越男仔

营业中

休息中

今日熱辣辣，想食d好似撈檬嘅凍嘢，所以去咗「越男仔」!我同朋友一個叫檬一個叫飯，再加d小食share，食到飽飽都係三佰幾蚊，好抵食!👍我地order咗:💢皇牌3+2撈檬 ($63)配料係手撕雞、豬頸肉絲、脆豬肉、扎肉絲、烤牛肉，好豐富! 檬粉Q彈凍凍地，淋魚露食，即時消暑降温!💢椰汁紅豆冰 (另+$12)💢 Lunch Set A ($89)~ 招牌無骨雞配黃薑飯 ~ 無骨鳳爪沙律 ~ 手撕雞檬紙卷 (加海膽 另+$39)~ 椰汁酸湯 (另+$5)~ 鴛鴦冰 (另+$15)呢個餐好豐富，份量夠大，認真抵食夾大件!雞肉嫩滑，配大量蔥油，好香口! 黃薑飯飯味香濃，軟硬適中! 沙律同檬紙卷好開胃!椰汁酸湯有意想不到嘅美味!💢法式芝心蝦多士 ($39)強烈推介‼️‼️ 香脆唔油膩，仲要芝心，邪惡得嚟好吸引! 💢海膽牛他他 ($88)一客得4件，但牛肉味濃，好好食!💢火辣蒜椒雞翼 (3隻) ($33)炸得香脆，辣汁好正，好惹味! 下次可以試吓三拼，聽講另外兩款都好食(蒜香牛油雞翼&金蒜脆雞翼)!

💛#黃店位於旺角廣華街都相當多人幫襯，味道的確幾好！上次主要食無骨雞飯，今次試新野 椰汁酸湯粉好正！Lunch set👓5 course meal in lunch-Set A 招牌無骨雞配黃薑飯（2小食+1主食+1餐湯+1餐飲）$89．小食-無骨鳳爪沙律+手撕雞檬紙卷，越式酸甜汁沙律好開胃好食配上一隻細細的無骨鳳爪，但檬紙卷稍為普通細細舊又唔算特別好食，可能轉做椒鹽脆蛋魚柳會比較好。．若果普通lunch set無骨雞配黃薑飯就$66，雞肉嫩滑肥美，幾欣賞黃薑飯唔太肥膩，唔係淨係加咗雞油先令到變成黃色咁邪惡評分：7.5/10👓鎮店四鳥 椰汁酸湯檬粉（雞脆皮、手撕雞、雞滑件、香脆雞）大讚椰酸湯👍🏻酸辣又有椰香，尤其粉索晒啲湯好滋味，湯底係靈魂！不過四款雞就唔算好鍾意因為本身已經唔太食雞皮仲要炸雞皮，個人比較鍾意海南雞飯嗰種無骨雞款式，所以下次會叫無骨雞配椰汁酸湯粉🤤👓越南乳酪滴漏咖啡 跟餐+$18 單點$38一飲落口好重乳酪味，不過可能有人接受唔到呢種味😅想均勻啲冇咁明顯就要徹底搞啊杯咖啡，個人就認為非常濃郁咖啡味，好越南咖啡香，甚至就咁齋飲咖啡其實仲好飲🤣不過個個口味唔同例如隔離枱喺度

Xin chào 旺角特色越南菜▫️生牛生蝦椰汁酸湯檬🐮🦐椰汁酸湯有驚喜，好香椰奶味道有別於泰式椰奶酸辣湯少左香辣，濃郁椰汁嘅湯底更開胃 檬粉夠軟滑，生牛肉口感好鮮嫩大大隻嘅生蝦，半生熟蝦肉爽口彈牙味道鮮甜，忍唔住啜埋個蝦頭 ▫️招牌無骨雞配黃薑飯雞肉唔會柴口，口感嫩滑黃薑飯帶有淡淡嘅薑香配搭味道一流 ▫️牙車快沙律🥗越式雞絲沙律炭燒過嘅雞絲配上青瓜、蘿蔔絲滿滿嘅花生碎，再淋上魚露味道清爽開胃 ▫️手撕雞檬紙卷爽脆嘅蔬菜加埋手撕雞，配搭清新口感豐富 ▫️越南乳酪滴漏咖啡☕越南黑咖啡配乳酪乳酪嘅酸味同黑咖啡嘅苦澀味，出奇地夾每啖都品嚐到濃郁咖啡香同乳酪嘅微酸味道好有層次 ▫️椰汁拉茶紅豆冰🧋越式拉茶味道似港式奶茶茶味香濃，紅豆煮得夠軟但可以甜多少少

