貓之眼

营业中

休息中

好耐冇嚟呢間餐廳喇.但講到日本咖喱飯, 依度絕對係我心水之選!Cat’s eye 特選(咖喱豬肉、濃茄牛肉、和牛漢堡蛋包飯) (HK$114)份量超足.真係啱晒大胃王啊!件手打和牛漢堡厚實多汁.咬落啖啖牛肉香, 口感一流.咖喱豬肉汁濃郁, 豬肉份量都幾多.濃茄牛肉嗰邊啲肉都勁大嚿.個蛋一睇就知好滑.裡面包住粒粒分明嘅白飯.超正!招牌三色蛋包飯 (HK$88)怕食唔晒成個特選蛋包飯, 可以好似我咁揀呢個飯.佢係比特選少咗件漢堡扒, 但味道一樣出色.濃茄牛肉汁嘅牛肉炆得好腍, 好入味.蕃茄汁味道恰到好處, 唔會好酸.咖喱汁加咗紅蘿蔔, 增加咗口感同甜味.咖喱味濃而不辣.汁同飯嘅比例啱啱好, 食完好滿足.值得一試!另外, 隔籬枱好多人都叫咗忌廉雞肉燴牛肉汁蛋包飯.睇落好吸引.下次經過灣仔一定會再嚟試試!

以前呢間餐廳都係排長龍，所以從來都冇機會食，今日星期六一點1:00唔使等位，做了第一個客人。叫咗食物之後，我先生有事要出去，店員好細心，用個碟冚住，唔好俾佢凍🥰很窩心，有時一間餐廳，呢啲咁微細嘅動作，係好緊要。三色飯OK，不過和牛漢堡就有啲乾，多啲汁會好啲。不過原來呢間餐廳已經有10年歷史，而家租金咁貴嘅情況下，能夠生存嘅餐廳越來越少，呢10年見佢只係加咗$10，以前我都唔係好捨得食，而家呢個價錢反而普遍左，當然而家又多咗地方有蛋包飯食，佢哋都多咗競爭對手，要加油了。

社交平台刷到過好多次嘅灣仔嘅蛋包飯必食 & 打工仔飯堂，今日終於有時間嚟試下喇公司午休開始得比較早，去到仲唔使排位。細細個嘅門店入面除咗後廚只有一個店員，好熱情噉畀我哋上咗水，等我哋自行點單。🍽 ️ 招牌三色蛋包飯出餐好快，蛋包飯係滑蛋嘅口感，鍾意！三色蛋包飯配嘅係咖哩豬肉同番茄牛肉，牛肉好大塊好香，但番茄嘅味道遜色於咖哩，而咖哩豬肉配嘅肉係肉片而且有啲點柴，整體嚟講味道仲唔錯，但並冇達到驚艷嘅口感。🍽 ️ 咖哩豬肉 + 忌廉雞肉蛋包飯同事點咗呢個，咖哩豬肉同三色蛋包飯係一樣嘅，忌廉雞肉肉質仲算嫩，但據同事話食住食住會感覺有啲膩，亦感覺咖哩嘅口味更好～呢間店免加一，食完出門口嘅時候店外已經排咗一行小隊，係食咗唔會後悔但唔一定會再嚟嘅小店。鍾意蛋包飯嘅可以去試下

如果你鍾意食蛋包飯，就一定要嚟試吓呢間位於灣仔嘅貓之眼喇！😋🔆咖喱豬肉+忌廉雞肉蛋包飯$88呢個配搭好新鮮！咖喱豬肉屬正常發揮，而忌廉雞肉就奶油味好重好滑😝而主角——蛋包飯真係好正，尤其係啲蛋煮得好嫩滑，完全係高水準食物👍🏽餐廳坐位比較少，所以嚟食記住要預多少少時間排隊🙈蛋包飯嘅餸仲可以揀濃茄牛肉，亦都有漢堡扒，不過今次冇試到，下次再去嘅時候一定要試一試‼️鍾意蛋包飯嘅你，記得快啲嚟試吓啦😝

今日去灣仔試咗間蛋包飯專門店🍳，舖頭細細但人龍不斷👫👫！ menu超簡單，得三款揀：茄汁燴牛肉🍅🐄、忌廉雞肉🍼🐔同咖喱豬肉🍛🐷，啱晒選擇困難症嘅我😆！重點嚟啦～佢哋用新紀元卵🥚，啲蛋好滑！一啖落去，蛋香爆棚，炒蛋仲keep住微微流心狀態🤤。不過啲肉就普通貨色，牛肉煮得稍韌，忌廉汁偏稀似湯多過汁🍲，扣咗少少分😅。價錢方面，$88連加一💸（冇飲品❌🥤），如果要加和牛漢堡就110幾蚊，喺灣仔呢個地段算係交足功課👍。如果經過想食個快靚正午餐，呢度絕對抵食過茶記🍴！整體評分：蛋滑度💯｜汁濃度👎｜性價比👍｜回頭率🔄（為咗啲蛋會再encore）！

