貓之眼

营业中

休息中

非常不愉快既待遇 當日我同朋友諗住試下幫襯下D細鋪 行過想試下呢間餐廳 雖然見到門外有人係度等 但店內仍然有空位 咁我地就以為D人係度等外賣 而咁啱又有位光頭男店員企門口 所以就直接請問佢2位有無得入座雖然戴住口罩未必俾佢感受到我果份誠意 但自問都好有禮貌咁問 不過男店員似乎誤會左係我殺左佢屋企人咁 闢頭一句就大聲怒罵: 你睇唔到有好多人等緊架? (如果我知就唔會問你啦 更何況睇到店內仲有空位...)跟住我只係解釋返我誤會左D人係度等外賣 唔好意思 但咁又俾佢鬧多獲 又係大大聲加語氣差既態度: 外賣係呢邊等啊運吉 (其實第一次來食唔知姐 洗唔洗搞到我好似個殺人犯咁)最後我地等都唔等直接走左 未食就搞到咁難受 諷勸大家去食之前要做好被鬧既準備先好幫襯

整體嚟講食物質素對唔起呢個價錢，且侍應態度欠佳，令人失望。🙁事緣咁啱有事去到灣仔，諗起早幾日睇到呢間餐廳嘅網評推介，又係黃店，因此前往嘗試。落單紙上寫明需要十分鐘製作時間，然而落單之後未夠五分鐘，呢碟溫溫地唔夠熱嘅飯就送到嚟，所以推測應該係預先整定咗嘅。不過當時未夠十二點，無論外賣定係堂食，生意都根本唔算繁忙。店內座位亦都淨係半滿，因此覺得咁樣提早煮好其實唔太合理。😕其次，和牛味道實屬麻麻，畀人感覺唔多新鮮，肉味稍顯怪異，仲有幾粒好韌難咬嘅筋。蛋包飯嘅蛋幾香亦都夠滑，但係入面飯粒嘅飯香唔夠，唯有溝汁伴食以增添味道。咖哩豬肉嘅咖哩味道尚可，唔似係佢哋寫住話用咗咁多種材料熬製而應該有嘅水準。豬肉吸收咗咖哩嘅甜與鹹，都幾入味。所以嘢食滋味可以叫做係由左至右從差到好。服務方面，男侍應頗為串嘴「教」顧客做嘢，在我之後有一位男顧客畀佢大聲指點，全間舖啲人聽到晒望過去。雖然懶有禮貌講咗「唔好意思」，但明顯令人感覺係口是心非，可能覺得自己好巴閉？此人對我亦都相似，當時嗰刻並冇計較因為覺得無謂，喺度講出係希望有緣之人睇到之後，去食之前要有心理準備。😅總結就係呢間餐廳嘅食物質素同服務態度好似唔值呢個價錢，

平日夜晚7:30嚟到排隊，入面已經滿座，等咗大概25分鐘～😆今次係第二次嚟食，依然保持到水準！我嗌咗忌廉雞肉+燴牛肉汁蛋包飯✨而我朋友就嗌咗咖哩豬肉+濃茄牛肉～✅忌廉雞肉+燴牛肉汁蛋包飯先講忌廉雞肉，淡淡嘅忌廉味但唔會好膩，有西蘭花、紅蘿蔔做配菜！但雞肉得圖中嘅2-3舊🥲唔係好夠食燴牛肉汁就濃味啲，配蛋包飯食就一流！！蛋包飯嘅滑蛋好好食，好夠滑✨✅咖哩豬肉+濃茄牛肉蛋包飯相反我朋友嗌呢款肉嘅份量就冇咁少🤣牛肉比較大舊，茄汁味同咖哩味都好香濃，兩款汁都比較稠身！好啱送飯✔️

可惜我哋今晚太遲八點幾先去到，只係得返咖喱豬肉拼蕃茄牛腩蛋包飯（$88），小食沙律都冇晒🥲。餐廳啲Staff態度好好，Keep住講唔好意思☺️，仲可以免費多飯，所以我哋都食得好開心。總結來講，超級好味，非常推薦！😋

一間都非常重日本味嘅小舖，menu同所有仲告示都以日交為主，配以中文翻譯，所以感覺好似日本。可要求多飯～店舖面積細，大概有十五個位，而且沒限制用餐時間，所以等幾耐就要睇下自己運氣！佢哋店舖推介嘅咖喱飯。仲有好多人喺open rice推介嘅漢堡。賣相唔錯，但其實係極之普通，咖哩好水…. 好淡味… 自己喺屋企用咖喱磚整嘅咖喱會比佢仲好味😅 漢堡厚淋，但肉味唔出漢堡扒燴牛肉汁飯。一食落去即刻感受到都幾濃下嘅酒味… 我就麻麻哋。又係好淡下，只係食到酒味。蛋望落去幾滑，但略嫌比較薄. 兩個男人味十分嘅店員喺咁細嘅店舖穿插顯得店舖都幾窄，但佢哋十分有禮貌，只係唔知點解佢哋每次fill water都只會倒五分二杯，本身個杯都已經好細…最多比半杯嘅分量，佢哋又唔會主動嚟倒水，我哋食左大概15-20分鐘都要叫左兩次，隔離枱仲叫佢叫「麻煩倒滿啲」😅😅😅

