豪宴薈

营业中

休息中

中午同朋友仔去飲茶，一入到去已經感覺華麗，坐得舒服...，而且好夠人手，好快就有人帶位因為朋友早上剛剛照完胃鏡，非常肚餓，就叫左好多野食特別係傳統的蝦角，現在很多地方都沒有了，非常香脆包著大量蝦肉！點上沙律醬十分開胃！必叫！金錢肚份量很多之餘，亦憫到非常入味，底下的白蘿蔔吸收了大量牛肚汁亦十分出色蒸紅棗糕我十分喜歡，製作繁複，很香甜的紅棗味之餘亦很軟糯燒賣最喜歡酒樓叫的燒賣，足料豐富，配上小量蝦籽，十分滿足

HO Yin🖤 Harbour View Chinese Cuisine🌊🥢..係銅鑼灣行完街🛍 到食晚飯時間，黎到皇室堡樓上既中菜餐廳🥢，試左間新開既海景酒家。上到黎環境舒服，簡潔明亮沒壓迫感，好岩同屋企人黎食飯，而且價錢大眾化，設有花花牆身顯優雅，更設有獨立房間私穩度高喔！🔸蜜汁例牌叉燒王 $138🔸菜遠珍菌炒牛肉 $118🔸香辣茄子牛腩煲 $138簡單試左幾款小菜，份量足，好岩餸飯🍚 真係飯都食多2碗🤗！叉燒啖啖肉🐽 加上蜜汁香甜；而茄子牛腩，炆煮入味又軟腍，入口鬆軟，茄子一向心得我心💜；菜心翠綠牛肉份量足。最後飯後糖水既紫米露，香糯不太甜，完美！呢個套餐都好抵，下次可以再試下！..×××××ש銅鑼灣告士打道311號皇室堡9樓..

好耐冇飲茶，今次來到銅鑼灣皇室堡嘅豪宴薈食點心。 呢度地點方便，而且有大大嘅玻璃，景色非常開揚，令人感覺舒適。🥰我哋點了薑蔥牛柏葉、醬皇金錢肚、蜜汁叉燒包、酸甜炸雲吞、原隻鮮蝦腸粉、蠔皇珍菌炆伊麵。😍薑蔥牛柏葉，柔軟的牛柏葉加上香氣濃郁的薑蔥調味，令人回味無窮。😋醬皇金錢肚，使用了豐富的醬汁和嫩滑的豬肚，帶點微辣，非常惹味。😋蜜汁叉燒包，包皮柔軟，內餡鮮嫩多汁，蜜汁的甜味非常適中。😋酸甜炸雲吞，而家嘅茶樓已經好少見，外皮炸得酥脆，淋上酸甜的醬汁，非常開胃。😋原隻鮮蝦腸粉，外層腸粉柔軟香滑，內部蝦仁鮮美。😋蠔皇珍菌炆伊麵，炆得恰到好處的伊麵配上豐富的蠔油醬汁和鮮美的珍菌，非常滋味。😋

朋友介紹，佢話銅鑼灣皇室堡新開左間酒樓，D嘢食都幾好。所以今日同老公行完街，就上左黎呢度食晚飯。一出電梯就見到好靚花花牆比人打卡，入黎就見到都已經差唔多坐滿人。呢度都幾大，餐具無油好乾淨，感覺幾好。呢度menu都幾多款式，老公想食龍蝦，見到有個開心孖寶都幾抵食，有西澳龍蝦同脆皮雞，都只係$348，散叫一隻西澳龍蝦配伊麵都要呢個價。最後我哋叫呢個開心孖寶，然後叫左個湯，再加個蔬菜。杏汁燉豬肺湯：呢個係燉湯，勁香杏仁味，豬肺淋，老公勁鐘意，佢話好好飲，夠養生。上湯焗西澳洲龍蝦配稻庭烏冬：賣相吸引，龍蝦夠大隻，入口啖啖肉，彈牙有口感，新鮮。上湯味道調得幾好，芡汁薄薄地，又唔會煮到個一舊舊。配埋稻庭烏冬煙煙韌韌，唔錯。脆皮吊燒雞：半隻雞都多喎，咬落皮脆，雞醃得夠入味，肉質滑，唔駛點豉油都好好味。竹笙鼎湖上素：裡面有菇、筍、紅蘿蔔、銀芽、菜心、雪耳同竹笙，材料幾豐富。整體味道清清淡淡帶少少鹹味，食左咁多油膩嘢清一清都幾好。白飯：咁多餸咁就不如配個白飯，白飯唔算太多，正常份量。紫米西米露：糖水雖然係送，但真係一D都唔馬虎。味道唔太甜，紫米淋，底部仲有西米，幾好食。

