越味皇 (已結業)

以前喺荃灣返工周不時都會去路德圍食下野，呢日同朋友經開，先發現內街有間越南餐廳，見有少少餓就入去試下～店內環境好闊絡，裝修簡潔舒適，木桌椅、天花掛滿既竹帽都充滿越南風味。黎到越南餐廳當然要試下湯粉麵第一次試呢款口味既湯底，蕃茄味濃郁，仲有幾舊煮到淋哂既蕃茄咬下，面頭淋上蟹頭膏，比起落牛肉更提鮮。熟牛肉分開上，牛肉本身既調味唔會俾湯沖淡，雖然略帶油膩，但煎得好香口稔身最怕牛肉整得太熟好似柴皮咁。下午茶餐亦配有小食追加，+$20有就兩串串燒雞肉。雞肉肥瘦適中，口感嫩滑有油香，外皮燒得略脆，配上串燒必備既沙嗲醬好惹味，沾上花生粒更添口感。第一次食，問店員先知原來檳海係以米粉壓成薄餅狀，食落軟身，帶有少少煙韌，味道清清地，比起配飯/麵食落感覺更輕盈，夏天好岩食，因為唔滯燒牛肉份量好多，充滿蒜香，有剩既仲可以用旁邊既生菜夾住黎食，一味兩食值得一讚既係呢度既牛肉生熟都拿捏得恰到好處，保持到肉質嫩滑不韌。除左湯粉，米紙卷亦同樣有代表性，唔少得～呢款拼盤有香葉、軟殼蟹同豬頸肉三種口味，每款有三件，菜如其名適合三五知己開心share。大大件，每件都有桔咁大，米紙薄得黎口感煙韌，而且餡料極豐富，蘿蔔、青瓜

本身呢間係我荃灣最鍾意食既越南菜，呢個星期六又去左食下午茶但係發現佢個menu好似唔同左，食完之後覺得味道都好似有d唔同左，有d失望食越南菜當然唔少得越南河，單拼$36雙拼$41，我叫左生牛河拼牛肉丸配豬骨湯。黎到果下嚇左一下，因為牛丸先得一粒，都好少遮！不過要讚下佢個牛丸，牛味好濃而且彈牙，不過加五蚊得一粒太少啦掛。湯底都係好飲的，不過好似冇以前味濃。生牛肉就正常啦，都係咁本身冇諗住叫呢個飯，但係睇曬佢全部menu，呢個飯係唯一一個隔離有兩個讚既，似乎餐廳極力推薦，咁我就試下啦。佢個飯有得揀紅飯同椰子飯,我地就叫左紅飯，原來係番茄燜飯。番茄味好足，夾埋佢d香料都幾好食。可惜個牛柳好唔得，冇牛味又冇調料既味道，質地都好奇怪，好似嘉年華炒左好耐都冇人食果d牛柳粒咁..唔會再食跟餐送的薏米水同百香果茶，幾好飲，其他餐廳跟餐唔會有呢d。不過薏米水好似冇以前咁濃了...

生日總係會去食西餐，放題，打邊爐或者自助餐。但係食得多都會悶⋯今晚同同事決定突破下，去食越南野🇻🇳係荃灣蒲咁耐，都未入過呢間餐廳食，原因係佢周邊既米線都好吸引😆 今晚難得有機會一試😎我地叫左一個4人餐，升級左要柚子鮮蝦沙律同軟殼蟹紙米卷，然後要左燒魚同燒雞，最後揀豬頸肉炒飯。飲品我就點左意米水。個沙律好common, 勝在柚子多吸引我食；紙米卷都無咩特別，正常可入口；之後有三款跟餐小食，雞亦好食過燒雞；直得推薦既係蒸粉包，個皮唔厚，幾好食；春卷都係正常，有啲辣。到任選兩款既燒雞，啲雞太乾，唔好食；但無條魚就好掂，好好食，好滑👍🏻 但因爲太好味，唔記得影相😂😂😂最後太飽既關係，食唔落個飯，打包拎走。 飲品-意米水就甜左啲，感覺唔fresh，好似少左啲檸檬汁😂😂😂 可能之前係其他餐廳飲過，多數入口都有fresh 既感覺😌 比較下就呢間無咁好飲。整體黎講呢間都食得過😁另外直得一提既係，staffs 既態度同服務都好好👍🏻