招牌蛋包飯同佢地店名一樣👁好似一隻貓🐱既眼咁望住你👀XD有好多唔同既combination 豬牛雞都有🤤想追加個大份量仲可以叫埋漢堡扒(´▽｀)🍛咖哩豬肉配濃茄牛肉三色蛋包飯 HKD88🍛咖哩豬肉配燴牛肉汁蛋包飯 HKD 92濃茄牛肉🍅係招牌菜食到紅酒味唔知係咪錯覺XD茄汁偏甜唔酸😋8小時慢煮既牛筋肉好軟腍 一咬就化開了日式咖喱唔辣 淡淡地甜甜地 肉既份量正常而燴牛肉汁用左薄牛肉片慢煮都幾好味重點係個蛋好滑都重蛋香味🥚而飯就係日本珍珠白飯🍚無炒底但我覺得配埋兩款汁撈埋食剛剛好✨

.📍Cats' Eye Bistro📍#饅頭去灣仔 #饅頭食日本菜------------------------------1️⃣ 咖哩豬肉＋濃茄牛肉＋和牛漢堡蛋包飯 ($114)呢度嘅咖哩豬肉令小編略有失望，因為咖哩質地太稀，辛香料味道偏淡🧐，只感受到甜味，而且豬肉得2-3片，切得偏碎，口感少乾；好在紅蘿蔔同洋蔥煮得夠軟腍，容易入囗。至於濃茄牛肉就做得唔錯，食到有唔少茄蓉，唔係坊間嗰種齋得酸味，味道甜甜哋，有啲似紅酒燴牛膝😆，牛肉煮得軟腍入味，份量相對豬肉多，建議有興趣嚟食嘅朋友仔嗌呢個醬汁。呢度嘅蛋包飯同和牛漢堡反而令我有啲驚喜，雞蛋炒出嚟嘅皺褶紋理幾靚😍，固體中帶有足夠嘅蛋汁，口感夠滑，蛋香同奶味互相平衡，加埋醬汁，送飯一流。 牛漢堡足足有一個拳頭咁大，表面煎得好靚，帶有焦香，牛肉鮮嫩，味道非常之濃郁🐮，亦鎖住到少少牛肉汁，整體口感就比平時食嘅美式漢堡鬆散軟腍，重點係佢哋嘅紅酒燒汁都調得好香濃，配呢個日式和牛漢堡啱啱好唔會過油。整體而言，佢哋嘅醬汁味道就比較普通，但係和牛同蛋包飯就喺水準之上，加上食物夠大份，所以我都願意畀一個高少少嘅分數。◾評分：7.8/10-----------

🐷灣仔必食 @cats_eye_official已經係第四次回頭今次叫咗四款口味試試1️⃣燴牛肉汁味道濃郁 用料十足啖啖都食到牛肉片同洋蔥2️⃣濃茄和牛食落似平時紅酒燴牛膝牛肉粒多 但略嫌乾身3️⃣漢堡基本上係每次都一定會叫牛味濃 煎到剛剛好配以日式燒汁4️⃣咖哩豬肉略嫌失望咖哩太稀 淡而無味肉片只有三數塊大推燴牛肉汁同濃茄和牛🤤🤤#wwh必食之選#wwh食勻灣仔✨#foodie #hkfoodie #852foodie #eatwithwwh #hkcafe #好西 #劣食中伏師 #黃店 #香港美食 #打卡 #打卡美食 #ufoodphoto #ufood #foodiehk #灣仔美食 #灣仔黃店 #灣仔 #灣仔必食

黑框光頭佬態度極差由開頭叫人排隊已經態度好差另外女員工都唔好得去邊，當住成間舖好大聲吆喝我都算，仲係個客面前同光頭佬講佢對個客嘅不滿（我只係自己企左起身想去加水，個女員工發緊呆我咪自己去）野食係好食嘅，但條氣真係唔順！冇下次成間店啲人都係用同一種好差嘅語氣講「唔好意思呀小姐」「你咁遲黎漢堡係冇哂嫁啦，唔好意思呀下」「小姐，你唔可以自己加水嫁，你要叫我嫁！」其實咁樣對客人真係好？每個人都知你運作嫁咩我食澳牛都未試過咁差態度見係黃店先撐下，但點知

