無骨鳳爪沙律🥗
鳳爪爽口，份量都幾多，有大約五六隻，仲有大量新鮮蔬菜，包括青瓜🥒，椰菜，蘿蔔絲🥕，紫洋蔥等，爽脆清甜，酸酸甜甜好開胃。
手撕雞檬紙卷🐥
檬紙卷裏面包咗蘿蔔絲同檬粉，爽口清新，上面放咗大量嘅手撕雞，份量完全不吝嗇，加咗胡椒粉調味更惹味，淋上酸酸甜甜嘅撈檬汁好清新。
招牌軟殼蟹配黃薑飯🦀
原隻軟殼蟹夠晒份量，炸得好酥脆，再配埋炸香蒜🧄同辣椒🌶️夠晒惹味，小心食咗件辣椒即刻辣到噴火😂，黃薑飯好香薑味，而且軟硬適中，粒粒分明，一定係炒香過👍🏻
法式芝心蝦多士(4件)🧀
跟餐加$45，呢款組合都幾特別，先用蝦膠包住芝士軟心，再用麵包包住，沾上芝麻炸香。外面炸得好香脆，好香芝麻味，內裏蝦膠好似蝦餅咁，爽口彈牙，內裏芝士流心效果一流🤤
整體來講，食物分量多，價錢抵食；小店經營會比較忙碌不過店員服務態度都十分良好。
