味！ 推介！雲吞 豬肉米苔目 35 方魚肉碎湯底 +3方魚肉碎湯香濃，絕不會水淋淋咁，有濃度，有味道，米苔目煙韌，粗幼剛好，只有人手制作先會有呢種效果，食得出非機械可打出黎既感覺，至少唔會好似食緊一團粉咁，再加啲住家的感覺，難怪一路食既時間都聽到其他客人對小店讚口不絕，好多都係朋友介紹而黎一試香煎脆皮肉餅 22採用香煎過既扎肉為肉餅，格外爽脆，與別不同，味道有點似午餐肉但小左肥膩感。外層香脆，油份不多，食後都不會有「罪惡感」。蜂蜜紅蔘紅棗茶大大杯，香濃紅棗味，淡淡蜜香，最喜歡味道唔太甜，不會影響到方魚湯底既味道

今日去開西九龍，經開鴨寮街，路過見到有個大牌寫住米苔目，見到都幾有趣，因為出面都未食過而店面又幾乾淨，就入左去試下喇可以配唔同既餸，另亦有特別湯底可以選擇，例如有方魚肉碎，泡菜，沙爹等等… 都只係加3蚊，好抵食(自選面餐)貢丸韭菜餃米苔目(35元)+方魚肉碎湯(+3元)先從貢丸講起，貢丸十分彈牙而且香菇味濃，但並沒有蓋過豬肉的味道，非常美味。而的味道也亦唔輸蝕，十分「足料」，而且皮薄餡靚，其次，韭菜餃包得十分漂亮，令人垂涎十呎。至於米苔目，由於是手造的，因此味道絕對是獨一無二，口感亦十分爽滑，絕對是必食之選。再加上方魚肉碎湯，由於米苔目能夠吸收方魚肉碎湯的味道，因此十分配搭。涼拌皮蛋 19皮蛋的十分容易入口，不會像外面的皮蛋有刺鼻既味道，而且與醬汁的配搭合宜，因此整個菜十分可口，不過如果有醋味會更佳！估唔到小店有提供特飲，款式夠多，蜂蜜柚子，比其他店既無咁甜！ 清新解渴！

如果你叫我揀食名貴西餐定小店？我會揀去掃街或者食平野跟朋友去左深水埗食呢間有唔少報導過既台式粉麵店！食物選擇好多主要米苔目 就如餐廳大名一樣米苔目係台灣地道粉麵 係香港實在好少地方食到由米漿而成 所以米味會突出D！朋友特登黎試佢呢個招牌粉但我就被佢既鴨血吸引左鴨系列有鴨血同鴨肉揀 當然有得兩樣都揀哂！既然黎試就試哂兩樣 揀左配米粉一大碗鴨血同鴨肉都好多份量 更有豆卜等配料鴨血比起食豬紅更有彈性 但又無豬血咁腥味！係香港食鴨血都係第一次鴨肉雖然連皮 但肉都係好瘦切得相當薄身同埋一啲都唔嚡口湯底清清地但幾有肉味以為係同米苔目同一種清湯底問返老闆先知係另一種特製湯底米粉同樣出色!比起出面食既更具有咬口！份量十足 就咁食碗粉都滿足不過小食選擇咁多 點都要揀幾款試試老闆提議豬潤 見隔離枱都叫有得揀走辣 大中小辣走辣唔代表無味 因為有一大堆香蒜蓉係面一食果浸蒜蓉味已經出哂黎豬潤質感好爽脆 停唔到口咁一塊又一塊無食過豬潤配蒜蓉 好夾對面枱都有叫 見佢叫大辣都係食唔停口食左咁濃味小食 揀返個清淡D醋茄又係另一個清新選擇雖然佢面又係有堆蒜蓉但本身蕃茄好清新鮮甜所以蕃茄鮮味係比起蒜味更加明顯蒜蓉只係有提味