心血來潮想食個蛋包飯搵到呢間位於灣仔嘅日式西餐蛋包飯專門店叫咗個咖哩豬肉+和牛漢堡扒蛋包飯和牛漢堡扒鬆軟配埋濃汁幾好食咖哩豬肉就正常冇乜特別個人偏向喜歡食日式整體嚟來都唔錯 一人晚餐唔錯嘅選擇

食物質素一般，鐘意滑蛋的好無聊都可以呢試一次，其他食服如咖喱豬肉，和牛漢堡就好一般，凈係食到味精味。食野環境都好唔舒適，好有澳牛感牛feel其他客人都係食完急急腳走，無chill time 體驗好差。店員服務態度超級浮誇和裝作友善。想問佢有無menu睇，佢就話唔使問，晏d會拎比你睇。明明好簡單直接的一句話 佢會用好唔舒服的話表達出來，例如比完錢提你拎番張單呢句說話，佢會話，記住拎番張單，可以睇番餘額，心諗做咩呀！做多哂！

永遠都咁多人嘅貓之眼蛋包飯，賣曬會提早收工，有時太好生意要停外賣。主打雞豬牛三款combination簡兩個，有忌廉雞肉、咖喱豬肉、濃茄牛肉，仲有和牛漢堡扒之前試過覺得都幾好食。-🐮濃茄牛肉+燴牛肉汁蛋包飯 $92忌廉雞肉冇乜興趣未試過，咖喱豬肉就覺得普普通通正常發揮，最鍾意係濃茄牛肉所以次次都係呢個做膽再簡多款。因為漢堡扒其實都幾大嚿幾heavy今日唔太餓就簡左燴牛肉汁試下。燴牛肉汁嘅牛係牛肉片嗰種，似唔肥嘅肥牛，醬汁配上洋蔥煮到入曬味，唔錯不過未到好鍾意好想再食。濃茄牛肉嘅牛係煮到淋曬嘅牛肋肉，配上蘿蔔同茄醬送飯一流，一如既往地好食🥹-總結：通常都係突然心癢癢想食先幫襯，對我嚟講係幾好食不過唔會成日掛住，可以接受排一陣隊但係要排半個鐘以上就唔會考慮。

呢間黃店出名多人，今次同同事特登早啲出去排，大約20分鐘左右入得。舖頭裝修走日式懷舊小店風，木系設計好warm，食食下覺得有少少似去左日本旅行咁🇯🇵。舖頭大概都係坐得15個人，同埋好似無限離座時間，難怪要等耐啲。不過上菜快手得黎都夠熱🖖🏻，唔錯。🔅咖哩豬肉+和牛漢堡蛋包飯 ($102)呢間既蛋包飯係放滑蛋喺白飯上嗰隻，食落蛋都夠滑。咖哩就典型日式咖哩味，蘿蔔粒夠晒腍，豬肉就被咖哩味掩蓋晒。漢堡聽聞係必食item所以叫左，同拳頭差唔多大，厚身但完全唔乾，肉質都嫩又唔鬆散，口感唔錯。🔅咖哩豬肉+忌廉雞肉 ($88)忌廉幾香奶味，有蔬菜，雞份量唔算多但都算滑。💬食物方面整體普通，咖哩都係一般日式咖哩，價錢都唔平，又要經常排長龍(幸好呢次係限2人堂食期間試，應該比平時條隊短)。不過份量都唔小，少飯左都仲有剩。同埋店員好nice，每組客人都會提示先點單，入座再寫枱號就可以，值得讚賞👍🏻。

-門口排咗15分鐘左右 店員會提前俾張點菜紙你 入到去填枱號就交得 加快進度👍🏻 -咖喱味道不錯 偏濃味 豬肉味道基本上俾咖哩蓋過咗 唔係好食得出佢本來嘅味道 -蕃茄牛肉非常好味 牛肉味濃 蕃茄醬汁帶點芝士味 十分融洽 值得一試 -和牛漢堡味道偏鹹 個人不太喜歡 內有大塊洋蔥-白汁雞肉 雞肉滑 不會柴 但味道較為普通 -蛋包飯 雞蛋很滑 但是不算厚 裏面是普通白飯 日本米有咬口 不錯的 整體來講表現是不錯的 👍🏻服務態度都幾好 如果唔使排太耐都值得入嚟試 因為大家都食得好快 門口有三四個人係可以排嘅 但係如果好長龍 我覺得可以等下次你見到冇咁多人嘅時候先食

最大賣點係蛋整得好，夠滑。其他咖哩同濃茄汁都一般，正常味。和牛漢堡可以唔駛叫，唔係咁好食。1點到去到，排左4個字。天氣未算熱，所以都仲ok。天然氣熱既話可能就唔係咁值。整體正常，唔好expect 咁高。