越一越南牛肉粉專門店 (已結業)

今日去左黃大仙探親, 之後去左附近舊區搵野食, 對呢到舊區唔係好熟路, 行過對面見到呢間越南野, 望左menu都幾抵食就入去原先諗住要火車頭share, 加春卷雞翼既我地坐低後發現有二人餐幾抵食, 仲有齊我地本身想食既野, 於是叫左個二人餐C先黎左個上湯蘿蔔, 味道清甜, 蘿蔔好淋又無渣牛油雞翼, 蒜味濃郁, 外皮超脆, 加埋炸蒜片食, 非常香口雞翼就算擺耐左, 雞翼都無滴哂油, 依然保持香脆 春卷, 餡料豐富飽滿, 一樣炸得好脆, 跟埋新鮮生菜, 酸蘿蔔絲可以包住春卷黎食, 食法正宗可以將春卷點埋佢個魚露黎食, 個魚露幾特別, 辣辣地, 有似D加左辣椒醬咁, 幾惹味二人餐係每人一碗河粉, 可以揀生牛肉, 牛坑腩片, 雞絲扎肉, 香茅豬扒, 香茅雞翼我要左牛坑腩片河粉, 同等價錢有得揀牛坑腩, 係外面餐廳通常都要多幾蚊先有坑腩牛骨湯底清甜又唔油膩, 又無味精, 加上唔同香菜, 令牛味顯得更豐富牛坑腩份量多, 大部份都好軟腍又有咬口, 但有一塊較韌老公就要左香茅豬扒河, 豬扒係另上肉質鬆軟又入味, 煎得好香口餐飲可以跟$18以肉飲品咸檸七都叫到, 抵飲另一杯叫左熱既咸柑桔水, 味道少少咸