豪苑海鮮酒家 (已結業)

星期日飲早茶, 上到去先知原來星期六, 同星期日11:30AM前埋單離座, 即大, 中, 小點HK$15. 即刻下單, 以11:15AM埋單為目標. 下單10分鐘即有野食. 即叫即做. 熱辣辣, 超好食. 唔知係咪蝦平呢. 所有有蝦既點心, 蝦都多到爆. 燒賣底面先有一隻完整既蝦, 中間再有蝦及豬肉. 蝦餃同蝦腸先過份, 係就係特點, 但D蝦都唔使大隻到要每隻起碼5CM以上呀! 大得黎仲要彈牙. 仲要有汁. 超得. 埋單仲要因為特價 , 平過財神酒樓LOR.

新公司搬左黎石門，又唔知點解有同事收到風話有FREE穿梭巴士在LUNCH時由石門去麗豪，順利成章成班同事就去左豪苑飲茶!呢度既點心都幾多款式，我個人覺得燒賣超好食，第2最愛就係個流沙奶皇包，真係好香好好食，我地一行8人一共叫左3籠!真係超誇張!食物質素唔錯，勝在地方夠大，又唔洗迫，如果有得坐近窗邊就更好，因為睇下河景都唔錯呀!如果比起一般茶樓，價錢唔算貴因為SERVICE不錯，平均每人都係六十幾，在酒店黎講，好抵食啦!

假期同家人來飲茶，點心以廣東款式為主，都有ｄ京式小點。最鍾意流沙包、春風得意腸粉、煎馬蹄糕，食得出酒店水準。如果點心款色多ｄ，有我最愛既懷舊馬拉糕就更好。 座位比其他酒樓闊得多，坐得舒服又望到城門河景，好寫意，因酒樓夠大，就算假期都唔駛等得太耐，以後都會再來。

尋晚去食飯,因為有人請食飯嘅關係..所以可以可以食豪啲。食左: 清蒸石斑: 不過亞爸話唔新鮮,翻蒸嘅..啲肉紅色嘅..帶子豆苗: 豆苗都尚算OKAY,帶子夠大粒..但係明顯食得出唔係靚貨。乳豬拼叉燒: 得意之作,連我亞爸都讚,因為啲叉燒O岩O岩燒出O黎,熱辣辣..乳豬就脆仆仆。瑤柱上湯:咸左啲,不過都幾鮮味。翅群煲鵝掌: 啲翅好爽、鵝掌又夠淋。正..又叫左支奇異果蘋果汁: 好重奇異果味..不過見到就過期。仲叫埋糖水: 紅荳沙OKAY,唔甜。椰汁芋頭仲好味。記得要試。

本想去富豪軒，但那邊居然沒有人招呼，原來佢同豪苑係打通的，過到去豪苑服務員說可以在這裡叫富豪軒的菜，不過看完菜牌都係叫咗呢邊D菜；紅燒花膠翅 (味道尚可，不過花膠同翅都唔夠淋)蟹皇翅 (差，冇蟹味冇翅味又冇鮮味)西施龍蝦球 (味道不錯，我想是用蛋白加奶炒，可惜蛋白太多，有點膩)桂花魚球 (最好這碟，桂魚炒得好滑)

為0左一次過慶祝父親節和母親節，又見到中銀卡有個優惠，咪來試下囉。本來因為風評一般，又是特價餐，都沒抱太大期望，但食落又ok喎！個四人中銀餐包括：大蝦沙律 (中規中矩啦...沒咩特別)脆奶玉帶伴蹄香珊瑚蚌(ok, 個脆奶整得幾好食...不過一人一件而已)原隻鮑魚紅燒肘子排翅盆 (正！一人一盆，幾入味，都算足料！)鮑沖花膠扣玉環柱甫 (好食！不過阿媽話0的花膠唔夠林，我又覺得ok wor)燕窩杏仁露( 正！另一個重點，好香杏仁，又多燕窩，食落兩隻味都出到，但又好夾喎，都幾大碗下)因為有個優惠，計完加一和醬油茶介都係二百幾一個人，good! 佢其他餐在同區來都算抵，可能是平日，服務都幾好喎，家人都話下次再來食。小建議：因為份量對小女子算是剛剛好，所以食量稍大的，最好叫多碗飯。

由於APPLY左張REGAL卡,所以益埋班同事一齊飲茶~之前睇到話呢到既流沙奶黃包同燒賣好味,今次都試下啦. 不過唔係講笑,個流沙包奶黃包雖然就米黃色細細個,但D流沙真係好香,好勁既奶味(唔LIKE奶既朋友就唔好試啦!),我地8個人叫左3籠,因為太好味,所以我食多個!!其他食物都一般,不過我覺得係上菜慢D囉!下次要再食流沙包!

