越萊 (廟街)

营业中

休息中

開心大發現!屋企附近有又平又好食的pho😍其實有時夜晚收工都會經過呢間店,通常都有人係出面排隊, 所以我呢d 零耐性星人無特別想食😂尋日處理咗d 小事後時間尚早, 間餐廳開咗無耐無咩人就入去試吓。呢個生牛河盛惠$34 仲要份量唔細, 牛骨湯無話好驚為天人但係清清地都唔錯, 最驚艷反而係河粉, 因為我平時食過好多間的河粉都有陣"河粉" 味 (唔知大家明唔明😂) 好似有陣油定太強烈的米味, 但這個河粉無雜味仲好滑。牛肉方面份量都足夠有餘性格比極高。另外重點推介+18 蚊 小食拼盤, 有👍🏻涼拌帶子茄子👍🏻越南春卷 👍🏻 牛油雞翼各一份。 平時我都好常一個人毒食, 當然就試唔到好多食品, 呢個拼盤簡直獨食人士救星! 每樣都有一件滿足多個願望, 雖然平但擺盤一點也不馬虎, 味道亦比預期好, 尤其個牛油雞翼真係超香超惹味。以上的食物連一杯熱飲total $52 同區真的好難找, 甚至係香港都好少呢d 性價比咁高的小店。 普通雲吞麵都三十幾仲要唔好食😂 所以呢簡餐廳我真係好推。不過你話特登跨區嚟食就未必有需要, 但如果係油尖旺街坊／在這區工作或者咁啱去佐敦, 呢間真係好選擇。

世界各地大城市都有地道越南餐館，蘇黎世、溫哥華、紐約、巴黎等等，侍應及廚房都懂說廣東話，好生奇怪，問他們國籍又說自己是越南人。背後其實有一段可歌可泣的悲慘歷史。「不漏杜拉，木精塞改」，一段八十年代香港收音機及電視台經常播放的越南話錄音廣播，每十五分鐘一次，想必許多人仍有印象。越南一向有華人居住，他們多為廣東沿岸之男士，因國內生活困乏為更好生活而下南洋謀生，再而落地生根。之後南北越內戰，華僑只得座簡陋船隻逃難回國，但許多都喪身汪洋大海。幸運的能泊岸香港、澳洲、菲律賓或馬來西亞，又或被其他船隻救起，他們統稱為越南船民，被聯合國難民公署經面試後安排西方國家庇護居留。所以，外地光顧地道越南餐館，不要驚嚇為何他們懂說格外親切的廣東話，很大機會是一個重生的悲劇故事。至於香港滯留的越南船民，在1995年他們便可自由在香港永久居留及工作。其時，有些開立小餐館把家鄉地道美食帶給香港人。經歷多年洗禮，現在香港已有不少廚師懂制作越南美食。對比泰國印度馬拉菜，越南食物相對制作較為簡單直接。今次光顧的越萊應是香港人開創，使用少量越南象徵意符，掛上幾頂彩色斗笠，懸掛幾支竹筒燈，就將店面滲透出幾分越南氣息。門面餐牌

走進廟街與接近柯士甸道交界的「越萊」越南菜店鋪，一嘗越式下午茶，在抗疫的日子用美食，抗行和緩解鬱結。我們選擇吧枱座位享用下午茶，安座後看見枱邊設有可開合掛鈎，方便人客掛起手袋物品，是很貼心的設計。枱面有自選餐單：選擇湯底、湯粉、配料，很方便，我們剔選很豐富的兩人下午茶大快朶頤。先來前菜沙律~鮮蝦仁米紙卷晶瑩的鮮蝦隱約地顯露在通透米紙裏，還包卷爽粉絲、脆青瓜絲，佐醋汁吃，清新可口。小食之一：炭燒豬頸肉&牛串燒大大片、有著炭燒香味的爽滑豬頸肉，非常吸引！牛串燒看來不吸睛，却很有肉味且軟滑可口。小食之二：蒜香牛油雞翼雖然比較油膩少許，但有著魔鬼的味力，勁大件又充滿牛油甘香和蒜香的燒雞翼，外脆肉滑，輕易地打開我們食欲大門！我的主食：越南法式吉列豬扒包豬扒包造型頗佳，感覺上越南法式吉列豬扒包比較像港式多些，目測吉列豬扒薄的一方超過半吋，厚的一方超過6分，絶對滿足喜歡吃肉的心情，肉質紋理雖粗，口感是爽脆，伴著沙律醬、蕃茄和青瓜厚片，又爽又醒胃。我的越式桔仔梳打，甜酸得宜，令我飽餐後得到平衡。家人的主食：生牛肉檬粉招牌牛骨湯越式湯粉不可不選的牛骨湯，是越南特式湯，濃郁清甜！特飲：越式桔仔梳打、珍多冰

