貴德宮私房素宴

营业中

休息中

潮流健康素食，老板要求所有員工有個健康嘅身體好好工作，所以今年員工聚餐改為素食，叫我搵一間人可容納多人的素食館，在朋友推介下，原來係間私房菜，Omakase 模式，實在太好了。不用想，菜單上有冷頭盤，小點心，煎炸物，湯，炒餸配飯，仲有佢哋嘅椰香咖喱好出色配嘅法包又好好味，8餸1湯後再上甜品和糖水，實在太豐富。塲地方面，他們由每枱有屏風隔開的變成一個可容納我公司80人的空間，夠晒靈活，發相片比老板睇，馬上通過，今次執行了完美的任務，倍感開心。

剛過去的初一，素食朋友介紹來到灣仔克街的「貴德宮」用餐。店內的裝修簡約雅致，融合了中式元素，大部分桌子都用竹板做屏風，營造出一種寧靜、雅緻的用餐環境，讓每個客人都有自己的私人空間。貴德宮在8月剛換了新菜單，菜品款式及做法非常豐富。「翡翠千色拼盤」這個冷盤採用了爽脆的拍青瓜、柚子、皮蛋、子薑等食材，酸酸甜甜，非常開胃。「翠映金元寶」把翠玉瓜、蛋白、雞脾菇、素蟹柳做成元寶餡料，配以西蘭花打成的湯，既美觀，口感也很豐富。「照燒釀金葫蘆」把素魚柳釀進意大利翠玉瓜，加點沙律醬，帶有些許燒烤的口感；「芝香磨菇批」將素火腿、粟米、薯蓉做成拉絲芝士撻，頗具創意。「姬松茸養生濃湯」湯頭清潤，香氣撲鼻；「椰香咖喱素雜錦」的肉丸十分逼真，增添了餐點的口感層次。「甘竹銀絲卷」內餡包含了木耳絲、甘旬絲、素火腿絲、粉絲、蛙蛙菜等多種素食材料，層次豐富。由蘆荀苗、百合、灯籠椒、素海參組成的「百寶海參花錦繡」和「蟲草花油扒菜苗」都是精心製作的時令蔬菜佳餚。甜品「石榴桃粒果凍」外表漂亮，口感清新，鮮磨合桃露入口順滑，為整個素食宴會劃上了完美的句號。

入到餐廳見到好多枱都用屏風分隔開 私隱度甚高 店入面擺滿字畫充滿詩意 今次呢餐素食私房菜有成十道菜式十全十美 份量都好夠 我幾欣賞其中一道菜就係椰香咖哩素雜錦 入面有豆卜、椰菜花、齋牛丸齋鱼旦等 牛丸同魚蛋質感同味道都做得好似 唔講真係以為自己食緊真牛丸同魚蛋 配埋法包可以沾埋咖哩汁食唔浪費百寶海參花錦繡 啡色嘅齋好脆口 蘆筍好嫩 仲配了碗藜麥飯好餸飯甜品都有2款分別係石榴桃粒果凍用咗玫瑰花造形呈上 果凍彈牙入面有石榴肉 微甜幾好食 另一款係合桃露好香合桃味夠香滑

偶爾約左食素朋友會試試素菜餐廳. 今次同佢黎左呢間私房菜, 古息古香, 有掛字同排畫素食餐廳 - 貴德宮每晚菜單未必一樣,翡翠千色拼盤由酸薑、青瓜、涼拌粉皮和皮蛋組成映翠金元寶以甘荀製外皮包著白菜餡嘅餃子, 湯係西蘭花湯底照燒釀金葫蘆其實用左黃色彩椒竹, 燒過甜甜地, 上面素肉加mayonnaise 芝香磨菇批批熱辣辣好香脆, 咬開會有牽絲cheese甘竹銀絲卷入面係蔬菜, 以腐皮包住, 似酒樓點心松茸養生濃湯湯很足料帶松茸香梛香咖喱素雜錦比平常咖喱帶更重椰香, 有豆卜粉粉薯仔, 仲有素貢丸, 食落同真嘅好似, 配左脆法包食唔錯百寶海蔘花錦繡配左配紫米飯蟲草花油揚扒白菜甜品鮮磨合桃露濃稠唔會太甜, 甜品石榴桃粒凍refreshing

幾年前食過一次，食物水準及環境覺得唔錯。今天再有機會到來一試，以素食餐館來講，食物款式幾有特色，食物水準係平均之上，幾好食。就算唔係素食愛好者，有機會都值得一試。

