貓之眼

营业中

休息中

貓之眼一路都好多人介紹 經過見唔算好多人排隊 就試下佢咖喱豬肉+忌廉雞肉蛋包飯一上碟已經覺得成碟飯好日式 好靚忌廉汁係一邊, 蛋係中間, 咖喱汁係另一邊個汁幾特別, 相信係佢地自己整既汁偏向少少甜, 唔係辣果款咖哩

我係平日十一點九去到所以唔洗等位。店員有禮貌，環境唔差。食完之後見到碟上面有隻貓公仔同寫住ご完食、ありがとうございます, 幾好-Cat’s eye 特選1 ($108)我揀呢個嘅原因係因為可以一次試三種味，而且其他人都話漢堡好食。咖喱豬肉嘅咖哩就係普通嘅日式甜咖喱，豬肉都冇乜特別。但濃茄牛肉就好食，牛腩煮得幾腍，茄汁偏甜，適合送飯。漢堡有肉汁，幾大份，好食但冇我想像中咁好。蛋好滑，有少少調味，幾好。-芝士魚肉條味道一般般，有魚肉味但芝士比較少。

閒日下午近兩點來到，竟然還在排隊……. 排到我時被告知漢堡扒已經賣完了，唯有選咖哩豬肉和燴牛肉配蛋包飯。好快就有嘢食，咖哩不是辛口，也不算甘口，咖哩也不算香。反而燴牛肉幾好食，食到陣陣紅酒香。朋友叫濃茄牛肉配忌廉雞肉，反而比咖哩更出色，推介的濃茄牛肉，牛肉是牛腩粒，煮得好腍，吃一啖滿口茄香，但唔係茄膏嗰種鹹味。另外叫了期間限定的慢煮牛脷，係當日最好食的一道菜，用鏗魚汁慢煮後略略煎過，而且不會過於調味，好吃。整體而言，如果要烈日當空下排隊等食，怕熱嘅我就可能要再諗諗～

郊遊之後呢就應該食個暖笠笠既咖喱飯。呢間舖頭嘅咖喱呢最出名就係佢嘅漢堡扒但係我去到嗰陣時呢咁啱嗰日就賣晒啦。咁唯有食其他啦。我就選擇左忌廉汁雞同埋咖喱汁豬。所有嘅返工唔配飲品㗎如果要飲其他嘢嘅話價錢另計。不過餐廳亦都會提供免費嘅水比食客。忌廉汁雞肉冇隔夜騷味，雞肉處理的確好過其他食店。蛋係炒到嫩滑唔老，食落口有鮮滑感。份量大大概兩個蛋到。咖喱豬方面，有返適量嘅紅蘿蔔作點綴啦整返來講同雞嘅水準都係差唔多。好彩去到嗰陣時呢仲係六點幾。所以埋單走人嗰陣時呢見到門口有條好長嘅隊，我都覺得大吃一驚。如果大家要去食嘅話記得預早時間去食，咁樣就唔使排隊啦。

話說星期日晚上7時許到灣仔搵食，兩口子唔知食咩好，見到依間餐廳門外有十幾人排隊，抱住人排我排既政策排住先，我地放空20mins 之後，店員出黎替我地落單，所有小食已經售罄，其他野食都唔係樣樣有，落埋單再等多20mins入得好多sauce 撈飯一流，咖喱汁偏多，食到最後會變成大雜燴，同埋唔多夠熱推介濃茄牛肉,好入味而且肉質好腍，不過得兩舊傢ja,要食清楚D,牛漢堡同出面個D 唔同好鬆軟總括黎講份量都係較少，我地15分鐘就食完離場

貓之眼地址:灣仔汕頭街24號地舖作為小店嘅佢，啲野食一啲都唔差㗎，而且一到食飯前就已經好多人排隊。難得今日想出街食日本蛋包飯，於是就決定排埋一份。咖喱豬肉＋濃茄牛肉 🍛$82珍珠米加上滑溜溜嘅雞蛋覆蓋米飯，再配搭埋佢地自家制嘅醬汁，真係好夾，非常之滿足，值得一試！我真係好鍾意佢哋整嘅蕃茄汁，酸酸甜甜，食得出係用新鮮蕃茄整出嚟㗎，而唔係用茄膏，真係越食越開胃，而且醬汁嘅份量岩岩好，唔會話食到最尾唔夠汁用來撈飯。牛肉同豬肉都整得幾腍，幾入味，不錯。#nicefoodie灣仔 