這間越南餐廳望著門面都好特別！位置方面搭車好方便，至於舖頭裹面唔算好细！地方適中坐低都好舒服！缳境方面都OK，至於食物方面款式好特別！好多選擇！食面有我叫做越式湯粉:至於湯底叫咗去地舖頭招牌自制牛骨湯，味道方面湯底濃旭真係好正！至於材料我叫咗一樣牛肚，非常入味好腍好滑，真係好好食！還叫咗番茄濃湯，至於真係夠哂味，非常之濃味正吖!餸方面我叫咗雞腎、鲜冬菇，雞腎軟硬適中，味道方面好入味唔錯之選！配合起湯底真係好好，另外叫咗D小食蒜香牛油雞翼、食落口感唔錯！好鬆脆！味道方面牛油味好香！兩者夾埋好配合唔錯之選！另外一個小食鮮蝦仁米纸卷好特別！望著都想吃，好時別點咗去個D甜酸醋食落去口感唔同哂！真係好特別！蝦仁爽滑真係唔錯！可以一試！至於價錢方面，平民化食物，適合各位朋友到來一試吓！..

在佐敦柯士甸道與廟街交畀 有間平價又素質不錯餐廳是一家越南菜餐廳 餐廳裝修挻有特色感覺很放鬆呢😆餐牌上面款式挻多 自選粉麵只是HKD$34起挻便宜的·蕃茄濃湯越式湯粉 HKD$50 河粉 | 鮮冬菇 | 雞腎 | 越式香料 | 蔥花 | 芽菜蕃茄靜靜很喜歡的 有蕃茄湯當然不會放過要點來吃耶味道香濃不會太酸味道適中 鮮冬菇吸入蕃茄汁更好吃這碗是減少河粉版本 因為不想浪費食物所以點少河粉·招牌牛骨湯越式湯粉 HKD$42 河粉 | 牛肚 | 青檸 | 辣椒 | 香葉 | 越式香料 | 蔥花 | 芽菜牛骨湯底濃郁味道挻香 配合附上配料每到味道更鮮味這個是正常份量版本 份量挻大很大碗🤩 吃到很飽呢~·蒜香牛油雞翼 HKD$18/3隻靜靜很喜歡食這個食物❤ 是越式餐廳常見的小吃之一味道很香濃的牛油味 食起上來外皮酥脆有咬感挻不錯而雞翼裡面有很多肉汁😍😍 這個價錢有3隻算是便宜·鮮蝦仁米紙卷 HKD$18/3件用鮮蝦仁做米紙卷感覺性價比高 外皮精瑩通透挻漂亮食起上來有咬感😇 配合甜酸汁來食每到味道更鮮味😆

最近鐘意食越南菜感覺健康 清新今日經開佐敦試一間新店 越萊雖然地方唔算大但有小店既親切感環境光猛新淨企理我同朋友五點到朋友食越式湯河要左招牌牛骨湯配料要生牛肉 雞腎 豬肉扎肉個湯濃度岩岩好夠味 又唔係味精生牛肉控制得岩岩又嫩又入味我就要左越式凍撈檬配料 要炸蝦餅 香茅雞翼炸蝦餅 漲卜卜 份量好足唔油膩 而且非常彈牙香茅雞翼真正外脆內軟另外都叫左小食酸辣鳳爪處理得好好夠凍 又夠酸平時好多時 夠辛辣但忽視左酸度總括黎講服務有善環境舒服食物都好味道

午餐，想吃一點粉麵，行過此店，感覺企理。點了香茅牛肉撈檬粉、雞翼、鳳爪，還有椰青特飲。味道真的很不錯，香茅牛肉夠味又不老，魚露也不會過鹹，份量適中，是我吃過數一數二的撈檬。雞翼有牛油香，而且脆，最喜歡那個有頂帽的籃子，很有越南風格。很久沒有吃鳳爪，這個也令我回味，不會過酸過辣，口感夠爽。馬拉盞炒通菜是我很喜歡的菜式，好吃。椰青特飲只一般。整體份量足夠，味道很好。雖然店是比較小，但簡單一餐則是很好的選擇。

