越男仔

营业中

休息中

勁多人支持💛原本打算兩點去食應該會少人，施施然慢慢地去，sorry...人數依然那麼多，我們最後決左外賣解決！人均：$101.SetE牛加豬紅蕃茄湯檬，裏面有生牛肉、烤牛肉、豬頸肉、豬扒配無骨鳳爪沙律+手撕雞檬紙卷，再加牛骨湯配凍越式拉茶，極豐富，完全滿足乜都想食和大食之男士。湯底濃厚，有蕃茄洋蔥配料，肉類上有炸香蒜和蔥花，混合而食好香口，健康之選。而無骨鳳爪沙律較少見是原色鳳爪，不辣，木瓜沙律絲好爽口新鮮！生牛肉河配熱越式奶茶本人想食生牛肉河，加上辣椒粒，熟芽菜絕配！牛骨湯底飲完不口渴，一口麵條一口湯，正！熱越式拉茶好香好濃茶味，叫完無耐就話已沒有，感恩飲到。.串燒沙爹拼盤有雞肉、豬肉、牛肉各一串，豬肉有驚喜，大大舊，份量好有良心！.@devietson

呢間越南菜最近好受歡迎，週末大約6點幾去到都已經要排隊。排隊嘅時候，可以睇住餐牌先。到差不多入座嘅時候會有店員幫忙預先落單，然後再入座。餐牌選擇非常多，特別啲小食好吸引但得一個人去又食唔到太多，所以決定唔叫主食，而係叫兩個小食見到除咗普通春卷之外，居然有寫海膽春卷，覺得好新奇就試下。一上菜見到都心心眼，賣相超靚食嘅時候要用生菜包住，再倒上附送嘅醬汁。海膽鋪喺春卷表面再用火槍燒，所以食落第一啖會好勁火炙味，之後海膽味先出，再黎就係醬汁嘅酸甜味口感方面，春卷咬落超脆，真係一個人食晒四件都冇問題另外叫左個蝦多士，芝士多到流晒出黎炸到好脆口得黎完全冇油溢味食左好多熱氣嘢，所以都叫咗杯龍眼花蜜茶下吓火。估唔到居然會有咁多龍眼肉飲落好舒服，唔會死甜食物質素真係非常好，而且最緊要係餐廳有良心又支持環保，要大力支持

最近去旺角呢頭返工，同事介紹話呢間越南野幾抵食，所以趁lunch就一齊黎試吓🌖牛豬紅番茄湯檬粉 $89（配兩款小食+飲品）呢款番茄湯本身已非常濃郁，仲落咗炸蒜、蔥花、生洋蔥，好適合重口味人士，另外啲料超多，有生牛肉＋烤牛肉＋豬頸肉＋豬扒，生牛肉肉質幾滑，而豬扒就幾鬆化，另外檬粉真係要快食，淋晒會好易斷🥹🌖牙車快沙律+ 椒鹽脆蛋魚柳 跟餐牙車快沙律面頭有啲手撕雞，醬汁酸酸甜甜幾香口同開胃，而脆魚柳都炸得幾香脆惹味🌝法式芝心蝦多士 +$39 跟餐呢款真係超推，蝦多士炸到脆卜卜熱辣辣，啲流心芝士咇晒出嚟👍🏻加上芝麻粒，十分香口，而蝦膠亦十分彈牙🌖手撕雞檬紙卷 $42檬紙卷入面包住粉絲、生洋蔥，而手撕雞直接放係上面，口感幾豐富🌗椰汁紅豆冰 +$12椰汁味唔太出，甜度偏低，紅豆🫘粒粒飽滿

旺角越男仔旺角廣華街2-20號翠園大樓二期地下5號••••••••••••••••••••••••••••••今日星期日晏晝五點左右去喺門口都排咗大概六至七人雖然裏面舖頭唔係好大整體裝修感覺都唔錯裏面嘅佈置 相片 擺設 影相效果都OK由於椰酸湯賣哂要重新炮製新一輪嘅椰酸湯都等咗段時間不過好嘢值得等待不愧係鎮店之寶好食 椰酸湯記得落調味三寶 1青檸1辣椒🌶️2蒜油四寶 脆雞皮 脆炸雞 🍗手撕雞 香滑雞椰酸湯檬粉香茅雞扒配雞翼撈檬蛋白質日 protein day🤣