今次去咗旺角呢間特色越南菜~ 店面裝修非常有氣氛 擺咗好多掛畫同裝飾~ 牙車快沙律+手撕雞檬紙卷沙律同紙卷入面都有生菜蘿蔔青瓜同手撕雞 食落好清新 作為前菜好開胃！招牌手撕雞拼扎肉椰汁酸湯檬粉呢個湯底酸酸甜甜咁幾開胃 酸味唔會太濃 椰汁味比較重 但整體都唔會太濃味 佢另外有調味三寶: 青檸 辣椒仔 蒜汁 如果想重味啲可以自己調味~蒜香牛油雞翼呢個雞翼個皮炸到好脆 雞肉肉質都好嫩 會食到蒜蓉嘅香味椰青個椰青好大好多汁！飲落非常清甜解渴

平日去的，大概七點就已經不少人需要排隊，品種很多很豐富，還有自選撈粉！不過所有的點單都要在室外進行，所以一定要提早看好餐牌！整體味道酸甜開口，算是滿足，三檸七夕好喝，蝦多士略顯油膩

每個禮拜日 都係食好西日今次就食越南野 就去左廣華街嘅越南仔咁岩係5點半前嚟 係Lunch時段價錢比起晚市會平啲😌Lunch set 包兩個小食 主食 同飲品我就叫左 係佢地先有嘅三鮮PHO($139)三鮮就包括生蠔生蝦同滑雞配上佢哋比較出名嘅椰汁酸湯湯底椰味濃 唔會太酸唔中意太辣但又中意飲冬陰功嘅可以選擇至於配料方面 好欣賞佢用大頭蝦啲蝦頭都幾多膏 用嚟送湯一流而蝦身輕微炙燒過 始終係生蝦所以肉身唔會好爽 不過就啖啖肉同時滑雞係用左沙嗲醃過嘅雞 好正👍🏻係生蠔就普通左啲 個人認為同湯底唔太夾附上嘅小食 真係必食手撕雞檬紙卷手撕雞充滿麻油香味 同時紙卷做法好清新另外飲品方面好多選擇 我揀左三檸七三種檸放係一齊真係第一次試 又咸又酸 I like it😛整體上 想試新派嘅越南菜 呢度係好選擇🥰

今日遲遲兩點先黎lunch，但居然仲見到好多人等位！證明好多人食😍相信長期爆滿，應該會唔錯。好彩好快已經安排到座位👍🏿👍🏿胡志明市紅番茄四寶湯濛粉$65茄味香濃，超多肉，好抵食。最正係燒肉粒！勁爽脆！超級推薦如果再次黎一定會再叫呢個芝士蝦多士+軟殼蟹沙律$49+$88全部新鮮炸起，蝦多士啲芝士多到流出嚟！🤭😍軟殼蟹好入味最後仲試左越南乳酪三色冰，酸酸地，又沒平時三色冰咁甜，幾岩我😍

今天往廣華醫院見完醫生後已是中午，覺得肚餓，於是往附近廣華街醫肚。看見越男仔餐廳門口的廣告牌內的食品好吸引，入內叫了一碗火車頭湯河粉，附送跟餐的越式拉茶。另外加二十六元有一份炸魚沙律作為小食，牙車快沙律菜酸酸的味道令胃口大開，配上椒鹽炸魚柳的香味更是好配搭！然後再享用大大碗的越南粉，內容非常豐富，生牛肉和熟牛肉皆軟滑無比，可以一口食完而無牛根渣滓，又有牛筋，牛栢葉，牛丸夠爽，配上二塊籮白和生菜，食完非常滿足。最精華是湯底夠濃，食完牛肉各部份後再飲完濃湯不剩，快哉！可惜是濃湯不夠滾熱和蘿白不夠腍，還是半生狀態，唯一缺點！

