貓之眼

营业中

休息中

《咖喱豬肉x和牛漢堡蛋包飯》HK$96 🍛為食妹認為係呢度嘅必試item！拳頭咁大個嘅日式和牛漢堡絕對係真材實料！👊🏻食落幾香牛味之餘，亦都鎖住咗少少牛肉汁💦，令成個漢堡唔會太乾身，而口感上會比起一般美式漢堡較為鬆軟或者腍身。重點係個紅酒汁調得非常香濃🍷，配合日式漢堡扒，令牛味更突出，直接令成道菜昇華到另一個層次！🥰*而日式甜咖哩亦都好唔錯！🤤 對於非常鍾意食咖哩嘅為食妹嚟講，咖哩嘅主角永遠都唔係啲肉，而係大量又腍又入味嘅洋蔥🧅同紅蘿蔔🥕（如果有埋薯仔會更好啦！🥺）當然豬肉片都處理得唔錯，幾嫩口！😋

夜晚媽咪話唔想煮飯，叫我買兩個飯盒返去屋企食。 我就嚟到位於灣仔嘅cats eye買咗兩個飯盒。 我點咗兩個蛋包飯， 一個配濃茄牛肉同忌廉雞肉 ，另一個配濃汁牛肉同埋咖哩豬肉。 濃茄牛肉食落個味道有少少似羅宋湯牛肉粒炆得非常之琳同入味。 忌廉雞肉裏面有啲西蘭花同蘿蔔 ，相對就比較普通。 濃汁牛肉係切咗做薄片嘅牛肉， 筋比較多，唔係好咬得開。 咖哩豬肉係經典嘅日式甜咖哩， 味道都唔錯。 蛋包飯嘅蛋非常之滑， 散發出陣陣蛋香味。 蛋包飯嘅味道係唔錯嘅 ，但係埋單要成180蚊， 同區嚟講，係一個性價比偏低嘅蛋包飯， 呢個價錢可以食到更好嘅蛋包飯。

需要你的支持喔🥺🙆🏻‍♀🐷💬每一篇食評都好認真打架—————————————————————📍貓之眼 #chuchu推介可能係全港最好食嘅蛋包飯 🍛 之前🐷係灣仔番工，點可以冇食過呢間呢😎lunch hour算早黎都等左10分鐘左右，排隊嗰陣店員會比定張紙你點餐，佢哋服務都好好，好有禮貌，係好食嘅💛店—————————————————————❣️咖哩豬肉+忌廉雞肉蛋包飯 ($82)賣相好靚，個飯嘅形狀真係勁似一隻眼🐷真係蛋控啲滑蛋好嫩， 咖喱係日式嗰種唔辣，淡淡地甜甜地，襯豬肉好夾💯忌廉汁好重奶味，配埋雞肉同蔬菜一齊食個感覺好夾，不過得兩三舊雞🥲❣ 咖喱豬肉+燴牛肉汁蛋包飯($89)咖喱豬肉就同上面一樣，另一邊就係燴牛肉汁，咸小小，有啲紅酒味，同蛋好夾，每一啖都有唔同味道好豐富😚份量好多🐷同朋友都食唔曬，不過唔夠食都可以免費添飯—————————————————————不專業評分👅好味指數:4.5/5💰性價比:4/5👍🏻推薦:5/5—————————————————————🏡地址: 貓之眼 (灣仔)灣仔汕頭街24號地舖—————————————————————#chuchu食在灣仔#c

______________________________🐱𝔐𝔦𝔰𝔰 𝔏𝔦𝔬𝔫𝔫🦋🦁評分：7.6/10 濃茄牛肉忌廉雞肉蛋包飯😻😻😻😻茄味濃，牛肉似牛腩粒，份量適中，另一邊係忌廉雞肉汁，有啲西蘭花同埋蔬菜，好健康，調味好好，唔會太咸，蛋煮得好滑👍🏻👍🏻咖哩豬肉和牛漢堡扒蛋包飯😻😻😻😻咖喱味好香，偏向日式咖喱，偏甜唔會辣，豬肉同和牛漢堡扒份量大，但太好食好快食哂！回頭率：75% 😸😽好好嘅蛋包飯，仲可以揀減少份量，可以自選自己喜愛同唔喜愛嘅野，雙拼外仲有三拼，啱哂大食嘅朋友👍🏻仲要係良心小店🍛💛______________________________

我喺大約兩年前幫襯過「貓之眼」，之後一直都想再去，但每次見到嗰條長長人龍嘅時候就掉頭走。今次再去碰碰運氣，見到唔洗等位就即刻入去。▫️燴牛肉汁、濃茄牛肉蛋包飯 (HKD92)▫️咖喱豬肉、漢堡扒蛋包飯 (HKD102)上次已經食過「燴牛肉汁、濃茄牛肉蛋包飯」。今次再encore，一次過試晒兩款口味+蛋包飯依然係我嘅首選😂😂一直有好多人讚賞嘅漢堡扒今次我終於食到啦！漢堡扒係用和牛整嘅，我覺得口感及味道都唔錯，唔怪得有時會咁快賣晒啦。店鋪人手唔夠，出餐時間會有少少慢。不過店員都好有禮貌咁同客人解釋同埋講唔好意思。疫情下有好多小店唔係暫時關門就係結業。繼續營業嘅小店真係值得我哋體諒同埋支持呀。⭐️免收加一