好幾年前我已經係😻😽越男仔🍲既捧場客，仲記得當時喺對面街返工，lunch成日都去食🤤每次都係必點佢嘅🥣椰汁酸湯，真係超級超級好味🤩😍!! 令人一試難忘，超級愛哩個湯頭🤗，真係引唔住一定要同大家開心share😋！·個湯未飲已經聞到好大陣🥥椰香，仲會見到湯嘅表面有一大片⚪奶白色，嗰啲絕對係精髓嘅椰奶🥥🥛，個湯奶油感好重勁creamy都全靠佢💖!!飲落一開始係充滿椰香🤤，跟住會到濃厚嘅🥣酸味湧上，椰汁同酸湯兩者超夾🤩，絕對係我嘅my favorite💕!!仲有提提大家一定要加埋越男仔👍🏻調味三寶落個湯度，蝦油蒜頭x2、新鮮指天椒🌶️x1、新鮮青檸x1，個湯即時昇華更加提味。留意湯粉份量十足😚，細食嘅女士們應該食唔哂。成碗湯飲咗9成😋，如果唔係太飽一定會飲哂佢✌🏻！·🦐生牛生蝦椰汁酸湯檬 HKD$108生牛仲見到😻粉嫩色，浸住熱湯剛熟口感十分鮮嫩，而生蝦🦐同樣出色，係大大隻🤩嘅大頭蝦，半生熟蝦肉好Q彈。·🐥鎮店四鳥配椰汁酸湯金邊粉 HKD$88(金邊粉+$3) 一次過食到🤤4種不同煮法嘅雞，雞脆皮好大塊，脆卜卜好香口😋，手撕雞充滿麻油香氣，滑雞件啖啖肉😽，香脆雞浸住湯都仲脆，加分! 建議加錢

傳統飲食口味文化特顯出越南特色，加上當地風行小吃和主食夠地道而且多元化，讓多種香料與調味料充當入味，製作色澤豐富之餘以口味酸、咸、甜相對令人驚艷，如果您也是越南菜的愛好者就不讓錯過喇 !「去骨海南雞配黄薑飯」香噴噴的油飯粒粒分明帶油光，鮮味甚足切件雞肉爽薄不肥啖啖煙韌軟腍，入口鹹香恰到剛好「芝士軟殼蟹配焗蒜蓉包」熱辣上桌撲鼻濃郁香味四射輕盈既質量咸香酥脆，金黄炮製邊吃邊過癮送埋口感軟熟蒜蓉包的確很夾

一有晚市堂食後，幾乎日日出街食😆前排同朋友去旺角行街後又去呢條食街覓食，竟然發現了呢間性價比好高嘅越南菜！最估唔到嘅係，呢到竟然都可以食好d，有海鮮食，仲有海膽卷之類😍招牌生蠔椰汁酸湯湯檬粉的確好出色，而且味道特別唔係周圍食到。店員還教我們要加2蒜1 辣椒落湯底調味，就會最出到椰酸味！食落去的確好有層次感，先是椰香味，然後就是微酸 + 少辣，好醒胃😋另外最估唔到嘅係3粒蠔大大粒之餘，出乎意料地鮮甜+creamy！😋😋😋的確好高水準另外招牌去骨海南雞配黃薑飯也相當出色，雞肉有咬口之餘好多肉，幾有水準，朋友忍唔住邊食邊讚😆雖然呢到係普通餐廳，但服務真係幾好，值得一讚👍🏼食物都好impressive！

19:15叫外賣，門口有長龍，然後店員話需要等30分鐘，既然一心想試，就等下啦，19:40再返去等，等多陣又未有，門口店長話就有，咁再等，愈落愈大雨，呢餐我足足等左55分鐘呀😑我覺得如真係要等成個鐘，要一早同客人講，而唔係時間安排得咁差。拎到返屋企食，個3+2撈檬真心一般所有餸都係碎濕濕，而春卷同雞翼係ok既，四寶蕃茄湯都係正常既 ，無一樣特別出色。時間安排太差，食物唔特別出色，價錢亦都唔係特別平，等左咁耐，不停話好快啦好快啦，寧願退錢都無咁嬲無下次

