越男仔

营业中

休息中

天氣又濕又熱，行經旺角越男仔，想起好耐無食它的蝦多士，於是和太太入去食晏，順便涼一涼冷氣。午市時間等咗一陣才入座，叫了一粉一飯一小食。越男仔火車頭湯河粉湯底是牛骨湯，本身已相當清甜，加上「越男仔調味三寶」（指天椒、青檸和蝦油蒜蓉）的話，立時變得濃郁惹味。我就認為不加才嚐到湯底的甜，但太太就喜歡加大量蒜蓉，總之各適其適。火車頭的餸很豐富，有生牛、烤牛、牛丸、牛根和牛百葉，每一啖粉都有不同變化，令人百吃不厭。唯一要彈的是白蘿蔔炆得未夠腍。招牌原隻海南雞髀黃薑飯雞肉皮爽肉嫩，黃薑飯煮得乾身又香噴噴，難怪是越男仔的招牌，不時都會賣曬。法式芝心蝦多士蝦多士本身已金黃酥脆，加埋流心芝士，真是大人細路都喜愛。凍拉茶和椰汁拉茶紅豆冰分別加了$3和$15。後者少貴。

越南仔雖然無下午茶餐，但其實它的套餐都相當抵食。今日下午茶時段就和朋友去食個5道菜的套餐，這個時段唔洗等位，也可以坐得鬆動些。我們選了Set D（$139），有2個小食+1個主食+1個餐湯+1個餐飲，總共5款。另外叫多碟三色脆雞翼（+$58），兩個女仔夠飽了。小食選了牙車快沙律和椒鹽脆蛋魚柳「牙」是越南話「雞」的意思，所以牙車快即是雞絲沙律。主要調味料是魚露，在天氣潮濕悶熱的日子，非常清爽開胃。魚柳炸得香脆，只是無乜特別。主食Set D是三鮮Pho椰汁酸湯檬三鮮是生蠔、生蝦和滑雞，前兩者非常鮮味，尤其那生蝦，表面經火烤過，而蝦肉仍半生狀態，口感和味道都很好。反而滑雞不是海南雞而是炸雞，被湯浸淋了。湯底是椰汁酸湯，濃郁夠味，酸點會更好。餐湯選了牛骨湯，不過店員沒有給我們，而我們食湯檬又好像唔需要再飲湯，所以也沒追他。飲品加（+$15）要了椰汁拉茶紅豆冰大大杯好夠飲，紅豆炆得夠腍，不會太甜。三色脆雞翼有蒜香牛油、金蒜和火辣蒜椒三種口味，每款兩隻剛剛好。三種都好味，外面香脆，雞肉嫩滑，可以再辣點。

今天到沙田工作，下午放假，約了太太在旺角相聚，便在這裏吃個下午茶。串燒沙爹拼盤$28，豬、牛、雞各一串，耍啲汁除了花生之外，還帶點蒜頭的香氣，令到串燒更惹味。無骨海南雞黃飯$66，雞肉鮮嫩，雞皮爽脆，頗為有雞味，加上薑蓉或海南雞汁，味道層次更加豐富。黃薑粉粒粒分明，頗為有越南特色。凍越南咖啡跟餐$12，咖啡味道甘香，甜度適中。生牛肉河$60，牛肉鮮嫩， 湯頭線條，河粉嫩滑，可以加些指天椒或青檸，增加層次感。凍水果茶跟餐 $12，茶味適中，非常解渴。

