貓員外酒吧餐廳

营业中

休息中

位於銅鑼灣30樓露台，景觀開揚，非常舒適，飽覽獨特嘅香港夜景，好適合三五知己坐低傾吓偈，或者節日慶祝，影相打卡都非常出片。食物味美，推介「北京填鴨pizza」👍，呢個比薩嘅口味非常獨特，有中西合璧嘅感覺，餡料包括鴨肉片、青瓜絲、大蔥，配合正宗嘅北京填鴨醬汁，非常惹味。除此之外，香辣烤鴨意粉同樣惹味，意粉爽口彈牙，配合勁辣嘅醬汁炒過，非常香口，鍾意食勁辣嘅朋友，千祈唔好錯過。手工啤酒有多款口味，每杯味道獨特，全部有調酒師精心炮製，試飲手工啤酒套餐,可以任意選擇六款口味👍。每款啤酒都有自己獨有嘅名稱，非常特別，例如：「花魁」、「星仔」、「土豪」、「似曾相識」等等。出嚟飲嘢必須配合小食，推介炸薯條，配合千島醬，脆卜卜，非常香口。

銅鑼灣超正嘅天台酒吧！？真係要推介畀大家！✨呢度有靚景睇、又有美酒美食，CP值高到爆😍！最正係有超多款自家手工啤酒🍺，唔飲啤酒都唔緊要，紅白酒都有得揀🍷。8點前Happy Hour，多款飲品$58起，抵到爛！食物方面都好有驚喜，呢個芫荽牛披薩真係勁好食，絕對可以媲美出面$200嘅高級意大利餐廳，但價錢只係一半，性價比爆燈🔥！另外香辣油封鴨意粉夠香夠惹味，爆炸薯仔用咗雲南麻辣調味，食落超爽，做下酒菜一流！想搵個地方同朋友傾計chill吓，記得bookmark呢間啦！

呢間係銅鑼灣嘅樓上bar 好適合朋友聚會或隨意小酌如果坐outdoor 可以望到維港之餘又可以望到馬場個邊📍啤酒方面嗌咗個6杯tasting set分別係Jasmine wit，Berlin Calling，Lychee oolong，Grape gose，Golden dawn，Star boy最推薦佢地fruity味道嘅啤酒 水果味突出之餘又唔會太甜 飲落好fresh 而且店員好細心將啲啤酒跟番由淡至濃咁擺 可以跟番個次序飲📍黑松露雜菌薄餅一上枱黑松露的味道勁香 薄餅的餅底薄脆 配埋豐富香氣的雜菌和濃郁的芝士 口感層次豐富📍香辣油封鴨肉意粉今晚最鐘意嘅菜式 鐘意食辣嘅必叫！ 鴨肉選用油封的做法肉質嫩滑且有深層的香氣帶一點鹹香的油脂感 辣味可以減少油膩感之餘 食落都更惹味 意粉煮得唔會太淋 帶少少煙韌 📍番薯薯條番薯薯條炸好酥脆 帶著自然的番薯甜味 冇過多調味 簡單灑了咗啲鹽 配埋特製醬料一齊吃 送酒一流