2個月前看了review不錯就去吃了一次，當時覺得味道很不錯。 今天再試第二次，店內客人很多、座位擁擠，服務相對之下也變的好慢。點了一份炸雞翼，等了30分鐘，原來是廚房想等其他桌客人下單再一起做...害我們的單等了好久好久， 結果雞翼送上來全是油，根本像是泡在一桶油裡面，一點也不脆、蒜不香反而還是苦的，難吃死了。另外還點了其他紅米飯味道也很普通，生牛河粉的湯頭也比先前差。服務又亂又慢，以後再也不會去。

越菜一向都喜歡吃，今晚跟老公二人世界，各自都選好喜愛菜式。越味皇在路德圍，附近可泊車，十分方便。特式生菜包 $38老公至愛的生菜包，必食之選。新鮮生菜包著肉碎，還有蝦片附送，分量亦不算少，價錢只收$38，相當抵食。咖哩牛腩煲 $78咖哩牛腩跟蒜蓉飽，穩陣配搭。牛腩入味不韌，麵包鬆軟，咖哩汁夠多，足4人份量。越味皇牛油蒜蓉雞翼 $45👍👍雞翼的確美味，應該即叫即做，上枱時還是熱烘烘的，外皮香脆，雞肉嫩滑，蒜粒極鬆脆。不愧有2個 like 的推介菜式👍👍頂級手切牛柳碎湯河 $72越菜又怎能放過牛肉湯河呢～湯底味道不錯，河粉亦夠幼細嫩滑爽口，唯碎牛實在太碎太少了，只有細粒的帶殼花生般大小😅，真的有點美中不足……😅😅益力多沙冰 $32熟得不能再熟的益力多味，其實不論怎樣配搭，益力多都是無得輸，大人細路都喜愛😋😋凍薄荷葉青檸梳打 $30顏色有點奇特，是小二姐姐誠意推介，薄荷味不太濃，味道尚算不錯。

今日33度，又熱又濕，冇乜胃口，想同一家人食d開胃又好味既lunch! 荃灣真係好多野食，由mtr行去路德圍只係幾個字，好方便!朋友介紹去越味皇，入度去開頭冇咩、人，之後平日都爆哂，可能呢頭冇乜好食越菜館la!待應非常helpful, 見我地一家大細比左個卡位，又主動幫忙收起大件行李，讚!嘩，好多fusion菜，好期待咁叫左讚既蟹肉粉，saty串，同出名正既燒魚，salad, 牛油chicken wings，仲有冰冷既越南滴滴咖啡!蟹肉粉好醒胃，我小朋友都好仲意食!牛油雞翼超好味，又脆又香!肉串新鮮，雞肉較好味!木爪沙律又係好味，有咬口，汁不多，明顯新鮮即叫即做!這條燒魚係必食，全餐最好食之選!sweet and sour 非常開胃，食落去又惹味，汁都lo 埋!咖啡正呀，唔洗下下飲椰青，佢哋好正宗，好香好滑，讚!呢個汁好正，唔同平時只係花生醬，好開胃的! 荃灣黎講，算抵食又好味!

週日下午五時多來，正好還有下午茶歺。這裡的下午茶歺價格親民，普通生或熟湯牛河連歺飲都只是$36，歺飲除普通咖啡奶茶之外，仲可選薏米水丶檸蜜丶柚子蜜等，加$15仲可以有沙律或蒸粉飽等小食。我們點了生牛肉扎肉湯金邊粉牛骨清湯。份量不會因為是下午茶而少了，扎肉只有兩片，是厚切的。牛骨湯味不太濃，我全部喝了，也不覺膩，亦不似味精湯。個人覺得清湯巳很好味，不用加$10轉蟹糕蕃茄湯。牛柳粒紅飯就略為遜色，紅飯沒什麼味，牛柳粒夠淋，但味道都係較淡。最抵食就係加$15的芽車快沙律，份量出奇地多，滿滿一碗。內有青椰菜絲丶紅椰菜絲丶鸡絲丶花生碎和醬汁，好吃。食埋呢個超飽。其實也加了$15蒸粉飽，但忘了拍照。這下午茶我們是當晚歺吃的，兩個人合共不用$130，就已經好滿足。必定再來。

