赤丸製麵所 (已結業)

昨天和友人牛餐時來apm的赤丸.已見外面排晒隊。但服務員效率好好,在排隊時已幫你下單,等左大約15分鍾就有得食裹面不大,大約25個位左右,幾迫我同友人叫左2個大冷烏冬 $17 再加吉列豬扒 炸雞翼 玉子 牛肉薯餅小食全部~ $65炸得好香好脆,但太多油烏冬尚算ok 但不夠彈牙總算不過不失!但其他飯.烏冬餐比較唔抵食,可以自助針水每人消費大約 $45

今日行過見到今次無上之咁多人排隊，去試試吧，原來裏面座位不多，還是半自助形式(自己斟水)，我叫了香葱雞扒烏冬、炸魚餅、天婦羅茄子及餃子，三十幾蚊一碗的烏冬算係咁，但餃子、烏冬略油膩，怕油膩的我覺得麻麻，因為價錢合理，如果要求唔高，其實算不過不失...

試了它的咖哩冷烏冬，味道淡淡的，吃了一半才覺得咖哩味，正恰到好處，但要留意它的麵身較幼，與店內的普通烏冬不同但煎炸小位好似過火位，好油，但都唔夠脆所以其實不太飽，但因為太油膩，滯住滯住要去吃糖水中和一下都會畀"好"，因為冷烏冬真係正

很久沒有打食評了...是日沒有帶相機 所以沒有照片看來了這間店都有一段時間 一來價錢比較大眾化二來食物方面的選擇都很多...這間店在其他地區都有分店的...位於APM 內的水準很平均每次去到食也是一樣的美味"是日跟了媽媽,弟弟一起去,已經排了一條長長的人龍了..等了一會 各自叫東西我: 吉列牛肉薯餅 和一客冷烏冬媽媽:滑蛋蜆肉飯 SET弟弟:一客熱烏冬和一客吉列雞扒本人每次去都會只叫這兩樣例牌...因為我覺得冷烏冬比起熱烏冬更加美味加上附上的蔥花和芥末 味道非常配如果再加上少許辣椒油的話,更勝一籌。牛肉薯餅: 外脆內軟 ,十分鬆化加上淡淡的牛肉香。雖然牛肉的份量都不會太多吧媽媽的滑蛋蜆肉飯 味道亦都不錯,蜆肉十分鮮甜肥美加上洋蔥的香味令到飯馬上升華吉列雞扒 :賣相不錯,但略嫌不嫩整體上算不錯,每次都可以保持水準,這點值得一讚。服務方面亦可以接受吧"P.S 下次來的時間我會帶相機

今日出開觀塘，見有時間便去了 APM 的赤丸製麵所食烏冬，一丁友，等了十五分鐘便可以入座，見到大部份人都點了十元的冷烏冬再加幾個小食 share，但一丁友，沒有共享的心情，便簡單點了滑蛋豬扒撈烏冬($36)及厚燒玉子($12)近來非常喜歡食玉子，雖然材料只是煎蛋，但甜甜的味道、厚厚又鬆化的口感，真係好吸引，心目中暫以魚一丁的玉子製作得最精美，赤丸的玉子以價錢計算是合格有餘了，可以一試手打烏冬麵質新鮮，唯不算太彈牙，伴以滑蛋汁撈其實沒甚特別，但那豬扒的咬感完全出乎意料之外，滿以為是脆口的，卻剛剛相反，煙煙靱靱的，非常特別，推介!簡單的一餐日式烏冬，加了小食還不到五十元，看看 apm food court 的平均消費比這裡還高 (質素亦只是一般)，如果有時間的話，赤丸製麵所會是我 apm 云云食肆中的的頭幾位!

五月廿七日(二)今日下晝連見兩份工，見完工想見見老婆～　感覺到其中一份機會應該都大，所以食番餐好慶祝下，因為老婆有D病，所以揀左觀塘赤丸近近地～　閒日去到唔算太多人，大約十幾人等緊，唔使太耐就入座～Order：鴨胸滑蛋撈烏冬晚餐、細熱湯烏冬、厚燒玉子X2、鹵水蛋～鴨胸滑蛋撈烏冬晚餐($54)包括：鴨胸滑蛋撈烏冬、是日 咖哩/ 沙律/ 丼 &飲品鴨胸滑蛋撈烏冬本來想睇下仲有無滑蛋鰻魚，但已經無得賣，所以叫了新的鴨胸。一向對鴨胸的感覺都是一般，因為想吃撈烏冬才選，想不到味道比之前吃過的胸都要好～　鴨胸佢煮至半熟，可能因為咁唔會韌而且仲幾滑添，唔會似之前食過既肉質較實，配合埋滑蛋同烏冬非常美味～天婦羅炸蝦丼丼者，小碗也。估唔到跟餐連埋既都唔差，尼度天婦羅炸蝦其實算唔錯，炸得乾身蝦肉唔會無味，用料亦OK，比起炸豬扒或雞扒為佳。今次尼隻雖然跟餐但亦同之前水平相若，好食～　而丼中亦有較小見既天婦羅紅蘿白，味道都幾特別～　天婦羅青椒因為老婆同我都唔愛，所以放棄左～　個飯黎講就無汁只得紅色應該係僵絲黎餸飯，個人唔太鐘意～厚燒玉子(@$12)同平常一樣夠厚有口感同食到蛋既香甜，因為老婆病左唔叫炸野叫左兩