今日我去咗一間環境超靚的酒吧餐廳，呢度設計得好有格調，燈光柔和，而且係極高層，可以一覽真係好適合同朋友聚會。今次我哋點咗幾道好味的菜，仲有幾杯精釀啤酒，食完之後真係心情好好！首先，我哋試咗瑪格烈達pizza，呢個pizza真係超正！餅底薄脆，番茄醬味道新鮮，芝士加得剛好，搭配上新鮮嘅羅勒，味道層次分明，每一口都令人驚喜。真係一個唔錯的選擇，肯定會再點！接住就係炸蕃薯條，蕃薯條炸得金黃酥脆，外層香脆，內裡軟糯，而且蕃薯仲好甜，食落好正!最後，我哋試咗肉醬意粉！意粉好彈牙，肉醬好濃郁，味道香醇，搭配上刨得細細的芝士，而且每一啖意粉都掛到肉醬，黎到呢到一定要試飲品方面，黎到酒吧點會唔飲番杯酒，呢到仲有得叫taste set，可以一次試六杯精釀啤酒，先黎一杯Pale Ale，味道清新，帶有一點果香，非常適合開胃然後就試咗一杯酸啤，味道酸酸甜甜，有少少山楂味，唔係好多地方有得飲酸啤，可以解下癮另外，仲有兩杯果啤，果香味十足，飲落去好舒服，甜甜地好岩女仔飲最後兩杯IPA，味道濃厚，啤酒花的香氣非常突出，好香好好飲總括來講，呢到係一個好地方，環境靚，食物美味，啤酒選擇多，每一樣都好出色

🔖位於銅鑼灣ZING!30樓天台酒吧餐廳自家研製嘅獲獎精釀啤酒，由果味、花味、清爽手工啤酒，去到無酒精嘅酒花梳打水一應俱全。食物方面有Pizza、意粉、小食選擇。餐廳有室內＆半露天座位，坐得舒服👏🏻好啱一大班朋友仔聚餐relax😉❥ 手工啤酒品鑑套餐 6杯*120ml▪️秀才(Cadet Golden Ale, OG 9.5°P | ABV 3.7%)麥芽釀成 入口清爽 帶有麥芽嘅香味同微微嘅啤酒花苦味 ▪️土豪 (Hawthorn Kolsch, OG 10.5°P | ABV 4.0%)入口好清爽 加入山楂乾冷泡增添口感 食落十分酸爽💚▪️ 花魁(Jasmine Wit, OG 12.5°P | ABV 4.9%)帶有淡淡嘅茉莉花香 入口微酸 🌾小麥嘅味道好清新▪️桃寶（Peach Wheat, OG: 14.0 | ABV: ≥ 4.5%）好香桃🍑味 清爽甜口 酒精濃度唔算高 啱晒女士飲▪️柏林召喚（Berlin Calling, OG: 10.0 | ABV: ≥ 4.0%）青蘋果🍏嘅酸度加上栗子🌰嘅果香平衡 仲有酸麵包嘅香氣 酸酸甜甜的 幾容易入口▪️ 侍朗（Double Chocola

酒吧在大廈天台，可以睇到銅鑼灣夜景，可惜今日落雨，只可坐室內。而室內環境都幾有氣氛，一路聽住音樂，一路傾計食嘢都幾舒服。酒吧餐廳主打手工啤酒，由淡至濃都有。而嘢食選擇都ok喎，d小食都幾啱送酒。另外仲有pizza同意粉，都幾啱食。最後我哋叫左1 set 6杯唔同味道120ml 手工啤，另外就小食、pizza同意粉各一。花魁：同一般啤酒差唔多，酒精含量較低，口感清爽。桃寶：果味較重，桃味濃，好啱女仔飲。小二：有d似黑啤，味道唔算太苦。星仔：苦味比小二強，同樣有果味。似曾相識：苦得黎帶唔同果味，有好層次感。待郎：咖啡味香濃，酒精最高，但我就最鐘意。爆炸薯仔：薯仔炸得香口，口感外脆內軟，另外仲有辣肉腸，辣味十足，係麻辣風味，越食越惹味，要嚟送啤酒就啱曬。卡邦尼意粉：醬汁好濃好creamy，撈得好均勻，睇得出好有心機去煮，好味。北京烤鴨薄餅：pizza餅底烤得好香，同印度烤餅一樣，鴨胸油脂豐富，面層有青瓜粒同京蔥中和返油膩感，另外佢用左甜醬做底醬，整體味道甜甜地，中式餡料crossover西式薄餅，出奇地match同好食。