一家人食飯最緊要地方企理，價錢實惠，今晚我們去咗皇室堡的豪宴薈，環境好舒服而價錢公道。記得留意優惠套餐或者優惠雙寶，很吸引例如：翡翠生煎龍躉球 $198魚肉大塊厚切，啖啖肉，配西芹很夾，份量豐富，炒得幾有鑊氣。順德欖角骨 $118件件都好大，鍾意食肉見到好開心，味道豐富但唔會過鹹，炸過所以好香。花菇紅燒豆腐 $98紅燒豆腐外脆內軟，芡汁豐富，送白飯正好。最後仲有糖水送，我哋一人一個紅豆沙、一個紫米露，甜度適中，味道真係唔錯。

相約友人到銅鑼灣飲茶傾計，她揀了在皇室堡開張不久的"豪宴薈‘’。"豪宴薈‘’ 環境廣闊開揚，佈置精美，很適合作婚宴和各式宴會。蝦餃$39.8~粒粒飽滿，皮簿煙韌，蝦的肉質彈牙爽口，好味！銀杏鹹菜豬肚$58~豬肚軟腍入味，湯料有腐竹，咸菜和銀杏，湯的味道有咸菜味而不太濃，有小小胡椒味道，不錯。春風得意紅米腸$36.8~腸粉滑嫩，油炸鬼口感鬆脆而不油膩，蝦也嫩滑鮮甜，喜歡較健康食品素材，感覺紅米比白米更健康。鮑汁鳳爪$50~炆得不太腍有咬口，鮑汁也不太糊口不會太鹹，正！黑魚子芋角$33.8~炸得幾鬆化不油膩，芋蓉芋頭味香濃，與黑魚子的味道十分相配，用魚子做餡料很有特色，有別於一般芋角。粗糧榚$36.3~味道有些似兒時食過的白糖糕加鬆榚混合版，不甜，我喜歡這個口味口感，實實淨淨有彈性，又不黏口。陳皮紅豆沙$26.8~陳皮味很香，紅豆很甜很腍，食埋甜品啱啱好。

🎈豪宴薈同朋友去街經常都係飲咖啡，今次就搵啲新意思去飲茶🥰皇室堡樓上嘅豪宴薈地點方便，行街過後嚟歎一盅兩件就最適合🎈蟹籽燒賣皇燒賣皇啖啖肉，內有爽口彈牙嘅蝦肉，經典滋味🎈黑松露鮮蝦帶子餃 黑松露味香濃， 蝦肉及帶子爽口彈牙，配煙韌外皮幾好味🎈一口脆皮豆腐外脆內軟嘅脆皮豆腐香口惹味🎈春風得意紅米腸紅米腸包住脆卜卜嘅油條釀蝦肉，配搭創新亦頗有口感🎈沙律明蝦角飲茶必食的點心，香脆外皮裡面有滿滿蝦肉，點沙律醬一流🎈燒鵝瀨粉燒鵝皮微微脆充滿油香，鵝肉滑嫩而且幾厚肉，點酸梅醬食唔會膩🎈切雞米粉下午茶時間$38就有大大碗滑嫩切雞米粉，比唔少快餐店更抵食🎈補腦核桃包第一次在香港見到呢款包，內裡有核桃粒粒，甜甜哋幾有核桃香🎈紅油抄手醬汁帶有醋香，味道微辣