本身今日諗著過來買口罩，點知去到間間都買唔到，淨係買左枝消毒洗手液，見冇乜收獲，又去發掘下新餐廳先。周圍行緊既時候，見到呢間藍色既餐廳好似新新地，就入去試下，店內好多貼心小設計，餐廳雖小有排面出去窗既吧枱，但有層磨砂紙可以比你坐響果面都唔怕比出面既人望著咁尷尬，座位間亦有掛勾可以勾著個袋。野食方面都幾抵食，有車仔麵型式既越南湯麵同撈麵揀，所以就各揀左一份：越式湯河 揀左招牌牛骨湯既金邊粉，生牛肉，牛肉扎肉，牛𦟌。湯底好甜，配上羅勒，青檸，洋蔥，辣椒等調味，充滿越南感覺既湯粉，正呀。越式凍撈檬 香茅牛肉，炸蝦餅，脆皮蝦卷，香茅豬扒，同碳燒豬頸肉,撈檬冇湯睇落仲大份，連配菜都係，厚厚既炸蝦餅，好似另外一碟餸既香茅牛肉。另外汁都唔係平時紅色果種酸辣汁，不過太搶食物滋味。唔知係咪行左成日太攰，明明好大碗男朋友都話呢到d 野幾好味，不如再叫多個下午茶套餐黎share,又顯大食本識，所以再叫左個越南法式吉列豬扒包$32，下午茶餐勁抵食，個包勁大份，厚厚一層加上即炸既吉列豬扒，好味。

最近少左出街食飯，但留得係屋企越耐，個人就越頹，所以今日出左佐敦買，順便搵間餐廳食飯唔想食得咁貴，搵到一間食越南菜價錢好相宜蕃茄濃湯牛筋雞腎檬粉係新鮮蕃茄湯呀唔係用罐頭蕃茄所以整個感覺特別fresh顏色仲好靚添雞腎好好食，好爽口，每一塊都大小好平均，唔會好硬清雞湯札肉生菜金邊粉呢碗就比較清淡一點，扎肉還不錯！我還是較喜歡蕃茄濃湯蒜油香茅炒菜心苗每一棵菜心苗都處理得好好，無花蕊架雖然睇上去好有光澤，但一啲都唔油膩，而且仲好香添應該係用左蒜油既關係蒜香牛油雞翼炸得好香口，每一隻雞翼都脹卜卜架

疫情期间每天都要思考一天三餐食乜好，大家乐食到厌，今日想尝试一下庙街的越南菜小店Pho Bo。我系去到店面点单带走，去到发现可以whatsapp提前落单，方便街坊，好评！两个人尝试了jumbo火车头，68蚊送热饮分量好大，两个人分都食到好饱。每款料都非常足，满满一大碗，各种料都好多块，汤底够味，100分！另外还点了蒜香鸡翅和烧牛肉卷，都系18蚊3件，味道不错，两款小食我地两个都中意，而且非常抵食！强烈推荐！

與好友參加試酒會前,為免飲醉,之前來個下午茶打打底是個相當好的選擇;曾經聽過同事推介,位於佐敦區有間叫越萊的越式餐廳,其下午茶時段價廉物美,非常值得一試,所以留有印象;於是經Openrice大神查看一番後,便決定前往;與好友一起從佐敦地鐵站出來,步行了5分鐘左右就到,地理位置頗是理想;以粉藍加上白色為主調的門面裝飾,給人有一種平靜和諧的感覺!店內走舒適小店格局,同樣是以藍白色為基調,配上柔亮的燈光,加上暖木色的配合,置身在內令人感覺很舒適!而在長木檯上,每個餐位上還加上一個精緻的木托盤,用來擺放食物,而且方便收早,是細心的設計!從點餐紙上看,食物選擇方面的組合可謂靈活多變,而且十分清晰,所以好友與我很快就選好了食物;加上特飲配餐只需加上8元,當然是不會錯過的!趁空檔與好友閒聊著晚上的試酒會,各自選的食物也很快就上來了;此店以越式牛肉粉Pho來掛帥,我當然要點來一試;侍應生遞上香氣四溢的牛肉粉,份量看起來十分充足!除傳統的生牛肉以外,我還加點了本人甚喜愛的牛筋;而配料方面,用了另外的器皿盛載著九層塔,青檸與指天椒,給客人自由添加,是十分人性化的做法,值得嘉許!選取了牛骨湯底,自然要試試原