在繁忙的都市生活中，偶爾想來點舒心的美食，日式蛋包飯無疑是一個不錯的選擇。這次品嚐了店裡的蛋包飯（濃茄牛肉和咖喱豬肉）兩款口味，讓我體驗到不同的風味。濃茄牛肉和咖喱豬肉的蛋包飯，外層的蛋皮滑溜細膩，而二款口味包括濃茄牛肉和咖喱豬肉放在兩邊位置。牛肉醬汁濃郁，與番茄的酸甜相得益彰，讓人一口接一口，完全停不下來。牛肉煮得恰到好處，肉質鮮嫩多汁。另外咖喱味濃，卻不會辣，豬肉的搭配增添了豐富的層次感，飯粒吸收了番茄或咖喱的精華，每一口都讓人感到滿足。不過，要注意這裡的付款方式，只接受現金，建議大家來之前準備好現金，以免尷尬。

貓之眼，灣仔一間食日式蛋包飯小店。食物選擇不多，名副其實主打食蛋包飯。如店內滿座，食客須在店外排隊等候，人齊入座。店內有日本插畫師Mango Naoko 的畫作掛牆裝飾，畫內盡顯貓貓與香港社區的融入，很可愛。講返食物，我們點了貓之眼特選（咖喱豬肉、濃茄牛肉、漢堡扒）（114）、燴牛肉汁濃茄牛肉蛋包飯（92）、 咖喱豬肉濃茄牛肉蛋包飯（88）、牛脷條（42）、焙煎芝麻醬野菜沙律（24）。飯的汁量充足，足夠撈飯食，不論是咖喱汁還是茄汁，都是甜甜的，那種甜，甜得自然順喉。飯配汁伴蛋和淋淋易咬的牛肉/豬肉，十分融和易入口，大小朋友都喜歡。漢堡扒略嫌不夠肉汁和彈牙。至於牛脷條帶來少許驚喜，肉質彈牙，調味適中，只是份量少，一份只有5條。整體食物不錯，細食者不妨要求少飯

🍜 忌廉雞肉・漢堡扒蛋包飯 HK102・味道：左邊漢堡扒紅酒汁有微微酒香，加埋日式醬油，個醬汁幾香醇。漢堡扒係實淨，唔算juicy但唔乾身，牛肉味幾濃。另一邊忌廉雞肉反而幾surprise，雞肉嫩滑，忌廉汁唔膩，配雜菜幾清新～・口感：漢堡扒太嚿實淨易咬，好食！🍝 濃茄牛肉・漢堡扒蛋包飯 HK$102・味道：左邊漢堡扒同上，右邊濃茄牛肉個茄汁偏甜，牛肉偏係牛腩，正常冇伏！想講個蛋好重蛋味好滑，但唔係水，呢個蛋出色！・口感：同上・・・・・・・・・・・・・・・・・・・・🤰性價比：高～🤰9衝度：9衝～🤰結論：再訪人流少咗，但質素依舊穩打穩紮！

🍛貓之眼 (灣仔)📍灣仔汕頭街24號地舖成日去灣仔，但係都會比唔同嘅Cafe吸引咗。今日終於試咗久聞其名嘅Cat‘s eye。🍛🌕🌑🌑🌑🌑$88-$102星期六下晝2:00去到，都有五六個人排隊，所以都真係幾有期望。點知......等咗10零分鐘，招牌三色蛋包飯：咖喱豬肉+濃茄牛肉。蛋滑嘅，日本米好食，但個咖喱就真係........好淡味，咖喱汁好稀好稀😬豬肉無味濃茄牛肉同樣淡茂茂，接近水旺旺。漢堡又係難得地無味，肉內乾爭爭，要不斷點落去稀啦啦嘅醬汁先至有多番啲味道。究竟係名大於實，定係今日狀態失準，我真係唔識分。😬😦只可以講份量係大嘅，灣仔黎講又唔算貴嘅🌞不過其實食肆真係要專心做好食材，蕃茄、咖喱呢啲都唔係咩貴價食物，用多少少原料，味道好，食客有記憶點，生意自然會長長久久。#灣仔美食 #catseye #蛋包咖啡飯