今晚行開路德圍, 入左去呢間越南餐廳開餐。入到餐廳, 俾個天花板吸引住, 因為佢掛左好多草帽喺天花裝飾。燒牛肉濱海 $45濱海是越南話，即煎米粉餅的意思，做法是要把散開的米粉煎成一個餅糰的樣子，越南人都把它當成小吃。燒牛肉香茅味濃郁，配埋一齊食，好夾。越式串燒雙拼 (牛肉+雞肉) $88調味幾好，肉沒有過份“鞋”，略嫌沙嗲汁過 “稀”。牛油蒜蓉雞翼 $45牛油蒜味撲鼻而來，香脆可口。邪惡，但極好吃。椒鹽軟殼蟹 $72即叫即炸，軟殼蟹外脆內軟。味道有一點點鹽酥雞那種鹹香。蟹頭膏炒高麗菜 (椰菜) $52椰菜爽脆，蟹頭糕香濃惹味。越式滴漏咖啡 $30咖啡非常濃郁，與煉奶中和後好好飲。整體價錢合理，環境舒適。值得ENCORE!

是日難得早放工一枝公去行下適逢同事介紹呢間越南野幾出名又抵食還掂都要醫肚一於過黎吃下啦！越味王位於路德圍雖然距離荃灣站比較遠但有「天空之城」之稱既荃灣可謂四通八達！由A1出口直行沿住南行天橋過黎都算方便呢度環境裝修簡約配合擺設裝飾亦幾有特式風格而呢度晚餐都有唔少選擇眼花撩亂下最後我揀左生牛肉湯河、雙拼越式串燒同埋椰汁珍多冰生牛肉湯河份量夠哂大河粉食落亦好爽口唔會一夾即散生牛肉直接用滾湯淋熟再配上清甜既牛骨清湯帶出雙重牛肉鮮味！雙拼越式串燒雙拼有雞肉同牛肉各三串兩款肉都醃得好入味燒得剛剛好唔落都嫩滑唔韌亦鎖住肉汁配沙嗲醬一齊食亦係一流！椰汁珍多冰椰汁夠香濃夠哂香滑「珍多」亦俾得好多好足料！大滿足飽住肚皮走🤤一個人食左咁多野睇黎要行多陣消化下先啦🤣

因為好耐冇食過越南嘢 今日黎荃灣路德圍試下呢間越南嘢嘅下午茶。下晝兩點鐘入到去已經見到好多人，幸好仲有位。首先嗌左一碗熟牛肉 豬頸肉撈檬 個豬頸肉出奇地好味！熟牛肉都唔錯 大大碗41蚊 值得一試。第二碗 番茄蟹膏湯濛 牛丸得一粒 生牛肉基本上湯底 生牛肉 同牛丸都好食 但係得一粒omg再嗌左個 鮮蝦牛油果米紙卷 都尚算可以。總括黎講都係抵食 好食嘅一餐 推薦

今晚系荃灣食越南菜，呢間越味皇餐廳有好多選擇，見到相片樣樣都好想食。越味皇火車頭湯河有：生牛肉，熟牛肉，牛筋，牛丸湯底好清甜，牛肉又香濃又大大碗。越式柚子鮮蝦沙律，有兩隻蝦大大又彈牙，好多柚子酸酸甜甜超開胃。牛油果軟殼蟹紙米卷，外層好薄好通透，可以看到包到什麼材料，有米粉和生菜，軟殼蟹炸到好香口，清淡的味道雜錦拼盆：香脆雞翼，蒸粉包好多餡，迷你蔗蝦好陣牙和炸春卷全部熱辣辣好香口。越式燒魚燒到皮脆肉嫩，又用左好多香料放落魚到燒燒到香噴噴，又帶出魚的鮮味，沾上醬汁更加美味。