晚上同屋企人想係酒樓食晚飯，發現公司附近嘅酒樓有晚飯孖寶優惠，所以特登黎食下😍酒樓都闊落同幾靚，一出𨋢門已經睇到好多菜式都有優惠😆我地揀左以下開心孖寶同海鮮孖寶D🤤開心孖寶入面有🦞上湯焗西澳洲龍蝦同脆皮吊燒雞🐔龍蝦好多肉，大大嘅龍蝦球好彈牙😍同鮮甜🥰啖啖肉😋食落好滿足🤭烏冬掛上湯汁🤤有滿滿龍蝦鮮味脆皮吊燒雞香脆肉嫩😋雞皮好薄又脆😍海鮮孖寶D入面係白灼海生蝦配晚爐燒鵝皇🤤海生蝦大大隻，口感彈牙又鮮甜☺️晚爐燒鵝皇外皮香香，味道帶油香，燒鵝嫩滑🤩仲有糖水送🥰

極靚維港景觀🥰新開張以來bookmark咗好耐地點就腳 有無敵景觀 重點係親民嘅價錢位於銅鑼灣熱門地段但竟然都有好多套餐優惠本身想食龍蝦拼炸子雞孖寶🦞可惜皮膚過敏🙁冇得食龍蝦咁就一於食啲溫和啲嘅紅燒斑頭腩煲本身仲驚斑頭腩冇咩肉食點知舊舊都多肉仲有大概7大件上菜時吱吱聲勁有鑊氣仲有樂多什菌，洋蔥等配料咸魚煎肉餅咸魚夠晒咸香 味道好出肉餅脹卜卜得嚟又煎得好香口海鮮雜菜煲菜心、西蘭花，白菜仔湯頭好清唔會成煲味精湯仲有好多蝦、魷魚、帶子個底仲有粉絲吸收晒啲精華添炸子雞兩位可以加$48要半隻隻雞醃得夠晒咸香炸得好透徹得嚟又唔會老層皮脆卜卜又唔會好多見膏勁好味！最尾仲有糖水送要咗一碗紅荳莎一碗芋頭紫米露抵讚嘅係夠晒熱兩樣食落都唔會過甜紫米露裏面嘅芋頭好夠綿勁正呢度嘅員工好nice收碟又快❣️

我媽咪好鍾意飲茶🤭我知道銅鑼灣皇室堡新開左間酒樓，梗係同佢一齊去試吓啦，呢到裝修得好靚好舒服👍🏻門口嘅花裝飾打卡一流，重要望到海景😍藍色地氈配超柔和燈光，喺到嘆茶真係舒服到不得了👍🏻呢到嘅下午茶相當抵食，點心二十幾蚊咋，茶芥每位十一蚊。燒汁煎釀茄子 共四件，大大件，煎得好香口，唔會油淋淋，鯪魚肉都好彈牙👍🏻蒜蓉蝦春卷 推介必點之選⭐️第一次食到春卷入面有蒜蓉味😋勁香口脆卜卜，啲蝦好彈牙，點埋喼汁食一流👍🏻魚茸燒賣 第一次食魚茸燒賣，整法係加左鯪魚肉整嘅燒賣，好彈牙好滑油雞飯(碗）呢到啲油雞整得相當入味重相當滑👍🏻份量都好足菠蘿脆皮咕嚕肉 啖啖肉酸酸甜甜，配料五顏六色，望落相當開胃，送飯一流紅燒乳鴿皇 燒得唔錯，肉汁夠juicy,點埋淮鹽食，真係正到暈👍🏻