佐敦最近新開左一間越南小店路經見到佢個餐牌都幾得意用車仔麵嘅形式去做越式湯粉佢嘅Menu就係得一張紙可以選擇自己鍾意食嘅餸然後仲有不同嘅小食今日超級肚餓所以可以嗌多啲嘢食..湯粉揀咗招牌牛骨湯金邊粉配料我就選擇生牛肉 牛肚 牛筋 木耳絲同金菇菜佢嘅份量比我想像中大牛骨湯係屬於比較清淡嘅 牛肚牛筋都做得相當之唔錯 加埋不同香葉同辣椒 個味道即刻提升咗不少..萊精選拼盤（3pcs）($25）拼盤分別有燒帶子明蝦涼拌茄子 蒜香牛油雞翼 同炸春卷食得出雞翼同春卷係即點即炸熱辣辣好香口燒帶子明蝦涼拌茄子賣相好靚味道都唔差只係茄子略嫌油膩..越萊椰青特飲加$8仲可以有特飲入面有好多椰肉 鍾意飲椰青嘅朋友不妨一試..呢間餐廳價錢定位便宜性價比好高而且食物質素都唔錯加上選擇都算多值得推薦👍🏻👍🏻👍🏻👍🏻👍🏻👍🏻👍🏻

今日天氣濕濕都唔知去邊到好，突然，想食越南嘢，諗起前幾排經過呢間餐廳，雖然地方細細，但裝修簡單得嚟又特別， 仲好亁淨，坐落去都幾舒服。服務好又有禮貌， 食物等耐小小但都值得，因為即叫即做。連野飲都係三十幾蚊，又有越南味道，又咁抵食，十分推介 。

今時今日香港嘅環境，好嘅嘢就一定要珍惜同大大力支持，向一啲呃飯食、蒙混過關嘅商家說不。呢間位於佐敦小街嘅越南餐廳，嘢食好味又抵食，環境整潔舒服。一個下午茶餐，牛肉撈檬，$36連嘢飲。份量出乎意料大份，牛肉份量足、質素好。唔似其他好多餐廳咁，偷工減料，肉得嗰幾塊仔，收你4、50。呢間餐廳真係有誠意，我絕少出post，預到好嘢點都要讚。今日嘅香港，好嘅嘢越嚟越少，商家就越賺越多。我希望香港人可以用腳用手，身體力行，將一啲呃人嘅食肆趕絕，去蕪存菁。

佐敦開咗這間越式餐廳一段時間週末中午成日好多人排隊見人龍只有三四人就去排排咗幾分鐘就入得去 好快排隊嗰陣時 職員俾咗點餐紙俾我哋一開頭唔知係雙面以為只有湯粉同撈粉後尾先知有飯有飲品叫咗一個生牛肉骨湯金邊粉又抵又好食 白蘿蔔好林 又有香草料 風味唔錯 $34 仲有野飲叫咗個精選拼盤$18（11:30-15:00）最值得欣賞就係蒜香牛油雞翼好香脆 又唔油 炸粉唔會太厚春卷冇乜味道 普普通通燒帶子明蝦涼拌茄子帶子都幾大粒 唔錯另外試咗香茅豬扒煎蛋飯$45都幾好 煎得幾香當然要再去啦又去試下其他野火車頭似車仔麵多啲因為配料方面唔似外面既火車頭老公嫌佢個湯唔夠熱亦都比較淡個牛骨湯欠層次🤷🏻‍♀️ 冇八角胡椒味（我都唔係好識）亦無佢鍾意既牛丸同牛柏葉所以佢有點失望 不過就有牛肉扎肉 外面比較少見味道有啲似台灣黑椒豬肉腸嘅味道我就試咗豬頸肉撈懞豬頸肉煎得好香 肉質彈牙 味道偏甜撈懞個汁亦偏甜 冇乜酸味可以落多少少醋 今次就叫三隻雞翼一樣咁香脆不過咁樣叫法就太多啦 食唔曬咖啡奶茶都係港式口味 幾合我心意不過下次都係叫普通湯粉