越南仔招牌越南仔蔥油三味(轉椰汁酸湯檬粉)沙嗲烤牛撈檬法式芝心蝦多士椰汁冰價錢💲: $88/ $59/ $45/ +$18好味程度😋: 4/5服務🍴: 3.7/5環境🗾: 3.3/5性價比🥢: 4.4/5回頭率😚: 3.7/5-冇諗過星期一的夜晚佢地都排隊，大約十五分鐘左右。不過要係門口叫菜，入去就可以坐低食。呢排睇完arhotv介紹旺角💛，又想食越南野，一定會諗起呢間。呢間越南菜最吸引的係有大量小食的選擇，叫主食仲可以以優惠價加配😋 同埋價錢來講都算抵食！-✅✅招牌越南仔蔥油三味(轉椰汁酸湯檬粉)。呢個湯好味呀，同埋都係呢到先有(好似係)! 椰子味唔係話好濃，但飲落口感好滑好舒服，帶隱約的🥥味道，加上酸酸地好開胃😆 檬粉偏幼身，一羹不起有麵有湯好正！三味有豬扒、豬頸肉同札肉😉 豬扒正常，札肉好食，有烤過同埋有厚度！🤓 豬頸肉都好嫩好入味，食肉獸必叫！ -✅沙嗲烤牛撈檬。呢個相比下比較一般正常，檬粉偏幼，配大量的生菜絲、青瓜絲同酸蘿蔔絲，食落去好清爽新鮮，口感爽口😝 如果多返啲檬粉，佢存在感會高d，而家有啲比啲配菜搶左fo🤔 沙嗲汁濃濃的花生味，帶甜，呢個汁好味🤤 不過個烤牛就唔係好烤

見限聚令解封，同朋友兩個人係旺角行完就想搵間餐廳食埋晚飯。朋友想食越南野，就去廣華醫院附近既呢間越南野，「越男仔」。🤪🤪呢間野唔係好大間，大概15張枱，不過我地6點就黎食，所以都唔洗點等。😎😎我地叫了3樣野。🤪🤪先來一道豬頸肉沙律，豬頸肉好食😛😋，易入口又脆邊，夠曬肉香，沙律個底有d 酸酸既汁，撈埋同沙律一齊食，酸酸地好開胃😍😍，咁夾埋豬頸肉又唔會太油膩，岩岩好，好夾。之後我地叫左個芝士蝦多士，呢個就好邪惡喇，滿滿既芝士，本身我都鐘意食蝦多士，加埋芝士上去，更好食，口感更豐富😛😛。最後來了一道，芝士軟腳蟹多士，又係芝士邪惡野，我地都好食軟腳蟹，但咁樣配埋芝士，加埋多士，再加d 檬粉，咁樣一齊食，都唔錯，軟腳蟹炸得岩岩好，食落去，食到啖啖蟹肉，配埋多士食，唔錯😚😚😚😚。總之，呢間旺角越南野，性價比都唔錯，菜單都係特別諗過既，值得一試😋😋😋。

大約2:00嚟到呢間越南菜，都超多人排隊啊，好受歡迎，所以好奇心驅使下就試吓啦，見到佢午市套餐都唔貴，$60至到$90都有交易，已經包埋嘢飲，另收加一服務費。🍴 招牌原隻海南雞脾 椰汁酸湯 檬粉 $89 (8/10) 另收加一份量超級多，竟然有成隻海南雞髀，勁大隻雞髀有成7,8件啊，雞髀好嫩滑，雞皮爽口，有雞肉味味道，真心好食！檬粉超級多，嗰兩個女仔share都多食，好滑，個椰汁酸湯好特別，係椰漿加酸湯，酸酸地，椰汁味唔算好出，但好開胃，都幾特別㗎！食完真係飽到夜晚都食唔落飯，真心好抵食！🍴 皇牌 3+2撈檬（手撕雞＋豬頸肉絲＋脆豬肉＋扎肉絲＋烤牛肉) $69 (7/10) 另收加一份量都係好多，啲肉切到好細好幼，好方便撈埋檬粉一齊食，啲肉嘅份量都OK，但切得比較碎比較乾身啲，撈檬嘅酸汁酸酸地好開胃，勁飽勁抵食！🍴 法式芝心蝦多士 $39 (7/10) 另收加一即叫即炸，熱辣辣，炸得唔算好乾，唔油膩，唔會食到成嘴油，蝦肉口感比較紮實，芝士係流心㗎，有芝士味，真係好邪惡啊！🍴越式拉茶 凍+$3 (7/10) 另收加一好滑好濃茶味，偏澀，冇乜奶味，鍾意濃茶一定會好鍾意，好有越式風味！推薦指