路經店舖，search到openrice相片非常吸引，自己都衝左去食，果然賣相真的很不錯。忌廉雞肉+燴牛肉汁蛋包飯 $89忌廉汁非常濃厚奶味，雞肉嫩滑；燴牛肉汁不重調味，牛肉味非常突出，配上半熟蛋包飯口感十足。兩邊配料非常豐富，飽肚感滿滿！特別要講下檸檬茶 $28可添飲一次！茶底本身已帶有甜味，唯獨飲第二轉時不添加檸檬，變相檸檬味已被上一轉時較淡味了。

你會以為自己唔知做咗啲乜好似得罪咗佢。八點半，見舖空空，同三個朋友行入舖，侍應喝住我哋：「唔該你哋出返去先啊，有好重要嘅嘢要講。」咁我哋唯有全部人褪返出去舖外。然後佢講：「我哋得兩人枱，冇四人枱，你哋o唔ok先？哩樣嘢好重要。得唔得？」我哋ok，於是入舖。坐低填完紙仔，開始睇餐牌。未睇完，侍應揸住個箱行埋嚟，問：「你哋填好晒紙，咁不如擺咗落箱先啦。」當時我諗，冇咩嘢嘅，緊張查牌啫。可惜嗰時冇走到，結果買氣受。揀好個飯，剔埋鰹魚汁茄子，我就交紙。侍應畀返張紙我，態度惡咁同我講：「我哋9點鐘last order㗎，唔會有小食㗎啦。」朋友乙都忍唔住細細聲同我講：「9點鐘last order，同冇小食有咩關係？而家仲要八點半咋喎。」我雖然唔太順氣，但得饒人處且饒人。於是我再剔檸檬茶，再交。侍應再彈回頭話：「小食冇，茶啡都冇晒㗎啦，得返汽水。」我唔明冇小食點解就會知你冇茶啡。朋友都忍唔住問：「你不如一次過講埋冇咩？」佢話冇啦。咁我轉汽水啦，我淨係想交張紙。佢收咗，5秒後回頭，突然摀低身，指住枱角個號碼，喺我耳邊講：「其實先生麻煩你下次自己填枱號吖，唔該晒。」頭先朋友嬲，但到哩度佢已經笑咗。不過我

小型日系餐廳，主打雙色蛋包飯，用2種醬汁包圍住一舊飯，形成貓眼，醬汁有好多款式，總有一款岩你心水，無論是甜、辣、酸都有，味道十分好，只係份量較少想試既朋友就要睇住時間，盡量唔好揀放飯時間，因為一定會排長龍~~~~

小小的店面，坐得幾舒服的。但因為店面細，需要排隊等候。店舖主打日式蛋包飯，再搭配不同的醬汁（分別有咖哩豬肉，濃茄牛肉，忌廉雞肉，燴牛肉汁），更可以選擇手打和牛漢堡扒。食物款式可算是非常簡單。我order了招牌三色蛋包飯（咖哩豬肉+濃茄牛肉）。食物的擺放，就像一隻貓的眼睛。左邊是濃茄牛肉，中間是蛋包飯，右邊是咖哩豬肉。濃茄牛肉：味道適中，蕃茄味不會太酸或太甜，牛肉煮得非常軟蛋包飯：蛋非常滑，包在中間只是白色的飯（没有加茄汁煮）咖哩豬肉：咖哩汁是日式口味，不辣，也不甜整體來說，味道是不錯，但不會太驚艷，而且實物的肉比例，會和圖片有出入（圖片是滿滿的肉）。但都適合喜歡日式口味的朋友。

呢間野黎左兩次 兩次都話漢堡排賣哂 一次係3點左右 一次1點半左右。第一次去以為見到好多人排隊拎住張menue紙，咁我以為係自己拎住一路排一路睇，走左入去搵menue。個光頭佬一見到我係堂食就好串咁講「你出返去，條隊係出面排緊。」第二次同fd去食多次又有漢堡排，忍唔住講左句「咁快又冇哂…」個光頭佬話「唔！好！意！思！呢個鐘數係賣哂嫁啦。」但佢呢句「唔好意思」係唔友善到我覺得佢係用緊粗口鬧我😂 呀生，做餐廳預野食數量係你地責任唔係食客責任，ok?跟著落黎仲搞笑，有個女店只就企左係到發緊夢。隻杯一早冇哂水又唔fill，都算，咁我咪自己去fill囉。Fill完埋位佢先大大聲企係原位講「你唔好自己針水（係，成間餐廳啲人都望住我比佢咁講），針水叫我吖唔該。」句「唔該」比我感覺都係似鬧緊我。之後呢位女店員就扮係細細聲咁同光頭佬講我地去左自己針水，然後光頭佬又係咁啤住我地。其實我想講，小姐，我地聽到嫁其實。呢間野啲野食用呢個價錢黎講真係一般，不過不失。左佢地啲態度真係極品🙃 絕對冇下次☺️ 大家唔信可以去感受下☺️