今日黎到銅鑼灣飲野試新野，黎左呢間「貓員外」試佢啲精釀啤酒，估唔到又真係幾好飲餐廳室內外都有得坐，室外可以高空俯瞰香港景色又幾好Tasting set可以揀6款craft beer，由淡到黑排好晒，中間款式都好多。有幾款比較特別既真係要讚下：桃寶飲落甜甜地好清新，平時唔係點飲開啤酒既朋友都好易入口，味道真係唔差侍郎亦好出色，原來係coffee stout，真係有咖啡味但又唔會cover晒啲麥味，有啲似日本既珈琲酒，好好飲！野食方面都唔差，爆炸薯仔調味得好足好多調味料，仲有啲火腿配埋一齊食夠晒濃味，作為佐酒菜一流北京烤鴨pizza又係特色野，pizza即叫即製熱辣辣，薄餅底先加一分，底下醬汁甜甜地，面頭烤鴨肉質軟稔又幾夾做pizza香辣油封鴨肉意粉，意粉好彈牙入味，唯一要彈係真係好辣，好彩有啤酒飲下，食得超級過癮！

環境好 氣氛好 天氣好 食物好銅鑼灣頂樓酒吧餐廳餐廳劃分左一半露天一半室內區域露天位置有一幅紅色磚牆磚牆印有貓貓表情圖案 線條簡單可愛露天景觀遠眺海景預上天氣好 冇落雨 有微風 幾舒服適合同朋友/ 情侶黎傾計談心假設落大雨 亦可到餐廳室內位置星空Bar枱設計 仲有"流星"睇tim酒類飲品有十多款手工啤酒由Light > Fruity > Hoppy > Dark餐牌有標示酒精濃度參考想一次過試多幾款 有Tasting set 6杯120ml $138佐酒小食番薯薯條 $68熱lala 脆卜卜保留番薯甜味10" Margherita Pizza $118瑪格麗特薄餅餅皮口感同番茄醬調味perfect芝士有拉絲效果加埋羅勒 畫龍點睛可以連續食3塊既PizzaCarbonara 卡邦尼意粉 $98雖然只有3款意粉選擇但質素有水準 不論配料 味道 口感所有食物上枱都熱lala由於坐係室外位置 食物溫度會加快變凍另外室外位置對吸煙者友好 連店員都chill住食

今晚去銅鑼灣揾朋友，順便想去間天台酒吧chill下，就上網揾到呢間。酒吧位於Zing! 的30樓，最高個層，可飽覽港島區嘅高樓大廈，仲睇到維港嘅景，有室外同室內位置。見到好多種手工啤酒已經心心眼，原來係佢哋呢個品牌自己研發同生產嘅手工啤酒，喺每樣都想試嘅情況下，竟然佢有Tasting Set，可以喺個手工啤酒嘅list度揀六種去飲，每杯120ml。我哋揀左三款比較淡口，分別係秀才、土豪、花𣁽；一款中間口味的桃寶；同兩款比較濃味啲同酒精濃度比較高嘅啤酒，星仔及似曾相識。我個人最中意花𣁽同桃寶，花𣁽帶有淡淡嘅茉莉花味，而桃寶就有好香桃的果味，兩款都係好適合女仔飲。而如果中意重少少花味的可以揀星仔或者似曾相識，都係有好厚實的口感。食物方面，叫左個小食爆炸薯仔，炸香咗嘅薯仔，再加上辣肉腸，再用麻辣去再炒香調味，食呢啲再飲啤酒真係perfect match。😍😍北京烤鴨pizza 呢度係10吋size 的pizza，一拎上手熱辣辣，入口先係爽口的青瓜粒同京蔥，再加上鴨胸同甜麵醬，好開胃，而且佢個pizza 邊做到好煙鏟，好食。卡邦尼意粉好夠creamy，每條意粉都俾醬汁包住，意粉口感做到剛剛好。