以前廣華街嘅印象係全部好多甜品舖，但近呢幾年已經全部唔同晒，今次就食一間人氣黃店-越南仔。食之前最緊要有心理準備，因為個Menu真係超多嘢食，越南粉都好似車仔麵咁樣有唔同嘅配搭。唔睇返五分鐘以上你都知道自己想食啲咩😂😂😂1️⃣無骨鳳爪沙律（跟餐）睇落個顏色就知同平時食嘅泰式鳳爪好唔同呢個鳳爪係甜甜地嘅，作為前菜開胃唔錯。2️⃣手撕雞檬紙卷（跟餐）米紙半透明望到啲材料，證明處理得唔會太晏亦都唔會淋身，配埋酸酸甜甜嘅醬汁食，加分。3️⃣招牌 去骨海南雞配 黄薑飯🐓最怕食海南雞白曬曬冇雞味，睇呢隻雞就一定知道唔錯啦，就算唔點醬汁都已經好夠味道，雞肉超滑溜，睇啲色澤就知道💖再配埋係黃薑飯唔係雞油飯，配搭埋好有新鮮感4️⃣牛豬pho配紅蕃茄湯檬粉一碗pho 已經有生牛、烤牛肉、豬扒、豬頸肉，超級足料，選配左紅蕃茄湯，味道偏甜，鍾意食較甜口味湯底嘅朋友可以試下。6️⃣牛油雞翼炸到熱辣辣，咬落去爆晒肉汁🐓👍，雞肉同啲海南雞一樣超級嫩滑多汁🔥7️⃣越式蝦餅蝦肉彈牙，每件都好足料🦐，配埋酸酸甜甜嘅汁汁，簡直係天衣無縫👍8️⃣串燒拼盤呢個滿足晒鍾意想食晒唔同串燒嘅我，有齊牛雞豬肉三隻唔同口味各一串，配埋沙嗲醬食一流，再追加埋燒菠蘿🍍

《越食越好味😋》———————————————-#越男仔 🇻🇳-weekend出咗旺角行街，地頭蟲嘅朋友推介呢間佢嘅最愛，呢間越南菜良心小店好食得嚟仲要CP值極高，價錢親民，水準真心高，果然無介紹錯🙌🏻-🐣 鎮店四烏椰汁酸湯檬粉呢碗叫得鎮店之寶的確唔少野，裡面包咗雞脆皮、手撕雞、滑雞件同香脆雞四種唔同煮法嘅雞肉~雞脆皮脆卜卜夠哂香口，手撕雞就充滿麻油香，滑雞件啖啖肉，特別中意個香脆雞，外脆內軟😘而個湯底更加係十分驚喜，陣陣椰香令奶油感好重，略帶微酸，好開胃，兩者超夾🥥 聽朋友推薦話一定要加埋個調味三寶，即係新鮮指天椒、新鮮青檸同蝦油蒜頭，立即令個湯昇華，更加提味🧄-🐣 無骨鴛鴦雞黃薑飯鴛鴦雞包咗無骨雞同脆雞，脆雞好特別，小店用咗火炙燒雞皮，所以食落會有少少焦脆嘅感覺，雞肉一啲都唔鞋，配埋酸甜汁簡直一流，撈埋黃薑飯一齊食好正👍🏻-飲品方面我哋就各自叫咗杯三檸七同越南仔冰凍水果茶😚三檸七其實就係檸檬+青檸+鹹檸檬，檸味夠哂香，十分清爽🍋而越南仔冰凍水果茶嘅味道就有啲似雜果賓治，非常refreshing🧊-⭐價錢參考：（星期六日另收加一）鎮店四烏椰汁酸湯檬粉： $81無骨鴛鴦雞黃薑飯： $7

為方便大家放輕點，去了一間越南菜餐廳，吃一個越式餐，作休息之一刻。這店矮桌長凳，像去了很久以前的旅行，嘗美食是旅遊體驗。這店的餐廳也風靡很多人來排隊呢。越式沙津非常有味道的，加入甘筍絲、青瓜絲、芽菜及芫荽碎，咬口很棒，而蔥花及青檸汁，也令沙律更有當地之感覺。蒜頭味亦好棒酸辣無骨鳳爪.河內越式料理推薦菜之一，在沙律上的，脆卜，夏日精選好吃～.重要的，各地菜餚均見沙律，例如青木瓜絲沙律和薯蓉沙律，而越南菜的沙律有大量新鮮蔬菜，時而配炸豆腐，拌酸甜汁灑脆花生。特色米紙卷米紙，做法原來是將米磨成幼粉，加水形成糊槳，待水蒸發後即完成。很有米味感呢越式海南雞飯這店的越氏版海南雞飯～味道跟越車吃的非常相同，棒～有品嘗過當地有名越式海南雞飯，偶爾會回想起浸滿雞汁，黃澄澄的雞飯，它獨有雞肉的風味。海南飯飯一定要有三色醬料，沒有醬料，就不算一個完整的海南雞飯。海南雞飯味道好好，海南雞飯店林立，這店的很棒，不用飛都吃到正宗的海南雞飯，關注群組成員推介。越式飯朋友想吃到豬扒的香，因而選了豬扒、豬頸肉及札肉，味道也是非常好。吃日本菜、韓國菜、泰國菜容易，找到好吃的越南菜不易，是較少的東南亞國家菜式喔，堅持吃喔