好大份😳餸菜有心思———————————-越男仔 旺角廣華街2-20號翠園大樓二期地下5號舖旺角廣華醫院附近今日晏晝去門口有兩三個等緊外賣裏面都坐咗好多人一眼望晒 雖然話唔係好大不過裏面裝修 擺設睇得出有design過我估老闆或者呢間鋪嘅負責人係個跑車迷😂題外話睇個大電視介紹先知原來越滿居係佢哋同一集團😂生牛生蝦 金邊粉$108。採用阿根廷紅蝦。兩個大蝦頭唔好浪費 可以索一索蝦頭裏面嘅精華。熱椰酸湯浸住半山熟蝦肉以及生牛肉。別有一番風味串燒牛$39。蓋滿沙嗲醬 花生味濃。冇乜肥肉 😆手撕雞檬紙卷$32（跟餐價）。裏面有生菜蘿蔔絲紅蘿蔔絲手撕雞青瓜絲。呢一份嘅手撕雞都有火槍燒過。出色唔hea🍹青檸梳打$12

油麻地廣華街呢一帶好多好嘢食，今晚嚟食呢間越南餐廳，餐牌款式都幾多，有選擇困難症嘅我揀咗好耐🤣椰青🥥好大個好多汁，椰汁清甜清新解膩，椰肉都好軟身，好容易刮到出嚟。我地仲叫左牙車快沙律「牙」是越南語「雞」的意思，「車快」解作沙律，即係越式雞絲沙律。沙律菜同青木瓜絲好新鮮，雞絲撒上炸蒜同胡椒粒好惹味，再加上魚露和甜酸汁，十分開胃清爽。椒鹽脆蛋魚柳既椒鹽魚柳外皮炸得好香脆，內裏魚肉嫩滑，有4件大大件，份量都幾多。我地仲叫左越男仔蔥油三味配黃薑飯 （豬頸肉+豬扒+燒扎肉）份量超級多，黃薑飯好香薑味而且唔油膩；豬頸肉燒得幾香，肥瘦適中；豬扒炸得好香好惹味，件件都多肉少骨；扎肉口感爽口，好有越南風味。呢個晚市套餐幾抵食，一個價錢包咗主菜同兩款小菜，飯餐仲有湯送，一份套餐兩個人食都非常足夠；店員親切有禮，上菜速度快。

廣華街係出名嘅食街，呢間越南菜有好多款式，晚市套餐都幾吸引，飯餐會送湯，仲可以以優惠價加配飲品同小食，推薦大家揀3道菜晚餐，80幾蚊起有沙律，小食和主菜👍🏻無骨鳳爪沙律🥗鳳爪爽口，份量都幾多，有大約五六隻，仲有大量新鮮蔬菜，包括青瓜🥒，椰菜，蘿蔔絲🥕，紫洋蔥等，爽脆清甜，酸酸甜甜好開胃。手撕雞檬紙卷🐥檬紙卷裏面包咗蘿蔔絲同檬粉，爽口清新，上面放咗大量嘅手撕雞，份量完全不吝嗇，加咗胡椒粉調味更惹味，淋上酸酸甜甜嘅撈檬汁好清新。招牌軟殼蟹配黃薑飯🦀原隻軟殼蟹夠晒份量，炸得好酥脆，再配埋炸香蒜🧄同辣椒🌶️夠晒惹味，小心食咗件辣椒即刻辣到噴火😂，黃薑飯好香薑味，而且軟硬適中，粒粒分明，一定係炒香過👍🏻法式芝心蝦多士(4件)🧀跟餐加$45，呢款組合都幾特別，先用蝦膠包住芝士軟心，再用麵包包住，沾上芝麻炸香。外面炸得好香脆，好香芝麻味，內裏蝦膠好似蝦餅咁，爽口彈牙，內裏芝士流心效果一流🤤整體來講，食物分量多，價錢抵食；小店經營會比較忙碌不過店員服務態度都十分良好。