最近和朋友相約來到這家富有清雅氣息的素食餐廳 - 貴德宮。 餐廳裝修古色古香，讓人很舒適的感覺。朋友早為我們訂好菜單，首先來了「鰻月花卷千色拼盤」由壽司卷、涼拌粉皮和蕃皮蛋組成。喜歡壽司卷，內有包著素鰻魚，吃起來味道和口感真的有點像真的鰻魚。翠映芺蓉餃以甘荀製作的外皮，包著白菜餡料綠色湯底是西蘭花湯，味道清新！月光寶盒炸芋頭外層香脆，內層軟腍，點上冰梅醬吃味道更佳，減低了油膩感。照燒釀水果椒不同顏色的彩椒賣相相當吸引，看到讓人心情很快樂！釀了素紅肉，吃起上來完全不懷疑是素食，很好吃！芝士焗黃金茄子泰國小茄子鋪滿芝士，一口就能吃掉，很Juicy我能吃上三四棵！粉葛牛大力養生湯湯頭很足料，冬天喝一碗立即感到和暖。梛香咖喱素雜錦和平常的咖喱味道很像，這個椰香更出眾。雜錦除了有豆卜和薯仔，更有素牛丸，值得一試。紫蘿花錦繡素食版咕嚕肉，以麵筋取代豬肉，味道酸酸甜甜很開胃。最後以鮮磨合桃露和甜品石榴桃粒凍作結，很滿足的一餐！

今晚同朋友去咗灣仔貴德宮私房素宴食飯，餐廳位置方便，有電梯直達，環境舒適整齊，枱與枱之間有屏風間隔，仲有摺凳方便擺嘢。我哋叫咗套餐，有三款菜式，分別係照燒釀茄子、芝士焗彩菌批同椰香雜菜咖喱。照燒釀茄子嘅茄子燒得好入味，茄肉軟嫩，釀料嘅口感豐富，配埋照燒汁一齊食，味道好夾。芝士焗彩菌批嘅彩菌夠爽口，芝士焗得好香，咬落去芝士拉絲，好有滿足感。椰香雜菜咖喱嘅咖喱香濃，雜菜煮得好入味，食落口感豐富。菜式都好精緻，味道一流性價比高。套餐有唔同嘅選擇，可以按自己嘅喜好去選擇。如果想食多啲嘢，可以加配小食或甜品。

-貴德宮私房素宴 🥬一向都係食肉獸既我 係朋友既誠意推介下去左呢間位於灣仔既素菜私房菜試試🥬餐廳位置近電車站 好易就搵到上去環境古色古香 每眼枱都有屏風做間隔私隱度高 而家座位空間都好闊落舒適~私房菜特別在於菜單會係廚師預先設計唔洗自己揀食咩 一坐低就可以直接上菜當晚總共食左11道菜 第一次食素菜都覺得幾滿足呢💚🥬鰻月花卷千色拼盤前菜拼盤內容物非常豐富 分別有：+ 涼拌粉皮 - 用麻醬將珊瑚草 青瓜 柚子 木耳 豆乾撈勻+ 荷蘭蕃茄配皮蛋 甜甜鹹鹹的+ 壽司卷 ：卷有醃蘿蔔 素鰻魚 口感較為鬆軟🥬翠映芙蓉餃橙色餃子皮係用左甘荀造 包住白菜餡料 配搭西蘭花湯 整體顏色鮮艷 係健康既味道~🥬月光寶盒其實係炸芋頭 芋蓉入面有素叉燒 + 翠玉瓜粒 + 薄荷碎點上冰梅醬 食落唔會好膩 芋頭味最為突出 仲幾有口感🥬照燒釀水果椒其實係水果椒入面釀有素紅肉(aka 素火腿) 配柚子醬素紅肉口感上都真係幾似食真肉 食落酸酸甜甜的🥬芝士焗黄金茄子用上泰國茄子 小小圓圓一粒 食落脆口 本身帶有微澀味用菇皇醬同鹹蛋黃做調味 再淋上芝士黎焗 都幾香口🥬花好月圓賣相係好似一粒大湯圓 其實係用水晶皮做既餃子煙韌微