#20250327 🤍📍 #貓之眼灣仔汕頭街24號地舖➖➖➖➖➖➖➖➖➖➖➖➖➖➖➖➖➖#咖哩豬肉 #濃茄牛肉 #蛋包飯 $88💭 之前經過呢間野既時候門口成日都排好長龍，今次去發現唔使排隊，係咪市道真係差成咁😢咖哩係標準日式甜咖哩既風味，個甜味來自於天然蜜糖、蘋果、洋蔥、紅蘿蔔等等都會散發甜味既蔬果🍛茄汁有啲港式既味道，有幾舊大大舊既牛腩，用尼撈飯都幾正🥫.#燴牛肉汁 #忌廉雞肉 #蛋包飯 $92💭 其實佢地有4款汁，兩個人尼就岩岩好可以試晒喇😎牛肉汁陣味有啲出乎意料之外，並唔係熟悉牛肉飯果陣味，而係帶少少酸味有啲特別🐮忌廉汁用左3.6牛乳，所以食落會好香滑，而且啲雞肉都好滑嫩，係老少咸宜既口味🐔雖然佢個蛋包飯唔係用茄汁炒好既飯，不過有咁多汁撈都唔錯👍🏼.#灣仔美食 #🐷在灣仔 #🐷_食

一向都好鍾意食有汁嘅飯自從幾年前港島番工食過之後久唔久就會出灣仔食一次基本上每次都要排少少隊不過大家都食得好快所以通常15-20分鐘左右就可以入座入面食物嘅種類唔算好多不過我基本上每次都係食同一種對比起咖喱同埋蕃茄我個人更鍾意食佢嘅白汁所以白汁一定係每次嘅膽！送飯真係一流每次食都可以極速咁食哂成個飯不過因為選擇唔多所以就唔會成日食不過每次食果陣都會覺得好開心好滿足同因為用一隻匙羹就可以食哂成個飯所以好適合懶人

嚟到灣仔呢間「貓之眼」食午餐，喺門口大約排咗15分鐘，午餐時候特別多人所以排隊係必須。叫咗份{咖喱豬肉·忌廉雞肉·和牛漢堡蛋包飯}我覺得日式咖喱好難會煮得難食，所以一定係非常之safe嘅食物，咖喱裏面嘅材料亦都好豐富，豬肉係用上豬肉片，而忌廉雞肉就好香奶味，味道偏淡，雞肉同雜菜亦都好足料，蛋包飯嘅雞蛋好滑好食，反而米飯唔算出色，飯粒水份度唔高亦唔夠飯香，至少唔係我喜愛嘅米飯。至於和牛漢堡，我就唔建議大家食，雖然件和牛漢堡份量非常之大，但係漢堡肉裏面比較乾完全無肉汁，我諗一般人見到和牛漢堡就會諗到裏面一定好Juicy，但係佢偏偏唔係😓，漢堡嘅肉質偏腍，肉味尚可，但係就裏面偏乾，所以我就唔推薦大家叫嚟食。至於服務．．．．．．算啦！喺呢啲繁忙時間隻眼開隻眼閉啦！

好耐無嚟食嚕 估唔到都仲係要排隊12:20左右去到 排咗大概15分鐘就有位而落單之後 5分鐘就有嘢食😂😂😂menu選擇好似都係咁上下 小食就唔算好吸引到我淨係食飯 有啲悶 唔係好夠滿足咖喱豬肉 + 燴牛肉汁 蛋包飯 $92有種頹飯嘅感覺😂咖喱豬肉就係日式咖喱嘅味道 香濃得嚟 帶點甜 係我喜歡嘅味道就咁食定係撈飯食 都好味燴牛肉汁就偏酸 not my thing蛋包飯就中規中矩啦 個蛋都幾嫩滑嘅但其實個蛋就只係咁鋪係面 無包住啲飯😂

呢間鋪都開左好多年反而一直冇嚟試因為灣仔區算幾多野食，競爭都大呢晚收工就第一次過嚟試下。叫左個咖喱豬 漢堡 蛋包飯 $102同一個 番茄牛 加 咖喱豬 蛋包飯 $88。咖喱係甜既日式咖喱，但有少少稀個蛋包飯，我覺得似茶記早餐隻炒滑蛋同真正日式蛋包飯係2回事嚟個漢堡都OK, 正常唔會太硬太實但個咖喱d雜菜實在太少啦。另一份番茄牛，更加冇咩肉食成碟得4片肉，跟住靠好多汁去送飯我個人唔鍾意出街食飯靠成碟白飯或意粉去填飽個肚如果係咁不如留返係屋企自己食白飯算肉得3-4片真係唔掂當。香港食野真係好貴想好食又有少少質素既店鋪更加要花時間去搵如果真材實料比貴少少可以接受但呢間真係冇下次了

呢間貓之眼食左無數次，味道一如既往好味！不過今日去食，咁啱坐近廚房位置，就聞到陣陣廚餘臭味，真係好影響，一邊食一邊反胃,之前坐呢個位置都冇呢陣味，希望店家可以改善衛生狀況！