排隊排咗30分鐘，門口已經可以點定嘢食，野食一入到去好快到。總評分都有8/10👍🏻雞髀椰汁酸湯檬 8/10👍🏻老闆一路行嚟行去提醒要用調味三寶：1辣椒，2蒜頭加埋青檸，味道又真係良好，湯好飲蕃茄湯檬7/10👍🏻單點蝦多士 7/10👍🏻熱辣辣炸得好香乳酸三色冰6/10👍🏻乳酪咖啡7/10👍🏻估唔到都幾好飲整體來講都平靚正，老闆又一路參加廚師比賽，環境都好多車嘅裝飾，細細間都舒適嘅。

旺角行街成日都唔知食乜嘢好嗰日行過糖水街 但係想食少少鹹嘢就食咗呢一間餐廳 而且仲啱下午茶時段無論係午餐定係下午茶都非常之抵食食過嗰一次之後今次又再嚟食多一次 因為佢嘅牛油雞翼都好有水準每次食越南餐廳👧🏻都好鍾意去食牛油雞翼通常佢哋嘅牛油雞翼唔差個一間餐廳就有一定嘅水準🌟冰鎮蜜糖凍番茄呡個小食係台灣高雄啤酒節得奬菜, 小食係一隻原隻大蕃茄拎去冰鎮，再係番茄上面加上少少西柚蜜，酸酸甜甜幾開胃,而且番茄爽口，口感十足。🌟手撕雞檬紙卷紙卷包得整整齊齊 食落香口，煙煙韌韌。另外有啲肉鬆鋪喺紙卷上面令到卷多左個層次🌟生牛生蝦椰汁酸湯檬配阿根廷紅蝦呢一個呢係用上阿根廷紅蝦，蝦係非常大隻而且蝦頭有好多膏。而湯用上椰汁同酸湯，飲落酸酸甜甜咁幾特別。而牛肉片就比較薄身。特別再想講關於撈檬既配料，食嘅時候餐廳俾咗三樣嘢我哋去配搭，有青檸，辣椒仔仲有一個佢哋自家製嘅蒜汁，將本身一個比較淡嘅湯底然後加咗蒜汁之後整個湯就變得好香。總括而言，餐廳係主打創新越南菜，好多菜式都比較少見甚至未見過的，有機會會再過黎食其他食物因為好多特別既越南菜式未試過。📌越南仔 @devietson 旺角廣華街2-20號翠園大樓二期地

嚟到廣華街有邊個唔識越男仔😎每次經過都見到人龍 不過唔洗驚 呢度翻枱快 排隊都好快入到 繁忙時間45分鐘用餐 都唔洗驚 時間絕對充足🍴呢餐我哋唔急唔趕連埋影相 都係40分鐘咋📸▪️招牌手撕雞拼扎肉椰汁酸湯湯檬粉第一次食呢個湯底 好特別好有新鮮感🥢望落好似好清淡 但飲落夠晒濃郁 酸酸嘅湯滲出淡淡嘅椰汁香 清新又開胃🥥手撕雞肉質嫩滑而且份量多 而扎肉都幾爽口▫️生牛肉拼滑雞拼扎肉拼牛丸牛骨湯河粉呢個就啱晒三心兩意嘅人😌雞牛豬煮有齊 一嚟到見到生牛肉就知好鮮嫩 同牛湯超夾 雞肉帶有少少咖哩味🐔牛丸好香 牛味好重 如果再大粒啲就好啦 本身呢碗係配菜嘅 大家都可以好似我咁轉跟河粉啊 口感都幾好 唔會醉濕濕🍜記得要加埋調味三寶 青檸/指天椒同蝦油蒜頭🧄▪️蒜香牛油脆雞翼食越南菜必點嘅小食 炸得好香脆 蒜蓉同牛油嘅味道夠平均❤️唔錯唔錯最後飲埋特飲🥤雙檸七喜同青檸梳打 超級飽 因為兩碗麵嘅份量都好大 抵食👍🏻