餐廳裝潢古色古香，餐枱一張張分隔好，私隱度高，可以好好同朋友邊享受美食邊傾計。食物方面，菜單由廚師預先設計好，有啲菜名幾特別，整個套餐有11道菜。 鰻月花卷千色拼盤呢個前菜分別有卷物、涼拌粉皮及蕃茄拼皮蛋。卷物餡料用素鰻魚及醃蘿蔔，素鰻魚質感幾鬆軟，而涼拌配料有青瓜、柚子、珊瑚草粒粒、素鰻魚等，口感好豐富。😛 翠映芙蓉餃顏色好鮮豔，餃子係白菜餡，而餃子皮用甘筍汁做，再將餃子放入西蘭花湯。 月光寶盒呢個名好有趣，其實係炸芋盒，炸到外脆內軟，芋蓉好軟滑，好食。😊 照燒釀水果椒用素紅肉釀入彩椒，再配上酸甜柚子醬。 芝士焗黄金茄子用泰國迷你茄子烹調，面頭鋪滿芝士，同時帶點鹹蛋黃及菇嘅味道。 花好月圓非常有詩意嘅菜名，賣相有啲似特大湯圓，外層嘅皮比較厚身，入面餡料幾多，有菇同菜粒，配搭甜甜地嘅桂花汁又幾特別。 粉葛牛大力養生湯粉葛湯幾足料，仲有茶樹菇、赤小豆等，飲落帶少少辛味嘅後勁，好暖身。 椰香咖喱素雜錦配料好豐富，有豆卜、素牛丸、薯仔等，素牛丸像真度好高，而咖哩味道好濃郁，椰香味幾出，好食。👍 紫蘿花錦繡呢道菜有啲似無肉版本嘅咕嚕肉，取而代之用咗麵筋，食落帶點薑味。 白玉靈菇扒菜苗菠菜苗及白

素食款式特別，不需要扮肉的材式，就是素得起的配搭，食得出是用心機做的小菜，令常吃素食的人都有新鮮感！中式餐廳，每張枱都有屏風相隔，食得自在，可以慢慢坐慢慢品賞食物

位置方便，有電梯直達 👍👍👍環境舒適整齊，枱與枱之間有屏風間隔，仲有摺凳方便擺嘢 👍👍👍招呼好好，好多細心位，成日留意個茶壺駛唔駛加水 👍👍👍所有菜式好精緻，擺盤，味道，食材 😋😋😋完全感受到廚師用心製作，價錢合理 👍👍👍最緊要我家兩位小朋友邊食邊讚，我就安心 + 放心了 😏😏😏下次會試晚餐 🤭🤭🤭

朋友於Openrice 訂座，有三個月沒來，可以再次來臨非常開心，味道不變非常好味，款式跟上次有點不同，餐廳員工服務還是這麼熱情，－般我都係晚上來，晚上氣氛很好，但中午比晚上安靜些，正好跟朋友聊天感覺特別舒。有個菜式是粒荔枝，這個要推介一下比大家。

不要以為素菜就只是清淡無味、缺乏層次的食物。在香港，有一家素食餐館經過三十年的砥礪和堅持，成為了無數食客心中的素食殿堂—貴德宮私房素宴。中國素食的歷史源遠流長，早在秦漢時期，就有僧道修行者實踐素食。而中國的宗教文化，如佛教、道教等，更讓素食烹飪技藝不斷發展，形成了各具特色的素食菜式。時至今日，素食菜式與時俱進，演化出精緻如fine dining、素肉漢堡、素食自助餐等等。走進貴德宮，你會驚訝於這裡的菜式之豐富和精緻。從前菜的精美前菜、主食、小炒和甜品，每一道菜都充滿驚喜。若要揀選一道最值得稱讚的菜式，我會選大家看到都會掉眼鏡的平凡菜式-炒青菜！無論是第一次來品嚐的豆胚，還是這次的芥蘭苗，都讓人感受到鮮嫩而美味，作為城市人的我們實在難以吃到。能夠嚐到如此優質的蔬菜，真是難得一見！當然，貴德宮的其他菜式也同樣美味。每一道菜都展示了廚師的巧手技藝，卻並未過分雕琢。貴德宮的素食不僅令人滿足，更是對中式素食歷史文化的傳承與發揚。期待再來品嚐其他新菜式。

由廚師親自設計套餐菜單，隨機安排齊人就上菜非常創新嘅素食用餐概念, 令人意想不到嘅美食體驗，絕對值得一試聽聞差唔多每次去食啲嘢食都會有少少唔同架好期待下一次！！！

朋友相約午膳，才知灣仔有間素食私房菜。本身對素食感覺還好，沒有期望下初嘗這間菜館。環境乾淨，地方寬頻，我們坐的枱都有屏風相隔，私隱度高，感覺舒適，職員友善。到了不用點菜直接上頭盤了，涼拌菜、素卷物、鍋巴、焗蛋等，感覺較熱氣，主菜有咖喱、素肉丸，甜品是南瓜mousse, 可惜沒有一樣印象深刻，整體算不過不失。打正私房菜旗號，人均成$250，就真係貴了。