呢間店聽說很出名, 好鬼多人排隊, 所以今日專登早D黎試, 大約12:10到, 真係唔使排隊, 嘩, 入左去唔夠受5mins出面就開始排隊lu, 好彩^^呢間店ge價格ok平同d烏冬係人手打制ge, 所以都幾吸引嫁~~~我點了滑蛋雞扒撈烏冬餐, 包括滑蛋雞扒撈烏冬, 3隻餃子, 一罐汽水, 都係$38咋~~~先說滑蛋豬扒撈烏冬, d烏冬不算特別好味, d汁都幾濃味, 但d雞扒個吉列脆皮吃落太淋, 所以唔太好食, 總括而言, d野都幾普通, 不過勝在平lor!!d waiter放低兩個杯, 我地要自己針水, 不過都幾好, 中意飲幾多就自己針, 唔使等d waiter!!

今餐係我落機後同honey食既第一餐~ 咁多個月冇得見終於見到面, 我唔洗再食麵啦~ hee 食烏冬!!我地叫左吉列豬扒烏冬, 蟹肉烏冬同餃子一碟~ 除左蟹肉真係少到好似隱左形之外~其餘既都好好食! d烏冬真係煙un~ 個湯清得黎好夠味~ 諗起都想再食~排隊都要試呀!

這間烏冬店, 早一兩年前食過, 不過不在apm, 在觀塘另外一處記得之前所以能吸引我們二人的, 只有兩個原因, 價格特平和人手打制印像中兩年前光顧時, 最出名的是10元的淨烏冬, 但是座位不多, 人很濟, 人龍排到老遠的地方今次重臨apm的赤九, 看到淨烏冬己經漲價到$18, 看看餐單上其他的食品, 價格還是可以我們二人點了滑蛋豬扒撈烏冬, 天婦羅飯和一客牛肉薯餅先說滑蛋豬扒撈烏冬, 38元, 份量略嫌少, 烏各面質老實說不太懂吃, 但也不算特別好味就是了; 但豬扒吃上去太「林」, 欠缺了炸豬扒應有的口感再說天婦羅飯, $36, 就是天婦應有的口感, 但值得讚的是, 兩尾炸蝦吃上去口感很好, 鮮味得很, 吃完只想多吃兩尾蘿餅普通, $14, 份量算是中等

今日睇完戲, 去左呢間聞名已久既赤丸聽人講呢間野d 烏冬抵食又好味不過一試之後, 都係食完不如聞名食物方面叫左細湯烏冬,芝麻烏冬,吉列豬扒,茄子天富螺,同埋好似海苔,炸芝士雜菌球咁既野味道都算可以, 不過不失不過d 炸野就真係唔得, d 油多到得人驚因為d 油多到返光,女朋友用紙巾對住碟炸芝士雜菌球吸左幾下, 張紙巾變成油紙...吉列豬扒炸粉好厚食到成肚油, 好唔舒服烏冬就幾好食, 幾有口感環境方面都幾乾淨, 不過地方非常窄, 張抬好細我地叫左六樣野, 佢分開每樣一細碟咁上但係張枱細到放唔到, 搞到我都唔知點食好結果迫住快快口各食左半碟, 然後左夾右夾咁放晒係兩隻碟到, 咁先可以放到烏冬,食到野環境好差, 完全唔合格, 差過food court食得好唔自在服務方面基本上係無服務可言, 好似去左food court放低兩個杯, 水就自己傾啦要食野就自己係紙到畫低啦食物到左, 遞左俾你, 自己諗辦法放, 自己搞掂啦埋單自己攞埋張紙出去埋啦坐隔壁個女仔想叫野食,但係叫左好耐都無人理, 因為店員傾緊計自助形式, 無服務, 店員傾計多過做野價錢兩個人食左差唔多90食既野唔係好值感覺好似叫左好多野

平日, 人頭湧湧, 星期五, 下午2時多到, 見人不多, 沽且試一試.點了雞丸烏冬+丼. 雞丸味道普通, 把雞肉攪碎造成, 我連是不是雞肉都吃不出~_~, 也太咸了. 丼有蛋等, 也是非常普通.真不知道平時中午為甚麼那麼多人排隊...