我大年初三去食lunch有十幾人食,但係我地點左一個乳鴿套餐食哂所有野,成一個鐘但乳鴿套餐仲未來,而且職員好冷漠,唔理我地結果我朋友罵d伙記,不歡而散其他食物都ok冷氣鬼咁凍,10度開咁大,想凍死人咩以酒店的酒樓,服務實在唔得

今次係第2次黎,食團年飯上一次11月我地食過一次叫條魚食,食食下見到有個魚勾係個魚肚度!即刻投訴本應個manager話送個生果盆補數的!真係嬲到爆炸之後就講好話下次再黎送返一條一樣既比我地今次計埋個餐原本條魚13個人食2條要讚條魚其實好好味...不過我地團年飯係叫$2888既餐我地食到第二個送先知佢比左$3688個餐我地!又叫返上一次個經理黎,佢應成我地收2888,食返3688,條氣就順返晒啦!不過就冇得食2888餐個燕窩湯圓...t-t唔知我地唔好彩定係個個都係咁希望下次再食冇野啦!

N年前到呢度就爆到瀉,依家估唔到大把位!入去廳房,開左兩台,take左一輪點心,蝦鉸,燒賣,牛肚,鳳爪,灌湯鉸,油菜等,味道唔錯!環境清靜,只不過埋單都要花成半個鐘,點知check下張單平左喎!約七折!個經理至講指定visa卡係有折架!d侍應服務唔夠主動,成日要叫佢地至做!作為酒店就差d咯!不過very lucky,因為食完有大抽獎,中左$1000.coupon,幾happy。總數打折後$1680,00

今日係我係沙田返工最後一日, 諗住食餐好d, 點知仲差過平時食飯.一去到開茶都要叫兩次, 我地一行4人, 點左個4人套餐, 再加金牌燒乳鴿, 流沙奶黃飽, 例湯都幾好, 應該無味精, 乳豬都幾脆, 不過唔明點解個乳豬醬唔係跟乳豬一齊上, 海參煲既汁太杰, 海參唔夠諗, 所謂既金牌乳鴿, 無味兼好似番炸咁, 點心都ok.後來既蒸魚, 簡直係差差差, 已經黎到枱邊既小枱上面, 又唔即刻送上客人既枱到, 擺左成5分鐘有多, 都無人理我地, 好辛苦咁老遠見到有個侍應叫佢上菜, 好悔氣咁攞碟魚過黎, 仲倒到我成腳都係魚汁, 雖然佢已經係咁道歉, 不過見到佢既表情係十分唔願意咁講, 我覺得最低限度應該攞條毛巾比我抺, 講兩句就走左去, 唔該佢睇下劉華個廣告啦! 一來條魚本身已經蒸過火, 再咁焗一焗, 攪到d肉"鞋" 上加"鞋", 最後上杏汁燕窩, 心知套餐跟得既甜品都唔會係好架啦, 不過都無諗過差成咁, 個杏汁簡直杰過我個仔食既糊仔, 仲要有d一大舊黏埋既粉, 燕窩少之有少, 食兩啖都食唔落. 碟又無人換, 茶又無人沖, 咁都要收加一, 茶每位$9, 仲有小食$12.雖然我地當面同個經理投訴, 佢

姑姐前晚請吃飯,本身約左朋友打波,但家庭聚會唔可以唔出席,唔係比阿爸鬧死,所以迫住去,認真無隱! 去到最初;無咩期待,諗住悶死,點知原來姑姐叫左翅仲有好多其他餸! 個花枝片同脆皮鴿勁野味,淨係食都唔得閒,原來無去錯!　

公司安排了一個冗長的培訓課程，由客籍教師從外地來港主講，因不想在咱家公司裡舉行，就預訂了這酒店的Conference Room來作連續兩日的課程，當然下午的Lunch及Break Tea都在這酒店裡處理掉，兩日下來就分別嚐到這裡中菜廳豪苑及西餐廳濠的Lunch，先說一說中菜廳豪苑。中餐以小菜為主，所點的拼盤若以普通燒臘檔來說不過不失，但以酒店中菜廳來說就顯得失色；之後的咕嚕肉、椒鹽龍利球、西芹雞柳、羅素上素、炒飯及伊麵都是水準以外，咕嚕肉及龍利球滿是炸漿，西芹雞柳的雞柳鮮味欠奉，炒飯乾身及伊麵頗為腍身，唯獨羅素上素清甜鮮美及單尾的蓮子紅豆沙才說得過是酒店出品。招呼是絕無問題，始終能一貫酒店專業服務，但這中餐廳的食味就不敢恭維，希望只是個別案子吧！

今日day off所以決定同屋企人飲茶..難得陪到屋企人梗係食好D la...麗豪呢間豪苑出名好食。。價錢只係同酒樓差口吾多。。所以就去左飲茶。。個到地方好大口吾會好迫。。同埋望到河架。。我諗普通酒樓都睇口吾到。。個到D蝦餃大大粒。。蛋散脆卜卜。。賜粉滑口都口都。。叉包熱辣辣。。好味！

前日約埋同事飲茶，叫左勁多點心！這裏飲茶認真唔錯！點心種類同甜品款式又多又好味，而且點心肉料幾新鮮，價錢適宜，地方又幾舒適，蠻好的！唔錯唔錯，下次再來！