成日經過都見要排隊，唔趕時間可以去等一陣。門面大大個木製招牌，黑白英文日文字，簡單得黎顯眼。店內主要吧枱同二人枱，容納around 20人。✨味道74分，環境76分，服務75分。.🔸咖喱豬肉+濃茄牛肉蛋包飯($82)店長推介，日式咖喱唔辣，淡淡地甜甜地。濃茄汁相對濃味啲，餡料都煮得好稔好入味。蛋包飯啲蛋夠晒滑，飯配埋少少汁好開胃。不過整體覺得啲汁有啲多，搞到啲飯好濕。.🔸咖喱豬肉+燴牛肉汁蛋包飯($89)店長推介，除咗咖喱豬肉同上面係一樣之外，另一邊係燴牛肉汁，相對鹹味重啲，都可以的。

落晒大雨諗住博下少人d估唔到去到都有人排隊不過好快就入得款式都算多😂但都係A搭B，A搭C，B又搭返C咁嗌左茄汁牛肉同咖哩豬肉，另一個就係漢堡扒好食。好入味份量都唔少，同埋仲汁送飯一流🙈但又未好食到會為左佢排隊

依排喺銅鑼灣覓食食到有啲悶，所以今日就決定去隔離灣仔搵食☺️然後就決定嚟翻兜依間好食嘅蛋包飯店😋💜咖喱豬肉。濃茄牛肉。和牛漢堡蛋包飯💜💵$114賣相真係非常之吸引同真係勁香🥰🥰醬汁份量超級多💞依款係一半咖喱一半茄汁，佢嘅調味係好日本家庭式嗰種，味道好溫和偏少少甜嘅，感覺好親切溫暖，搞到我勁掛住日本🥺滑蛋嘅熟到啱啱好，好juicy又有蛋香，正😋雖然佢嘅蛋包飯嘅飯係普通嘅白飯，但係配埋啲汁食啱啱好，亦都已經好夠味☺️☺️同埋，非常之咁推薦要揀個有日式漢堡嘅餐，因為佢個漢堡真係超！級！好！食！質地好軟綿綿，一啲都唔鞋！有肉香又好juicy ，加上佢本身煮漢堡嘅醬汁帶少少酸，更加減低咗肉嘅肥膩感呀～😍🧡忌廉雞肉。和牛漢堡蛋包飯🧡💵$102忌廉汁比起咖喱汁感覺再light少少，多啲蔬菜嘅感覺，配蛋包飯都好好食🥰而另一個汁就係煮漢堡嘅醬汁，味道比較濃厚，帶酒香，我覺得都唔錯😋💕overall💕無論係服務定食物都超級高水準，唯一唔好嘅就係每次食都要排隊🥺

灣仔返工嘅打工仔都一定聽過呢間蛋包飯專門店😋每次經過都見到長長嘅人龍，一黎佢係區內都幾出名，二黎小店座位有限🥲難得今日時間尚早，未算好多人排隊，一於決定排隊試吓佢🥰排隊嘅時候店員會比定張紙你點餐先，入到去就可以即刻落單☺️見到餐牌都幾多選擇，主要都係蛋包飯再配以唔同嘅肉同醬汁～見到佢個漢堡扒標榜用和牛整，好似好正咁😳同埋本身鍾意食白汁，所以就揀咗忌廉雞肉+和牛漢堡蛋包飯 ($96)😋坐低交完點餐紙比店員之後，大約等咗五分鐘就有嘢食😋嚟到見到個飯嘅賣相好靚🤩蛋包飯嘅兩邊分別淋咗兩款唔同嘅醬汁同配料，睇落真係好似貓貓隻眼咁👁講返味道先，蛋整得好嫩滑，亦都好香蛋味😋配埋飯一齊食好滿足😋美中不足嘅係包住嘅只係白飯，而唔係用茄汁煮過嘅飯🙈和牛漢堡食落好香牛肉味，食得出係用靚牛肉整成😛配埋個汁甜甜地幾好食😋而忌廉汁都好香滑，同埋幾重奶味，配埋雞肉同蔬菜一齊食個感覺好夾😋不過可惜雞肉嘅份量唔算多，只係得兩三舊雞🥲Overall嚟講，呢間嘅蛋包飯都相當出色，難怪咁多人排隊，有機會都會想試吓佢其他嘅款式😆不過價錢就略貴少少🙈