四月十二日(六)因為老婆要返PARTIME，所以睇完戲無耐就返左觀塘APM，途中o念好去赤丸度買外賣食，老婆想食燒玉子、大湯烏冬及雞翼，原本o念住加多個大板王將天津飯套餐。但原來可放食物位置有限，只在王將多買一客餃子便算~買外賣時發覺$10/$17碗的湯烏冬和凍食烏冬只限堂食! 由於本人愛吃撈烏冬，所以點了親子滑蛋撈烏冬配燒玉子。雞翼則在KFC買，另加王將餃子一客~親子滑蛋撈烏冬($33)對上次食赤丸時老婆試了這款，發覺味道出奇地MATCH，而且雞肉和蛋的份量不了，比較好吃和抵吃! 是次亦保持水準，非常美味~! 但不明白為甚麼赤丸沒有滑蛋牛肉撈烏冬/飯這個配搭，有的話應該也不錯~厚燒玉子($12)三大舊，的確很厚，食落口感非常充實，蛋味香甜，非常美味~! 我和老婆每次到赤丸必叫~!四月十三日(日)老婆這天也想吃赤丸，於是買了外賣海藻湯烏冬和厚燒玉子，補償昨天吃不到湯烏冬。原來外賣只須等一會兒，比一些快餐店還快!總括來說，個人認為赤丸最值得吃的款式是親子滑蛋烏冬和燒玉子，其他很多的小食有些其實很普通，其他較好的還有天掃羅炸蝦、炸豬扒(不是吉烈)等...

四月三日(星期四)同老公番左黎喇!!又由日本食番黎香港!今次終於到呢度喇!諗住試下tea set,不過佢個tea set唔係咁吸引!似乎其他udon好似好d咁!我地本身點左凍udon,仲加埋炸物,點知又見到個dinna set,六點已經有dinna食!係U+W+DU係udon,老公要左個滑蛋鴨胸撈烏冬,都唔錯呀d udon不過d鴨胸咸左dd!W係個mini咖哩雞絲飯,都唔錯,不過個d雞絲冇mud味!D係coke!另外加左個炸魚餅,都唔錯呀!!佢地d udon 煙煙unun好好食架!不過好似加左價wor!

一而再再而三要延期既bbq最後都因為落雨而取消。令我最嬲既唔係無得玩，而係有人8點幾已經決定cancel，但直至11點先去通知人，仲要唔係個個都通知!!我要上左車，經第3人口中先知道!!激死我!!朋友仔有免費《我的最愛》戲飛，而佢又未食過呢間，所以決定黎APM。要左2個冷烏冬、牛肉薯餅、茄子帆立貝魷魚tempura。烏冬彈牙、薯餅外面香脆內裡濕潤、天婦羅的粉漿也頗薄。然而，很多餐具不是脫色就是很殘舊的樣子，店鋪是時候換上新餐具!

之前食過青衣果間, 女友唔講都唔記得星期六去九龍灣考試, 所以要plan定食咩, 見到咁多人食e間, 仲講到咁好食, 加上女友咁喜歡食烏冬, 咁就去試吓啦點知....我叫左名為XX辣牛肉湯烏冬1. 唔好食2. 麵: 咬落去個芯, 粉既...咁我去吉之島買個烏冬番去自己6好過啦3. 湯, 勁呀, 一放上枱, d香味同麻油味既出前一丁冇乜分別, 飲落去, 仲勁, 真係同麻油味既出前一丁冇分別, 味道, 唔敢講...4. 牛肉, 正呀, 同$48/位既任食邊爐有得fight, 一樣咁鞋女友叫左個吉列豬排湯烏冬(我冇乜點食)1. 都係唔好食2. 麵, 同上3. 湯, 差唔多4, 豬排, 完全唔名點解佢地可以俾一塊剛剛炸完既豬排放入湯度浸住, 唔通慳番隻碟? 其次, 豬排一d都唔吉"裂", 仲好煙"un"添, 我心諗"係大快活果皮..."兩個人一齊叫左個"牛薯餅", 都可算係個完未既感嘆號"!"1. 賣相, 一流2, 皮, 炸得ok, 個邊就特別厚左d (女友話, 有陣油溢味, 此乃番炸)3, 內涵, 正, 有薯仔味, 不過d牛味黎得未...個比例大概係9比1, perfect!總括黎講, 非常