賞島咖啡屋

营业中

休息中

約咗朋友到花墟買花後,係附近嘅賞島咖啡屋食午餐。店舖細細,但精緻,柔和嘅燈光,配上簡潔嘅裝修,令人有種舒服感。每張檯上都好有心思,放上小飾物,增添打卡美感。我哋每人點咗個餐同一杯飲品。🍝蒜油花椒蜆肉意粉意粉煙韌有口感,個醬汁除咗有忌廉香滑外,仲有蒜油香、蜆肉鮮味同少少辣,惹味得來又吾會好漏!蜆肉新鮮,都算肥美,冇沙!🐟西京燒比目魚兩大塊比目魚煎至外金黃,肉質軟嫩多汁,甜甜嘅醬汁帶出魚肉香甜,就咁食已經够味,點沙律醬就多重口感!一片一片嘅魚肉,完全無骨,適合我哋想食魚又怕被魚骨刺嘅😻😻 🍵綠茶latte 一樣嘅飲品,不一樣嘅可愛拉花。聖誕老人好配合節日嘅來臨。飲品香滑帶點淡淡嘅苦澀甘味,吾會太甜。食飽休閒地慢嘆杯飲品,回味一下食物嘅味道,完全吾覺得自己身處於熱鬧嘅太子。