係深水埗呢個美食咁多嘅地方，其實間舖真係唔算好起眼。不過係鴨寮街都幾易去。而且都真係幾好食，仲有重點係個姐姐好好禮貌，仲好鍾意同你介紹啲咩好食。本身諗住選擇唔算好多，結果原來都幾難揀。一次食唔晒我想試既野，因爲太飽啦！ 絕對係可以再encore嘅餐廳！裝修簡簡單單唔會覺得污糟餐牌大大隻字好容易叫菜！叫咗個豬潤豬腩肉冬粉喇沙湯底。 由細細個開始我就對冬粉有一種情意結，所以今次都冇試到個米苔目。佢哋東粉真係好好食！！！！真係唔係度度有 無諗嗰個喇沙湯底咁黃嘅，平時食嗰啲偏向橙紅色多啲。不過呢個都幾正，因為我都幾鍾意食辣。而且佢嘅椰奶甜香，令到個湯底都好豐富。 最正就係個豆卜吸哂個湯底啲味！ 豬潤好爽滑！好鍾意佢嘅豬腩肉切得好薄片！ 碗嘢都幾大碗，食完一碗其實都已經有啲飽。 但係我當然唔會淨係滿足於一碗粉啦！呢個係花雕雙脆。 除左有豬耳之外仲有豬脷。 牛脷我係唔食嘅。但豬脷相對個接受程度就好好多喇！因為佢個texture冇牛脷咁似脷。 啲豬耳同埋豬脷都切得好薄片，好爽口！好鍾意間唔中有少少耳骨咬下！ 仲有就係佢個酒味真係好重！好配合到呢個涼食嘅小菜！我每次夾上嚟食之前，仲會浸多幾下酒先呢個醋

首先講句，小店既侍應非常有禮貌，雖然係平日晚，不過人流都算多。難得侍應會好細心咁介紹食物，唔該前多謝後。係香港真係好少見！餐廳有一邊靠牆枱，另一邊係大圓枱好！介紹返食物，呢度既主打係叫米苔目，台式既麵食，形狀好似食開既銀針粉，不過較幼，腍身同無咁油(呢個好緊要)餐廳sell係自家人手製既，咁緊係要試下啦！主餐牌係兩餸米苔目，點左鴨肉同雲呑(注意：呢度既雲呑係韮菜豬肉料，再包雲呑皮，我都俾佢呃左，不過都好食既)鴨肉嫩滑唔油，好香鴨味。加左$3要麻辣湯底，點左中辣(辣度好似譚仔小辣)好處係比較清，無咁油，不過麻度稍為唔夠麻辣牛肉，都係有得揀辣度，牛肉滑，上面加埋芝麻蔥花，夠香口花雕醉香豬雙脆雙脆就係豬脷同豬耳，花雕味好香，加左芝麻好香口！真心值得推介！總括黎講，呢間小店員工幾好，食物亦吸引，價錢合理，值得一試！

今次同朋友黎左間食米苔目餐廳👻去到門口，覺得好有特色haha ，好有老香港情懷👵🏼👴🏼食物亦好有特式，從未聽過😆一入到餐廳，老闆好有禮貌咁招呼我地😜我地其實都唔知咩係米苔目，好彩有地闆介紹🤣 Keep住聽到老闆同老闆娘對每一個入黎既客人好熟練咁介紹😆💕好有心，充滿人情味！經老闆一輪介紹後，原來米苔目喺香港而家得呢度有得食，米苔目外表同銀針粉有啲似，但口感彈牙啲😋 而鴨血鴨肉亦係比較出名👻 我地兩個都揀左食湯米苔目系列😝另外亦點了小食野飲方面令我好驚喜，竟然除左一般飲品，仲有日本特別口味既波子汽水🥤仲有其他特飲😋湯米苔目系列 $35(包2個餸)+$7 (外加1個餸)我就叫左3個餸，金菇，魚蛋，雲呑，份量都幾多😂😂嚇一嚇親😂 佢另外仲有生菜絲👻湯底我揀左豬骨湯底，唔係味精湯，係清清新新既感覺💕米苔目食落幾彈牙，仲有淡淡米香，值得一試👍🏼日式波子汽水🥤野飲要另外買，有好罕見既日本波子汽水😝😝仲係有得揀味，我揀左蜜瓜味，清清甜甜咁幾好😋朋友食既都係豬骨湯米苔目，餸菜亦都好豐富，佢點左雲耳同鴨肉🐤🐤 鴨肉好好味👻👻推介點呢個餸野飲點左凍檸多😆😆，係益力多加檸檬，幾特別🤣另外，我地點左一碗蟹肉碗仔

之前在OpenRice睇到呢個名，已經好想試了。今日一個人經過深水埗，所以特登黎試吓。我叫左個雞肉加生菜既米苔目（$35），而湯底就係喇沙湯底（$10），喇沙湯底包豆卜同金針菇。份量也足夠，喇沙湯底超香，連米苔目一齊食唔錯（其實係第一次食米苔目）。喇沙湯底嘅米苔目可以一試（其他湯底未試過，不予置評）