豪苑海鮮酒家 (已結業)

星期日lunch都有得book 位,最岩我,我最憎要等位我係附近住客,有7折,所以好抵~~~~~~(平時飲茶都有7折架) 叫左8人套餐, $1388 , 食物份量都唔少,而且上菜好快, 食物有好有唔好,乳豬皮夠脆幾好,最失望係個翅,真係唔得,魚蒸得岩岩好,唔會太熟, 其他都係一般…..但整體來講,酒店服務,咁既價錢,算抵食而且地方唔會太迫,坐得幾舒服,又唔會有人趕,同朋友聚舊食飯都唔錯食左一個套餐另加8個點心,埋單$13XX ,10個人,都可以接受

上回提到被人叫唔好黎之後死命堅持要全家齊齊整整補數慶祝近來老父喜愛酒店酒樓靜靜地又唔迫點知今次多場酒席要加開偏廳接散客感覺少少迫咁套餐茶香雞另加三小菜及燕窩海皇羹其餘散叫茶香雞嫩滑雞皮香燕窩海皇羹不嬲都鍾意食海皇羹食落都算啖啖海鮮至於燕窩方面就不用提吧墨魚海哲牛展+叉燒拼乳豬兩碟燒味份量都唔錯糖醋魚柳好遲先食所以凍左唔好食火腩燒鵝缹燒鵝熟左再用缹滾住食感覺幾特別加埋個芡味道好豐富補足左平時燒鵝乾爭爭的感覺蒜蓉豆苗甜豆花枝片食物質素不俗不過整體卻很咸最後來一個清清地的滋潤紅棗茶中一中和都係果句最緊要一家人食餐飯者

8月28日一行13人到沙田麗豪酒店- 豪苑酒樓–叫了$2,588一席阿拉屍+蟹餐, 多一人要收多$198, 再加$10一位茶錢, 再加2 碟花生錢, 叫了$68 - 6罐百事同一碗伊面! 再加一! 一共$3,300!食物質素係差到無人有! 個餐有６道餸同一道湯1.焗阿拉斯加蟹腳- 大部份係蟹腳尖，焗到乾哂水，又份量少。2.阿拉斯加比目鱼 –雪臟龍利都不如，還要撈麵粉炸，好醒。3.三文魚子蒸皮扒豆付-好醒到嘔。4.牛扒鵝肝–全部撈麵粉炸，疏打粉牛扒。5.花膠包魚湯- 花膠係粉的，包魚係急凍店$50都有好大包個隻。6.帶子皇- 係粉的，部長換了碟茄子炒帶子，好油同只有幾粒切到好細的帶子，份量又超少。7.切鷄 –淡而無味。全都無食哂，返屋企食公仔麵。

久不久的星期日總愛約齊一家人，浩浩蕩蕩的去麗豪飲中茶，只因喜歡該處不算旺場，我本身雖然屬於飲食男女一族，但如果要等位等上大半句鐘去飲茶，我總覺不是味兒，加上喧嘩嘈雜的環境，完全談不上享受飲茶樂。但當你選擇到麗豪的豪苑海鮮酒家就完全沒有以上問題，無論三五知幾或一行十多人walkin都一定有枱，環境舒適寛敞，價錢也不太昂貴，兩小時免費泊車，第一城住客還有優惠，食品質素也不算差，只係稍為人手不足。整體來說值得一去。

今晚與同事一行四人吃自助晚餐, 覺得十分十分不滿意,食品種類少, 菜式極其普通. 最名貴的只有北京填鴨, 其餘的熱葷真係連茶餐廳都不如,果d路邊翅(粉絲豆粉糊)認真駭人, d狗不理包名副其實狗不理, 屋企叮叮點心都好過佢. d食物份量又少, 稍為好少少既薑蔥炒蟹一輪之後都無加添. 每人一客的帶子大而無當, 又唔新鮮又實的的, 我同事試左一啖都宣佈棄權....唉!!! ....我老細係第一城住客有半價都要每位百六...真係有今生冇來世....

酒店o既食物水準唔會太差，但價錢就同美心差唔多，特價點心十蚊有交易，下午茶時段仲低食，最重要係中午飯時間唔駛排隊等位，可能酒店位置隔涉，所以少人光顧！食物推介是叉燒及蝦餃，叉燒夠入味、蝦餃夠爽口，值得一試！