越萊 (廟街)

营业中

休息中

午餐，想吃一點粉麵，行過此店，感覺企理。點了香茅牛肉撈檬粉、雞翼、鳳爪，還有椰青特飲。味道真的很不錯，香茅牛肉夠味又不老，魚露也不會過鹹，份量適中，是我吃過數一數二的撈檬。雞翼有牛油香，而且脆，最喜歡那個有頂帽的籃子，很有越南風格。很久沒有吃鳳爪，這個也令我回味，不會過酸過辣，口感夠爽。馬拉盞炒通菜是我很喜歡的菜式，好吃。椰青特飲只一般。整體份量足夠，味道很好。雖然店是比較小，但簡單一餐則是很好的選擇。

本身今日諗著過來買口罩，點知去到間間都買唔到，淨係買左枝消毒洗手液，見冇乜收獲，又去發掘下新餐廳先。周圍行緊既時候，見到呢間藍色既餐廳好似新新地，就入去試下，店內好多貼心小設計，餐廳雖小有排面出去窗既吧枱，但有層磨砂紙可以比你坐響果面都唔怕比出面既人望著咁尷尬，座位間亦有掛勾可以勾著個袋。野食方面都幾抵食，有車仔麵型式既越南湯麵同撈麵揀，所以就各揀左一份：越式湯河 揀左招牌牛骨湯既金邊粉，生牛肉，牛肉扎肉，牛𦟌。湯底好甜，配上羅勒，青檸，洋蔥，辣椒等調味，充滿越南感覺既湯粉，正呀。越式凍撈檬 香茅牛肉，炸蝦餅，脆皮蝦卷，香茅豬扒，同碳燒豬頸肉,撈檬冇湯睇落仲大份，連配菜都係，厚厚既炸蝦餅，好似另外一碟餸既香茅牛肉。另外汁都唔係平時紅色果種酸辣汁，不過太搶食物滋味。唔知係咪行左成日太攰，明明好大碗男朋友都話呢到d 野幾好味，不如再叫多個下午茶套餐黎share,又顯大食本識，所以再叫左個越南法式吉列豬扒包$32，下午茶餐勁抵食，個包勁大份，厚厚一層加上即炸既吉列豬扒，好味。

最近少左出街食飯，但留得係屋企越耐，個人就越頹，所以今日出左佐敦買，順便搵間餐廳食飯唔想食得咁貴，搵到一間食越南菜價錢好相宜蕃茄濃湯牛筋雞腎檬粉係新鮮蕃茄湯呀唔係用罐頭蕃茄所以整個感覺特別fresh顏色仲好靚添雞腎好好食，好爽口，每一塊都大小好平均，唔會好硬清雞湯札肉生菜金邊粉呢碗就比較清淡一點，扎肉還不錯！我還是較喜歡蕃茄濃湯蒜油香茅炒菜心苗每一棵菜心苗都處理得好好，無花蕊架雖然睇上去好有光澤，但一啲都唔油膩，而且仲好香添應該係用左蒜油既關係蒜香牛油雞翼炸得好香口，每一隻雞翼都脹卜卜架

疫情期间每天都要思考一天三餐食乜好，大家乐食到厌，今日想尝试一下庙街的越南菜小店Pho Bo。我系去到店面点单带走，去到发现可以whatsapp提前落单，方便街坊，好评！两个人尝试了jumbo火车头，68蚊送热饮分量好大，两个人分都食到好饱。每款料都非常足，满满一大碗，各种料都好多块，汤底够味，100分！另外还点了蒜香鸡翅和烧牛肉卷，都系18蚊3件，味道不错，两款小食我地两个都中意，而且非常抵食！强烈推荐！