臨時約左朋友去荃灣食食，事先無plan食咩，所以見到宜間餐廳門口有人排緊隊，又見到價錢都很合理，就決定食宜間啦。餐廳頂部佈滿船夫草帽，可以令人聯想到越南風味。未開始食野，都已經比環境吸引。餐單選擇都頗多，有埋食物圖令到成件事更加吸引。1.越式串燒（牛肉/雞肉）一擺上台，已經聞到陣陣燒烤味道，今次叫左牛肉和雞肉雙拼，都系我鍾意食既肉類。平時食串燒，都唔會點醬。今次自己不停點醬，醬料似乎有花生味，好夾串燒，令到串燒唔會越食越膩。牛肉有驚喜，師傅掌握燒既時間，掌握得好好，令到牛肉肉質保持彈性，唔會變得粗糙。2.雜錦拼盤 (雞翼，蒸粉包，蔗蝦，炸春卷)叫一份拼盤就可以一次過食到4樣野，岩曬想樣樣都試既我。surprise位係春卷竟然有少少辣味，但一瞬即逝，所以就算果日本身唔多想辣野，都忍唔住食多兩舊。蔗蝦的蔗都仍然保留甜味，食完外面個層蝦，可以咬下蔗。3.越式燒魚佈滿滿滿的香茅，眼睛即刻一亮。呢條魚唔會因為經過燒既過程，肉質變得很幹，反正保留魚的鮮甜味。加上有呢間餐廳的秘制醬汁，令到口感升華。醬汁酸酸甜甜，混有青檸的香味，胃口大空。結果，成條魚清曬。4.咖哩牛腩煲配蒜蓉包平時食咖哩，我淨系鍾意

聽聞荃灣呢間越南菜既生牛肉湯河整得都幾好食，可惜我每次黎到都非常多人，今日見人龍不太長，排左10分鐘就可以安排入座啦。餐廳環境都幾有越南feel，不過就略微逼左少少。生牛肉湯河第一時間當然要試下個湯先啦，因為湯底先係呢個河既靈魂所在，正！湯底清澈唔混濁，有牛香唔油膩，仲帶有少少香料味，確實不錯！牛肉味道較重，肉質具口感，牛味好濃。用筷子輕輕浸落d熱湯入面，七成熟放入口，嗒落有牛香。越南咖啡即係冰咖啡加煉奶，咖啡濃郁醇厚，略帶苦澀回甘，煉奶亦可以中和咖啡豆的苦澀和酸味，幾特別。

今晚簡簡單單， 想食清d ,呢到座位都幾多， 可以坐好多人， 唔怕等位✌🏻我自己就簡左自選配搭（$45）一款餸及一款麵及一湯底好抵👍🏻好大碗脆香雞翼雞清湯濛粉湯底好清， 但飲到濃濃雞湯味，雞翼熱啦啦， 好脆好入口😋頂級手砌牛柳湯河粉（$72）牛骨湯好清， 飲落又唔會’so’牛柳唔怕生， 熟得剛好👍🏻越式燒老虎蝦米紙卷（$68）呢到燒左後， 燒烤味好特出，好香，同米紙卷加生菜好Match🤤，做多一步， 味道唔同哂再加左魚露一齊食， 多一份鮮味越式燒牛肉串燒（$48）還有一陣陣香芧味因為我地一人一碗粉， 飲品有半價～好抵鹹檸七喜（$13）& 青檸梳打（$13）

越南菜真係食極都唔厭 其實寫呢篇既時候荃灣既越味皇確實大件夾抵食我岩岩又食左第2次 因為媽咪想食越味皇火車頭湯河$68即是每款配料都有 可以滿足心多多 有選擇困難症的各位其實每次我都會先將牛肉放入口 最直接最快最簡單方法知道到底呢間餐廳合唔合格 首先湯味濃郁牛肉有肉汁 鮮味 夠份量抵食一個男人都絕對夠飽夠食而且湯河配 椰汁珍多冰只需要加$14 抵!咖哩牛腩煲 配法包 $78牛腩煮得夠淋 入味 咖哩唔會太辣非常夠香 重點配上法包 可以將所有汁通通放哂入口真係食多幾件都唔怕炸蝦餅 $56有口感 唔會淋PAD PAD! 配上小小蔥花點綴一下增加香味 同樣份量都係大大件 超值抵食