🍛 咖哩豬肉+濃茄牛肉蛋包飯 $82💯 評分：🌕🌕🌕🌕🌕 (5/5)💬 日式咖哩汁甜甜哋幾開胃，豬肉都夠入味，濃茄汁甜酸味恰到好處，牛筋肉超級軟腍又多汁。蛋炒得非常嫩滑入口即溶，飯採用咗口感粒粒分明嘅日本珍珠米，份量十足食完都唔會覺得膩。😋🍛 忌廉雞肉+和牛漢堡蛋包飯 $96💯 評分：🌕🌕🌕🌕🌕 (5/5)💬 忌廉汁軟滑濃郁，雞肉唔會嚡口，和牛漢堡都鮮嫰多汁，散發住香噴噴嘅紅酒味。炒滑蛋熟度恰到好處，飯粒嘅口感煙韌彈牙，每一啖都能夠體驗到唔同嘅味道，層次感非常豐富。🤤🍊 100%橙汁 $18💯 評分：🌕🌕🌕🌕🌕 (5/5)💬 橙汁嘅濃度啱啱好，味道甜而不膩，散發住頗天然嘅果香，仲有少量果肉融合咗喺裡面，令口感既豐富又有層次。😚💭 店員服務態度相當友善，去咗個廁所返嚟更主動換過碟蛋包飯，話驚凍咗冇咁好食。事實係味道真係唔錯，性價比可以接受，有機會一定再去幫襯！🤩

小編平時唔多機會去到港島食飯打卡，今晚見得閒就不如係灣仔站近近地搵一間出名既餐廳食飯啦。而係A3出口過對面馬路無耐5分鐘到就會去到餐廳位置📍，今次呢間餐廳主打咖哩蛋包飯，入面都係配雞肉、牛肉、豚肉多🥩。✦✦✦✦✦✦✦✦✦✦✦✦✦✦🎈咖哩豬肉+燴牛肉汁蛋包飯 $89日式咖哩著重啲咖哩偏甜，咖哩既口感同味道都唔太偏重口味🧐，甜甜既咖哩小編都一樣喜愛。呢款肉唔厚，簿切 ，味道唔太突出😐，而成碗飯都偏大碗，味道算係比較清淡。✦✦✦✦✦✦✦✦✦✦✦✦✦✦總結：餐廳舖位唔大，而且都幾多人等位。小編就覺得以價錢嚟講性價比一般喇🤔，可以有更多既選擇。有特色既地方就係掛畫同裝修風格，都幾吸到食客既目光👀。

Bookmark咗呢間蛋包飯好多年!終於搵到朋友仔有興趣去試(˶‾᷄ ⁻̫ ‾᷅˵)又好好彩唔使排隊喎! 直接入得!<<咖哩豬肉 + 濃茄牛肉>>($82)係佢嘅招牌三色蛋包飯，可以一餐飯滿足到你三個願望😀兩隻味✌🏻兩款肉✌🏻仲有滑蛋添🦾咖哩係日式甜咖哩~茄汁都係偏甜唔酸嘅~所以容易入口，但同時都冇激動到我嘅味蕾😌而且我嫌佢啲汁太稀🤫不過值得一讚嘅係佢嘅牛腩肉質好軟腍好好食!!!!!如果下次唔使排隊，我可能都會encore~~~因為個男店長?男店員?嘅貼心好到過晒火😳佢貼心到我都覺得有啲唔好意思，佢竟然冇收加一服務費!佢好有禮貌之餘，連叫佢加啲熱水，佢都會好溫柔咁提我「飲嘅時候小心熱呀☺️」食到我有賓至如歸嘅感覺😂😂😂😂

獨有三色蛋包飯，三色中有齊豬同牛配料，中間就係重點嘅蛋包飯，食果時可以先食蛋包飯，之後可以加咖哩食，再之後加蕃茄汁食，有三種唔同嘅口味，店員服務態度好，價錢唔貴，性價比高，可以再番食

咁啱最近要黎灣仔啲政府部門處理文件灣仔出名多嘢食 (同lunch time好多人) 初頭都好掙扎應該留係灣仔食lunch定就係一別最後見到Cat’s Eye 就即刻唔洗諗 決定食雖然係平日 但我到嘅時候都已經12:15好彩未見有人龍排隊順理成章可以Walk in拎到位蛋包飯依然係非常出色 炒蛋炒得非常嫩滑而又不失香味絕對係好滿足嘅一餐

平時經過呢間餐廳都好多人排隊搵左星期六中午時間去排隊，前面有5組人，等左大約20分鐘就可以入座招牌三色蛋包飯 一邊係咖哩豬肉，另一邊係濃茄牛肉，一次過滿足兩個願望咖哩汁係日本唔辣個種咖哩，香味充足濃茄牛肉既蕃茄汁唔會酸，而牛肉煮得好軟腍，仲有洋蔥，紅蘿蔔等配料兩個醬汁都唔會太咸/太甜，撈飯好岩放係中間既蛋非常嫩滑，蛋味香，成個飯配搭都Very Good蛋包飯無論醬汁到配料都好食，難怪長期都有咁多人排隊，一定會再去食