與好友參加試酒會前,為免飲醉,之前來個下午茶打打底是個相當好的選擇;曾經聽過同事推介,位於佐敦區有間叫越萊的越式餐廳,其下午茶時段價廉物美,非常值得一試,所以留有印象;於是經Openrice大神查看一番後,便決定前往;與好友一起從佐敦地鐵站出來,步行了5分鐘左右就到,地理位置頗是理想;以粉藍加上白色為主調的門面裝飾,給人有一種平靜和諧的感覺!店內走舒適小店格局,同樣是以藍白色為基調,配上柔亮的燈光,加上暖木色的配合,置身在內令人感覺很舒適!而在長木檯上,每個餐位上還加上一個精緻的木托盤,用來擺放食物,而且方便收早,是細心的設計!從點餐紙上看,食物選擇方面的組合可謂靈活多變,而且十分清晰,所以好友與我很快就選好了食物;加上特飲配餐只需加上8元,當然是不會錯過的!趁空檔與好友閒聊著晚上的試酒會,各自選的食物也很快就上來了;此店以越式牛肉粉Pho來掛帥,我當然要點來一試;侍應生遞上香氣四溢的牛肉粉,份量看起來十分充足!除傳統的生牛肉以外,我還加點了本人甚喜愛的牛筋;而配料方面,用了另外的器皿盛載著九層塔,青檸與指天椒,給客人自由添加,是十分人性化的做法,值得嘉許!選取了牛骨湯底,自然要試試原

佐敦最近新開左一間越南小店路經見到佢個餐牌都幾得意用車仔麵嘅形式去做越式湯粉佢嘅Menu就係得一張紙可以選擇自己鍾意食嘅餸然後仲有不同嘅小食今日超級肚餓所以可以嗌多啲嘢食..湯粉揀咗招牌牛骨湯金邊粉配料我就選擇生牛肉 牛肚 牛筋 木耳絲同金菇菜佢嘅份量比我想像中大牛骨湯係屬於比較清淡嘅 牛肚牛筋都做得相當之唔錯 加埋不同香葉同辣椒 個味道即刻提升咗不少..萊精選拼盤（3pcs）($25）拼盤分別有燒帶子明蝦涼拌茄子 蒜香牛油雞翼 同炸春卷食得出雞翼同春卷係即點即炸熱辣辣好香口燒帶子明蝦涼拌茄子賣相好靚味道都唔差只係茄子略嫌油膩..越萊椰青特飲加$8仲可以有特飲入面有好多椰肉 鍾意飲椰青嘅朋友不妨一試..呢間餐廳價錢定位便宜性價比好高而且食物質素都唔錯加上選擇都算多值得推薦👍🏻👍🏻👍🏻👍🏻👍🏻👍🏻👍🏻

今日天氣濕濕都唔知去邊到好，突然，想食越南嘢，諗起前幾排經過呢間餐廳，雖然地方細細，但裝修簡單得嚟又特別， 仲好亁淨，坐落去都幾舒服。服務好又有禮貌， 食物等耐小小但都值得，因為即叫即做。連野飲都係三十幾蚊，又有越南味道，又咁抵食，十分推介 。

今時今日香港嘅環境，好嘅嘢就一定要珍惜同大大力支持，向一啲呃飯食、蒙混過關嘅商家說不。呢間位於佐敦小街嘅越南餐廳，嘢食好味又抵食，環境整潔舒服。一個下午茶餐，牛肉撈檬，$36連嘢飲。份量出乎意料大份，牛肉份量足、質素好。唔似其他好多餐廳咁，偷工減料，肉得嗰幾塊仔，收你4、50。呢間餐廳真係有誠意，我絕少出post，預到好嘢點都要讚。今日嘅香港，好嘅嘢越嚟越少，商家就越賺越多。我希望香港人可以用腳用手，身體力行，將一啲呃人嘅食肆趕絕，去蕪存菁。

佐敦開咗這間越式餐廳一段時間週末中午成日好多人排隊見人龍只有三四人就去排排咗幾分鐘就入得去 好快排隊嗰陣時 職員俾咗點餐紙俾我哋一開頭唔知係雙面以為只有湯粉同撈粉後尾先知有飯有飲品叫咗一個生牛肉骨湯金邊粉又抵又好食 白蘿蔔好林 又有香草料 風味唔錯 $34 仲有野飲叫咗個精選拼盤$18（11:30-15:00）最值得欣賞就係蒜香牛油雞翼好香脆 又唔油 炸粉唔會太厚春卷冇乜味道 普普通通燒帶子明蝦涼拌茄子帶子都幾大粒 唔錯另外試咗香茅豬扒煎蛋飯$45都幾好 煎得幾香當然要再去啦又去試下其他野火車頭似車仔麵多啲因為配料方面唔似外面既火車頭老公嫌佢個湯唔夠熱亦都比較淡個牛骨湯欠層次🤷🏻‍♀️ 冇八角胡椒味（我都唔係好識）亦無佢鍾意既牛丸同牛柏葉所以佢有點失望 不過就有牛肉扎肉 外面比較少見味道有啲似台灣黑椒豬肉腸嘅味道我就試咗豬頸肉撈懞豬頸肉煎得好香 肉質彈牙 味道偏甜撈懞個汁亦偏甜 冇乜酸味可以落多少少醋 今次就叫三隻雞翼一樣咁香脆不過咁樣叫法就太多啦 食唔曬咖啡奶茶都係港式口味 幾合我心意不過下次都係叫普通湯粉