疫情期間很耐沒有去旺角食晚飯，今晚同朋友到旺角廣東道「越男仔」歎泰國菜。「越式生牛肉牛骨湯河粉」份量十足，河粉夠滑，牛肉夠嫩，肉質不乾不鞋口，牛骨湯清甜，很不錯。「火辣蒜椒雞扒拼脆豬肉撈檬」夏天之選，因為撈檬夠清爽，加埋酸汁酸酸甜甜好醒胃，雞扒拼脆豬肉，肉質厚實，炸到可口惹味。「蒜香牛油脆雞翼」入口滿口牛油香，雞翼肥美又大隻，加上蒜香濃郁，這道小食非常重口味。「三文魚脆雞生菜包」三文魚油脂滿滿，炸雞啖啖肉，包埋生菜清爽減油膩感。「雙檸紅茶」紅茶味香濃，檸檬加青檸雙重鮮香味，清爽又解渴。「椰汁綠豆冰」椰汁十分新鮮，順喉清甜，綠豆細細粒，不甜不膩。

位於旺角的越南餐廳，餐廳佈置特色，除了貼上吸引菜式的照片外，還有很多有趣的標語告示牌，令人笑而不語。餐廳的午餐及下午茶餐選擇蠻多。小食：皇牌拼盤（酸辣無骨鳳爪沙律、越式素春卷 、手撕雞檬紙卷）無骨鳳爪，滷得很入味；素菜春卷，新鮮即炸，脆口；手撕雞檬紙卷清新，餡料包裹著生菜、粉絲及雞肉絲。飯餐：火炙香茅燒汁薄燒牛配白飯牛肉火炙過，非常薄片，淋上香茅燒汁，不會膩。不過肉不多。配菜有醃蘿蔔、青瓜、生菜沙律等，下面則是白飯。若然不夠調味，不妨一試店推介的調味三寶，有蝦油蒜頭、指天椒、青檸，加添鮮味。下午茶：手撕雞椰汁酸湯金邊粉下午茶餐份量很大碗，麵條多。湯底味道出色，酸酸帶椰汁清香，夏天吃這款酸湯底，更加開胃容易入口。麵條彈牙，很掛湯。手撕雞份量不多，只是鋪面有一大團雞肉份量，雞肉絲以黑椒調過味，很惹味。特飲之選：越南乳酪三色冰紅豆、綠豆仁的椰汁冰，冰涼解渴，不過略甜。

如果去旺角不知道吃什麼好，不妨行入少少到廣華街，成條街都是餐廳堪稱旺角美食後花園。.天氣凍凍地就想食碗熱辣辣的湯麵，見到有間餐廳叫越南仔，又有下午茶，於是就點了一個手撕雞 椰汁酸 湯檬。感覺十分特別湯底是奶白色的，應該是椰汁椰奶，酸酸地大點兒椰汁的香，是鹹的並沒有椰汁甜品的影子，所以用作湯底十分配合。手撕雞應該是用特別的醬汁條配過及烤過，很香。下午茶送一杯飲品，拉茶（即是奶茶）香濃提神。.如果不是太肚餓的話也可以叫小食，值得一讚這裏的小食種類也頗齊全，沙爹香茅豬扒拼豬頸肉、越式蝦餅，份量很足而且未到條配得而有東南亞的風味。飲品的款式也多不勝數，當中有特色的包括香茅薑蜜，滋潤得來又很特別。

最近成日都想食牛肉🥩其中一個代表絕對係越底的PHO🍜所以決定要食越南🇻🇳菜呢!😛到了在油麻地食越南仔!📍有幾個朋友介紹呢! 地點好易搵呢!💖-食物方面，都有好多唔同選擇!📝我當然要點越式生牛肉牛骨湯檬粉!🍜份量好大碗，同埋牛肉份量好多!😍真係好驚喜! 呢個價錢真係好抵食!🧡而且店員仲會主動送上配料，真係好抵食!😋鍾意食PHO的朋友絕對唔可以錯過!-另一主食點了老公最愛的招牌去骨海南雞配黃薑🍚原來加上黃薑係更好食!💛而且雞肉順口又嫩滑! 又飽又好食!同埋份量十足! 男士食都好飽!💝-小食方面，點了蒜香牛油脆雞翼🍖真係好香口! 好邪惡!🤪滿滿的牛油香好好食!🤤-滿足的晚上! 抵食之算!🖇不過要留意小店經營，未必可以BOOK位!📌如果晚上食要預一預時間呢!