 Lunch time嘅貓之眼餐廳好多人 店舖比較細 但都排左15分鐘就入到去 裝修有日式風格 見到真係有少少掛住日本 我叫左個招牌咖喱牛肉＋濃茄豬肉蛋包飯 呢個貓眼造型嘅蛋包飯果然對得著佢名氣 咖哩牛肉有日式咖喱嘅甜 應該係加左蜜糖而且甜味將咖哩味道昇華 香味十足 落足香料 牛肉量同配菜都夠送曬成個飯 食落都感覺到咖係一般即食咖哩可以比 濃茄真係好濃 而且有碎茄粒 味道都處理得好好 唔會太酸 又唔會太重茄汁味 反而有番茄嘅獨有味道 兩者撈埋 一邊清新 一邊少少刺激 口感好特別 又唔會太辣 女仔食just fit!

就咁睇幅相應該都好多人認到佢係貓之眼👁次次想去食都見到大排長龍於是就放棄左。今次12點幾去到，前面都已經有六七個人排緊，對比起平時黎到既時間，已經算少人🙈最後排左十幾二十分鐘。佢呢度既蛋包飯真係幾高質🤩會想再黎試配其他醬汁同埋佢地既和牛漢堡。但係真係排隊排得太誇張😧如果間鋪頭大啲可以唔洗排咁耐隊就好了。1⃣️招牌三色蛋包飯（$82） 醬汁揀左咖喱豬肉同埋濃茄牛肉。呢度寫住佢地既咖喱係用左35種香料、天然蜜糖同埋甜蔥煮成既，食落係甜甜地既日式咖喱，有少少辣味，味道好香濃，入面既豬肉片都唔少，加埋啲煮到淋曬既蘿蔔粒食，送飯一流。另外濃茄牛肉個汁就用左啲蕃茄、洋蔥、紅蘿蔔煮成，味道真係好濃，偏甜🍅牛筋肉大大舊，牛味夠，而且煮得夠淋😋呢兩款醬汁都好好味。  另外蛋包飯個蛋真係食到蛋味，蛋味都幾香，而且食落口一啲都唔鞋口，呢間蛋包飯真係由個蛋到個醬汁所有野都好唔錯🤤明佢點解成日要排隊。   

喺IG睇咗咁多個post終於到我朝聖啦！蛋包飯一路都係我好想食嘅to-eat-list之一，呢間仲要有埋我最愛嘅貓貓做擺設，開心😍當日有啲唔好彩，落緊雨，又奈何餐應出面嘅詹蓬位唔係好大，所以都有啲狼狽。好彩餐廳好好，特登出黎疏導人流，所以大家都唔使比雨淋到，呢一點係要俾讚嘅👍食物方面我哋點左兩樣，一個係咖哩豬肉+濃茄牛肉。就咁睇個樣好似好大份咁，但原來食落一啲都唔多。蕃茄醬好香甜，係真係新鮮嗰種甜而唔係用茄汁逼出嚟嘅，所以相對地一啲都唔肥膩，仲越食越開胃😂豬肉都好高質，一向都好怕喺舖頭食到啲好重豬騷味嘅豬肉，但呢度一啲都冇，只係吸收晒蕃茄嘅精華，好清甜好好食。而咖喱就係傳統嘅日本咖喱，都係以甜為主，但咖喱嘅濃甜同番茄嘅香甜形成咗個好鮮明嘅對比，都算唔錯👍至於另一樣係手打和牛漢堡扒飯。呢個相對地重點係喺舊肉到，所以個汁係一般咗啲嘅。但舊肉係真係好richy，雖然未去到入口即溶（人哋都冇話係和牛😂🤣），但係牛味都好香。同埋同埋，佢唔易散！！！痴線呢個係去分辨漢堡扒好唔好食嘅一個指標，而呢個係合格嘅！同埋都唔會太多一嚿嚿嘅牛肉粒，所以對絕對係中上👍總括而言，係一間家庭式製作嘅小店，下次要試埋

因為今晚係修頓睇talk show, 就搵下灣仔食邊有咩好食 見到有好耐冇食既咖哩蛋包飯就黎試試啦叫左個太陽蛋燴牛肉汁漢堡飯牛肉味好濃但又唔會好咸 肉質唔會un 個汁都好正 用黎撈飯係可以食曬啲飯另外 朋友叫左咖哩雞肉+燴牛肉汁漢堡蛋包飯甜咖哩同日本味道都好似 不過雞肉冇牛肉咁出色環境都幾好 少少逼 但正因依點令我覺得好似係日本一啲居酒屋既感覺咁會再黎食