越萊 (廟街)

营业中

休息中

‼️叫左碗越南粉，個湯完全唔熱，係暖，牛肉5成熟都整唔到❗️舖頭唔忙的情況下，野飲等十幾分鐘先到，碗粉等左半個鐘⋯⋯好失望‼️又唔係好食，雞翼又唔入味，又唔夠味，唔會再去食🥴

舖頭新開張左一排，今日有時間抽空嚟試下個午餐，12點左右嚟到，唔係太多人，唔使等位，入去坐底，每人自己一張紙落餐。講到食越南嘢，自己最愛食撈檬，酸酸地，好開胃。今次試下個蝦餅牛肉撈檬先，蝦餅即叫即炸，熱辣辣，咬落又彈口，唔錯，牛肉都唔錯，唔會又乾又硬再望下張落單紙，咁抵嘅價錢，下次會再嚟，試下佢其他嘢

Honey要在晚上開會，我陪他到佐敦吃點東西 。逛著逛著，看見有一間越南食肆新開張，就入去試試吧。還未到六時，還有下午茶餐。每一份下午茶餐，超豐富，又有飲品，只需$30's，實在太抵吃！Honey叫了豬肝醬三文治包，配柑桔蜜：柑桔密濃濃的，水吧不吝嗇。麵包呢，麵包包身非常軟熟，內面又哄得香脆。餡料裏面有好多蔬菜，青瓜、生菜、沙律醬、豬肝醬……材料非常豐富。暖包夾甜甜爽爽的餡料，好開胃！我叫了越式雜錦拼盤拼，配迷你越式河粉。雖然說是迷你，但份量都不少。那個‘雜錦拼盤，真的童叟無欺 - - -蝦仁、帶子、越式春捲、越式蒜蓉雞翼……每樣都新鮮炸起，非常好味！連凍檸茶都好濃好味。雖然我們坐在吧檯，但是座椅設計，都好舒服。吧檯邊還有一個掛鉤，很細心。今天的新發現，真不錯！我會再來的！！

我係附近返工既OL ,因為減糖減澱粉質既關係我唔食得粉麵，老闆好好推介我食小食同埋用返下午茶價錢加野飲，因為附近真係冇咩野好食又食平平地食小小野tea 下，真係好難得而家小店人情咪真係好難搵，連鎖式店員全部機械式咁落單係我最唔鐘意希望佢生意好D!

見新開張幾個人去試下，每人叫左唔同湯底，全部湯底好味👍🏻👍🏻👍🏻另外小食都好吸引，推介蒜香牛油雞翼、燒帶子明蝦涼拌茄子🍆湯河大大碗個個食到好飽🍲🍲

海港城呢頭啲食肆都比較貴，就算連茶餐廳一個lunch都要五六十蚊。今日就黎到近佐敦個邊既巷仔搵食，見到餐牌又唔算貴，仲送野飲，所以就同同事黎試佢一試。叫粉麵既話都會好似一舨越式餐廳咁，有一杯配料比你自己落，有金不換同芽菜等等。另外仲有d新鮮辣椒同青檸，最岩我呢d每次食呢種粉麵都落青檸汁既人。今次叫左札肉牛𦟌金邊粉。個湯底清清甜甜，蘿蔔亦煮得夠淋夠入味，唔會好似出面有啲鋪頭咁白烚完求其放落湯完全無味。札肉同牛𦟌正正常常啦！金邊粉亦唔會煮得太淋，有咬口。整體黎講係好食既，係略嫌啲餸少左啲啦，如果可以多翻一兩塊咁就好啦！同事叫左越式豬扒飯，個賣相都唔錯，豬扒煎得幾靚，仲有兩個太陽蛋添。下次即管再黎try try佢。

This place serves Pho and other Vietnamese dishes in the style of HK cart noodles - you get to choose the soup base, then build your noodles and other toppings at a set price each ($8). There various other offerings as well, like mixed cold vermicelli and typical Vietnamese appetizers such as spring rolls and steamed rice rolls.For dinner, I tried the Pho with flat rice noodles (base soup + noodles $34), rare beef and beef tripe. It arrived with a side of raw bean sprout, saw leaf coriander, Tha