今天和朋友在銅鑼灣時代廣場一帶行街和食晚餐。朋友喜歡飮酒吃西餐，話有附近有一間很有特色的食肆，一次過滿足哂要求！酒吧位於耀華街38號 Zing 30樓，境觀一流，夜景真的很美！先來一set手工啤酒🍻花𣁽🍻這款啤酒帶有花香和果香，口感清新。🍻待郎🍻帶有麥芽的甜味和輕微的苦味，層次感豐富的啤酒。🍻葡萄熟了🍻這個款啤酒加入了葡萄，有明顯的果香和微甜的口感，適合喜歡果味啤酒的人。🍻星仔🍻清爽的啤酒，帶有輕微的麥芽和啤酒花香气。🍻小二🍻適合喜歡傳統啤酒風味的人。🍻似曾相識🍻有懷舊的風味，有麥芽、焦糖和輕微的苦味。芫荽香辣牛肉薄餅薄餅外皮酥脆，内裏的香辣牛肉和芫荽很配搭，香料味濃，有層次感！ 集香辣、清新、酥脆多種味道，不錯！香辣鴨腿意粉麵條有嚼勁，非常好食，冇諗過喺酒吧都可以食到呢一個級數嘅意粉，我覺得非常好食朋友都非常鍾意！送啤酒簡直係一流！鍾意食嘅朋友不能錯過！香酥洋葱圈份量不少, 炸得外酥内脆, 酥脆的外壳，内裏的洋葱保持多汁鮮味。調味的汁料，酸辣開胃, 不會油腻！餐廳整體感覺很不錯！尤其是露天酒吧, 環境很舒適,適合一大班朋友聚會飲酒！ 食物製作得很有水準, 最重要性價比高,價錢便宜！

Long weekend 搵朋友chill下佢帶我嚟ZING!呢間天台酒吧喺Times Square後面2條街 少少隱世貓員外呢個名好特別好易記上到去有室內室外位置室外勁chill勁有feel咁啱呢晚冇咩風 即刻揀個望到海景嘅靚位坐低微暗嘅燈光加埋藍色燈嘅吧枱 有情調！7點幾已經有好多人食緊嘢飲緊酒 好旺場Menu選擇都算多啤酒仲有tasting set6杯都只係$138 可以試唔同口味嘅手工啤性價比好高！由輕身到重口味嘅都有請店員推薦 揀咗幾款試試😆秀才、花魁：酒味較淡 帶少少花香 酒精度較低柏林召喚、葡萄熟了：帶果香 果汁味較重 甜甜地 容易入口 好啱女仔飲星仔、似曾相識：IPA啤酒花味較重 酒精度較高 我最鍾意似曾相識🥰飲酒之餘當然要叫啲送酒小食香酥洋蔥圈$68新鮮炸起 熱辣辣上台就聞到勁香 食落去炸粉啱啱好唔會太厚份量都幾多 送酒一流黑松露雜菌薄餅$108即叫即焗 又係勁香薄餅有厚度 食落去酥軟 黑松露味道勁濃 加埋雜菌係絕配黑松露同雜菌份量好多 啖啖都食到好開胃 食到停唔到口香辣油封鴨意粉$108炒得好香顏色好靚 食落去都有少少辣 紅椒嘅後勁都幾強鍾意食辣嘅朋友必點！油封鴨好

A Delightful Western Dining Experience in Causeway Bay 🍝🍟🍺Nestled in the bustling streets of Causeway Bay, this charming Western restaurant is a hidden gem for foodies and beer lovers alike. The menu is a perfect mix of comfort food and unique craft beers that will leave you wanting more. Let’s dive into the highlights! First up is their **Carbonara 🍝**, a creamy and indulgent pasta dish that hits all the right notes. The al dente spaghetti is coated in a luscious sauce made with egg yolk, Parm