最近喺旺角 經過見到呢一間越南菜好出名 大排長龍 於是就去排隊試吓🇻🇳試咗佢哋個蕃茄四寶湯檬粉 四寶係：豬扒，扎肉，豬頸肉同埋脆脆豬 脆脆豬真係好香脆 湯底唔算好濃味 帶少少番茄嘅酸甜味 食落好清新🍅

呢日陪朋友覆診之後就過左黎食晏佢話佢次次覆完診都差唔多黎食食左好幾次既佢都仲未食厭，因為呢度既選擇真係有好多！！我地每人要左一款套餐～朋友要左一份蔥油三寶飯，飯餐會配上牛骨/雞湯朋友既飯餐份量不少，佢仲加左隻太陽蛋添朋友分左啲餸俾我試，味道都唔錯，豬頸肉同豬扒既肉質食落唔嚡仲幾惹味我就要左海南雞脾配酸湯檬粉店員仲俾埋店內既調味三寶俾我調味xpp去骨既海南雞去幾嫩，但酸湯仲要特別，酸得黎又帶有椰香，好適合依家悶熱既天氣黎食！！套餐會跟埋普通餐飲但我地都分別加錢轉左特飲朋友試左新出既越南乳酪滴漏咖啡，而我就要左椰汁綠豆冰，正

平時都好鍾意食越南嘢有一次喺隔離食串燒見到呢一間野好多人排隊跟住一路都諗住下次食終於有機會去食下 食物質素的確唔錯 連續兩個禮拜都嚟咗呢一間食😂第一次就去食下午茶餐平均價錢都幾抵食 但係份量唔多兩個人已經可以食到差唔多四個餐😂😂😂今次去食就係食夜晚嘅牛油雞翼做得最出色 出面嘅皮炸得好脆口 而且入面嘅肉質都非常之嫩口除咗佢哋嘅牛油雞翼之外手撕雞檸檬紙卷都做得唔錯入面包住肉鬆同埋其他配料食落好有層次感 我哋仲叫咗生牛生蝦椰汁酸湯檬配阿根廷紅蝦湯底本身有椰汁同酸湯加入左蒜蓉汁之後味道更加濃郁阿根廷紅蝦都非常大隻入面亦都有少少蝦膏至於 佢哋嘅冰鎮蜜糖凍番茄🍅酸酸甜甜都幾開胃㗎

越男仔 De Viet Son我地6點幾去食 門口都已經有人排緊隊 估唔到大家都咁早食晚飯都要等5-10min 先入到去我地個位望住個電視 電視係老闆既受訪片段 睇見有個身影同老闆差唔多既人係鋪頭 相信老闆係旺角店度主持大局招牌椰汁酸湯滑雞湯檬粉🍜🍜 $79 😝調味三寶 - 新鮮指天椒🔥x1 新鮮青檸🍋x1 蠔油蒜頭 x2 特制既調味三寶 老闆教路咁樣配最好味我地輕輕咁加多左少少蠔油蒜頭 食完之後個口既蒜頭一直留左係個口罩度椰汁酸湯好特別 幾清新既感覺酸酸地 又唔係太酸 好開胃美味程度：⭐️⭐️⭐️⭐️雙層芝士炸醬豬頸肉🐖撈檬🍜 $79芝士一大塊係面頭 塊芝士真係好邪惡🐖🐖🐖豬頸肉都有好多舊 全部都好彈牙 同其他既越南餐廳豬頸肉唔同撈檬個汁唔會太酸 岩我唔鐘意食太酸既撈檬個調味幾特別 美味程度：⭐️⭐️⭐️⭐️⭐️法式芝心蝦多士🍤🍤一開頭以為係麵包既多士 原來係蝦肉整既多士入邊有芝士流心 口感豐富 蝦味都充足 好邪惡炸完都唔會好油膩美味程度：⭐️⭐️⭐️⭐️⭐️🍴整體評價：越南菜出色😍檬粉比較厚身 口感都比較好味道調味調得岩香港人口味 亦都有心思椰汁酸湯亦都少見 食落去幾特別 清新既感覺份量都足 大大碗 可以一嘗