夜晚都幾多人排隊，所以要有心理準備用餐時間會被限制於45分鐘內招牌生蠔椰汁酸湯檬粉 • HKD$108湯底係餐廳自家製，先用左雞湯熬出湯頭，然後喺臨上菜前先加上酸味汁料同椰奶，確保湯底唔會因長期熬煮嘅關係而變得過酸～食嘅時候建議先攪拌一下個湯😊入口先係好濃椰奶味，之後酸味就會慢慢出現，好開胃，忍唔住一啖接一啖咁食😝啲蠔都好肥美，而且好鮮甜😋食湯檬嘅時候店員會提供調味料盤，當中有青檸、指天椒同蝦油蒜蓉同，餐廳建議落嘅比例係1:1:2落完之後味道變得更有層次，亦更加惹味！海膽春卷 • HKD$72（跟餐價）春卷炸到超級脆，但入面嘅餡料仲能夠保持濕潤😳海膽味冇想像中咁濃，但一入口第一啖都會隱約感受到食嘅時候可以加返啲春卷汁，酸酸甜甜更開胃～串燒沙嗲拼盤 • HKD$59有齊晒牛、雞、豬三款，全部都燒得啱啱好，唔會韌～不過沙嗲醬唔算好重花生味🤔龍眼花蜜茶 • HKD$29又幾好飲，好清甜而且唔覺得確喉，推薦！

旺角越男仔食過一次就愛上，係近期食越南野嘅至愛食越南粉通常好少餸同唔夠豐富呢，比我發現旺角 越男仔 原來係例外～仲有數款特別湯底湯檬揀左兩款撈檬，再加一份小食。佢地自制蝦油辣蒜，好香口～～～意外驚喜佢地嘅凍奶茶感覺都幾順滑。香脆蒜香牛油雞扒拼雞翼撈檬$68 牛油雞翼基本上到越南餐廳必點，仲要有埋牛油雞扒，真係勁香勁juicy檬粉質地爽滑，唔會碎濕濕！甘豐富都係$6x 唔叫點得～～自家製沙嗲撈檬$68 有齊牛、豬、雞 3款沙嗲牛用上牛𦟌部分有嚼勁，豬則用上豬頸肉超爽彈，沙嗲汁勁香花生味～～法式芝心蝦多士 +$39同平常蝦多士調番轉個包係出面，好似脆卜卜芝麻煎堆包住爆芝嘅彈牙蝦餅都幾滋味

越男仔 地址: 旺角廣華街2-20號翠園大樓二期地下5號舖電話: 24889191 =====================附近有電單車用品店同figure ,原本要同朋友匯合，但突然餓底出現，就想食小野頂肚先再風朋友出到旺角無叫麵架主食，因怕太多carbohydrate好易 飽左，因等陣同朋友仲要食正餐，我order 左小食同飲品。店面積是小店，空間感同坐位就比較迫一些。我今日斯叫架小食小準ok ,份量亦合理，可以下次再來encore 叫返碗fuhn 麵同其他餐單上架小食試下。法式芝心蝦多士 $59，麵包香酥，一層蝦膠外做有片芝士，好鬼好味，係油膩d但當下午茶係非常之合適。青檸梳打 $32 係爽架，夠汽lime 又酸酸地小食款式多，唔係越式反而是多國小食