今日同朋友去酒吧餐廳飲酒食晚餐，這間酒吧嘅啤酒非常多款式，有好多種不同口味，來飲酒傾偈真高興，仲有歌曲聽，我哋選咗六款啤酒來飲，仲叫咗個小食來飲啤酒，之後就叫埋個意粉同薄餅來食晚餐。這間酒吧餐廳有戶內戶外，枱凳擺得整齊，令人坐得舒服，店員有禮貌服務態度好，價錢又唔貴，今個月happy hour仲有優惠，Pizza + Drink 只係$99，來這裏飲食真不錯。啤酒（ 花𣁽、姚寶、葡萄熟了、星仔、似曾相識、黑暗榮耀）花𣁽是一款花香濃郁的啤酒，口感清新，有花香果味，姚寶是一款口感較為醇厚的啤酒，有麥芽的甜味和輕微的苦味，葡萄熟了是一款有葡萄香气的啤酒，口感甜美帶有果香，星仔是一款清爽的啤酒，令口感輕盈，有淡淡的麥芽香味，似曾相識是一款口感複雜的啤酒，有多種層次的風味，回味悠長，黑暗榮耀是一款深色啤酒，口感濃郁，有焦糖、咖啡或巧克力的風味。番薯薯條番薯本身有天然甜味，食落更香甜，番薯薯条内部質地較為軟糯，尤其是烤制後，外層酥脆，内部則保持柔軟，口感層次分明，亦增加了咀嚼的趣味，番薯薯条令口感豐富，甜味與軟糯質地成為受歡迎的小食，同飲啤酒好配合。香辣油封鴨肉意粉油封鴨肉質非常軟嫩，入口即化，同

最近搵地方同舊同事食飯，見到喱間貓員外酒吧餐廳，係天台既，室外環境睇落非常舒服。我哋叫咗瑪格利特Pizza、卡邦尼意粉同洋蔥圈。瑪格利特Pizza底薄脆，番茄醬酸甜適中，配上新鮮的馬芝瑞拉芝士，簡單但好味。卡邦尼意粉醬汁濃郁，滑口又帶有培根的香氣。洋蔥圈外脆內嫩，作為小食非常合適。另外，我哋仲叫咗兩杯house wine，酒香四溢，一路飲一路傾。貓員外酒吧餐廳既用餐環境都真的非好，食物質素亦相當不錯，值得二訪。

又到放假嘅日子✌🏻約咗朋友仔去銅鑼灣嘅Rooftop Bar「貓員外酒吧餐廳」啤啤佢🍺餐廳有室內同outdoor位置，主打手工啤、pizza同意粉，特別之處係呢度嘅廚師帶自中國喺食物方面會融入咗中式嘅元素，中西fusion嘅菜式又確實真係好夾👍🏻我地嗌咗Richkat Craft Beer Tasting Set，裡面包括6杯120ml嘅啤酒，可以喺10種口味入面揀6種，每樣都可以試吓啱晒我呢啲選擇困難症嘅人😆土豪｜加入山楂乾去冷泡，帶淡淡的果酸味易入口花魁｜花香味濃郁香㴟秀才｜帶花香味，酒精度數較低桃寶｜好香嘅桃味甜甜地，偏重果汁味道，推介👍🏻葡萄熟了｜提子味嘅啤酒，亦係果汁味道較重嘅一款，酸酸甜甜啱我口味檸綠｜泰式青檸檬嘅味道，酸酸地好清新勁fresh北京烤鴨薄餅食落就好似食緊中式北京烤鴨一樣，喺pizza上面加上烤鴨、青瓜粒、京蔥烤鴨醬，味道甜甜地，上面嘅烤鴨皮酥脆香口，鴨肉軟腍仲有肉汁添，pizza經烤焗後鴨肉依然能夠保持juicy，確實係水準之上👍🏻香辣油封鴨肉意粉如果食得辣嘅朋友仔一定要嗌呢個意粉，又香又辣勁正😋以鴨肉加上辣椒乾同醬油去爆炒意粉，最後喺上面灑上芝麻，意粉口感