經過三年疫情，好多餐廳都已經捱唔住，相繼結業，特別係好難搵到一間啱心水嘅宴會酒樓，重拾他日外出用膳的熱鬧氛圍。呢日知道皇室堡新開左間「豪宴薈」，菜式精緻，坐擁全層空間，飽覽維港景色，好想過黎試試。呢晚客人唔少，氣氛頗為熱鬧，結果試完啲菜又覺得非常驚喜🙂值得與家人在此相聚👍🏻開心孖寶套餐（$288）脆皮吊燒雞（半隻）🐤🐤外皮烤得很脆，色澤金黃，非常誘人，內裡則保持了雞肉的滋味和嫩度，燒雞時加入調味料令肉質更香嫩可口，半隻份量適合兩個人享用。上湯焗西澳洲龍蝦伊麵🦞🦞套餐本身跟烏冬，但龍蝦又點可以唔配伊麵呢？所以+$30改左伊麵底，錢都加得無錯。龍蝦色澤鮮豔，肉質鮮美，經過焗烤後更加香甜可口，而且湯汁濃郁，配上彈牙伊麵條非常可口，散發出的香氣令人垂涎欲滴，非常值得品嚐。杏汁燉豬肺湯（$58）🐽🐽非常滋補身體和養生，杏汁則有助於潤燥止咳、養顏美容等功效，滋味鮮美，口感清爽，清熱解毒。西芹腰果蝦仁（$138）🥗🥗非常清爽，西芹的清香和腰果的香脆口感與蝦仁的鮮甜味道相得益彰，營養豐富，非常開胃。這道菜擺盤精美，讓人一看就有食指大動的感覺。豪宴薈 (銅鑼灣)地址：銅鑼灣告士打道311號皇室堡9樓

最近見到皇室堡又新酒樓，即刻上去試下。午市1點左右去到 不用等位就入得💪🏻今日真好彩！ 酒樓內籠都光猛，窗口位仲望到維園風光，座位都闊落👍🏻酒樓姐姐仲好好服務， 同佢講話個風口位有啲涼即刻轉左另一張比我地， 加熱水同收碟速度都讚！酒樓點心的價錢喺銅鑼灣嚟講都算抵食， 二至三十蚊有一籠，質素都有返甘上下👍🏻本人特別中意佢個金錢肚同牛栢菜， 份量足又入味！朋友就中意佢個薑醋， 甜甜地又補身。叫左九碟點心食都捧腹而回都係每人兩百蚊❤️

平時鍾意鍾意飲啖茶食個包😮‍💨，知道大埔「豪宴薈」喺銅鑼灣開咗分店，同母親大人嘆個靚靚下午茶先🥰。🥢原隻蝦餃皇蝦餃皮薄喊靚，大大粒蝦肉。🥢蟹籽燒賣皇口感扎實 。🥢黑松露鮮帶子餃帶子餃鮮甜美味 黑松露香噴噴。🥢沙律明蝦角好耐冇食過蝦角🥹，係回憶的味道。蘸上 沙律醬更淡味。🥢鮑汁炆鳳爪鳳爪軟腍入味，花生🥜食唔停口。🥢紅燒乳鴿皮脆肉嫩，一咬飽滿肉汁，做得不錯👍🏿。🥢燒腩仔米粉燒腩仔肥瘦相間，皮脆卜卜，記得要趁熱食😬。

幾天前和朋友在酒樓用餐不慎遺下錢包，多得貴員工拾金不味，完好無缺交還。多謝領導們教育培訓有方，不留名的員工品德高尚。感謝萬分。酒樓環境優美，全海境，食物質素高！

銅鑼灣的豪宴薈，位於皇室堡的9樓全層，裝修布置了粉紅色的玫瑰，雅緻新潮，充滿著浪漫與溫馨。Menu頗多選擇。西蘭花炒帶子，帶子很大隻，很新鮮，所以口感煙韌及鮮甜。西蘭花食得出用高湯煮，很入味清脆。海鮮孖寶 清蒸沙巴班仔，沙巴班仔不是很大條，肉質嫩及滑，鼓油帶少少甜，調較得很好味。脆皮燒腩仔有少少鞋，切得不是很大件，差不多一件一口，很喜愛脆卜卜的燒腩仔皮，燒腩仔醃得也頗入味的！ 食完餐廳還送上一個紅豆西米糖水。