其實都唔係話好晏先去食，大約一點左右，都已經冇曬海南雞同海南雞髀，真係有啲失望。等左30分鐘，終於有得坐。一上枱就黎左2杯野飲解渴，速度都算快。之後，叫咗一個皇牌3+2撈檬，HKD 63。佢裏面有好多唔同材料，包括手撕雞、豬頸肉絲、脆豬肉、扎肉絲、烤牛肉。每一樣都幾有驚喜，其中最好食係脆豬肉！雖然佢細細粒但係味道好特別。係我會回頭再食嘅選擇。鎮店四鳥椰汁酸湯檬粉，HKD 80。老實講啦，雖然支持良心小店，但係佢真係唔好食。上面嗰塊雞皮係唔錯，但係就僅限於此。佢嘅香脆雞同埋滑雞件都唔好食，手撕雞正常。本身諗住叫海南雞髀，因為冇晒先至改叫呢個，但係如果佢啲雞搞成咁，都令我擔心海南雞髀好唔好食。同啱先嗰個3+2相差好遠，唔係特別推薦。

越男仔 De Viet Son旺角廣華街2-20號翠園大樓二期地下5號舖早一日已經安排今日要食呢間餐廳，去到排左大概10分鐘隊已經入座。係門口等候期間老闆David 會俾menu我地叫定先 (點解我知老闆咩名？因為入面部電視不停播餐廳訪問)。入座後大概5分鐘已經有得食。前菜：(跟餐) 牙車快沙律 ＋ 手撕雞檬紙卷有支唔辣油裝嘅東西，唔知咩黎。老闆介紹我地如果想食辣可以加另一隻調味料，有少少辣，幾香。手撕雞幾甜唔會太嚡。$89 豬PHO 紅蕃茄湯檬紅蕃茄湯底好濃味，可惜唔岩我口味。平日我唔鐘意食豬頸肉爽口鮮甜，唔漏 。$60 越式生牛肉牛骨湯河粉店員送上後，隨後會送上調味三寶 (青檸+指天椒+蒜油)，店舖內都有指示客人調味三寶既比例。食越南菜絕對要有基本嘅青檸同指天椒令成碗麵清新啲。另外，牛肉落湯後唔會嚡口，但牛肉既鮮甜味仍然差少少。$15 (跟餐價) 椰汁拉茶紅豆冰我本身唔太鐘意椰汁，但見到紅豆奶茶，就試下。拌勻飲，啲紅豆唔係港式用糖煮紅豆，所以紅豆唔會太甜。茶底有甘味，呢個係令我驚喜既地方，唔係平日既得個甜字。椰汁味唔會好濃，我接受到。$15 (跟餐價) 雙檸紅茶 (檸檬+青檸)1-

提到心底想試的名單，油麻地有一個街坊越南餐廳，正正是想一訪的小店——越南仔友人先到店排隊，不消10分鐘，已安排前面數十人入座，座上客亦是快快坐下，快快用餐及離開。入門前需先點餐，再入座。▩招牌椰汁酸湯滑雞湯檬粉寫上招牌的餐品，通常都是有十足信心先寫上「招牌」，湯底是有種難以形容的奇妙味道，小小酸，帶一點椰奶香，味道是正面的，就差在未夠熱。滑雞出事，店家使用雞扒配上東南亞風味沙嗲醬沾上雞件，再泡在湯粉上。雞件原本是完全沒有一點熱度，連泡在湯上，也沾不到什麼熱度。

冷感猶如外賣山長水遠回到家，再收到公司電話，跟完客人再打開飯盒是的冷飯程度。▩豬頸肉·扎肉配撈檬撈檬都滿會讓人有疑惑的位：檬粉：碎，常溫酸汁：偏甜，沒有酸味，缺蒜味豬頸肉：沒有溫度，但醃料好味，肉較軟，有3-4片（小片）
扎肉：看似有燒過，但也是沒有溫度。扎肉帶一點胡椒味和肉羶味本應有溫度的食物，上枱溫度是常溫的？旺中的食物與此家相比，可能更新鮮製作。▩小食‧酸辣無骨鳳爪嗯，圖是漂白的鳳爪，上枱是原色？用棕糖醃過的鳳爪？ 色水似是酒樓的鳳爪。

品名上的酸辣是沙律菜，而主角鳳爪是帶甜味，此小食溫度不冷，應算是常溫吧▩小食‧越式