‼️叫左碗越南粉，個湯完全唔熱，係暖，牛肉5成熟都整唔到❗️舖頭唔忙的情況下，野飲等十幾分鐘先到，碗粉等左半個鐘⋯⋯好失望‼️又唔係好食，雞翼又唔入味，又唔夠味，唔會再去食🥴

舖頭新開張左一排，今日有時間抽空嚟試下個午餐，12點左右嚟到，唔係太多人，唔使等位，入去坐底，每人自己一張紙落餐。講到食越南嘢，自己最愛食撈檬，酸酸地，好開胃。今次試下個蝦餅牛肉撈檬先，蝦餅即叫即炸，熱辣辣，咬落又彈口，唔錯，牛肉都唔錯，唔會又乾又硬再望下張落單紙，咁抵嘅價錢，下次會再嚟，試下佢其他嘢

Honey要在晚上開會，我陪他到佐敦吃點東西 。逛著逛著，看見有一間越南食肆新開張，就入去試試吧。還未到六時，還有下午茶餐。每一份下午茶餐，超豐富，又有飲品，只需$30's，實在太抵吃！Honey叫了豬肝醬三文治包，配柑桔蜜：柑桔密濃濃的，水吧不吝嗇。麵包呢，麵包包身非常軟熟，內面又哄得香脆。餡料裏面有好多蔬菜，青瓜、生菜、沙律醬、豬肝醬……材料非常豐富。暖包夾甜甜爽爽的餡料，好開胃！我叫了越式雜錦拼盤拼，配迷你越式河粉。雖然說是迷你，但份量都不少。那個‘雜錦拼盤，真的童叟無欺 - - -蝦仁、帶子、越式春捲、越式蒜蓉雞翼……每樣都新鮮炸起，非常好味！連凍檸茶都好濃好味。雖然我們坐在吧檯，但是座椅設計，都好舒服。吧檯邊還有一個掛鉤，很細心。今天的新發現，真不錯！我會再來的！！

我係附近返工既OL ,因為減糖減澱粉質既關係我唔食得粉麵，老闆好好推介我食小食同埋用返下午茶價錢加野飲，因為附近真係冇咩野好食又食平平地食小小野tea 下，真係好難得而家小店人情咪真係好難搵，連鎖式店員全部機械式咁落單係我最唔鐘意希望佢生意好D!

見新開張幾個人去試下，每人叫左唔同湯底，全部湯底好味👍🏻👍🏻👍🏻另外小食都好吸引，推介蒜香牛油雞翼、燒帶子明蝦涼拌茄子🍆湯河大大碗個個食到好飽🍲🍲

海港城呢頭啲食肆都比較貴，就算連茶餐廳一個lunch都要五六十蚊。今日就黎到近佐敦個邊既巷仔搵食，見到餐牌又唔算貴，仲送野飲，所以就同同事黎試佢一試。叫粉麵既話都會好似一舨越式餐廳咁，有一杯配料比你自己落，有金不換同芽菜等等。另外仲有d新鮮辣椒同青檸，最岩我呢d每次食呢種粉麵都落青檸汁既人。今次叫左札肉牛𦟌金邊粉。個湯底清清甜甜，蘿蔔亦煮得夠淋夠入味，唔會好似出面有啲鋪頭咁白烚完求其放落湯完全無味。札肉同牛𦟌正正常常啦！金邊粉亦唔會煮得太淋，有咬口。整體黎講係好食既，係略嫌啲餸少左啲啦，如果可以多翻一兩塊咁就好啦！同事叫左越式豬扒飯，個賣相都唔錯，豬扒煎得幾靚，仲有兩個太陽蛋添。下次即管再黎try try佢。